Свет
Прво намалување на даноците во Грција во пет години штедење
Предлог буџетот на грчката влада за 2015 година, претставен неделава, по прв пат за 40 години ќе биде врамнотежен, а по пет години строги мерки на штедење ќе има и намалување на даночното оптоварување за граѓаните.
Грчкиот министер за финансии Гикас Хардоувелис деновиве најави укинување на данокот на солидарност кој го плаќаа граѓаните со доход поголем од 12.000 евра, како и намалување на придонесите за социјално осигурување, со цел да се поттикне вработувањето.
За 30 отсто ќе биде намален и посебниот данок на маслото за домаќинство воведен во 2012 година, кој грчкото национално здружение на трговци со горива веднаш го прогласи за фијаско. Воведувањето на овој данок, велат сега од министерстовто за финансии, ја намалил потрошувачката на маслото за домаќинство за повеќе од две третини што доведе до пад на буџетските приходи за околу 400 милиони евра.
Останатите мерки вклучуваат укинување на одлуката за кастрење на платите во јавниот сектор, врз основа на пресудата на врховниот суд дека таквиот данок е противзаконски, како и овозможување на нередовните плаќачи на данок да ги подмират своите обврски во повеќе рати.
Овие мерки се прв чекор кон исполнување на ветувањето на грчкиот премиер Антонис Самарас дека ќе ги намали даноците. Во јуни, имено, премиерот рече дека во наредните години ќе се скастрат даноците секаде, како и дека даночниот систем ќе стане похуман кон обврзниците кои ќе се најдат во потешкотии при помирувањето на своите обврски.
Претходно во септември Самарас најави дека ќе ја намали највисоката стапка на данок на доход од 42 на 32 отсто, данокот на добивка од 25 на 15 отсто, како и дека ќе ги снижи стапките на данокот на додадена вредност и на прометот со недвижности.
И додека грчката економија се очекува во наредната година да оствари силно закрепнување, по проценета стапка на раст од 2,9 отсто, грчката влада очекува дека во 2015 година за прв пат државата ќе има воглавно врамнотежен буџет, со номинален дефицит од само 0,2 отсто. Доколку од буџетот се одземат отплатите на ратите за кредитите, буџетот би имал суфицит од 3 отсто од БДП.
Иако плановите за намалување на даночното оптоварување мора да бидат потврдени од меѓународната тројка на кредитори, грчката влада предлог буџетот за наредната година веќе го нарече клучен пресврт за Грција и нејзините даночни обврзници. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.