Свет
Руската економија пораснала за 1,2 отсто во вториот квартал
Активностите во руската економија пораснале во вториот квартал од 2014 година за 1,2 отсто во однос на истиот период минатата 2013 година, и покрај санкциите што САД и Европската унија и го наметнаа поради присоединувањето на црноморскиот полуостров Крим на Русија во март што западот го смета за руска анексија на украинска територија, соопшти руското министерството за економија во Москва истакнувајќи дека прелиминарната процена е малку подбра од очекуваното.
Активностите во руската економија пораснале во вториот квартал од 2014 година за 1,2 отсто во однос на истиот период минатата 2013 година, и покрај санкциите што САД и Европската унија и го наметнаа поради присоединувањето на црноморскиот полуостров Крим на Русија во март што западот го смета за руска анексија на украинска територија, соопшти руското министерството за економија во Москва истакнувајќи дека прелиминарната процена е малку подбра од очекуваното.
„Резултатите се нешто подобри отколку што предвидувавме, со акцент на ’нешто’“, изјави во понеделникот рускиот министер за економија Алексеј Улукаев. Додаде дека „прочистените“ официјални податоци од официјалната статистичка агенција ќе бидат објавени подоцна.
Меѓународниот монетарен фонд (ММФ) во јуни објави дека Русија е веќе во рецесија, а руската централна банка проценува дека растот за целата 2014 година веројатно ќе биде забавен на 0,4 отсто.
Во првиот квартал од годинава, активностите пораснаа за 0,9 отсто, а Улукаев истакна дека процената за вториот квартал од 0,2-проценте поен е поголема отколку што проценувале во неговото министерство, и тоа веројатно благодарејќи на растот на активностите во индустријата.
„Годинава индустријата станува главната локомотива на растот“, му реферирал Улукаев на претседателот Владимир Путин на средбата, наведувајќи дека индустриските активности во вториот годинешен квартал пораснале за 2,5 отсто, поп ,18-процентниот раст во првите три месеца од 2014 година.
Руската економија трпи сепак последици од украинската криза, и западните аналитичари проценуваат дека го забрзала одливот на капиталот и предизвикала пад на вредност ана рубљата.
Улукаев, пак, тврди дека слабата рубља им оди во полза на извозниците, како и дека настојувањата да се намали увозот и да се поттикне домашното производство веќе даваат резултати. „Подобрен е нашиот извоз на метали, ѓубрива, а помалку се увезува, започна да се изнаоѓаат алтернативите за увозот“, тврди рускиот министер за економија.
Кредитната агенција Moddy’s кон крајот на јуни го намали кредитниот рејтинг на Русија, а Улукаев тогаш предвидуваше дека подлабоките економски санкции врз клучните извозни гранки, како што е енергетиката, ќе ја турнат руската економија во рецесија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.