Свет
Започнува изградбата на Трансјадранскиот гасовод од Солун
Свечената церемонија со којашто ќе се одбележи почетокот на работите за изградбата на грчкиот дел од Трансјадранскиот гасовод (Trans Adriatic Pipeline – TAP) ќе се одржи во вторник во хотелот „The Met“ во Солун, а најавено е присуството на грчкиот премиер Алексис Ципрас, министерот а животна средина и енергија на Грција, Панос Скурлетис, како и министрите за енергија на Азербејџан и на Бугарија, Натиг Алиев односно Теменушка Петкова, потпретседателот на Европската комисија, Марош Шевчович, и специјалниот пратеник и координатор за меѓународни енергетски прашања на американскиот Стејт департмент, Амос Хокстејн.
Гасоводот TAP е последната фаза од Јужниот гасен коридор (SGC), наменет за транспорт на европските пазари на азербејџанскиот гас, кој ќе се произведува во рамките на втората етапа од развој на гасокондензатното наоѓалиште Шах Дениз од шкрилци во Каспиското Море, со потврден резерви од 1.200 милијарди кубни метри гас. Тој ќе се протега од турско-грчката граница преку Грција, Албанија, Јадранското Море до југот на Италија.
Договорот за изградба на TAP беше потпишан во Атина на 13-ти февруари 2013 година, од страна на Грција, Албанија и Италија, за гасоводот на кој ќе биде приклучена и Бугарија, а во март годинава Европската комисија го одобри договорот. „Овој проект ќе ја подобри сигурноста и диверзификацијата на енергетското снабдување на ЕУ, без да се нарушуваат правилата на конкуренција на внатрешниот пазар“, објави тогаш ЕК. Во документот, исто така, беше наведено дека во проектот ќе бидат инвестирани 5,6 милијарди евра во следните пет години, од кои 2,3 милијарди евра се однесуваат на неговиот дел во Грција.
Со завршувањето на TAP во 2020 година, азербејџанскиот природен гас директно ќе биде доставуван до европскиот пазар, и тоа ќе биде првпат Европа да го добива енергенсот од нов извор.
Вкупната должина на TAP ќе изнесува 870 километри, од кои 543 км во Грција, од градот Комотини во североисточниот дел на земјата, ќе ја пресече Албанија во должина од 205 км и по дното на Јадранското Море во должина од околу 110 км ќе дојде до југо на Италија, на чија територија ќе бидат изградени уште 5 км гасовод. По целата копнена траса цевките ќе бидат поставен на длабочина од 1,5 метри. Највисоката кота на рутата е во општината Потом во Албанија, на 1.800 метри надморска височина, а најголемата длабочина на морското дно ќе изнесува 810 метри.
Изградбата на копнената рута од TAP во Грција, Албанија и Италија, ќе започне подоцна во 2016 година и ќе заврши во рок од 3,5 години. Изградбата на морскиот дел е планирана за зимата 2017/2018 година. Во 2019-та ќе се вршат подготвителните работи за ставање на гасоводот во експлоатација, а почетокот на доставувањето на гасот преку TAP е планирано за 2020 година. Капацитетот на гасоводот ќе изнесува 10 милијарди кубни метри гас годишно, со можност за зголемување до 20 милијарди кубни метри гас.
Акционери во TAP се британската енергетска компанија BP со 20 отсто од уделот, азербејџанската SOCAR (Државна нафтена компанија на Азербејџан) со 20 проценти, италијанската Snam, исто така, со 20 отсто удел, белгиската Fluxys со 19, шпанската Enagas со 16 и швајцарската AXPO со 5 отсто од уделот.
Во соседна Грција нафтоводот ќе минува на територијата на 13 региони, а со цел да се отстранат стравувањата на јавноста во врска со заштитата на животната средина, властите одржаа повеќе од 500 средби со локалните власти и тамошното население.
Со завршувањето на овој гасовод, Азербејџан кој од 2007 година со испораките во Турција започна со учество на регионалните пазари, ќе се појави во Италија, којашто има потреба од 70 милијарди кубни мери годишно, но преку TAP ќе може да добива само 8 милијарди кубни метри гас.
Јужниот гасен коридор, инаку, треба да се протега речиси на 3.500 километри од Баку до јужна Италија. Во иднина, Европската унија се надева дека преку истата магистрала на испораки и на туркменски и ирачки гас. За тоа е неопходна изградба на дополнителна инфраструктура, особено на Транскаспискиот гасовод по дното на морето од источниот до западниот брег, за што лобира ЕУ.
Преку овој гасовод се планираат извоз на 16 милијарди кубни метри природен гас годишно, од кои 6 милијарди во Турција и 10 милијарди гас во Европа. Вкупните потврдени резерви природен гас на Азербејџан изнесуваат 2.600 милијарди кубни метри./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.