Контакт

Fact checking

Реконструкција на Влада до крајот на април

Објавено пред

Fact checking

ВМРО ДПМНЕ: Не го прифаќаме референдумското прашање, но ќе учествуваме на седницата

Објавено пред

Прикажи повеќе...

Fact checking

(Видео) Што вети, а не исполни Владата на СДСМ за една година

Објавено пред

Година на промени за просперитетна земја за сите граѓани, вака премиерот Зоран Заев со една реченица сумираше што е постигнато во изминатите 365 дена. Владата се пофали дека исполнила сè што ветила, но реалноста е поинаква. Заев на прес-конференција во средата по повод една година од Владата на СДСМ кажа што исполнија, но изостави да спомене што не исполнија, а ветија.

На предизборните митинзи СДСМ најгласно ветуваше зголемување на просечната плата на 30 000 денари и зголемување на минималната плата до 16 000 денари. Иако во владината програма која беше објавена по изборите пишува дека зголемувањето на минималната и просечната плата ќе достигнат 16, односно 30 000 денари до крајот на мандатот, на митинзите тоа не беше така прецизно кажувано и се одаваше впечаток дека СДСМ ветува дека ќе го оствари тоа веднаш откако ќе дојде на власт. Иако СДСМ ветуваше дека тоа ќе се случи во април минатата година, во септември лани минималната плата беше зголемена од 10 на 12 000 денари, а според најновите податоци од Државниот завод за статитика, просечната месечна исплатена нето-плата по вработен во март годинава изнесува 23 694 денари.

Низа протести предизвика и неисполнувањето на ветувањето за намалување на надоместокот на извршителите и за должниците кои се социјални случаи. СДСМ во 2016 година вети дека извршувањето ќе биде без наплата на извршителска тарифа за социјалните случаи. Две години подоцна Владата повторно го ветува истото. „Убеден сум дека можеме да успееме. Ако посветено работиме можеме да изнајдеме решение за вакви горливи проблеми. Но, од еден дел од своите приходи треба да се откажат и нотарите и државата“, изјави Заев на прес-конференција на 1 мај годинава.

Исто така, СДСМ вети и дека на секој граѓанин ќе му се враќаат 15 проценти од платениот ДДВ. СДСМ оваа мерка ја ветуваше и во 2013 година. Заев во кампањата за изборите во декември 2016 година оваа мерка ја промовираше како една од најважните и ветуваше дека ќе биде донесена веднаш по денот на изборите, 11 декември. „Ако потрошите илјада денари, имате 180 денари ДДВ внатре. Ние предлагаме 15 проценти од тоа ДДВ што го има на секоја сметка, за вода, за храна, за облека, за струја, за сè што плаќаме, 15 проценти да се врати назад кон граѓаните“, ветуваше Заев.

Актуелниот премиер на митинзите велеше дека парите ќе се вратат кај граѓаните и дека сè што било украдено од претходната власт ќе биде вратено. Тој во сите јавни настапи повторуваше дека на Триумфалната капија ќе постави бројчаник на кој како што Агенцијата за запленет имот ќе продаде имот и ќе врати пари во буџетот, така ќе заврти бројчаникот. „Сè што е украдено ќе се врати“, велеше Заев.

Тој веднаш по преземањето на премиерската функција најави и распуштање на судството и негов реизбор и формирање специјално одделение во судот за предмети на специјалното јавно обвинителство. Во јули минатата година вицепремиерот за европски прашања, Бујар Османи, го кажа спротивното од тоа што го најави Заев. „Мислам дека е апсолутно погрешна интерпретацијата дека владата или новото парламентарно мнозинство ќе прави реизбор на судии. Ќе се зголеми улогата на новиот Судски совет во дефинирање на постапките за избори или дисциплинирање на судиите“, рече Османи на 23 јули, 2017 година.

Во здравството, СДСМ вети бесплатно болничко лекување за сите граѓани и зголемување на капитациониот бод на матичните лекари на 90 денари. Во март годинава Владата донесе одлука за бесплатно лекување само за лицата на возраст до 18 години чии семејства се корисници на социјална парична помош. Капитациониот бод не е зголемен и изнесува 55 денари.

Во предизборната кампања СДСМ вети и дека ќе се посвети на целосно расветлување на кумановските настани од мај 2015 и откривање на иницијаторите и позадината на целиот случај. „Ќе побараме и меѓународна поддршка во истрагата заради обезбедување на сите релевантни информации, но и за обезбедување потполна доверба на граѓаните во резултатите од истрагата. Воедно ресорното министерство ќе даде целосна логистичка поддршка на обвинителсите судски инстанци во отворањето и водење постапки за предметите Сопот, Бродец, смртта на Мартин Нешкоски и на Никола Младенов и за ‘Монструм’“, пишува во владината програма. Сите наведени случаи до ден денес не се расчистени.

Заев и СДСМ ветија општество со нула корупција. „Нашата Влада и јас како премиер, но и сите претставници на локалната власт, како и претставниците од граѓанскиот сектор и од приватниот сектор, имаме одговорност да се справиме со сериозните предизвици што корупцијата ги поставува пред нас. Корупцијата е закана за воспоставување владеење на правото, а ние презедовме обврска дека во Македонија ќе владее правото. Затоа, мораме да дејствуваме одлучно и со нула толеранција кон корупцијата. Со ова јасно укажувам дека никој нема да биде изземен од одговорност“, нагласи премиерот во обраќање во декември лани.

Претходно, Заев на 1 ноември обелодени дека двајца членови на неговата Влада се под истрага за корупција, а до денес нема никакви информации до каде е истрагата, ниту, пак, се откриени имињата на двајцата функционери.

Во последниот извештај на „Транспаренси интернешнл“ се наведува дека Република Македонија и понатаму не презема доволни напори за исполнување на препораките на ГРЕКО за борба против корупцијата. Во јануари минатата година „Транспаренси интернешнл – Македонија“ веќе ја извести јавноста дека државата не презема доволно активности за борба против корупцијата во согласност со овие препораки. „Денес, речиси една година подоцна, работите не се поместени од точката на која биле и тогаш“, констатираат од оваа организација во извештајот за минатата 2017 година. И извештајот на Транспарентност Македонија (ТМ) за периодот јануари – април 2018 покажа дека резултатите во трансформирањето на капацитетите на државата за борба против криминалот и корупцијата, најблаго речено, се делумни и бавни. Во извештајот се наведува и дека реформите во правосудството се запрени во коридорите на политичките и правните перипетии.

Сè уште не е донесен и новиот закон за работни односи во кој меѓу другото е предвидено договорите по 6 месеци на определено да се трансформираат на неопределено, во кој се гарантира враќање на истото работно место по породилно отсуство, како и овозможување на заедничко користење на родителско отсуство на двајцата родители за првите 1-3 месеци, односно по истекот на 3 месеци мајката или таткото го продолжува породилното отсуство.

Владата вети и изградба на студентски град во Скопје со модерни архитектонски решенија, како и фунцкионални содржини – спортски сали, читални, библиотеки, ресторани, кино-сали и фитнес-центри и нова студентска зграда во Автокоманда со преку 700 легла. Во владината програма е наведено и дека „Мој термин“ ќе се замени во нов систем кој ќе гарантира брза и квалитетна здравствена заштита на секое ниво и ќе го намали времето за административни обврски на докторите.

Уште еден проблем кој сè уште не е решен е и снемувањето на лекови после 15. во месецот кој СДСМ вети дека ќе го реши. „Владата ќе работи на надминување на проблемот со немање лекови на рецепт после 15. во месецот. Ќе се воспостви систем кој ќе оневозможи злоупотреба на препишаните рецепти и фиктивно трошење на месечните квоти за набавка на лекови“, пишува во владината програма.

Останаа нереализирани и ветувањата за трет мобилен оператор, за изградба на регионални центри за управување со отпадот и зголемување на зелените површини во градовите. Владата вети и попис на населението, како и измени во Кривичниот закон со цел криењето на јавниот долг да стане кривично дело.

Што вети и спроведе Владата на СДСМ?

Ја укина радиодифузната такса, воведе евтина струја два часа секој ден, го укина екстерното тестирање, го реши проблемот со стечајните работници и околу 5 000 стечајни работници добиваат месечен надоместок од 7 596 денари. Се изедначија условите за бизнис за домашните и странските компании. Програмите за финансиска поддршка во земјоделството и руралниот развој за 2017 година беа зголемени за 10 милиони евра, мерката „Млад земјоделец“ беше зголемена за 4 милиони евра, за 23 пати се намали цената на државното градежно земјиште во 58 општини, беа обезбедени 135 милиони денари за поддршка за малите и средни претпријатија и за поддршка на домашни гринфилд инвестиции…

Прикажи повеќе...

Fact checking

Проверка со факти – Груевски: „Не сум комуницирал со судии“

Објавено пред

Прикажи повеќе...

Најново

Европа1 час

Германски министер во посета на Аушвиц: Со тага и срам се поклонувам пред милиони жртви

Германскиот министер за надворешни работи, Хајко Мас, го посети поранешниот нацистички логор на смртта, Аушвиц. Притоа тој рече дека со...

Мартин Протоѓер, СЈО, Титаник Мартин Протоѓер, СЈО, Титаник
Македонија7 часа

„Ќе им се мочам у уста на ‘А1’“, ѝ вели Протоѓер на Јанкулоска

По паузата во кривичниот суд, продолжи објавувањето на бомбите во предметот „Титаник“. Досега, од 1.063 бомби, објавени се 219. Во...

Македонија8 часа

Полициските станици немаат бензин, му се жали Јанкулоска на Ставрески

Во телефонски разговор од 31 мај 2011 година, меѓу Гордана Јанкулоска и Зоран Ставрески, ексминистерката му се жали на вицепремиерот...

Економија9 часа

Дизелот поскапува, бензините поевтинуваат

Од ноќеска на полноќ бензините ќе поевтинат за половина денар, а цената на дизелот ќе се зголеми за половина денар,...

Регион10 часа

(Фото) Претепаната Британка во Сплит раскажува: Беше ужасно, нè заклучија во соба и почнаа да нè тепаат

Полицијата во Сплит потврди дека младата Британка била нападната за време на својот одмор во Сплит во хостелот во кој...

Македонија10 часа

Дерковски: Јанакиески може давал инструкции, но прашање е дали јас сум го послушал

Учествувам во избори уште од 1994 година и од секогаш сум соработувал со институциите, Јанакиески може да дава насоки, но...

Македонија11 час

Претседателот на ДИК, Дерковски, во бомбите добива насоки од Јанакиески за денот на гласањето

Оливер Дерковски, сегашниот претседател на ДИК, го има во бомбите што се пуштаат во јавноста. Во еден од разговорите од...

Македонија12 часа

„Кажете дека брашното е канцерогено“, Јанакиески нарачувал инспекции во ромското маало во Струмица

Во кривичниот суд во Скопје продолжи пуштањето на бомбите во предметот „Титаник“ на специјалното јавно обвинителство. Во неколку од разговорите...

Економија12 часа

Грција ја напушта европската програма за помош

Грција излезе од кризата и ја напушта европската програма за помош. По осум години економски реформи, кои беа под надзор...

Регион13 часа

Гром усмрти момче на плажа кај Сплит

Сплит и околината вчера ги зафати невреме во кое загина младо момче. Како што пренесуваат хрватските медиуми, момчето го погодило...

Свет13 часа

(Видео) Пукање врз Амбасадата на САД во Анкара

Врз Амбасада на САД во Анкара, околу пет часот по локално време, биле испалени неколку истрели од возило во движење....

Свет1 ден

Долг, сериозен и детален разговор помеѓу Путин и Меркел

Три часа траеа разговорите помеѓу лидерите на Русија и Германија, Владимир Путин и Ангела Меркел во Берлин. Портпаролот на рускиот...

Свет1 ден

(Видео) Два силни земјотресa од над шест степени ја погодија Индонезија

Индонезискиот остров Ломбок денеска го погодија два силни земјотресa, со јачина од 6,3 и 6,9 степени според Рихтеровата скала, а...

Регион1 ден

Дачиќ во Анталија: Србија нема да биде дел од никаква коалиција против Турција

Шефот на српската дипломатија, Ивица Дачиќ, денеска од Анталија изјави дека Србија е верен и искрен пријател на Турција и...

Свет1 ден

Францијa: Кај 840 мостови постои ризик од евентуално уривање

Околу 840 мостови во Франција имаат сериозна штета и се изложени на голем ризик од нивно можно уривање, покажуваат податоците...

Регион1 ден

Запленети 247 килограми марихуана во близина на грчко-албанската граница

Грчката полиција во две одделни акции запленила 247 килограми марихуана внесена од Албанија. Во првиот случај во Неа Селефкиа, кај...

Економија2 дена

Во вторник ново задолжување од 6,5 милиони евра за да се вратат стари долгови

Во вторник, 21 август, Министерството за финансии од домашните банки ќе побара заем од 6,5 милиони евра. Станува збор за...

Свет2 дена

Нов силен земјотрес го погоди индонезискиот остров Ломбок

Силен земјотрес со јачина од 6,2 степени според рихтеровата скала денеска го погоди индонезискиот остров Ломбок, соопшти американскиот геолошки институт....

Македонија2 дена

На Богородица и Табановце се чека од 15 до 30 минути за влез и излез од државата

Интензитетот на сообраќајот на патните правци надвор од градските средини е умерен, а на граничните премини Богородица и Табановце се...

Свет2 дена

Oд понеделник во Гана еднонеделна жалост по смртта на поранешниот Генерален секретар на ОН

Претседателот на Гана, Нана Акуфо Адо од понеделник прогласи еднонеделна жалост по смртта на поранешниот Генерален секретар на Обединетите нации...

Досие