Контакт

Фени

Заговор за „Фени“, излезе аудиоснимка од лобирањето на претседателот на Синдикатот за Бугарите 

Објавено пред

Неколкумесечните тврдења дека претседателот на Синдикатот на „Фени“, Ѓоре Палитов, е продолжена рака на раководството и лобира за бугарската компанија „Енекод“, вработените во фабриката ги поткрепија со аудиоснимка. Тие во „Макфакс“ испратија тонски запис од состанок на Палитов со транспортерите, на кој ги убедува дека најдобро решение за фабриката, и покрај отворената стечајна постапка во велешкиот суд, е бугарската компанија. Состанокот се одржал во вторникот вечерта, а веќе во средата фирмите што вршеле транспорт за „Фени“ писмено се заканија дека ќе блокираат секакво рестартирање на фабриката ако не им се исплати долгот. Вчера, пак, велешкиот суд го одложи рочиштето за стечајната постапкпка за „Фени“. Поради жалба на Апелација од „Кунико рисирсис“ како досегашен сопственик, предметот не бил кај судијката Валентина Ѓоргиевска и поради тоа не можела да работи по него, па ново рочиште закажа за 7 февруари.

Вработените во „Фени“ ни ја испратија снимката револтирани од постојаното одложување на постапката преку која се надеваат дека ќе се најде решение за фабриката повторно да почне да работи.

Претседателот на Синдикатот на „Фени“ има главен збор на состанокот, според снимката, иако транспортерите не се во негова надлежност, туку имаат своја синдикална органзација. И покрај многуте изјави во изминатиот период на највисоките владини претставници, претставници на банките и стечајниот управник дека ќе се примени форма на стечај со реструктурирање, која има цел фабриката да се стави во работа, сите доверители да бидат обесштетени, а сите вработени да останат на работа, Палитов ги информира транспортерите дека банките се во заговор да го дадат комбинатот под наем за да избегнат плаќање на долговите. Со негови зборови: „Тоа е багра, не ја интересираме ние, бе другар, тоа е багра…“. Тој ги повикува транспортерите да се здружат и „сите заедно да направиме да не проработи ’Фени’… додека не ве исплатат вас“. Тие заедно се договараат транспортерите да спремат допис каде што ќе ја искажат ваквата нивна намера, а Палитов ќе им обезбеди контакти од „соодветни“ медиуми со кои тој постојано комуницира и токму тој ден си доаѓал од Скопје каде што имал два и полчасовен состанок со медиумски претставник, кој следниот ден веќе ќе направи објава, односно со зборовите на Палитов: „Може утре ќе има најава што се случува во ’Фени’… да биде јавено за рочиштето“.

На состанокот Палитов го спомнува и „Макфакс“. Им објаснува на транспортерите дека вицепремиерот Кочо Анѓушев наредува што да пишува овој медиум, но затоа тој има свои медиуми на кои во секое време може да им се јави и да им каже што да напишат.

Палитов денес не одговори на повиците од „Макфакс“ за да даде објаснување за тврдењата за „Макфакс“, кои се апсолутна невистина, а не одговара ниту на пораките во кои му бараме изјава за очигледното лобирање за бугарската компанија.

Палитов објаснува и како швајцарски ФОС, заинтересиран за „Фени“, е „преварантска компанија, зад неа стојат криминалци… имам многу информации, не ги кажувам, не смеам да ви ги кажувам, ама ќе бидат расцепени како тикви, но тоа е друга прикаска…“, а „Бугарите се тие што даваат пари.. .понудата што ја даваат, ја даваат спрема сите страни, не знам дали целокупно, дека сите 3 или 2 (милиона) ќе ги даде, па ќе ги делиме… важно имаат математика… Израелците што нудат понуда, па заедно со нив се и ’Кунико’, мислам ’Енекод’… сите овие 3-4 фирми заедно сакаат да го прекинат сето ова…“

Тој појаснува како денот го поминал во Скопје и дека имал состанок „со еден многу јак човек во Македонија“ на кого му ја објаснувал ситуацијата, а за кој нашите извори тврдат дека станува збор за лидер на една од најголемите партии во државата.

Во текот на состанокот Палитов се договара со транспортерите заеднички да се појават на рочиштето за стечај на „Фени“, дека тој сигурно ќе влезе на рочиштето и ќе се избори да влезат и претставници на транспортерите, ако треба, ќе направат збрка и „сите заеднички, јас со вработените, ќе направиме масакр, а исто и вие…, а таму ќе има и телевизии, секако и оние што ги бранат и ќе кажат сè што треба“.

На снимката Палитов им кажува на транспортерите дека „Фени“  во моментот е битка меѓу ексдиректорот на УБК, Сашо Мијалков, и сегашниот вицепремиер Кочо Анѓушев и уверува дека додека Маркос Камхис од „ФОС Асет“ давал интервју на телевизија пред камера, зад параванот разговорот го следел Мијалков.

Целиот аудиозапис, полн со навреди и обвинувања против владините претставници, банките, менаџментот на фабриката до 2015 година, го потврдува сето она што со месеци го добивавме како информации од вработените, дури и пред стечајот, дека Палитов е продолжена рака на менаџментот што ја доведе фабриката во стечај, но и дека зад „Енекод“ стои токму Групацијата„Кунико“.

Продолжува утре

 

Маја Илиевска-Пачемска



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија

И официјално заврши стечајот на „Фени“, ГСОЛ најавува нови вработувања

Објавено пред

ГСОЛ преку македонското претставништво „Еуроникел“ и официјално стана сопственик на „Фени“, а стечајната постапка е завршена. Судијката Валентина Ѓорѓиевска ја потврди одлуката што ја донесе Собранието на доверители на 4 јули со која е прифатен планот за реорганизација на „Фени“ предложен од ГСОЛ. Планот беше изгласан и прифатен со 96 постотно мнозинство од доверителите.

„Прифаќањето на планот значи конечно излегување на ‘Фени’ од стечајот и завршување на деветмесечната неизвесност за опстојување на комбинатот. Планот, којшто е поднесен од ГСОЛ/ ‘Еуроникел’ предвидува нова, светла иднина за комбинатот, поткрепена од крупни инвестициски потфати. Реорганизацијата со инвестициските планови ќе донесе зголемување на производните капацитети, нови вработувања, рестартирање на втората производна линија, пазарна експанзија и зголемување на извозните можности“, велат од „Еуроникел“.

Реализирањето на планот за реорганизација на „Фени“ нагласуваат дека има позитивни импликации за целиот Кавадаречки Регион, но и за македонската економија. Покрај редовните плати на повеќе од 800 вработени и тековно зголемување на нивниот број, „Фени“ соработува со приближно 200 компании од Кавадарци и околината, а базата на добавувачи на „Фени“ вклучува над 1000 домашни компании, чие опстојување е директно поврзано со работењето на „Фени“.

„Токму поради вака поставените приоритети во планот за реорганизација, ГСОЛ/ ‘Еуроникел’ во своите намери за ‘Фени’ доби поддршка од вработените во комбинатот, коишто со протести пред Основниот суд во Велес јасно кажаа дека не прифаќаат ликвидација на ‘Фени’ и дека својата иднина ја гледаат во планот за реорганизација. Откако ГСОЛ го изнајми комбинатот за обработка на руда, тие повторно се вратија на работа, земаат редовно плата и повторно почнаа да ја гледаат својата егзистенција во успешната работата на кавадаречкиот комбинат“, сметаат од „Еуроникел“.

 

И Синдикатот на индустријата за енергетиката и рударството (СИЕР) позитивно ги оцени планот за реорганизација и намерите на сега единствениот инвеститор во „Фени“, ГСОЛ/ „Еуроникел“. Синдикатот, како тело што се грижи за правата на работниците, е задоволен оти за време на стечајната постапка беа ангажирани сите работници, се настојуваше постапката да се заврши колку може побрзо и на крајот заврши со план за реорганизација кој гарантира ангажман на сите вработени со што комбинатот продолжи со работа, и тоа под услови кои се подобри од претходните. СИЕР, исто така, се изјасни дека во новиот инвеститор гледа сигурна и извесна иднина за „Фени“.

 

„ГСОЛ/ ‘Еуроникел’ досега инвестираше повеќе од 80 милиони евра во ‘Фени’ и во повеќе наврати ги потврди своите намери за иднината на фабриката. Инвестицијата од ГСОЛ почна со договорот за производство на никел, со кој се рестартираше производството. Оттогаш досега се произведени повеќе од 3 500 тони никел, продолжува извозот, а се ангажирани 200 локални компании кои превезуваат од пристаништето Солун и Албанија. Увезени се и над 300 000 тони руда од меѓународни рудници, потребна за преработка за редовно функционирање на комбинатот. Поради ваквиот пристап, случајот на ‘Фени’ постави нов репер за успешен стечаен процес и претставува најдобриот пример во земјава за затворање на стечајна постапка со позитивен резултат“, велат од „Еуроникел“.

За „Фени“ беше отворена стечајна постапка со долг од 67 милиони евра и повеќе од 250 кредитори чии побарувања беа неплатени. Како заинтересиран инвеститор ГСОЛ ги исплати доверителите и ги откупи долговите на „Фени“, и на таков начин стана најголем доверител на кавадаречката компанија, а по одлуката на собранието на доверители и на стечајниот судија и сопственик на „Фени индустри АД“.

 

Прикажи повеќе...

Економија

Почнува реорганизацијата на „Фени индустри“

Објавено пред

Од

Собранието на доверители на „Фени индустри“ убедливо гласаше за планот за реорганизација на ГСОЛ/ Еуроникел. Од денеска почнува реорганизација на „Фени индустри“ . Мрачното минато на корупцијата и неплатените работници и доверители е официјално завршено. Започна нова светла иднина. Собранието на доверители го прифати и одобри со огромно мнозинство планот за реорганизација поднесен од ГСОЛ / Еуроникел.

„Денеска е навистина голем ден за ‘Фени индустри’ затоа што дојде до кулминација на процесот што траеше многу месеци. Од првиот ден откако дојдовме во Македонија, кажавме само една работа, дека наша цел е ‘Фени’ да стане најуспешен производител на фероникел во Европа. Денеска е ден за славење, денеска го добивме процесот, денеска е голема победа, за вработените, за иднината на фирмата, за сите. Сакам да им се заблагодарам на вработените на ‘Фени’ затоа што го поддржуваа ‘Фени’ секој ден низ процесот и затоа што работат со нас како инвеститор, како и на целата земјата што нè поддржуваа во намерата да ја спасиме оваа компанија и да создадеме светла иднина за ‘Фени’ и за сите нас“, изјави Маркос Камхис, директор на ГСОЛ.

Реорганизацијата става крај на неизвесното и лошо управување во минатото и го отвора патот за големи инвестиции, од кои 15 до 20 милиони евра само за реконструкција на втората печка, што ќе придонесе за зголемување на производните капацитети и норми на 19 000 до 21 000 тони никел годишно, како и дополнителни инвестиции во развојот на техничко-технолошки капацитети со цел зголемување на производството. Сето ова ќе доведе до нови вработувања, кои веќе започнаа, зголемување на платите на вработените и дополнителни стимулации.

ГСОЛ, како глобална компанија која е позната и ценета на пазарот на фероникел, има сопствени рударски капацитети и извори за висококвалитетна руда и репроматеријали, што ќе обезбеди дополнителен придонес за зголемување на оперативноста на „Фени индустри“.

ГСОЛ/ Еуроникел досега инвестираше повеќе од 80 милиони евра во „Фени индустри“ и многупати ги потврди своите намери за иднината на фабриката. Инвестицијата од ГСОЛ зочна со договорот за производство на никел, со кој се рестартираше производството. Оттогаш досега се произведени повеќе од 2 500 тони никел, продолжува извозот, а се ангажирани 200 локални компании кои превезуваат од пристаништето Солун и Албанија. Увезени се над 200 000 тони руди од меѓународни рудници на ГСОЛ.

Ова обезбеди доволно ресурси и технички потенцијал за континуирано производство. Во меѓувреме, платите на вработените кои вклучуваат бонуси, од просечни 23 000 денари, се зголемени на 27 000 денари и со понатамошен растечки тренд што следи по зголемувањето на производството.

Сите овие позитивни промени досега и оние што следат ќе го вратат „Фени индустри“ на листата од најголемите преработувачи на фероникел и за повеќе од 800 вработени значат стабилна иднина и сигурно постоење. Повтореното континуирано и непречено работење на комбинатот ќе придонесе за позитивни промени во целиот кавадаречки регион во насока на поттикнување на локалната економија со ангажманот на повеќе од 200 компании, блиски соработници на „Фени индустри“, а ќе придонесе и воопшто за позитивни економски показатели на државно ниво.

Прикажи повеќе...

Економија

(Видео) Работниците во „Фени“ прогласија победа, изгласан планот за реорганизација

Објавено пред

Швајцарската компанија ГСОЛ од закупец стана сопственик на „Фени“. Собранието на доверители го изгласа планот за реорганизација предложен од ГСОЛ, а веста за прифатениот план вработените кои протестираа пред судот ја примија со аплауз. Тие слават во Велес и извикуваат „Победа, победа“.

„Ова е победа за работниците и иднина за ’Фени’ со ГСОЛ“, рече Душко Николов, претседател на Синдикатот на „Фени“. Адвокатите на „Минстрој холдинг“ ги испратија со скандирање „Минстрој оди си дома“.

Утрово со транспаренти дел од вработените дојдоа да дадат поддршка на ГСОЛ кој со месеци им исплаќа плати, а од март го рестартираше и производниот процес. Планот на денешното собрание на доверители беше прифатен со 96 отсто од гласовите.

Против гласаа само „Нова логистик“ и „Минстрој холдинг“ како ополномоштеници на неколкуте фирми регистрирани во Белизе кои имаа побарувања од 0.05 отсто од „Фени“, а ги застапуваше адвокатот Бранко Колев.

Одборот целосно и ја олесни работата на стечајната судијка Валенина Ѓорѓиевска со тоа што за планот гласаа над 95 отсто од доверителите. Таа треба да ја донесе конечната одлука и да ја затвори стечајната постапка за „Фени“.

Прикажи повеќе...

Најново

Македонија5 часа

(Видео) Кирацовски: ВМРО-ДПМНЕ свесно го блокира изборот на ДИК за да нема референдум

СДСМ има обврска да ја обезбеди иднината и нема да дозволиме никој да го кочи членството во ЕУ и НАТО,...

Македонија5 часа

(Видео) Џафери не му даде збор на Димовски, пратениците од ВМРО-ДПМНЕ лупаа на масите

Пратеникот од ВМРО-ДПМНЕ, Илија Димовски, неколку минути го убедуваше собранискиот спикер Талат Џафери да добие збор процедурално на седницата на...

Македонија7 часа

Тројцата осомничени за смртта на Саздовски, наместо за насилство, ќе одговараат за убиство

Скопското јавно обвинителство го преквалификува кривичното дело за смртта на Никола Саздовски од „насилство“ во „убиство“. „Наместо за кривично дело...

Македонија7 часа

Градот Скопје троши половина милион евра годишно за одржување на фонтаните

Градот Скопје годишно троши од 25 до 30 милиони денари годишно или околу половина милион евра за одржување на фонтаните...

Македонија7 часа

Власта го забрза изборот на ДИК, бара изборни измени со ЕУ знаменце

Предлогот кој Владата го достави до Собранието за измени на изборниот законик е со европско знаменце, а во образложението се...

Македонија8 часа

Владата предлага ДИК да се бира со апсолутно мнозинство

Владата пратила предлог до Собранието за измени во изборниот закон со кои бара составот на Државната изборна комисија да се...

Македонија9 часа

Кочан: „Покрај сувото гори и суровото“ – Случајот „Труст“ пред пресуда

Првообвинетиот во предметот „Труст“, бизнисменот Сеад Кочан, во завршните зборови во кривичниот суд денеска рече дека покрај сувото гори и...

Македонија9 часа

(Видео) Никола Попоски: Власта и опозицијата да си го сменат менталитетот

Власта и опозицијата да си го сменат менталитетот, самите да направиме скриниг на институциите, порача денеска претседателот на Националниот совет...

Македонија10 часа

Мајката што го остави бебето пред Домот за доенчиња во Битола кривично ќе одговара

Полицијата поднесе кривична пријава против 17-годишната мајка од Желино која на почетокот на овој месец го остави своето новороденче пред...

Македонија10 часа

Разочарани сме дека Владата останува на ставот Водно да биде колатерална штета, порачаа граѓански активисти

Граѓанските активисти остануваат на ставот дека се против изградба на гасоводот низ парк-шумата Водно. Тие порачуваат дека не можат со...

Македонија11 час

Русија да разбере дека Македонија нема алтернатива освен ЕУ и НАТО, порача Заев

По вчерашната информација на премиерот Зоран Заев дека руски бизнисмени ги финансирале насилните протести против промена на името, денеска премиерот...

Македонија12 часа

(Видео) Хан ги повика граѓаните да гласаат на референдумот

Еврокомесарот за проширување и соседска политика, Јоханес Хан, ги повика граѓаните да гласаат на референдумот за името. Тој порача дека...

Македонија12 часа

Османи назначен за шеф на преговарачкиот тим со ЕУ

Вицепремиерот Бујар Османи е назначен за шеф на делегацијата и главен преговарач за Европската Унија, соопшти утрово премиерот Зоран Заев...

Македонија12 часа

Иван Савидис негира дека им дал 300 000 евра на македонски политичари и навивачи

Рускиот бизнисмен Иван Савидис демантира каква било вмешаност во протестите против договорот за името во Скопје и негира дека платил...

Македонија12 часа

Иванов во официјална посета на Молдавија

Претседателот Ѓорге Иванов, придружуван од сопругата Маја Иванова, од денеска престојува во дводневна официјална посета на Република Молдавија. Иванов во...

Македонија23 часа

(Видео) „Комитите“ побараа обвинението за смртта на Саздовски да се смени од насилство во убиство

Навивачката група „Комити“ на денешниот марш за Никола Саздовски порачаа дека очекуваат обвинението да се смени од насилство во убиство....

Македонија23 часа

Важно е да нема местенки и правдата да излезе на виделина, порача таткото на Саздовски

Полицајците не се виновни. Ве замолувам на една минута молк за Никола и мирно да си заминеме, порача денеска од...

Свет1 ден

Трамп и Путин ја оценија средбата корисна и успешна – „Лошите односи се променија пред четири часа“

Рускиот претседател, Владимир Путин, и неговиот американски колега Доналд Трамп се согласија дека денешните разговори во Хелсинки биле многу корисни....

Македонија1 ден

Опожарено возилото на директорот на ЈП „Водовод“ – Битола

Возилото кое рано утрово во Битола било опожарено е во сопственост на директорот на ЈП „Водовод“ – Битола, Горан Козаров,...

Македонија1 ден

Лидерска средба до крајот на неделава

Запрени се преговорите меѓу политичките партии за Законот за финансирање на партиите, изборот на ДИК и за техничка влада. Овие...

Досие