Контакт

Investigative story

Одземени дел од одобренијата за увоз и извоз, работниците на „Фени“ во паника

Објавено пред

Стравувањата на вработените во „Фени Индустри Кавадарци“ за затворање на фабриката стануваат сè пореални. Половина месец фабриката работи на одржлив минимум, нема производство, а вработените секојдневно јавуваат за постојаното присуство на извршители, кои веќе почнале со геометри да вршат мерење и обележување на земјиштето на „Фени“.

„Последна е блокадата од Царинската управа. Одземени ни се одобренијата за увоз и извоз. Поради блокираната сметка компанијата нема покритие за банкарска гаранција како доказ дека има начин да се платат давачките кон државата. Ова значи дека ниту можеме да увеземе репроматеријали ниту, пак, да извеземе готов производ, а целото наше производство одеше за извоз. Менаџменоот сè уште нè убедува дека ќе се најде начин да продолжи производството, но за овие одобренија повторно да се извадат е потребно многу време оти процедурата е долга. Дури и денес да се почне, нема надеж дека во догледно време повторно ќе можеме да извезуваме и да увезуваме“, велат за „Макфакс“ вработени во „Фени“.

Од Царинската управа потврдуваат дека дел одо одобренијата за увоз се одземени, но не на „Фени“ туку на фимата „Нова Логистик“ која го врши транспортот за комбинатот.

„На компанијата ‘Фени’-Кавадарци не и се одземени никакви одобренија за увоз и извоз при што на ниеден начин не е нарушено работењето на компанијата. Таа и понатаму може да работи и да извршува активности поврзани со извозот или увозот во редовна постапка. Царинската управа го одзеде одобрението за поедноставена постапка за увоз или извоз на стоки на царинскиот застапник ‘Нова Логистик’-Кавадарци (воедно царински застапник на ‘Фени’ – Кавадарци) како резултат на променетата финансиска стабилност на царинскиот застапник ‘Нова Логистик’ – Кавадрци. Тоа во никој случај не значи дека ‘Нова Логистик’ не може да врши увоз или извоз, ‘Нова Логистик’ и понатаму како царински застапник може да продолжи да врши увоз или извоз на стоки во редовна царинска постапка. Единствено одземено и е одобрението за за поедноставена постапка на увоз или извоз, односно можноста стоката да се царини во просториите на имателот на одобрението, додека во редовна царинска постапка, царинењето може да се врши само на царински терминал“, велат од Царинската управа на Република Македонија.

Од Царината нагласуваат дека постапката за добивање на ново одобрение значи исполнување на одредени услови, како што се солдна евиденција и финансиска стабилност.

Заедно со блокадите и присуството на извршителите, расте и паниката меѓу вработените. Дел од нив почнале да си бараат нова работа, а оние што успеале да се снајдат веќе си поднеле и оставки.

„Секојдневно по некој си дава оставка. Луѓето веќе почнаа да покажуваат дека не гледаат иднина во фабриката која до пред само еден месец важеше за една од најуспешните во Македонија “, велат вработените.

Оставка, според нив, поднел и директорот Јусуф Миракхмедов, но тој не е достапен за објаснувања во врска со фабриката. Веќе две недели ги игнорира прашањата од „Макфакс“ поврзани со случувањата во „Фени“.

Истражувајќи ги состојбите во „Фени“, „Макфакс“ дојде до документ од судот во Амстердам, со кој сегашните сопственици, ИМР (Интернешенал минерал ресорсис), биле обврзани  да вложат  66,5 милиони долари во фабриката до крајот на 2016 година. Тоа бил условот под кој ја добиле  фабриката по спорот околу сопственоста што го имале со „БСГ Рисорсес“, со кои партнески го делеле сопствеништвото. По пресудата, ИМР станале доминантен сопственик, но со обврска за вложување. Пресудата е јавен документ, достапен на интернет од судот во Амстердам. Спорот е воден во Холандија бидејќи таму е регистрирана компанијата „Кунико рисорсес“ во чии рамки функционира сегашниот сопственик на „Фени“ – ИМР.

Место инвестиции, фабриката е пред колапс, само неколку месеци по истекот на рокот во кој требало во неа да се вложат 66,5 милиони долари.Од сопствениците нема одговор на прашањата како се случило и покрај обврската за инвестирање на оваа значителна сума,  фабриката да наталожи огромни долгови.

Вработените тврдат дека во изминатиот период немало никакви инвестиции и бараат одговорност за испумпување на капиталот од фабриката преку фирмите ќерки на компанијата.

„Наместо инвестиции, капиталот почна да се раскрчмува. ’Нова логистик’, фирма ќерка на ’Фени’, формирана да се грижи за транспортот за да не се ангажираат надворешни транспортери кои секогаш се поскапи, е приватизирана. Нејзин сопственик сега е менџерката која раководеше со фирмата додека беше дел од ’Фени’. Ова не е начин да се намалат трошоците, напротив преку оваа фирма транспортот почнаа да го вршат фирмите ’Ролис ГМ’ и ’Селекта’, кои се поврзуваат со семејството на поранешниот министер за внатрешни работи Митко Чавков. Се сомневаме дека токму преку овие фирми на организиран начин се одлевал капиталот на фабриката, се таложеле долговите кои сега доведоа до гасење на производството“, обвинуваат вработените кои стравуваат за работните места.

Тие сметаат дека згаснувањето на „Фени“ не е случајно.

„Парите одамна се изнесуваат од фабриката, но менаџментот ја користи смената на власта како параван”.

Извршителот Анѓел Костадинов претходно веќе потврди за „Макфакс“ дека спровел извршување како застапник на фирмата „Ролис ГМ” за долг кој изнесува околу 4 милиони евра.

Политичките партии, пак, не ја пропуштија можноста за состојбата на фабриката да упатат меѓусебни обвинувања, па така прва на удар се најде ЕДС ДОО Скопје како наводен виновник за блокада на сметката на „Фени”. Од „Енерџи деливери солушнс“, односно ЕДС ДОО Скопје, сопственост на Кочо Анѓушев, вицепремиер за економски прашања во Владата на Зоран Заев, за „Макфакс“ изјавија дека не ја прекинуваат соработката со „Фени“ ниту, пак, иницирале блокирање на сметката на фабриката.

„Би сакале да потенцираме дека ЕДС ДОО Скопје ниту ја иницирала постапката за блокирање на сметките на ‘Фени индустри АД’ ниту, пак, има желба ‘Фени индустри АД Кавадарци’ да се затвори. Напротив, ЕДС ДОО Скопје, како и досега а така и понатаму, својата иднина на македонскиот пазар ја гледа во соработка со успешни и просперитетни компании во кои несомнено ја вклучуваме и ‘Фени’“, велат од ЕДС, но не кажуваат како ќе ја продолжат соработката со „Фени“ и покрај огромниот долг за струја, кој според вработените, надминува седум милиони евра.

Иако нема производство, засега сите вработени доаѓаат на работа. Редуцирана е третата смена, доаѓаат само неколкумина за дежурство. Во другите смени сите доаѓаат на работа како и кога имало произвоство. Вработените сведочат дека навечер, и покрај редуцираниот број вработени, во фабриката имало најголемо движење.

„Се товарат камиони и се изнесува имот од фабриката. Гледаме дека камионите се растоваруваат на три локации во Кавадарци, но објаснување за ноќните активности никој не ни дава“, се жалат вработените.

Тие бараат државните органи да го преиспитаат работењето во „Фени“ час поскоро додека сè уште целосно не се изгасени печките оти по гасењето фабриката, велат, ќе биде само старо железо.

Владата најави помош за „Фени“, но и од таму не кажаа како конкретно ќе ѝ помогнат на фабриката за  850  работници да не останат без работа.

Маја Илиевска-Пачемска

Investigative story

(Видео) Охридскиот полицаец Стевоски си поднел тужба и против себе

Објавено пред

Деветмина високи функционери во СВР Охрид и во МВР се на листата од последната пријава што против претпоставените ја поднел охридскиот полицаец Стевче Стевоски, кој пред две години го казни командирот со 800 евра. Ги пријавил оти секој одделно, но и заеднички континуирано, психички го малтретирале, направиле повреда на неговите основни човекови права со цел да му изречат дисциплинска мерка – престанок на работниот однос. Неговите пријави никој од надлежните не ги есапи, па Стевоски одлучи да ги подели со „Макфакс“ за јавноста да чуе за однесувањето на луѓето на одговорни функции во МВР.

„Поднесов нова претставка, односно пријава за мобинг до МВР за продолжување со мобинг. Од страна на помошник-министерот Виолета Влаховиќ дојде известување да ги доставите сите докази против непосредните старешини што ги пријавувате. Сите докази ги доставив, но тоа таму и остана. Денеска ја нема Виолета Влаховиќ ниту да праша ниту да ги прекине овие состојби, туку изрекува санкции против мене“, вели Стевоски.

Во пријавата за мобинг, поднесена во јануари 2017 година, Стевоски наведува дека со усни наредби од старешините бил спречуван да работи во согласност со законите. Тврди дека деветтемина високи функционери во СВР Охрид и во МВР по терк на злосторничко здружување почнале отворена акција за негова дискредитација.

Кога истекле сите законски рокови, а не била преземена ниту една мерка, Стевоски во февруари 2017 годна против истите девет луѓе поднел тужба во охридскиот суд. Нема одговор ниту на тужбата.

Во ноември, пак, минатата година поднел пријава и во Државниот инспекторат за труд поради тоа што МВР не постапило по неговата пријава за мобинг и побарал да се изврши инспекциски надзор. Половина година по пријавата, Стевоски вели дека инспекциски надзор во СВР Охрид нема.

Од Државниот инспекторат за труд не одговорија на прашањата од „Макфакс“ зошто никој не презел мерки по пријавите за мобинг од Стевоски.

„Желбата и убедувањето на претходната и сегашната влада дека ќе се бори и ќе се справи со криминалот, за жал, е само за телевизија“.

Од МВР не сакаат да ги коментираат обвинувањата од полицаецот Стевоски

Разочаран од непостапувањето на институциите Стевоски се одлучил на радикален чекор – поднел кривична пријава за полициска корупција против себе и против четворица претпоставени оти оди на работа, зема плата, а нема обврски. Во кривичната пријава наведува дека четворицата претпоставени, Рубинчо Џавероски, командир на полициската станица во Охрид, Сашо Смилески, началник на СВР Охрид, Стефан Буџакоски, внатрешна контрола во Охрид, и Дејан Андонов, помошник на министерот за внатрешни работи, внатрешна контрола од Скопје, направиле три кривични дела – злоупотреба на службената положба и овластувањето, несоодветно работење во службата и повреда на рамноправноста на граѓаните.

„Пријавените самоволно и спротивно на законот донеле устен договор за моја суспензија за вршење работи и работни задачи како полициски службеник во МВР, а исплатата на плата и надоместоци од плата ја извршуваа во целост, со што му предизвикале штета на буџетот во износ од 700.000 денари“, стои во кривичната пријава.

Како петтообвинет во кривичната пријава Стевоски се наведува сам себеси за сторено кривично дело лажно пријавување кривично дело. Смета дека доколку јавниот обвинител утврди дека четворицата претпоставени што му давале плата што не ја заработувал бидат ослободени од обвинение, тогаш тој треба да биде осуден за лажно пријавување кривично дело.

Стевоски во пријавата бара обвинетите од лични средства да ја надоместат штетата во буџетот од 700.000 денари.

Од охридското Обвинителство нема одговор на тужбата.

Стевоски вели дека битката со пријавите продолжува. Тој собира докази за обид колегите да му подметнат крадени дрва за огрев за да може да го обвинат, но ја згрешиле плевната, ги подметнале во туѓа. За овој случај од минатата година била малтретирана неговата сопруга.

„Жената ми вика: ‘Слушај ваму, еден од полицајците ме фати за раката и ме влечеше до објектот што се наоѓа над нашата штала и ми викаше дека овој објект е наш и треба јас да го отворам за да направат записник бидејќи имаат наредба од судот’. Кога ја прашав што направила, рече дека им кажала дека тој објект не е наш“, вели Стевоски.

По овој случај, Стевоски почувствувал дека му е загрозена безбедноста и затоа побарал полициска заштита и прием кај министерот Оливер Спасовски, но и по една година, не добил одговор на барањата.

Од МВР не сакаат да ги коментираат обвинувањата од полицаецот Стевоски. Само кусо нагласуваат дека одделот за внатрешна контрола постапува секогаш кога има индиции за повреда на работниот ред.

 

Прикажи повеќе...

Investigative story

(Видео) Началник се исплашил од охридски полицаец оти мавтал со хартија, го пријавиле дека бил пијан

Објавено пред

Полицаецот Стевче Стевоски од Охрид, кога поднел кривична пријава против началници за кои смета дека му нанеле штета на буџетот на државата, на секој чекор се чувствувал прогонуван, местен и омаловажуван. Кривичната пријава ја поднел во октомври 2016 година против тројцата поранешни и против актуелниот началник на СВР Охрид оти од 2007 до 2016 година селективно исплаќале прекувремени часови и ноќна работа. Некои од неисплатените полицајци тужеле и ги добиле споровите, па државата е задолжена и со судски трошоци. Од кривичните пријави, иако поднесени пред две години, сè уште нема резултат во судот, но надвор од него Стевоски сведочи дека постојано му вршат притисок. Еден од таквите случаи, веднаш по поднесувањето на кривичната пријава, бил кога полициски службеници по наредба на старешините и внатрешната контрола сакале да го насамарат и со пријава дека пијан се појавил на работа се обиделе да го отстранат од работното место. Вели дека старешините тоа го направиле со цел да се спасат од кривичната пријава.

„Освен под дејството на алкохол, сторител си и на кривично дело загрозување на сигурноста бидејќи си мавтал со листовите, а началниците од СВР Охрид се уплашиле. Веднаш, по брза постапка, и покрај тоа што се утврди дека немам алкохол, ја известија македонската јавност дека полициски службеник во СВР Охрид е затекнат под дејство на алкохол и им се заканувал на своите началници. На интернет-порталите, на телевизијата ‘Сител’ и другите кажаа дека тоа е вистина. Ми ја поднесоа кривичната пријава, отидовме во ЈО, исто како претходно, јавниот обвинител ја отфрла кривичната пријава бидејќи нема елементи за сторено кривично дело загрозување“, тврди полицаецот Стевоски.

Стевоски вели дека имал нов напад од колегите следниот ден кога таксист – сопруг на колешка, се обидел да провоцира тепачка за да го вмеша и да го пријави кај старешините.

„Тој со главата и рацете ми влезе во возилото не пуштајќи ме да заминам и барајќи ми да го удрам. Јас, свесен што ме чека, заминав со возилото, тој почна да удира по возилото и да ме пцуе. Кога стигнав дома, ми се јавија од станица и ми рекоа: ‘Стевоски, има пријава против тебе, си нападнал таксист. Во понеделникот отидов во станица да дадам исказ, ми велат дека тоа е завршена работа – поднесена ти е прекршочна пријава за физички напад. Јас им реков дека не ми даваат право на одбрана, а ми поднесуваат прекршочна пријава. Ми велат – тоа не е проблем“, вели Стевоски.

Случајот завршил на суд, каде што било утврдено дека Стевоски нема вина. Таксистот, незадоволен од одлуката на охридскиот суд, се жалел на Апелациониот суд во Битола, но и таму ја изгубил битката. Апелациониот суд утврдил дека жалбата е неоснована и потврдил дека полицаецот Стевоски не ги нарушил јавниот ред и мир. Стевоски поради овој случај, како што вели, неосновано останал без оружје во декември 2016 година. Една и пол година оди на работа без пиштол. Неговиот надреден му објаснил дека мора да посети психијатар за да му го вратат пиштолот. Стевоски вели дека го послушал советот, но психијатарот одбил да му издаде документ со објаснување дека нема основ за психијатриско мислење оти сите пресуди му се ослободителни.

Од Министерството за внатрешни работи не сакаат да го коментираат овој случај, исто како и сите други поврзани со обвинувањата од охридскиот полицаец Стевоски. Од таму велат дека одделот за внатрешна контрола, криминалистички истраги и професионални стандарди секогаш постапува кога има индиции за сторена повреда на работниот ред и дисциплината во согласност со надлежностите.

За податоците во врска со тоа колку дисциплински постапки се воделе за полицаецот Стевоски, од МВР велат дека тоа не се информации од јавен карактер, но објаснуваат дека има посебна постапка за враќање одземено оружје на службено лице. Постапката предвидува задолжителен психијатриски преглед, а потоа службеното лице се упатува и на посебна комисија во Бирото за јавна безбедност надлежна за утврдување на психолошката состојба на работниците, која дава мислење до министерот за внатрешни работи.

Следно: Охридскиот полицаец Стевоски си поднел тужба и против себе

Прикажи повеќе...

Investigative story

(Видео) Помалку донации, повеќе пари од буџетот за партиите

Објавено пред

Да се намалат донациите од физичките и приватните лица, а да се зголемат надоместоците од буџетот, ова е еден од предлозите на маса пред работната група што работи на измени на Законот за финансирање на политичките партии.

Од СДСМ велат дека тие се „за“ и дополнително бараат начин податоците за финанасирањето да бидат достапни и транспарентни за јавноста. Од ВМРО-ДПМНЕ молчат, а од ДУИ велат дека партиите се согласни за ново законско решение, но дека има разлики во методолгијата.

Антикорупцинерите предупредуваат – не е важно само носењето на законот, туку неговото спроведување. Укажуваат на низа незаконитости во финансирањето кои со години не се санкционираат.

Последни во низата скандали со донациите се последните извештаи на партиите доставени до Државниот завод за ревизија.

Па, така, во извештајот на ДУИ како донатори се појавија „Македонска пошта“, Општина Липково, Дирекцијата за заштита и спасување, „Македонски железници“ и ПИОМ. Од партијата се правдаа дека донациите не се од државните институции, туку од вработените кои се функционери на ДУИ и членарината ја плаќале со траен налог од 5 отсто од платата.

Сомнителни се донациите и кај ВМРО-ДПМНЕ, која за една година успеала да обезбеди 908.000 евра. Во еден ден на сметката на партијата стигнувале и по повеќе од 600 илјади денари од еден ист донатор.

СДСМ, пак, успеал да собере 34 илјади евра за 2017 година, а најголемата донација е во износ од 100 илјади денари.

Помалите партии најчесто не успеваат да соберат донации, па и тие реагираат дека треба да се зголеми државното финансирање, кое сега според нив е на незадоволително ниво. Тие стравуваат дека големите политички субјекти ќе ги изиграат и законските измени ќе ги направат единствено во своја корист.

Аргументите што одат во прилог на јавното финансирање се дека се поттикнува поголема демократија и дека државните пари ја намалуваат потребата од контрауслуга за тие што најмногу донирале, a се намалува и можноста за корупција.

Прикажи повеќе...

Најново

Свет34 минути

Се уништуваат четири локации за нуклеарни тестирања во Северна Кореја

Американскиот претседател Доналд Трамп изјави дека е започнато уништувањето на четири големи локации за вршење нуклеарни тестирања во Северна Кореја....

Свет39 минути

Се подготвува терен за средбата Путин – Трамп

Во тек се подготовките за самитот меѓу претседателот на САД Доналд Трамп и рускиот колега Владимир Путин. За таа цел...

Македонија17 часа

(Видео) „Импичмент“ на Иванов за спас на договорот

Ќе помине ли Договорот со Грција без потпис од претседателот Иванов? Слично како и со законот за употреба на јазиците,...

Македонија18 часа

Меј: Договорот за името ќе донесе енормни придобивки за двете земји

Премиерката на Велика Британија, Тереза Меј, денеска му испрати писмена честитка на премиерот Зоран Заев за постигнатиот договор со Грција...

Македонија19 часа

Ексградоначалници направиле милионски сметки за ручеци и забави во ресторани

Двајца поранешни градоначалници на Старо Нагоричане ја задолжиле Општината со милионска сума за ручеци и забави во неколку угостителски објекти....

Македонија22 часа

Отворено писмо до пратениците: Мораториум за градбите, итно да запре деструкцијата на Охридскиот Регион

По повод Денот на Охридското Езеро еколошкото здружение на граѓани „Фронт 21/42“ испрати отворено писмо до пратениците во кое се...

Македонија22 часа

Истрагата за пожарот во Велес во кој загинаа три деца сè уште трае

Сè уште не се познати причините како настанал пожарот во куќата во Велес во кој загинаа три девојчиња на возраст...

Вести23 часа

Трамп го потпиша указот со кој се забранува раздвојување на мигрантските семејства

Американскиот претседател Доналд Трамп синоќа го потпиша указот со кој се става крај на раздвојувањето на семејствата мигранти што незаконски...

Свет23 часа

Премиерката на Нов Зеланд стана прва светска лидерка што роди дете додека е на власт

Се породи премиерката на Нов Зеланд, Јацинда Ардерн, со што стана прв светски лидер во изминатите 30 години што имал...

Европа24 часа

Во ЕУ лани имало 50 отсто повеќе терористички напади во споредба со 2016 година

Во земјите членки на Европската Унија минатата година имало 50 отсто повеќе терористички напади и обиди за напади поврзани со...

Македонија1 ден

Додека го менува името, Заев ја задолжи државата со нови 7,1 милиони евра, обвинува опозицијата

Зоран Заев и криминалниот картел што го води ја задолжија државата со нови 7,1 милиони евра. Додека го продава името,...

Топ2 дена

Три деца изгореа во пожар во Велес

Три деца во возраст од една, две и пет години изгореа во пожар во нивниот дом во Велес. Куќата се...

Македонија2 дена

„Страшно е да се менува името“, велат демонстрантите пред Собранието

Со патриотски песни, знамиња и пораки против промената на името започна протестот пред македонското Собрание. Демонстрантите порачуваат дека е страшно...

Економија2 дена

(Видео) СИЕР: Срамно и недозреано е барањето на градоначалникот на Кавадарци за „Фени“

По три часа расправа во судот во Велес одложено е гласањето за планот за реорганизација на „Фени“ предложен од швајцарски...

Македонија2 дена

(Видео) Пратениците го ратификуваа договорот со Грција

Со 69 гласа „за“, без против и воздржани, пратениците во македонското Собрание го ратификуваа договорот за името со Грција. На...

Македонија2 дена

(Видео) ВМРО-ДПМНЕ ќе бара мислење од Венециската комисија за договорот со Грција

Венециската комисија ќе треба да се изјасни за договорот со Грција по барање на опозициската ВМРО-ДПМНЕ, најави пратеникот Драган Данев....

Економија2 дена

(Видео) Протест пред судот во Велес за поддршка на планот за „Фени“

Шеесетина вработени од „Фени“ претпладнево дојдоа пред судот во Велес за да му дадат поддршка на планот за реорганизација на...

Македонија2 дена

(Видео) Груби: Денес се раѓа ново сонце на слободата

Денес се раѓа ново сонце на слободата и исполнување на сонот на Македонија за Европската Унија, рече пратеникот од ДУИ,...

Македонија2 дена

(Видео) Заев: Граѓаните ќе ја донесат конечната одлука за името

Граѓаните ќе ја донесат конечната одлука за името, рече премиерот Зоран Заев во своето обраќање на седницата на која пратениците...

Македонија2 дена

Иванов до Заев: Поведи постапка за импичмент, мојот став за договорот со Грција е конечен

Претседателот Ѓорге Иванов го повика премиерот Зоран Заев да поведе постапка за импичмент. Во соопштението испратено од кабинетот на претседателот,...

Досие