Контакт

Daily news

Плацот кај „Имес“ приватизиран па продаден трипати поскапо

Објавено пред

Земјиштето кое се наоѓа во близина на поранешниот ресторан „Имес“ во Карпош се најде во фокусот на предизборната кампања на СДСМ во оваа општина откако Душко Весковски од СДСМ обвини дека плацот од фирмата „ГРОМ промет ДООЕЛ“ бил купен за само 11 илјади евра, за потоа истото земјиште по два месеца да биде продадено на друга фирма за 600 илјади евра. Информациите и документите кои, пак, „Макфакс“ ги доби од Општина Карпош, како и од компаниите кои учествувале во зделката, покажуваат дека земјиштето заедно со објектите кај „Имес“ биле легализирани, па потоа продадени за речиси трипати повисока цена.

„ГРОМ промет“ купил државно земјишто во Карпош за само 11 илјади евра, а потоа го продал за 600 илјади евра“, е обвинувањето кое одекна во екот на предизборната кампања за време на локалните избори. Обвинувањата пристигнаа од страна на СДСМ и упатени на адресата на градоначалникот Стевчо Јакимовски, чија партија Граѓанска опција за Македонија – ГРОМ носи речиси идентично име како името на фирмата кое се споменува во обвинувањата за неправилности при отуѓување на земјиштето во оваа општина.

Душко Весковски, кој сега е претседател на Советот на Општина Карпош, а претходно беше носител на листата на советници на СДСМ, ја обвини Општината под раководство на Стевчо Јакимовски  како градоначалник дека неправилно отуѓила градежното земјиште со вкупна површина од 1.533м2, кое било продадено за само 11 илјади евра на друштвото за производство, трговија и услуги „ГРОМ промет ДОЕЛ“.

Тој го праша Јакимовски како отуѓил државно земјиште за багателна цена и зошто само два месеца подоцна по отуѓувањето истото земјиште заедно со легализираните објекти од „ГРОМ промет ДООЕЛ“ било продадено на фирмата „Дабар ДООЕЛ“ по цена од околу 600 илјади евра.

Освен самите обвинувања упатени до Јакимовски, објавувањето на името на фирмата „ГРОМ промет“ во јавноста веднаш предизвика шпекулации дека позади зделката може да стои ексградоначалникот на Карпош, Стевчо Јакимовски.

Сè е чисто како солза, велат службите од Општина Карпош

За случајот побаравме брифинг со службите во Општина Карпош кои го воделе предметот, од каде што велат дека постапката за отуѓување на земјиштето кај познатиот ресторан „Имес“ била целосно законска и во согласност со процедурите на Општината.

Оттаму ги добивме на увид и договорот меѓу „ГРОМ промет“ и општината, договорот за отуѓување градежно земјиште со непосредна спогодба, како и решението со кое „Дабар ДООЕЛ“ станува сопственик на земјиштето.

Иако потврдуваат дека земјиштето под објектот било навистина купено за 11 илјади евра, сепак, велат дека во пресот со обвинувања на Весковски, случајно или не, било заборавено да се спомене дека „ГРОМ промет“ платила уште 180 илјади евра за легализација на објектот, па поради тоа според нив не држат обвинувањата дека за земјиштето се дадени само 11 илјади евра за потоа да се продаде за 600 илјади евра.

Тие објаснуваат дека ниската цена од 11 илјади евра за земјиштето била поради тоа што се работело за земјиште кое е под објектот што „ГРОМ промет“ го имала долги години на користење и потоа и го откупила. Најпрвин бил откупен објектот, а потоа и земјиштето под објектот. Од тие пари по 40% од средствата добиваат градот Скопје и општината Карпош, додека 20% се наменети за буџетот на РМ.

И од компанијата „Дабар дооел“ за „Макфакс“ потврдуваат дека „ГРОМ промет“ го купил објектот од државата за 183 илјади евра, според Законот за утврдување  правен статус на бесправен објект.

Објектите, меѓу кои како дел од комплексот имало и канцеларии и летната тераса на познатиот ресторан, се легализираат во 2015 година, додека барањето за легализација било поднесено во 2011 година.

Ексградоначалникот на Карпош, Стевчо Јакимовски, не беше достапен за коментар за обвинувањата упатени кон него од страна на Весковски и отуѓувањето на земјиштето. Тој во изминатиот период освен од своите политички опоненти беше постојано обвинуван и од граѓанските организации и активисти за заштита на зеленилото во Карпош дека како градоначалник целосно ги узурпира зелените површини и јавните простори за сметка на интересите на градежниците.

По легализацијата, плацот продаден речиси трипати повеќе

Изградбата на новата зграда која се наоѓа кај поранешниот познат ресторан „Имес“ веќе е во полн ек. Зградата која сега веќе ја гради компанијата „Дабар ДООЕЛ“ ќе биде составена од 132 стана и ќе има приземје, 5 ката и поткровје.

Откако се случила легализацијата и откупувањето на земјиштето, тоа за многу краток период било веднаш продадено на компанијата „Дабар ДООЕЛ“. Од оваа компанија за „Макфакс“ потврдија дека за плацот на „ГРОМ промет“ му платиле 508.474 илјади евра додека околу 91 илјада евра завршиле како данок на државата.

Сега 80% сопственост врз плацот има компанијата „Дабар ДООЕЛ“, а 20% останува на други физички лица кои исто така се вклучиле во процесот.

Фирмата „Дабар ДООЕЛ“ потоа добила можност и за дооформување на земјиштето во тој реон бидејќи за нивниот објект им била потребна поголема парцела. Таа дооформува уште 1835 м2, за кои платила 470 илјади евра кои одат на сметка на Градот Скопје и општината, како и 20% за државата, со што плацот го зголемуваат на вкупно 2845 м2.

Според информациите од оваа компанија, тие платиле и 756 илјади евра за комуналии, од кои 40% се за општината, како и 60% за Град Скопје.

ГРОМ промет формирана уште во 2003

Од документите во Централниот регистар може да се види дека, сепак, е само коинциденција тоа што името на фирмата „ГРОМ промет“ е слично со името на партијата на Стевчо Јакимовски. Компанијата „Гром промет ДООЕЛ“ била формирана уште во 2003 година, а како нејзин сопственик во регистарот е наведен Горан Ристовски. Според потврдата што  ја добивме во телефонски разговор од сопственикот на компанијата, компанијата работи долги години пред да се формира партијата ГРОМ и под нејзино раководство бил познатиот скопски ресторан „Имес“, кој веќе не постои на таа локација.

Ристовски во неофицијален телефонски разговор ни кажа дека не сака да дава изјави за медиумите затоа што не чувствува потреба да демантира какви било наводи изнесени против неговата компанија. Тој негираше дека неговата компанија има каква било врска со партијата ГРОМ и исто така ни ја потврди сумата од 600 илјади евра за која е продадено земјиштето, во која е вклучено и ДДВ-то за државата.

Предупредувања за нашите пишувања за плацот кај „Имес“

Иако во нашиот прв разговор со сопственикот на компанијата „ГРОМ промет“, Горан Ристовски, тој смирено ни објасни повеќе детали околу случајот, но, сепак, одби да даде официјална изјава за нашиот медиум, пола час подоцна тој повторно ни се јави на телефон и ни кажа дека наскоро ќе нè побара неговата сопруга, која е правник, за да ни го објасни нивниот став околу неговата изјава.

„Не сакаме нашите имиња да ги споменувате во вашите текстови, вие немате право на тоа зашто се работи за приватна работа. Ќе следам што пишувате и потоа ќе си преземеме мерки на влијание“, ни рече жената која се претстави како сопруга на сопственикот на компанијата.

Таа со агресивен тон во телефонски повик ни упати повеќе предупредувања дека воопшто не сакаат на никаков начин да се споменуваат нивните имиња во нашата сторија затоа што се работело за приватна работа и тие не сакаат да дадат изјави на темата. Таа нè распрашуваше од каде сме ги добиле документите за случајот и неколкупати ни испрати предупредување дека ќе го следи нашиот текст, како и дека треба да бидеме внимателни во пишувањето бидејќи доколку таа смета дека го кршиме законот со пишувањата, ќе употреби правни мерки против нас.

Кристина Озимец

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија10 часа

Заев и коалиционите партнери се договорија да настапат со заеднички кандидат за претседател

Владејачката СДСМ и коалиционите партнери на вечерашната средба постигнале согласност за заеднички кандидат за претседател. Како што соопшти партијата, ваквата...

Македонија13 часа

Седат ја пронајде девојката којашто ја извлекол од автобусот: ,,Никогаш нема да заборавам како ме молеше да ѝ помогнам”

Седата успеа да ја најде патничката на која ѝ помогнал да преживее под автобусот кој се преврте кај Ласкарци. Само...

Македонија16 часа

Реакции по навредите кон Силјановска: Срамно е да сатанизирате личност по возраст и пол

По серијата навреди на социјалните мрежи кон професорката по уставно право и претседателски кандидат на ВМРО-ДПМНЕ, Гордана Силјановска Давкова, невладини...

Македонија19 часа

Неколкумина повредени кај Ласкарци се во критична состојба, една пациентка е на операција

Во Градската општа болница „8-ми Септември“ од повредените од тешката автобуска несреќа на автопатот Скопје-Тетово, во моментов се лекуваат 18...

Свет21 час

Од Пентагон уште не знаат колку пари ќе му дадат на Трамп за изградба на ѕидот

Вршителот на должноста министер за одбрана на САД, Патрик Шенахан, синоќа изјави дека се уште не утврдил колку пари ќе...

Македонија21 час

Заев за наградата „Евалд Фон Клајст“: Со Ципрас поставивме основа за тоа како треба да работат идните генерации

На свечена церемонија, во присуство на дел од највисоките гости на годинешната Минхенска конференција за безбедност, на премиерите на Северна...

Свет22 часа

Аргентина: Последно испраќање на починатиот фудбалер Емилијано Сала

Семејството, пријателите, навивачите и поранешните соиграчи се простија од фудбалерот Емилијано Сала (28) во неговиот роден град во Аргентина, четири...

Македонија2 дена

Силјановска е претседателски кандидат на ВМРО-ДПМНЕ: Македонија многу ми даде, сега е ред јас да вратам

Гордана Силјановска и официјално е избрана за претседателски кандидат на ВМРО-ДПМНЕ од страна на делегатите на партијата на денешната конвенција...

Македонија2 дена

Мицкоски: Да се обединиме и да му дадеме црвен картон на Заев

Лидерот на ВМРО-ДПМНЕ, Христијан Мицкоски на конвенцијата во Струга, на која партијата избира кандидат за претседател, повика на обединување на...

Свет2 дена

(Видео) Работник кој добил отказ застрела петмина колеги во Чикаго

Пет лица се убиени и пет полицајци се повредени во предградието на Чикаго, кога 45-годишн маж пукал во индустриско складиште...

Македонија2 дена

Притвор за 11 членови на криминална група, разработиле шема за шверц на мигранти од Грција кон Србија

Единаесет членови на криминална група кои што разработиле шема за шверц на мигранти од Грција, преку земјава, кон Србија, завршија...

Македонија2 дена

Почина уште еден повреден во несреќата кај Ласкарци, бројот на жртви се искачи на 15

Изутринава почина уште еден од повредените во тешката сообраќајна несреќа која што се случи на патот Скопје – Тетово, со...

Свет2 дена

Трамп прогласи вонредна состојба

Претседателот Доналд Трамп прогласи национална вонредна состојба на границата Мексико, во обид да обезбеди повеќе пари за ѕидот кој планира...

Македонија2 дена

ВМРО-ДПМНЕ на конвенција во Струга избира партиски кандидат за претседател

ВМРО-ДПМНЕ денеска на Конвенција под слоганот „За честита Македонија“ во Струга го избира партискиот кандидат за претседател на претстојните претседателски...

Македонија2 дена

На „Дурмо турс“ не му е првпат да излета од пат, лани го извлекувале на Косово

На „Дурмо турс“ не му е првпат да излета од патот. Косовските медиуми лани известиле за автобус  на оваа компанија...

Македонија2 дена

Само претседателот Иванов не го промени името на државата на веб-страницата

Сите министерства и државни институции на своите веб-страници го сменија името на државата во Република Северна Македонија, освен претседателот Ѓорге...

Македонија2 дена

МВР: Не е спорно ако сопственикот на „Дурмо турс“ вршел технички преглед преку друга своја фирма

За Министерството за внатрешни работи законски нема ништо спорно во тоа што сопственикот на „Дурмо турс“, Дурмиш Белули, во исто...

Македонија2 дена

„Специјал“ им подели крофни со рок до утре на учениците во „Димитар Миладинов“  

Принцес-крофни со рок на траење до утре им биле поделени денеска како ужинка  на учениците во ООУ „Димитар Миладинов“ во...

Македонија3 дена

МВР: Преземени мерки за спречување терористички напад на ИСИС

Министерството за внатрешни работи соопшти дека презело мерки за спречување терористички напад во земјата. „По претходно разменети оперативни сознанија со...

Свет3 дена

Трамп прогласи вонредна состојба

Претседателот на САД, Доналд Трамп, прогласи вонредна состојба на национално ниво, истакнувајќи дека треба да се искористат вонредните овластувања за...

Досие