Контакт

Daily news

(ВИДЕО) Кои се невладините кои добија милионски суми од владата на ВМРО-ДПМНЕ?

Објавено пред

Здруженија на поддржувачи на протестите „За заедничка Македонија“, оние кои се потпишаа како поддршка на изборите во декември 2016 за Никола Груевски, здруженија на луѓе блиски до ВМРО-ДПМНЕ, невладини организации без адреса или со фантомски адреси. Само неколку вистински здруженија со мали грантови се најдоа на списокот на поранешната Влада за финансирање, колку да се покрие партиското финасисрање со државни пари. Новата Влада во ревизијата одлучи да не ги додели овие грантови. Макфакс истражуваше кој се требаше да го подели огромниот колач – пари на граѓаните.

dobivaj vesti na viber

На листата „наградени“ од поранешната Влада се најдоа луѓе чии имиња најчесто не биле споменувани во јавноста, но откривме дека се тесно поврзани со ВМРО-ДПМНЕ. Помеѓу „среќните“ добитници на грантови од 3 милиони денари беше здружението Зона од Кавадарци. Ова здружение на темата „Обединети за подобро здравство“ требаше да добие над три милиони денари. Отидовме на адресата во Кавадарци но наместо седиште на здружение, наидовме на партиски штаб на ВМРО-ДПМНЕ. Ниту соседите немаа пофални зборови за Никола Деков, претседателот на здружението. Од нив дознавме дека тој е член на партијата.

Техничката Влада одлучила дека Здружението за развој на информатичко општество „Информак“ заслужува да отвори нов интенрет портал и за тоа да го финансираат со речиси два милиони денари. Бевме на струмичката улица Ленинова, каде треба да биде официјалното седиште на здружението, но не најдовме никој. Дека станот каде е впишан Информак не го користи никој подого време говореа и пајажините на вратата. Станарите во зградата 14 на Ленинова не знаеа дека некогаш тука имало здружение.

Отидовме и на адресата на здружението „Европравец“ од Крушево кое од државата требаше да земе над три милиони денари.

Барајќи ги здружението и претседателот Зоран Николовски, наидовме на неговата семејна куќа, но како што дознавме, откако се актуелизираа невладините кои дошле до милионски суми од државата, претседателот на здружението отворил канцеларија во центарот на градот. Бидејќи не го најдовме на неговата адреса, отидовме во меморилјаниот дом на Тоше Проески, каде е вработен 38 годишниот Николовски. Освен вработен во меморијалниот дом, тој е и секретар на Општинскиот комитет на ВМРО-ДПМНЕ во Крушево. Николовски не сакаше да даде никаква изјава, единствено рече дека ќе зборувал за проектот насловен „Етно ехо“ тогаш кога новата Влада ќе му даде три милиони денари, пари за кои како што рече потпишал договор со претходната Влада.

Здружението на граѓани Горанско Друштво, кое на предвремените парламентарни избори потпиша меморандум за соработка со ВМРО-ДПМНЕ, имаше одлука да земе над 600 илјади денари за проект на темата „Поттикнување на општествено одговорни практики“. Здружението за духовно обединување на Сетинци, Попадинци и Крушоради од Лерин во Македонија, кое исто така потпиша меморандум за соработка со ВМРО-ДПМНЕ требаше да добие 615 илјади денари.

Здружението на Прилепски бранители пак, аплицираше за проект за изградба и заштита на културно историски споменици за што претходната Влада одлучила дека треба да добие над 30 илјади денари. Претседател на ова здружение е Гоце Стефаноски, раководител на подружницата на „Македонија пат“ во Прилеп и поддржувач на протестите „За заедничка Македонија“. Во име на Прилепски бранители, тој даваше изјави за протестите поттикнати од лидерот на ВМРО-ДПМНЕ, Никола Груевски.

Над 3 милиони денари за проект насловен „Мали заедници – голема ризница“ требаше да добие здружението Сојуз на Македонците со исламска религија на Македонија. На местото на кое треба да се наоѓа бараката на здружението, Општина Центар го гради основното училиште во Капиштец. Доколку се истражува ова здружение, за него не може да се да најде ништо, освен што нивните соопштенија се објавуваат на официјалната Фејсбук страница на Светскиот Македонски конгрес. Во декември 2016 година и ова здружение потпиша соработка со ВМРО-ДПМНЕ на предвремените парламентарни избори.

Три милиони денари државни пари требаше да бидат доделени и за Здружението Јасна иднина од село Небрегово, Долнени. Оваа невладина во 2009 година спроведуваше црни кампањи во печатените медиуми против тогашниот лидер на СДСМ, Бранко Црвенковски. Здружението е поврзано и со пратеничката на ВМРО-ДПМНЕ, Нола Исмајлоска – Старова, која конкурирала за 10 проекти во Брисел, а корисник на еден од проектите е токму „Јасна иднина“. Оваа невладина блиска до пратеничката веднаш по објавувањето на информацијата дека се стопираат овие средства испрати соопштение во кое наведува дека ќе ја тужи Владата.

Здружението за волонтеризам Волонтерски центар – Скопје требаше да добие речиси два милиони денари за темата „Е-медиуми и граѓанско општетство“. Одговор за тоа како ќе се развива темата побаравме од овластеното лице на здружението, Никола Станкоски кој одговори дека проектот за кои требаше да ги добие парите би финиширал со отворање на повеќе интернет портали.

На нашето прашање дали на истата адреса постои здужението за младински активизам Квантум, кое на тема „Средношколска унија на млади“ од претходната влада требаше да земе грант од над два милиони денари, тој кажа дека ова здружение ја користело нивната адреса бидејќи не биле толку активни и немале средства да платат простории.

Станкоски и претходно беше таргет на медиумите, кога од Европските фондови земаше илјадници евра. Спорно е што неговата сестра, Катерина Станкоска била и се уште е дел од Националната Агенција која ги дели европските пари.

Владин грант од над 360 илјади денари требаше да земе и здружението Влашко културно уметничко друштво Питу Гули. Отидовме на адресата која е наведена во централниот регистар како седиште на здружението, но од таму ни кажаа дека во станот живее семејство.

Државата одлучила грант од речиси 308 илјади денари да додели и на здружението „Детски парламент на Македонија за Штип и Карбинци. И оваа организација е регистрирана на домашна адреса на претседателот Виолета Каратунова, но за разлика од другите, таа излезе пред камера и зборуваше за својот проект. Каратунова кажа дека веќе со години користи простории на други невладини, но не се осмелиле да земат своја просторија.

Каратунова не криеше дека и претходно земала грантови од државни институции. Освен Владата, грантови и доделувале Министерството за земјоделство и Министерството за култура.

Владини пари за првпат биле планирани и за здружението Совет за грижи и воспитување на децата на град Скопје за организирање на Златно Славејче 2017. Директорот на здружението, Бобан Јосфиовски телефонски ни изјави дека за него е чудно што тие се последни на списокот.

– Видовме колку е почитувано Златно Славејче кое има своја традиција. Најверојатно државата сметала дека не им треба фестивалот. Ако некој заслужува да земе грант тоа сме ние, секогаш сме работеле јавно и транспарентно. Имаме јавно објавена адреса и редовно вработени, а многу поголеми грантови земаа сомнителни новоформирани здруженија, рече Јосифовски.

Генералниот секретар на Владата, Драги Рашковски за Макфакс изјави дека одлучил дека најдобро е да се сопрат парите бидејќи имало сериозни индиции за криминал и кривична одоговрност на неколку здруженија.

– Не се дадени документите во целост, недостасува голема документација. Во моментов се води истражна постапка, па затоа не можам да кажам повеќе, рече Рашковски.

Инаку, ова доделување на грантови дојде откако Никола Груевски како лидер на ВМРО-ДПМНЕ рече дека потфрлиле со невладиниот сектор и заради тоа најголем дел од здруженијата биле „соросови“. За десоросоизацијата, Емил Димитриев во функција на премиер распиша конкурс за невладини од над 800,000 евра државни пари. Според Рашковски, ако има нов конкурс, сумата би била многу помала.

Александар Тодески



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Европа9 минути

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија12 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија12 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија14 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија16 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија17 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија18 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ19 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија19 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија19 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија22 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет23 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет23 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија23 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион23 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет23 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет24 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија2 дена

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија2 дена

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија2 дена

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...