Контакт

Daily news

„Дрисла“ нè труе, за медицинскиот отпад казнета со 8.500 евра

Објавено пред

Во новиот извештај на вонредниот инспекциски надзор испратен до Владата, а до кој дојде „Макфакс“, е посочен и казнет барем еден виновник за отровниот воздух. Во надзорот спроведен во Скопје, а во кој се опфатени осум компании, е констатирано дека „Дрисла“ не ги почитува протоколите и за горењето медицински отпад е казнета парично со 8.500 евра. „Правниот субјект е инспектиран во периодот пред вонредните надзори, има добиено решение во инспекциска постапка за натамошно постапување со печката за согорување медицински отпад во денови на нормално функционирање и денови кога има надминување на праговите во станица „Лисиче“. Од страна на комисијата за спогодување е санкционирана со 8.500 евра во противредност за прекршок во согласност со Законот за квалитет на амбиенталниот воздух“, стои во известувањето на Државниот инспекторат за животна средина (ДИЖС), кој постапува по налог на интерсекторската работна група формирана за да се справи со загадувачите и да го истражи амбиенталниот воздух.

dobivaj vesti na viber

Но, ќе дувне ветер, малку поволен атмосферски притисок и за миг скопјани ќе здивнат од енормното загадување на градот што постојано ги соборува рекордите во присуство на смртоносните ПМ-честички. Тој привид од еден или некогаш, за среќа, неколку дена по ред не го решава проблемот и не треба да го намали притисокот на граѓаните што со години се организираат во секакви антисмог-асоцијации и коалиции и преку своите членови, меѓу кои има експерти и инженери што од различен аспект се обидуваат да го лоцираат проблемот и нудат решенија. Инститициите исто така будно и на нозе треба да ги дочекаат следните денови кога природните услови не ни одат во прилог. Властите со малку повеќе слух во последно време ги надградуваат мерките во справување со амбиенталната катастрофа, но се чини и натаму сe далеку од значајно и долгорочно решение. Иако неколку пати градскиот татко потенцира дека проблемот е наталожен и не може да се реши прекуноќ, а со тоа секако се согласуваме, секојдневно треба да продолжат притисокот и барањата на граѓаните, па дури и кога има денови и проблемот се чини дека не е толку голем. Сепак, протестите за чист воздух речиси никогаш не се посетени во онаа мера колку што е голем бројот на поддржувачите зад тастатурата. Можеби наталожените општествени проблеми ги изморија граѓаните од разни битки и барања или, пак, недовербата кон институциите, па мирните протести за воздухот се вообичаено слабо посетени. Еколошките проблеми во светот се истражуваат на највисоко ниво и се вложуваат многу средства за решенија, но кај нас како и многу други нешта проблемот со аерозагадувањето треба да се прочисти од темелите. И додека Кина веќе наоѓа начин како алтернативно да ги напојува возилата, Австрија од отпадот произведува стопроцентно еколошки извор на енергија, некои земји успеваат и со Балтазар-методи и вентилатори да ги растеруваат маглата и смогот, ние сме на самиот почеток – ги лоцираме загадувачите. А констатирано е дека еден од најголемите е индустријата. Радува фактот што од пред неколку години кога властите фрлаа магла и мачкаа очи до денес има мала разлика во транспарентноста на податоците што се споделуваат со јавноста.

ПОТРЕБНИ СЕ СРЕДСТВА ЗА АКРЕДИТИРАНИ ЛАБОРАТОРИИ

Сепак, Државниот инспекторат за животна средина, кој постапил во согласност со налогот да врши зачестена контрола на инсталациите што поседуваат дозвола А-ИСКЗ да спроведе контролни мерења на емисиите на загадувачките супстанции во амбиенталниот воздух со акредитирана лабораторија, во известувањето наведува дека нема доволен буџет.

„ДИЖС во моментот не е во состојба да спроведува контролни мерења со акредитирани лаборатории за животна средина поради тоа што нема доволен буџет за 2017 година, а за да се спроведат вакви мерења, покрај буџет, потребно е да се спроведе и постапка на јавна набавка, која е врзана со временски рокови. Во согласност со достапните податоци од Институтот за акредитација на РМ, институција што ги издава и одзема акредитациите во разни области во РМ, моментно постојат три акредитирани лаборатории за животна средина за разни еколошки параметри од медиумот воздух. Главно овие три акредитирани лаборатории ги вршат акредитираните мерења во инсталациите А-ИСКЗ на комерцијална основа во согласност со условите и фреквенцијата на мерења пропишана во дозволите. Доколку која било од овие три лаборатории биде избрана на јавна набавка, возможно е, на пример, во неколку инсталации во Скопје истата лабораторија да им ги врши редовните мерења, а исто така да врши и контролни вонредни мерења, со што не се постигнува целта на контролни споредбени мерења бидејќи треба да се контролира самата себе“. Тие додаваат дека при надзорите правните субјекти се известени за препораката за намалување на производниот капацитет до 50 отсто во денови кога е надминат прагот за алармирање и на територијата на Скопје и Тетово е констатирано дека во метрополата цементарницата „Усје“, „Балкан енерџи“, „Макстил“, „Арцелор Митал“, ЈП „Улици и патишта“, „Асфалтна база – Скопје“, „ЕЛЕМ – Енергетика“ и рафинеријата на нафта „Окта“, според анализите за секој одделно, не ги прекршиле правилата и штетните емисии се во рамките на дозволеното. Разните параметри во зависност од секоја компанија се однесуваат на вредносни параметри на сулфурен диоксид, азотни оксиди, прашина, јаглероден моноксид и друго.

Во Тетово, пак, каде што заедно со главниот град состојбата со загадениот воздух е повеќе од алармантна, се инспекторирани девет компании, од кои најмногу се оние што се занимаваат со производство на текстил. Извештајот ги опфаќа „ЗЗ Единство“ од с. Челопек, Брвеница, инсталација за одгледување свињи, потоа АД „Теал“, „Микели Ефраим“, „Тетекс“ АД, „Тетекс Јарн гроуп“, „Блуе енерџи“, „Супер ег пакинг“, „Југохром Алзар“ и „Везе Шари“. Некои од компаниите воопшто не се во работен погон, други работат со намален капацитет, а преостанатите според инспекторите и нивниот надзор не му прават штета на амбиенталниот воздух. Исто така, некои од компаниите се задолжени и во иднина да достават известувања од мерењата за континуирано следење на состојбата.

ГРАЃАНИТЕ СО ПРЕТПОСТАВКИ, НАДЛЕЖНИТЕ ИНСИСТИРААТ ДА НЕМА ПАУШАЛНИ ЗАКЛУЧОЦИ

Поддржувачите на групите што разменуваат информации на социјалните мрежи некогаш интерно се организираат и лоцираат загадувачи, поточно индивидулаци или компании што не ги почитуваат стандардите. Често се пишува дека во строгиот центар на градот угостители за загревање простории користат стари гуми, потоа се зборува за компании во чија близина се забележува енормна загаденост, чуден хемиски мирис и така натаму.

Според Беса Татеши од Министерството за животна средина и просторно планирање, граѓанските иницијативи се добредојдени, но паушални и наутрвдени заклучоци само ја зголемуваат паниката. Таа вели дека дури и надлежната институција кубури со акредитирана лабораторија, која би можела навистина до крај да ги спровде своите надлежности и голема е разликата во веродостојноста на официјалните мерни станици и некои индивидулани обиди да се утврди нешто.

„Ние правиме огромни напори да ги спроведеме акциите утврдени со интерсекторската работна група што треба да се справи со загаденоста и подобрувањето на амбиенталниот воздух. Инсистираме на веродостојност во информациите, а шпекулациите не ни одат во прилог и нè оддалечуваат од прецизни анализи. Сите сме загрижени за проблемот и наоѓаме решенија, ова е прашање што се однесува на сите нас што го дишеме овој воздух“, ни рече Татеши.

Во меѓувреме не стивнуваат реакциите и образложенијата на граѓаните за сознанијата од штетите од „Дрисла“.  Ја нарекуваат и македонски Чернобил, кој нè труе во континуитет. Се зборува дека индустриите ги користат пиковите кога загадувањето е најголемо, па тогаш користат да протнат уште повеќе отров. Меѓу овие засега теориии на заговор е и онаа дека увезуваме штетен отпад.

Меѓу последните мерки, кои на 28 декември беа преземени како итни за да се справиме со загадувањето, беше и бесплатниот јавен превоз. Оваа одлука ја соопшти градоначалникот Петре Шилегов бидејќи два дена едноподруго нивото на ПМ-честичките беше над дозволеното. Покрај бесплатниот превоз, беа стопирани сите градежни активности на градилиштата во надлежност на Град Скопје. Шилегов ги повика и сите скопски градоначалници да донесат одлука за стопирање на градење, а вработените во Градот да доаѓаат на работа со автобус. Службените возила на Градот Скопје ќе се користат исклучиво за потребите на градскиот инспекторат. Градоначалникот Шилегов тогаш рече дека нивните инспектори досега казниле 25 компании, кои не ги почитувале одредбите на Законот за јавната чистота, а биле направени 1.234 контроли. „Макфакс“ е во очекување информација од Град Скопје да ни ги достават имињата на казнетите на компании и образложенијата за какви прекршоци станува збор. Во продолженије на темата ги очекуваме новите информации. Освен индустријата, како втор најголем виновник за отровниот воздух се посочени домаќинствата, а се очекува дека со гасификацијата барем овој виновник ќе биде елиминиран.

Ана Василевска



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија6 часа

Ќе го оставиме срцето на терен за интересот на Македонија, рече Мицкоски и најави позитивна кампања

Ние водиме позитивна кампања, кампања на проекти, кампања на надеж, кампања која ќе ја врати довербата во институциите по шест...

Македонија6 часа

(Видео) „Нема откажување од иднината“ – СДСМ и коалицијата „За европска иднина“ го означија почетокот на кампањата за парламентарните избори

Со настан во Музејот на современа уметност, Социјалдемократскиот сојуз на Македонија и Kоалицијата за европска иднина, го означија почетокот на...

Македонија7 часа

Наместо покачена 12 отсто, вработените во културата не добија никаква плата, од утре излегуваат на протести

Доколку до крајот на денот не им биде исплатена платата за март на 3.000 вработени во културата, од утре тие...

Македонија7 часа

Сексизам, дискриминација, навреди и говор на омраза од Пендаровски и лица вклучени во неговата кампања: Силјановска-Давкова со нова претставка

Гордана Силјановска-Давкова денеска поднесе нова претставка до Државната изборна комисија, Комисијата за заштита од дискриминација, ОБСЕ – Организација за безбедност...

Македонија7 часа

ДУИ симулира седница на која Бугарите влегоа во Уставот, Села е претседател на Собранието, а Османи на државата

„Европскиот фронт“ предводен од Демократската Унија за интеграција симулираше конститутивна седница на Собранието, со тоа, сликовито прикажувајќи што би се...

Македонија10 часа

Пендаровски: Ја вративме слободата, изградивме еднакво општество, имаме силна поддршка од најмоќните демократски држави

Кандидатот за претседател, Стево Пендаровски вчерашниот ден од изборната кампања го заокружи со граѓански митинг во Гостивар. Пред присутните Пендаровски...

Свет11 часа

ЕУ воведе нови санкции за Иран

Лидерите на Европската унија вчера одлучија да ги зголемат санкциите против Техеран додека светските сили се обидуваат да спречат поширок...

Свет11 часа

Украина предупредува на трета светска војна пред клучната одлука во Америка

Украинскиот премиер изјави за Би-Би-Си дека ќе има трета светска војна доколку Украина ја загуби војната со Русија, апелирајќи до...

Македонија21 час

Мицкоски: Пендаровски не ги критикува ДУИ и Ахмети, што значи дека е нивен привезок и втор кандидат за претседател

Народот знае дека гласот за Стево е глас за ДУИ, Али Ахмети и Артан Груби. Гласот за Стево е глас...

Топ1 ден

Обид за убиство во прилепскиот затвор: со нож избоден осуденик

Полицијата поднесе кривична пријава против С.Р.(28) и Д.К.(39), двајцата од Прилеп, поради убиство во обид. Од МВР информираа дека инцидентот...

Македонија1 ден

Арсовска: Министерката за култура успеа самата себеси да се побие и не одговори на ниедно прашање

Министерката за култура, Бисера Костадиновска-Стојчевска успеа самата да се побие и не одговори на ниту едно прашање коешто беше поставено,...

Топ1 ден

Кривична против Курто Дудуш: за директори на градинка именувал лица што не биле вработени таму

СВР Скопје – Единица за економски и компјутерски криминал поднесе кривична пријава против 49-годишниот К. Д., градоначалник на скопска општина...

Македонија1 ден

„Два месеца нема плата за вработените, а пред избори се примаат работници“ – „Национални шуми“ на протест

Триесет подружници се собраа пред Јавното претпријатие „Национални шуми“ со цел да го изразат незадоволството оти втор месец немаат добиено...

Македонија1 ден

Со Арсовска ќе се видиме на суд да објасни како јас сум знаела, а не сум пријавила пожар во Универзалната сала, најави министерката за култура

За министерката за култура Бисера Костадиновска-Стојчевска, вчерашните обвинувања од градоначалничката на Скопје, Данела Арсовска, се лаги, скандалозни тврдења и обид...

Македонија1 ден

Грејната сезона продолжува поради временските услови

АД ЕСМ ги информира потрошувачите приклучени на системот за централно греење со кој управуваат компаниите формирани од АД ЕСМ, како...

Македонија1 ден

Училиштата не може да објаснат како е направен изборот на фирмите за чии услуги плаќаат родителите: набавките за униформи за учениците, за фотографирање и за ужина се нетранспарентни

Центарот за граѓански комуникации го објави истражувањето „Отсуство на процедури, транспарентност и отчетност кај набавките што се финансираат со пари...

Регион1 ден

По високите температури, Србија во снег: мештаните шокирани

Силниот дожд во утринските часови на територијата на западна Србија прерасна во лапавица и снег, а на Златибор веќе е...

Свет1 ден

ОН се обидуваат да го спречат гладот ​​во Газа: „Постојано некои нови проблеми“

Обединетите нации(ОН) се уште се борат да се обидат да го спречат гладот ​​во Појасот Газа. Иако има одредено подобрување...

Македонија1 ден

Мицкоски: 13-ти ден од кампањата, а Пендаровски не кажа ни збор за криминалите на ДУИ, за „Соравија“, за грабежот – тоа значи дека го прифаќа

Најголемата трагедија е што овие години полека, но сигурно системот е срушен. Системот кој е создаден да служи на народот,...

Свет1 ден

Израел го остава Иран во неизвесност во врска со нивниот одговор за нападот: „Нека бидат нервозни“

Ставот на израелскиот воен кабинет е дека Иран треба да продолжи да погодува каков ќе биде одговорот на Израел на...