Контакт

Истражувања

Луксуз во глина над Жданец, зградите се искачуваат упорно кон Водно

Објавено пред

Изградба на четири огромни згради предвидува луксузниот ресорт наречен „Белведере ресорт“, кој се наоѓа над населбата Жданец, на планината Водно. Една од големите згради има две нивоа и веќе е готова, но на терен е видливо дека изградбата во изминатиот период стагнира. Дел од локалното население стравува дека зградите се градат на ронливо, глиновито и нестабилно земјиште, но инвеститорите велат – ваквите наводи се злонамерни и невистинити.

dobivaj vesti na viber

Во општина Карпош наголемо се води кампањата за локални избори, чиј фокус овој пат е најмногу посветен на зелените ветувања. На терен, пак, во општината градежните машини сè повеќе ги узурпираат зеленилото, парковите и другите простори. Четири згради, од кои секоја е на две нивоа, ќе никнат над населбата Жданец доколку целосно се комплетира изградбата на најавениот „Белведере ресорт“. Зградите се наоѓаат над населбата, во самиот рид со специјално направен пат до нив, лоциран во зелениот појас на планината. За овој проект специјално се чистеше терен во самата планина, во реон каде што претходно немало изградба на градежни објекти. Луксузниот станбен комплекс е веќе видлив и од градот бидејќи една од зградите е речиси готова.

Според ветувањата на инвеститорите, компанијата „Имвента“ ДОО, идните станари на овој комплекс ќе имаат прекрасен поглед кон целата скопска котлина, ќе уживаат во изолиран објект и околното зеленило на планината надвор од градскиот метеж, а истовремено ќе бидат на само десетина минути од строгиот центар на градот, но и во близина на трговскиот центар „Сити мол“ и пазарчето „Тафталиџе“. Комплексот, според сликите на проектот што се достапни онлајн, ќе биде луксузно уреден, со базени и рекреативни простори, а апартманите ќе бидат директно поврзани со гаражите преку лифтови и скали.

Кој е инвеститорот „Имвента“?

Официјално, компанијата инвеститор на „Белведере ресорт“, „Имвента“ ДОО, според документите од Централниот регистар е формирана во 2011 година со странски капитал и нејзините сопственици имаат израелско потекло. Сопственик и управител на проектот е извесен Јозеф Море од Израел, проект-менаџер е Јосиф Смилевски, a стручен консултант и оперативен координатор е Љупчо Атанасов.

На веб-страницата посветена на проектот е објавено дека продажен и маркетинг-менаџер за проектот „Белведере“ е Горазд Чупевски, но, сепак, според неговиот линкедин и фејсбук-профил, тој од мај оваа година започнал да работи во Commerz Systems GmbH, компанија во Прага, Чешка. Како надворешни соработници компанијата на веб-страницата ги навела НЛБ Тутунска банка – Скопје, компанијата што им врши надзор на објектот, „Вијадукт“ – Скопје, и извесна компанија од Панама, „Рами Атие“, чија веб-страница речиси не функционира и нема основни информации во однос на нивната работа.

Големиот проект е прв од ваков вид во земјата за оваа компанија која за „Макфакс“ на прашањето на кои други проекти во Македонија работи, одговори дека во согласност со политиката на работа првин ги завршува започнатите, па потоа работи на нови проекти“.

Локалците тврдат: Земјиштето е ронливо и глиновито

Во пресрет на актуелните критики кон општинските власти за уништување на зеленилото во општина Карпош, ја посетивме локацијата на „Белведере ресорт“ во Жданец, која се наоѓа токму во зелениот појас на подножјето на Водно каде што нема други градби од ваков вид.

Една од зградите, која е на две нивоа и е дел од овој ресорт, е речиси готова. Патот што води кон станбениот комплекс е заграден со импровизирани огради од лим и не може да се пристапи до објектот што е во изградба. Интересно е што и покрај тоа што проектот забрзано иташе напред, на терен се чини дека изградбата на објектите е во застој или стагнира, со оглед на тоа што не можат да се забележат градежна машинерија или работници што работат на самото место.

Во неможност да поразговараме директно со некој на самото место кој е дел од градежните зафати, прошетавме во околината да помуабетиме со дел од мештаните во населбата. Тие се плашат дека градежната инвазија полека, но сигурно ќе го зафати и појасот над Жданец и со тоа може да ги уништи планината, зеленилото или, уште пострашно, да предизвика свлечишта.

– На тоа место порано одевме и собиравме глина за училиште. Со неа потоа на часовите по ликовно во „Владо Тасевски“ правевме разни скулптури. Во околината сите знаат дека земјиштето е глиновито и ронливо, се надевам дека нема да ни се симнат надолу зградите. Се плашиме од свлечишта или пропаѓање на земјата, а под тие згради има доста куќи што се тука со години – вели една граѓанка на населбата Жданец, која сакаше да остане анонимна.

Со оглед на тоа што изградбата на објектот не се одвива забрзано како претходно, се шират и шпекулации дека постојат проблеми со стабилноста на земјиштето каде што се гради.

Но, со ваквите стравувања на мештаните очигледно не се согласува Општина Карпош, која дала одобрение за градење на инвеститорот „Имвента“ ДОО. Одобрението за градба чекало повеќе од две години бидејќи било поднесено во март 2013 година, а изградбата била конечно одобрена во ноември 2015 година. Проектот за станбениот комплекс е на компанијата „Радо инженеринг“, а надзорот го извршила компанијата „Вијадукт“ – Скопје. Од Општина Карпош не негираат дека изградбата е стопирана, туку за повеќе информации нè упатија кај инвеститорот на објектот. Не откриваат зошто се чекало дури две години за да се издаде одобрението за градба на овој објект.

– За причината зошто е стопирана изградбата на комплексот згради кои се дел од „Белведере ресорт“ во Жданец, најупатно е да разговарате со сопственикот на комплексот згради. Што се однесува, пак, за тоа кој ја следи изградбата, сакаме да ви посочиме дека динамиката на градбата е обврска на надзорот, а не на Општина Карпош.

Исто така, би сакале да ви укажеме дека сопственикот на комплексот самиот одлучи да гради фазно. Тоа практично значи дека за она за што ќе уплати комуналии, за тоа ќе добие одобрение за градење, и тоа ќе може да го гради, велат од Општина Карпош за „Макфакс“.

„Имвента“: Нема застој, се работи на објектот, земјиштето е безбедно

Инвеститорите на станбениот комплекс, компанијата „Имвента“, за „Макфакс“ велат дека иако можеби однадвор се чини дека изградбата на нивниот луксузен ресорт е запрена, сепак, застој не постои и се завршуваат внатрешните фази од работите во објектот, а надворешните инфраструктурни работи се поврзани со обезбедување согласности и технички решенија од општинските, градските и од други институции и тие се во фаза на реализација.

За шпекулациите дека изградбата е запрена поради пропаѓање или лизгање на земјиштето каде што се гади, менаџерот на проектот, Јосиф Смилевски од „Имвента“, вели дека за локалитетот се изготвени студии и стручни анализи, како и геомеханички испитувања, проекти за сите фази на објектот што е во градба, ревизија на проектната документација, која е во целост одобрена и по неа се извршува градбата на објектот без никаков застој.

Иако првично Смилевски ни понуди лично да го посетиме објектот, пред состанокот ни ја откажа средбата поради службен пат, по што одговори на нашите прашања по писмен пат.

Тие не одговараат директно зошто компанијата чекала дури две години за добивање градежна дозвола за проектот, а за реакциите на мештаните и нивните стравувања за безбедноста на објектот и земјиштето, велат дека таквите наводи се злонамерни и не постои простор за загриженост.

– Во делот на ваквите прашања одговорите би биле дека кажаното во прашањата е само претпоставка или злонамерно кажување за нешто што не постои и не е можно, велат од „Имвента“.

Инжинерот Влатко Коцевски, кој е дел од компанијата „Вијадукт“, која го прави надзорот врз објектот, исто така вели дека градбата не е стопирана, туку се вршат внатрешни занаетчиски работи на објектот. Признава дека, сепак, постои стагнација.

„Оди бавно финансиски, инвеститорот не ги засилува работите, а сега ќе има и избори. Слаба е продажбата на станови на пазарот, умртвена е целата работа“, вели Коцевски за „Макфакс“. Во однос на безбедноста на објектот тој вели дека самата зграда со својата тежина пркоси и му се спротивставува на брдото, има и потпорен ѕид, со што, според него, не се можни опасности за свлечишта.

„Таму има и геомеханички елаборат, статичка пресметка, сеизмичка анализа, сè е тоа поклопено штом има добиено дозвола за градба од Општина Карпош и сите лица тоа го имаат на увид“, вели Коцевски.

Грчев: Долните слоеви на Водно имаат тенденција на лизгање на земјиштето

Архитектот Мирослав Грчев за „Макфакс“ вели дека во последната деценија и повеќе во Скопје преoвладува една безмилосна изградба и притисок за градење кои градот го шират во најскапоцените терени што го опкружуваат – кон парк-шумата Водно или да ги уништува земјоделските површини околу него.

„Тоа се случува и во рамките на градот, се пополнуваат слободните простори, зелените простори, парковите, рекреативните простори. Тоа го прават само цивилизации што ги напуштиле и разумот, и умот и законот како ориентација во својата работа и овозможуваат да цветаат само приватниот интерес и профитот.

Сведоци сме дека Водно со години се освојува спротивно не само на одлуката за парк-шума Водно на Град Скопје и забраната за изградба во парк-шумата туку и спротивно на инженериските правила, според кои, не смее да се дозволи доведување во опасност животот и имотот на луѓето. Не смее да се зголемува опасноста врз јавната безбедност со градење нестабилни терени, свлечишта итн.“, вели Грчев.

Според него, спецификите, особено на подолните делови, првите брда од Водно, се дека тоа се слоеви глина и песоклива глина, кои имаат тенденција да се лизгаат и да се движат надолу кон градот.

„Поради тоа, градбите на овој терен мора да подлежат на посебни инженериски процедури на геомеханички пресметки и специјални мерки за консодилирање потпорни ѕидови, штитови, длабоки втемелувања, бидејќи тоа земјиште се свлечува.

Во некое време кога постоеше држава, тогаш кога државен орган – општината, градот, кога ќе дадеше дозвола, имаше големи шанси да се претпостави дека тоа одобрение ги зело предвид сите безбедносни аспекти. Денес, некои од одобренијата што ги имаат градителите што ги добиле од корумпирани општини и градоначалници, каде што органите на државата се потполно во фунција на профитот и други интереси, не значат ништо, дури некогаш се доказ дека градбите се во служба на тие интереси“, вели Грчев.

Кристина Озимец

Истражувања

(Видео) Нафтениот тајкун и пратеник од ДУИ, Јахоски, му ја продал куќата на Таравари во Тафталиџе, комшии му се министри и бизнисмени

Објавено пред

Куќата во скопско Тафталиџе на Арбен Таравари, актуелен градоначалник на Гостивар и лидер на Алијансата за Албанците, по цена далеку пониска од пазарната му ја продал пратеникот од ДУИ, Исмаил Јахоски, кој пет мандати беше градоначалник на Пласница и чие семејство е сопственик на „Пуцко петрол“. „Макфакс“ дојде до официјалниот документ, кој покажува дека последниот сопственик на куќата во Тафталиџе пред Таравари да ја купи бил пратеникот Јахоски заедно со сопругата Љупка-Еда Јахоска.

dobivaj vesti na viber

Со купувањето на куќата, Таравари во соседството е опкружен со видни бизнисмени, но и политичари од партијата ДУИ. На неколку чекори од неговиот двор живее министерот за финансии, Фатмир Бесими. На истата улица кај Бесими куќа има и бизнисменот Фатмир Етеми, кој е поранешен пратеник од ПДПА, кој изгради деветкатница кај „Мајчин дом“ во Аеродром.

Иако му ја продаде куќата, семејството Јахоски останува прв сосед на Таравари оти Љупка-Еда Јахоска, според податоците од Катастарот, е сопственичка на соседната парцела.

Историјатот од Катастарот покажува дека Јахоска во 2013 станала сопственичка на куќата што денес ја поседува Таравари. Делела по една половина со Иса Јаоски. Во 2017 година делот од Иса Јаоски како дар го добил пратеникот Јахоски. По четири години, во 2021 година, врз основа на договор за купопродажба како сопственик е внесен Таравари.

Таравари во анкетниот лист истовремено ги пријавил куќата од 150 илјади евра и кредит од 100 илјади евра

Според анкетниот лист пријавен во Државната комисија за спречување корупција, Таравари за квадратен метар платил 576,5 евра, иако пазарната цена за квадрат надминува 1.500 евра и сега и во 2021 година кога била направена купопродажбата. Извештаите на Државниот завод за статистика (ДЗС) покажуваат дека и во 2019 година, две години пред Таравари да ја купи куќата, просечната цена на квадрат во Скопје била 1.000 евра, а од тогаш наваму цените се во постојан пораст.

Таравари смета дека цената од 150 илјади евра за 261 квадрат во Тафталиџе е реална и нагласува дека цените сега и пред две години се разликуваат

Таравари за „Макфакс“, сепак, тврди дека платил реална цена за куќата и не даде никаков коментар на обвинувањата за партиски пазар и сомнеж за корупција.

„Куќата е купена во јуни 2021 година со комплетно уредна документација. Пријавена е во анкетниот лист уште 2021 година, а според состојбата во која беше купена куќата во 2021 година, таа ѝ е реалната цена за тоа време. Инаку, цените на становите и куќите сега и пред две години се разликуваат“, рече Таравари.

Пратеникот Јахоски вели дека има обичен мобилен и не ги гледа пораките со прашања за купопродажбата

Пратеникот од ДУИ, Јахоски, не одговори на прашањата од „Макфакс“ зошто му направил попуст на Таравари и со тоа оставил простор за сомнеж за корупција и политички пазар, како што обвинува опозицијата.

„На седница сум“, рече пратеникот, кој самиот се јави во „Макфакс“ оти, како што рече, му стигнала празна порака, но спушти слушалка кога ги слушна прашањата што му беа испратени во пораката. Рече дека има обичен телефон и не гледа прашања, а не одговори ниту на прашањата испратени по имејл.

Таравари, истовремено, со купувањето на куќата за која навел дека вреди 150 илјади евра, во анкетниот лист пријавил и кредит од 100 илјади евра.

Државната комисија за спречување корупција ги истражува сите наводи во анкетниот лист на Таравари, вклучително и цената на куќата.

„Имаме предмет за Таравари, но сè уште се работи и во овој момент немаме исход што би можел да се соопшти“, вели Билјана Ивановска, претседателка на ДКСК, за „Макфакс“.

Управата за финансиска полиција, пак, како најповикана институција за следење на патот на парите и откривање криминал во функционерските кругови, една недела не одговара на прашањата од „Макфакс“ за цената што Таравари ја платил за куќата по јавно искажаните сомнежи за корупција ниту, пак, извести дали на кој било начин оформиле предмет за овој случај. Новиот директор на Управата, Горан Иванов, не контактира со медиумите, освен во случаи кога Управата преку соопштение, еднострано, ѝ се обраќа на јавноста. За случајот на Таравари, досега од оваа институција немаше соопштение.

Прикажи повеќе...

Истражувања

Разрешена директорка зела плата и го возела службениот автомобил

Објавено пред

Ексдиректорката на Државниот комунален инспекторат, Елизабета Јованчева, и разрешена зела плата, го возела службениот автомобил и потпишувала документи, а нејзините колеги сведочат и дека заминала на обука во Италија за која си зела и дневници. Инспекторатот сега судски бара ексдиректорката да врати 26.832 денари, што ѝ биле префрлени како плата по разрешувањето, а откако ќе ја добие пресудата за платата, ќе поведе постапка и за сите останати трошоци што ги направила во периодот по одлуката на Владата.

dobivaj vesti na viber

„Владата ја разреши Јованчева на 15 мај 2018 година, без образложение, со назнака дека одлуката стапува на сила веднаш, но таа си остана на функцијата до јуни. Место само за 15 дена од мај, таа си потпиша плата за цел месец. Одвреме-навреме доаѓаше и на работа. Кога ја прашавме зошто доаѓа и по одлуката на Владата, таа кажуваше дека чека официјално известување“, велат вработени во Инспекторатот кои сакаа да останат анонимни.

Инспекторатот бил без директор до август 2018 година кога Владата го назначила Зоран Маџовски за в.д. директор, но по само две недели го разрешила и него и за в.д. директор е назначен Сали Ајдини, кој сè уште е на функцијата. Со негов потпис, Државниот комунален инспекторат во октомври лани побарал од Јованчева да ги врати парите што ги добила како вишок средства со платата. Со истиот допис ја известиле ексдиректорката дека ако не ги врати парите, ќе почнат судска постапка.

Јованчева им одговорила дека барањето им е неосновано, па Инспекторатот побарал милење од Државното правобранителство. Правобранителството го прифатило барањето и го известило Инспекторатот дека случајот е испратен за постапување до Државното правобранителство во Штип, надлежно да постапува доколку е потребно да биде поведена судска постапка.

„Правобранителството нè извести дека подготвително рочиште за предметот е закажано за во март годинава. Нашиот став е дека поранешната директорка треба да ги врати парите за половина месец оти одлуката на Влада за нејзино разрешување стапи на сила веднаш и таа беше одјавена од социјално осигурување“, изјави директорот Ајдини за „Макфакс“.

Државниот комунален инспекторат во октомври лани побарал од Јованчева да ги врати парите што ги добила како вишок средства со платата

„Макфакс“ ја контактираше ексдиректорката Јованчева, но таа не сакаше да зборува за случајот.

Владата, која ја назначи и ја разреши Јованчева, не одговори на прашањата кое е образложението за нејзиното разрешување и зошто постојано дозволуваат Инспекторатот да е без директор.

„Во однос на кадровските прашања во Владата на Република Македонија, има комисија за кадровски прашања, која за секое лице поединечно ги проверува содржините на поднесената документација за да се провери дали ги исполнуваат условите за именување и соодветно на фактите, со потврдата за исполнување на условите за именување, Владата ги именува истите“, е коментарот на Владата како одговор на прашањата за смената на Јованчева.

Владата ја назначи за директорка Јованчева на 26 јануари 2018 година откако Инспекторатот беше три месеци без директор, оти дотогашниот стана градоначалник, а вработените беа без плата. Една од првите обврски на Јованчева беше потпишувањето на платата.

 

Прикажи повеќе...

Истражувања

(Видео) „Лимак“ и Градот ги изиграа скопјани, се гради хотел место прво да се изгради подземната сообраќајница

Објавено пред

Место прво да ја изгради подземната сообраќајница па потоа да ги гради содржините над земја, турската компанија „Лимак“ кај Стара железничка прво гради хотел. Зад „Рамстор“ веќе се гледа објект од приземје и четири ката, а во исто време на трасата на подземната сообраќајница видливи се само подготовки за градење. Овој проект е уште еден во низата проекти што имаат поддршка и од ВМРО-ДПМНЕ и од СДСМ. Во време на ВМРО-ДПМНЕ во 2012 година беше продадено државното земјиште, но се молчеше иако со години не се градеше, а властите од СДСМ, пак, лани наплатија комуналии за сите предвидени објекти и издадоа одобренија за градење и покрај мораториумот за градење во Центар.

dobivaj vesti na viber

Сега властите молчат за редоследот на градење. Обврската прво да ја изградат подземната сообраќајница на Турците им ја наметна поранешниот градоначалник на Скопје Коце Трајановски, веднаш по продажбата на земјиштето во 2012 година. Трајановски ги уверуваше скопјани дека Град Скопје склучил договор со Турците кој нема да дозволи тие да си ги изградат комерцијалните содржини над земја и да ја баталат подземната сообраќајница бидејќи се обврзале прво да ја изградат сообраќајницата, а дури потоа да почнат да ги градат другите содржини. Изградбата се одолговлекуваше со години, а кога веќе почнаа да градат минатата година, Турците покажаа дека приоритетен им е хотелот, спротивно на уверувањата на поранешниот градоначалник.

Иако објектот зад „Рамстор“ секојдневно расте, и од Град Скопје и од „Лимак“ велат дека не е прекршен договорот за изградба на подземната сообраќајница.

Од Градот тврдат дека е на сила договорот што го потпишал поранешниот градоначалник, но го сокрија кога „Макфакс“ со барање за пристап до информации од јавен карактер побара копија. Не одговорија на барањето и по истекот на законскиот рок од еден месец.

„Градот Скопје го нема променето договорот склучен помеѓу Град Скопје и ‘Лимак’ од 12.03.2012 година“, кусо одговорија од Градот на прашањето кога го смениле договорот што го обврзува „Лимак“ прво да ја изгради подземната сообраќајница, а потоа да ги гради останатите содржини со оглед на сегашната состојба на градилиштето зад „Рамстор“.

Од „Лимак“ избегнаа да одговорат директно на прашањето зошто не ја изградија подземната сообраќајница пред да почнат да ги градат другите содржини. Велат дека и покрај одолговлекувањето, ќе ги исполнат обврските од договорот потпишан во 2012 година.

„Според распоредот за изградба на ‘Лимак’, подземната сообраќајница ќе биде прва точка од проектот на ‘Лимак’, кој ќе се гради на парцелата 1.1. ‘Лимак’ прво ќе ја гради подземната сообраќајница на секвенци на парцелата 1.1 и ќе работи нагоре за да ги комплетира паркинзите, а дури потоа ќе почне со активности за изградба на станбените објекти и трговскиот центар кои е предвидено да се наоѓаат на ова место. Според инженерите, ова е сосема изводлив проект. Планирано и буџетирано е дека ‘Лимак’ ќе инвестира до 250 милиони евра за да го заврши овој проект“, изјавија од „Лимак“ за „Макфакс“.

Од компанијата се правдаат дека почнале да го градат хотелот зад „Рамстор“ оти заедно со локацијата го презеле и одобрението за градење што претходниот инвеститор го добил во 2008 година. Морале да почнат да градат оти биле обврзани во рок од десет години од издавањето на одобрението градбата да заврши. Поради истечениот рок за завршување на градбата „Лимак“ плаќа казна од два милиона денари месечно.

Официјално изградбата на комплексот кај Јужен булевар Турците ја почнаа лани во септември и најавија дека подземната сообраќајница ќе биде готова за 20 месеци, односно до средната на 2020 година. Ќе се гради прво потпорен ѕид од 17.000 квадратни метри околу сите парцели опфатени со проектот.

„Лимак“ на просторот кај Стара железничка станица покрај подземната сообраќајница најави изградба на мултифункционален комплекс со четири дваесеткатници, трговски центар, простор за рекреација, угостителски објекти и паркинг. Земјиштето со вкупна површина од 41.824 квадратни метри во 2012 година го купи за 3,7 милиони евра. Лани за комуналии на Град Скопје се обврза да му исплати 6,5 милиони евра на рати, а за 20 отсто помала сума треба да исплати на име комуналии и во Општина Центар.

Прикажи повеќе...

Најново

Македонија11 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија11 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија13 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија14 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија15 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија16 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ17 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија17 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија18 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија21 час

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет21 час

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет21 час

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија21 час

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион21 час

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет22 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет22 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија2 дена

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија2 дена

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија2 дена

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија2 дена

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...