Контакт

Избори 2019

Сиљановска: Оваа власт е далеку од Европа

Објавено пред

Кандидатот за претседател Гордана Сиљановска Давкова вечерва се обрати на граѓаните во Свети Николе.

„Изворот на мојата енергија е длабоката верба дека кога верувате во право и правда во Македонија и за Македонија, на правата страна сте. Затоа и ние правниците велиме зборуваме за правен лек, правните лекови ја прават лошата политика подобра. Ама лошата политика не може да го згази правото. Лошата политика треба да се санкционира. Власта нон стоп зборува за политика, а ние нон стоп ги предупредуваме на правото, ама правото е пред политиката. Оти ако политиката не е ограничена со правото, ако не е под правото, ако не е врамена во правото таа ќе доведе до дискрециони овластувања. Ќе доведе до постапувања што не водат сметка за човековите слободи и права“, рече Сиљановска Давкова.

Таа истакна дека нема потреба да објаснува бидејќи овие две ипол години народот се изнагледал на неограничена политика, незауздана политика, а последиците се видливи и познати.

„Денешните истражувања и анкети покажуваат дека граѓаните во Република Македонија на прво место во својот живот ја ставаат економијата и економскиот развој, а него го нема. Се фалат дека сјајни биле, дека сите ги сакале, дека дури и Нобелова награда за мир ќе им доделеле. Ама народот не мисли така. Се повеќе млади си заминуваат повеќе од 78% од најумните, од најспособните, од најпотребните за Македонија заминуваат во еден правец“, нагласи Сиљановска Давкова.

Додаде дека оваа власт е далеку од Европа.

„Се што посакав од животот добив од Македонија, се што посакував значи добив со помош на мојот народ. Е сега решив да му вратам. Мислам дека знам како, мислам дека знам со кого и мислам дека вреди да се направи таква жртва“, потенцира Сиљановска Давкова.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Избори 2019

(Видео) Пендаровски на средба со младите: Верувам во вас и во вашиот избор, дајте им пример на повозрасните

Објавено пред

Заедничкиот кандидат за претседател, Стево Пендаровски, на трибина со младите истакна дека верува во нив и е убеден дека на 5 мај ќе знаат да го направат вистинскиот избор и дека ќе дадат масовна поддршка на концептот што води напред.

„Младите препознаа дека кандидатката што остана во вториот круг нуди враќање на режимот, кој ги подели луѓето на патриоти и предавници, кој го организира крвавиот упад во Собранието. Сите, не само младите, ги повикувам да размислат за тоа дека тие нудат само враќање на режимот на Груевски. Правдата е бавна, но доаѓа. Со Силјановска и ВМРО-ДПМНЕ доаѓа само неправда. Не смееме да ја ризикуваме иднината на државата. Не се сомневам во младите. Знаете како се живее во развиениот дигитален свет. Кажете им и на повозрасните дека ветувањата полека, но сигурно се реализираат. Влогот е државата и иднината. Изборот е јасен“, рече Пендаровски.

Пендаровски посочи дека во согласност со неговата програма, тој како претседател уште во првите осум месеци од мандатот ќе воспостави посебен фонд за помош на младите и талентираните, Школата за млади ќе развива политички вештини и ќе развива критичко мислење, a ќе се учи преку дружење.

„Не можеме да одиме напред, ниту да имаме подобра иднина ако Република Северна Македонија не е членка на НАТО и на ЕУ. Со добивањето датум за почеток на преговорите со ЕУ се уриваат бариерите во образованието и за младите бесплатно ќе бидат достапни европските образовни институции. Нашата држава е единствена земја што не е членка на ЕУ која ја воведе младинската гаранција. Преку овој проект во оваа 2019 година се очекува да бидат опфатени околу 9.000 млади луѓе во целата држава, кои ќе имаат можност да добијат вработување, обука или практична работа. Затоа, на 5 мај да продолжиме заедно напред“, повика Пендаровски.

Прикажи повеќе...

Избори 2019

(Видео) Арсовски: Заев е пред пораз и го фаќа паника, почнаа притисоците врз фирми и институции

Објавено пред

Зоран Заев ја загуби поддршката од граѓаните. Toj и Стево Пендаровски се соочени со пораз и ги фаќа паника, порача портпаролот на ВМРО-ДПМНЕ, Димче Арсовски, во изјава пред Владата.

Како што рече тој, најдобар доказ за тоа е фактот дека Заев се фаќа за последната сламка на спас.

„Зоран Заев сега се фаќа со тоа што најдобро го знае и владее, а тоа е кршење на законите, криминал, корупција, закани, уцени и поткуп, со што повторно ќе се обиде да ја изигра и манипулира јасно изразената волја на граѓаните од првиот круг на претседателските избори“, посочи партискиот портпарол.

Според него, масовно се вршат притисоци врз приватни фирми и врз администрацијата, јавните и други институции.

„Според информациите што дојдоа до нас, министерката за труд и социјална политика, Мила Царовска, и министерот за финансии, Драган Тевдовски, денеска во Владата повикале претставници на текстилната индустрија. Јавно прашуваме која е целта на оваа средба во Владата и зошто токму по првиот круг, кога нивниот кандидат Пендаровски доби црвен картон од граѓаните, се повикани токму таму? Не очекуваме дека власта ќе признае оти врши притисоци врз приватните компании, но очекуваме надлежните државни институции да преземат соодветни мерки со кои ќе се спречи криминалното сценарио на власта што го подготвува за вториот круг“, истакна Арсовски.

Тој рече и дека таму каде што власта смета дека може да изнуди глас повеќе за нејзиниот кандидат, следуваат повици да се излезе и масовно да се гласа за Пендаровски, а таму каде што имаат информации дека станува збор за лице што не ги поддржува политиките на актуелната, како што рече, криминална власт, тогаш следуваат закани за да не се излезе на гласање.

„Ова сценарио не смее да помине. Ова сценарио е сценарио против Република Македонија и е сценарио против слободната волја на граѓаните“, порача Арсовски додавајќи дека граѓаните покажале мудрост и храброст во првиот круг од изборите и неговата пртија се надева дека тоа ќе го сторат и во вториот круг на 5 мај.

Прикажи повеќе...

Избори 2019

(Видео) Заев: Нашите гласачи покажаа дека се разочарани од некои функционери

Објавено пред

Нашите гласачи покажаа дека се разочарани од некои функционери. Некои се оттуѓија од народот, други не ги извршија очекувањата. Најавив чистка, реконструкција, но од почетокот на распишување на изборите до завршување на изборите е забрането, рече премиерот Зоран Заев. Тој најави дека ќе почека по завршување на изборите, да ја спроведе најавената реконструкција и смена на некои од министрите и функционерите.

Заев не сакаше да открие кои ќе бидат првите министри што ќе бидат сменети.

Премиерот рече дека анализите покажале оти прашањето за името и договорот од Преспа не се причините зошто не се исполниле нивните очекувања за освоените гласови во првиот круг на претседателските избори и посочи на резултатите од референдумот, на кој 609 илјади луѓе гласале „за“ промена на името во Република Северна Македонија и ги спореди со гласовите на Гордана Силјановска-Давкова на изборите од 300.000.

„Граѓаните апстинираа преку седење дома, испратија порака на незадоволство од власта, но ако се откажале од нас, ќе дале поддршка за Силјановска. И Мицкоски е делегитимиран бидејќи и кај ВМРО-ДПМНЕ има намалување на гласовите“, рече Заев.

Во однос на вториот круг на изборите, Заев рече дека очекува опозоцијата да не бојкотира.

На прашањето дали очекува поголема поддршка од ДУИ во вториот дел од кампањата, Заев смета дека имаат право да ги очекуваат гласовите на сите помали етнички заедници, меѓу кои и на Албанците.

Прикажи повеќе...

Најново

Македонија26 минути

Прекршочни пријави за претседателот Иванов од антикорупциската

Антикорупциската комисија поведува две прекршочни постапки против претседателот Ѓорге Иванов поради поставувањето генерали во Армијата по распишување на изборите. На...

Избори 20191 час

(Видео) Заев: Нашите гласачи покажаа дека се разочарани од некои функционери

Нашите гласачи покажаа дека се разочарани од некои функционери. Некои се оттуѓија од народот, други не ги извршија очекувањата. Најавив...

Македонија1 час

(Видео) Заев: За нас, поглавар на ИВЗ е оној што го утврдуваат законите на Заедницата

Премиерот Зоран Заев во врска со проблемите во ИВЗ рече дека негова работа е да им служи на граѓаните, а...

Топ2 часа

Обвиненија за тројца што силувале дете од Гостиварско, еден од нив го наведувал да нуди и секс на интернет

Основното јавно обвинителство од Гостивар поднесе обвиненија против три лица, кои во март и јули минатата година извршиле обљуба врз...

Македонија4 часа

Финансиската полиција денес добила пријава за контрола на работењето во ИВЗ

Управата за финансиска полиција денес добила пријава со барање за финансиска контрола во Исламската верска заедница(ИВЗ). Од Управата демантираат дека...

Македонија4 часа

Бузаку: Објектот на ИВЗ е под окупација

Самопрогласенот поглавар на Исламската верска заедница, Скендер Бузаку, кој е назначен на оваа функција со решение од судот, во изјава...

Македонија5 часа

ИВЗ: Невозможно е Реџепи да се сретне со Бузаку

Портпаролот на Исламската верска заедница, Агрон Војника, запрашан дали ќе се бара компромисно решение меѓу Сулејман Реџепи и Скендер Бузаку по...

Македонија6 часа

Комисијата за односи со верските заедници демантира вмешаност во превирањата во ИВЗ

Комисијата за односи со верските заедници и религиозни групи демантира каква било вмешаност во настаните во Исламската верска заедница. Од...

Свет6 часа

(Видео) Ким Џонг-ун со блиндиран воз пристигна во Русија

Севернокорејскиот лидер Ким Џонг-ун со блиндиран воз пристигна во Русија, каде што утре во Владивосток ќе се сретне со рускиот...

Македонија20 часа

(Видео) ИВЗ: Судот не одлучува кој ќе биде реис, ако е така нека кажат и кој да биде поглавар на МПЦ

Судот не е тој што одлучува кој ќе биде реис, ако е така нека кажат и кој да биде поглавар...

Свет1 ден

(Видео) Камерите снимија терорист кој влегува во црквата непосредно пред масакрот

Медиумите на Шри Ланка објавија снимка од надзорните камери снимена непосредно пред еден од нападите. Како што известува „Гардијан“, се...

Македонија1 ден

Северна Македонија или Македонија? Караџовски и Адеми расправаa како да ја пишува државата на извештајот

Членовите на Судскиот совет го изгласаа годишниот извештај за работата за 2018 година, но претходно претседателот Зоран Караџовски и членот...

Топ1 ден

Мицкоски: Не е до чистката, туку проблемот е до тој што треба да исчисти

По најавите на премиерот Зоран Заев дека власта ја примила пораката од граѓаните и дека ќе следуваат кадровски промени, лидерот...

Топ1 ден

Поднесено обвинение против родителите чии деца загинаа во пожар во Велес

Против мајката и таткото, чии деца во јуни минатата година загинаа во пожар во куќа во Велес, е поднесено обвинение...

Македонија1 ден

(Видео) Таткото на Саздовски: Родителите да кажат каде е третиот осомничен, кој е во бегство

Ни една мајка не треба да го закопа својот син, казната е толкава колку што е предвидено во законот. Не...

Македонија1 ден

(Видео) По 19 години затвор за убијците на Никола Саздовски

Кривичниот суд во Скопје им одреди по 19 години затвор на Бесим Беља и Скендер Демири, кои на 29 јуни...

Свет1 ден

Евакуирана Сиднејската опера поради истекување гас

Стотици луѓе се евакуирани денес од Сиднејската опера и околината поради истекување гас, а раководството на куќата објави дека настапите...

Регион1 ден

Убиецот на бугарската телевизиска новинарка осуден на 30 години затвор

Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова. Телото...

Свет1 ден

(Видео) Базен на врвот на висококатница се излеа за време на земјотресот во Манила

Филипините вчера ги погоди силен земјотрес со интензитет од 6,3 степени според Рихтер поради што се тресеа многу згради, а...

Свет1 ден

Најмалку 11 жртви и 24 исчезнати во земјотресот во Филипини

Најмалку 11 лица загинаа, 24 исчезнати, а повеќе од 80 се повредени во земјотрес со јачина од 6,1 степен, кој...

Досие