Контакт

Актуелно

Актерката Магдалена Ризова ќе го прослави 25-годишниот јубилеј во кариерата

Објавено пред


Магдалена Ризова во својот уметнички ансамбл ќе го прослави нејзиниот 25-годишен јубилеј како професионален актер. По тој повод, на малата сцена во „Театар комедија“ утревечер, 14 април, ќе се одигра романтичната комедија „Дони Дарк“, во режија на Роберт Ристов, претстава со која Магдалена Ризова ја започна соработката со „Театар комедија“ во септември 2017 година, кога се роди и идејата за нејзин постојан ангажман во овој театар.

Од богатиот 25-годишен опус на актерката Магдалена Ризова ќе издвоиме неколку позначајни улоги што ги има одиграно на сцената на МНТ: Коробочка во „Мртви души“ (Гогољ), Аце, бабата и Евдокија во „Буре барут“ (Дејан Дуковски), насловната улога во „Мурлин Мурло“ (Николај Кољада), Мими во „Грев или шприцер“ (Сашко Насев), Јохана во „Баал“ (Брехт), Даница во „Народен пратеник“ (Б. Нушиќ), Оливер во „Глембаеви“ (М. Крлежа), Госпоѓата во „Слугинки“ (Жан Жене), Андромаха во „Големиот смок“ (Митко Маџунков), Ангелина во „Лепа Ангелина“ (Блаже Ристески), Бопчински во „Ревизор“ (Гогољ), Евгенија во „Болва во уво“ (Ж. Фејдо), Шарлота (1997) и Варија (2013) во „Вишновата градина“  (Чехов), Љупка во „Оркестар Титаник“ (Христо Бојчев), Хорацио во „Аферата Елсинор“…

Како и наградите: Награда за најдобра епизодна улога на филмскиот фестивал во Лугано – Швајцарија (1991) за улогата „Марија“ во филмот „Вистина“; Награда за најдобар млад актер на театарските игри „Војдан Чернодрински“ (1993) за улогата „Мими“ во „Грев или шприцер“; Награда за најдобра женска улога на фестивалот во Ливерпул – Англија (1994) за улогата „Јохана“ во претставата „Баал“; Награда за најдобра женска улога на театарските игри „Војдан Чернодрински“ (1995) за улогата „Коробочка“ во претставата „Мртви души“; Награда за најдобра претстава и најдобра женска главна улога на Балканот на Балканскиот фестивал во Софија, Бугарија (1998) за улогата Мурлин Мурло во истоимената претстава.



©Makfax.com.mk Доколку преземете содржина од оваа страница, во целост сте се согласиле со нејзините Условите за користење.

Актуелно

Владимир Дојчиновски назначен за уметнички директор на „Макфест 2018“

Објавено пред

Од

Градоначалникот на Штип, Благој Бочварски, денеска потпиша договор со кој  го именуваше Владимир Дојчиновски за нов уметнички директор на фестивалот на музика „Макфест 2018“ во Штип.

„Чест ми е што сум дел од фестивалот и ќе направам сè тој да го задржи своето реноме и секако ќе работам да биде уште подобар. Сакам да им се заблагодарам на сите уметнички директори пред мене, сите тие со своите концепции, без оглед на тоа дали фестивалот беше во јуни, октомври или без оглед на концепцијата, направија многу за фестивалот. Јас сум дел од ‘Макфест’ од далечната 1998, а неколкупати ја добивав и првата награда без оглед на тоа дали сум аранжер или автор на музиката“, кажа Дојчиновски на првата прес-конференција што се одржа по потпишувањето на договорот.

Фестивалот годинава ќе се одржи во првата недела од октомври. Конкурсот за песни заврши пред два дена, но ќе се почека уште некој ден по што ќе се разгледаат пристигнатите композиции. Остануваат наградите од лани, 5.000 евра за прво место, 3.000 евра за второ и 1.000 евра за трето место.

Прикажи повеќе...

Актуелно

Претставата „Цветната улица“ на Театарот за деца и младинци ќе ја одбележи стотата изведба

Објавено пред

Од

Театарот за деца и младинци на 26 април ќе ја одбележи јубилејната стота изведба на претставата „Цветната улица“ во режија на Наташа Поплавска. Во таа чест претставата ќе се одигра двапати, и тоа дневна изведба од 10 часот, која е организирана за ученици од основни училишта, а вечерната изведба ќе се одигра од 19 часот пред редовната публика, информираат од театарот.

„Цветната улица“ е заеднички проект на Театарот за деца и младинци од Скопје, Делегацијата на Европската Унија во Македонија и независната театарска куќа „Арт медиа“ од Скопје, а премиерно на сцената на театарот беше изведена во јуни 2012.

Драматизацијата на претставата е на реномираниот писател за деца Киро Донев, а подлошка за текстот е направeнa според брошури на Европската Унија наменети за подигање на свеста кај најмладите во доменот на екологијата и заштитата на здравата животна околина. Авторите на претставата, режисерот Наташа Поплавска, сценографот Емил Петров, кореографот Олга Панго, композиторот Џенгиз Ибрахим и костимографот Александар Ношпал, успеаваат да создадат поучна и забавна современа претстава со современи проблеми, како што е загаденоста, густиот сообраќај во градовите, загадувањето на природата со отпад, а ги учи најмладите и на рециклирање и создавање ново од старо. Така, за оваа претстава сценографијата и костимиграфијата се исто така направени од материјали за рециклирање.

Aвторот на драматизацијата на текстот, кој е напишан во стихувана проза, Донев, првпат соработува на ваков проект со Театарот за деца и младинци. Kако автор тој постојано пишува книги за еколошки тематики, а темите што се опфатени во текстот се одбрани од три брошури од над 20-тина издадени од Европската Унија.

Директорката на театарот, Кети Илиевска Силјановска, повторно ја активира претставата, која беше во мирување минатата година. Уште веднаш на почеток на оваа театарската сезона Илиевска Силјановска презема иницијатива претставата да се врати на репертоар. Во претставата премиерно улогите ги толкуваа актерите: Владимир Лазовски како Раскажувачот, Марија Ѓорѓијовска како лисицата Лила, Мики Анчевски во улогите на Армандо и Бени, Емран Куртишова во улогата на Флора и Бојан Кирковски во улогата на Том, а од оваа сезона во претставата „Цветната улица“ влегува актерот Ненад Митевски како Раскажувачот.

„Станува збор за екобајка за секое дете, татко и мајка, бидејќи нема граници меѓу децата и возрасните, претставата сите нè учи како да се засади љубов во срцата кон нашата природа“, информираат од Театарот за деца и младинци.

Прикажи повеќе...

Актуелно

СОКОМ бара Алаѓозовски да ја преиспита одлуката за поништување на конкурсот за откуп на композиции

Објавено пред

Од

Сојузот на композиторите на Македонија – СОКОМ повторно се огласи по поништувањето на конкурсот за откуп на нови композиции за 2017. Во соопштението авторите што биле избрани на конкурсот бараат од министерот за култура, Роберт Алаѓозовски, да ја преиспита одлуката.

„Соопштението на Министерството за поништување на конкурсот содржи информации, ирелевантни за самото поништување. Цитирани се неколку делови од пропозициите (роковите за поднесување на пријавените дела, но и потребата за поднесување на пријавите под шифри), кои немаат никаква врска со поништувањето на конкурсот. Вметнувањето на овие цитати е пиар-трик на Министерството со намера да се создаде впечаток дека авторите што се наградени го компромитирале процесот“, реагираа СОКОМ.

Соопштението, додаваат од таму, непотребно ја подучува јавноста за разликата помеѓу објавувањето на одлуките на тричлената комисија назначена од министерот и објавувањето на решенијата на министерот. Истовремено, се вели во соопштението, недостига вистинската причина зошто министерот не постапил по препораките на истакнатите професионалци, кои самиот ги назначил како членови на комисијата?

„Соопштението избегнува да наведе јасно: какви се административните пропусти и кој ги направил? Со тоа потполно ја промашува својата цел. Од најавата за дисциплинските санкции кон вработени во Министерството се наѕира дека пропустите се направени внатре во Министерството. Сепак, одговорен за планирањето, координацијата и квалитетот на работата на Министерството е токму министерот за култура. Од преземањето на должноста на 31.5.2017 министерот имаше време да ја планира и координира работата на Министерството за веќе по истекување на рокот за пријави на 31.10.2017, да располага со доволно човечки и технички ресурси за да се справи со пријавените дела. Зошто министерот не го направил тоа, а го направил темелно во други сегменти од работата на Министерството?“, прашува СОКОМ.

Според нив, спомнувањето организирање повторен конкурс и напомената дека наградените автори од поништениот конкурс ќе може да конкурираат вторпат е вметнато како уште една пиар-мерка, со која Министерството сака да покаже дека се грижи за ситуацијата на наградените автори.

„Соопштението воопшто не се осврнува на претрпената штета на авторите, чии дела се наградени во поништениот конкурс. Министерството не им се обрати ниту да ги извести за доцнењето на процедурата на вреднување, ниту да ја објасни скандалозната пишман-објава, ниту да ги извести за споменатите пропусти. Одговорите дадени на поединци во разни етапи во текот на долгото исчекување на резултатите се контрадикторни. Досегашните информации создаваат јасна слика за бесрамно фабрикување причини за оваа груба и арогантна повреда на правата и интегритетот на петнаесет композитори, чија повеќемесечна макотрпна работа е обезвреднета“, се вели во соопштението.

Авторите наведуваат дека може само да се претпостави дека на министерот не му се допаднал списокот со наградени автори и планира во повторeниот конкурс да се ангажира административно за да се дојде до список што нему му се допаѓа. „Поради очигледниот недостиг на релевантни причини за поништувањето на конкурсот, го повикуваме министерот да ја преиспита одлуката и да ги преземе обврските пропишани во конкурсот“, се вели во соопштението под кое се потпишани Јана Андреевска, Андреј Блажевски, Валентина Велковска-Трајановска, Кокан Димушевски, Филип Иванов, Илија Илиевски, Горан Начевски, Ана Пандевска, Бојана Петровиќ, Сони Петровски, Драган Стојковски, Тодор Трајчевски, Благој Цанев и Панде Шахов.

Прикажи повеќе...

Најново

Македонија5 минути

Иванов домаќин на состанокот на лидерите на земјите учеснички од Процесот Брдо-Бриони

Претседателот Ѓорге Иванов утре во Скопје ќе биде домаќин на состанокот на лидерите на земјите учеснички од Процесот Брдо-Бриони. Главната...

Македонија27 минути

Протест за одбрана на името: „Да направиме жив штит преку кој нема да помине никакво преименување на државата“

„Дојдовме заедно за да бидеме дел од живиот штит преку кој не ќе смее да помине и нема да помине...

Економија5 часа

Обвинувањата од „Транспаренси“ се неосновани, тврди стечајниот управник на „Фени“

Нема незаконски постапки во водењето на стечајната постапка за „Фени“, тврди стечајниот управник Мирослав Анастасиевски против кого вчера „Транспаренси интернешнл...

Македонија5 часа

(Видео) Костовски: Надвор од умот е да се собираат политички поени за случајот „Монструм“

Правда за жртвите кај Смилковското Езеро побараа и дел од членовите на ВМРО-ДПМНЕ присутни на протестот пред кривичниот суд, од...

Македонија5 часа

(Видео) Грабар Китаровиќ: Македонија да го изоди патот до ЕУ побрзо од соседите кои пред неа ги почнаа преговорите

Хрватската претседателка Колинда Грабар Китаровиќ, која е во официјална посета на земјава, по средбата со Ѓорге Иванов, претседателот на Македонија,...

Македонија6 часа

Бартол: По решавањето на спорот за името, Македонија ќе стане 30. земја членка на НАТО

Горазд Бартол, шефот на канцеларијата на НАТО во Скопје, на денешната конференција во МНР, која се однесуваше на евро-атлантските интеграции...

Економија6 часа

Да се истражува подлабоко, до причините за стечајот на „Фени“, Анѓушев ги охрабри антикорупционерите

По вчерашните обвинувања од „Транспаренси интернешнл – Македонија“ дека вицепремиерот за економски прашања, Кочо Анѓушев, го оркестрирал случајот со стечајот...

Македонија7 часа

(Видео) Правда за жртвите кај Смилковско Езеро побараа граѓани пред кривичниот суд

Стотина граѓани  пред кривичниот суд побараа правда за жртвите кај Смилковско Езеро со транспаренти „Спиеш ли мирно Заев“, „Ги сонуваш...

Македонија8 часа

ВМРО-ДПМНЕ со чочек на пратеничките прашања, Џафери ги опомена

Денешната седница за поставување пратенички прашања до владата ВМРО-ДПМНЕ ја почна со пуштање музика за чочек од нивните телефони. Координаторот...

Македонија9 часа

(Видео) Пендаровски: Со негативна пропаганда го спречуваат влезот на Македонија во ЕУ и НАТО

Се гледа светлото на крајот од тунелот, тоа го потврдува извештајот од Европската комисија. Но, позитивен извештај не се случува...

Македонија10 часа

Јанкулоска е на боледување, „Титаник“ одложен за 2 мај

Судот го одложи рочиштето за случајот „Титаник“ во кој се обвинети 21 лице за изборни измами, поради фактот што сè...

Економија11 час

Тевдовски: Инструментите како 30-годишната обврзница го раздвижуваат пазарот на капитал

Министерот за финансии, Драган Тевдовски, ја сподели визијата за интегриран пазар на капитал во регонот во своето обраќање како панелист...

Македонија11 час

ВМРО-ДПМНЕ: Заев не сака да се дознае вистината за убиствата кај Смилковско езеро

Само човек без грам сочувство може да си поигрува со трагедиите на семејствата кои ги загубија своите најблиски кај Смилковското...

Македонија11 час

(Видео) Колинда Грабар Китаровиќ во официјална посета на Македонија

Хрватската претседателка Колинда Грабар Китаровиќ денеска е во официјална посета на земјава. Претседателот на Република Македонија, Ѓорге Иванов, како нејзин...

Македонија12 часа

Пратенички прашања во Собрание, со присуство на опозицијата

Во Собранието, денес ќе се одржи седницата за поставување на пратенички прашања, каде пратениците од опозициската ВМРО-ДПМНЕ ќе учествуваат за...

Македонија12 часа

Граѓански протест „Правда за жртвите од Смилковско Eзеро“

Денесka пред Основниот суд во Скопје со почеток во 13 часот ќе се одржи протест „Правда за жртвите од Смилковско...

Македонија1 ден

(Видео) Нимиц: Двете страни се посветени на решавање на спорот за името

По средбата со македонскиот и грчкиот министер за надворешни работи, Никола Димитров и Никос Коѕијас, попладнево во Виена, медијаторот Метју...

Македонија1 ден

(Видео) Тезата на СЈО падна како круша во вода, рече Груевски

По денешното речиси шестчасовно судско рочиште за набавката на екстра луксузниот „мерцедес“, на кое сведочеа четворица сведоци, експремиерот Никола Груевски...

Економија1 ден

(Видео) Кривични пријави за стечајниот управник и за стечјаната судијка на „Фени“ поради договорот со швајцарски ГСОЛ

„Транспаренси интернешнл – Македонија“ поднесе кривични пријави за злоупотреба на службена должност против стечајниот управник Мирослав Анастасиевски и стечајната судијка...

Економија1 ден

(Видео) Антикорупционери од Брисел, Берлин и Скопје ќе го испитуваат влијанието на Анѓушев врз стечајот за „Фени“

Канцелариите на „Транспаренси интернешнл“ во Скопје, Берлин и Брисел ќе го испитуваат влијанието на вицепремиерот за економски прашања, Кочо Анѓушев,...

Досие