Контакт

Актуелно

Актерката Магдалена Ризова ќе го прослави 25-годишниот јубилеј во кариерата

Објавено пред

Магдалена Ризова во својот уметнички ансамбл ќе го прослави нејзиниот 25-годишен јубилеј како професионален актер. По тој повод, на малата сцена во „Театар комедија“ утревечер, 14 април, ќе се одигра романтичната комедија „Дони Дарк“, во режија на Роберт Ристов, претстава со која Магдалена Ризова ја започна соработката со „Театар комедија“ во септември 2017 година, кога се роди и идејата за нејзин постојан ангажман во овој театар.

Од богатиот 25-годишен опус на актерката Магдалена Ризова ќе издвоиме неколку позначајни улоги што ги има одиграно на сцената на МНТ: Коробочка во „Мртви души“ (Гогољ), Аце, бабата и Евдокија во „Буре барут“ (Дејан Дуковски), насловната улога во „Мурлин Мурло“ (Николај Кољада), Мими во „Грев или шприцер“ (Сашко Насев), Јохана во „Баал“ (Брехт), Даница во „Народен пратеник“ (Б. Нушиќ), Оливер во „Глембаеви“ (М. Крлежа), Госпоѓата во „Слугинки“ (Жан Жене), Андромаха во „Големиот смок“ (Митко Маџунков), Ангелина во „Лепа Ангелина“ (Блаже Ристески), Бопчински во „Ревизор“ (Гогољ), Евгенија во „Болва во уво“ (Ж. Фејдо), Шарлота (1997) и Варија (2013) во „Вишновата градина“  (Чехов), Љупка во „Оркестар Титаник“ (Христо Бојчев), Хорацио во „Аферата Елсинор“…

Како и наградите: Награда за најдобра епизодна улога на филмскиот фестивал во Лугано – Швајцарија (1991) за улогата „Марија“ во филмот „Вистина“; Награда за најдобар млад актер на театарските игри „Војдан Чернодрински“ (1993) за улогата „Мими“ во „Грев или шприцер“; Награда за најдобра женска улога на фестивалот во Ливерпул – Англија (1994) за улогата „Јохана“ во претставата „Баал“; Награда за најдобра женска улога на театарските игри „Војдан Чернодрински“ (1995) за улогата „Коробочка“ во претставата „Мртви души“; Награда за најдобра претстава и најдобра женска главна улога на Балканот на Балканскиот фестивал во Софија, Бугарија (1998) за улогата Мурлин Мурло во истоимената претстава.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Актуелно

Најдоброто од „Киненова“ повторно во Кинотеката на Македонија

Објавено пред

Меѓународниот филмски фестивал „Киненова“ повторно ќе ги прикаже филмовите што ги понесоа наградите на овогодишното издание на фестивалот, но и филмови што предизвикаа силен интерес кај публиката и филмофилите.

Репризната програма се отвора в сабота во 20 часот со апсолутниот победник на годинашното издание на „Киненова“, филмот кој ги освои срцата на жирито, контроверзниот „Блискост“ на рускиот режисер Кантемир Балагов, кој ги доби трите главни награди во Скопје: најдобар филм, најдобро сценарио и најдобра режија.

Следниот ден, в недела, двојно кино-задоволство: од 18 часот ќе биде прикажан филм од перуанската кинематографија, наградуваниот „Ретабло“ на авторот Алваро Делгадо Апарисио, приказна која нè носи на прекрасните Анди и низ визуелно супериорен пејсаж ни раскажува за малите луѓе, кои секогаш со себе носат неоткриени тајни. Во 20 часот, како фино надоврзување, уште еден визуелен спектакл, големото пријатно изненадување од соседната, бугарска кинематографија, филмот „Ага“ на Милко Лазаров, кој пред само два месеца го освои „Срцето на Сараево“ на Сараевскиот филмски фестивал.

Билетите чинат 50 денари.

Прикажи повеќе...

Актуелно

Мултимедијален концерт „Сонувања за заборавеното“ во Прилеп

Објавено пред

Во салата на киното „Мис Стон“ во Прилеп беше изведен несекојдневен мултимедијален концертен перформанс насловен „Сонувања за заборавеното“. Публиката во Прилеп имаше ретка можност да присуствува на одличен музички настан кој беше базиран врз комбинација на повеќе музички стилови, во кои доминираше изведба на класичната западноевропска музика од 17 и 18 век, кон која како контрапункт беа вклучени нејзините источни паралели.

Идејата на проектот беше да се направи споредба на музичкото творештво на нашите простори со она во западноевропските центри и на сето тоа да му се даде поширока рамка поврзувајќи ги музичките и историските збиднувања.

Низ динамичната и експресивна изведба на сопранот Ана Митоска Стојаноска, зачинета со нарацијата на актерот и режисер Димитар Ѓорѓиевски, за првпат на македонска почва беа изведени дела од Франческа Качини, Доменико Скарлати, Барбара Строци, Георг Ф. Хендл, но и византиски и народни изворни песни како „Море два се змеја“ и „Домаќине гости ти дојдоа“. Во проектот свој белег оставија и Верица Шотаровска – пијано, Катерина Попоска – мецосопран, Гоце Секулоски – труба и вокал, Денис Најдоски – пијано и вокал, Антониј Колевски – вокал и Милан Секулоски – актер.

Публиката беше воодушевена од настапот, а носителот на проектот, Ана Митоска Стојаноска, најави можност за гостување низ другите градови во Македонија, со цел и пошироката македонска јавност да може да ужива во овој уметнички перформанс.
За време на целиот настап сликаше уметничката Бојана Артиновска – Трпческа, а техничката и визуелна реализација беше дело на Томе Темелкоски и Саша Нацевски.

Прикажи повеќе...

Актуелно

За изложбата „100 години Требениште“, Владата ќе потроши 1,2 милион денари

Објавено пред

Владата ќе потроши 1,2 милион денари за реализација на меѓународната изложба „100 години Требениште“.

„Генералниот секретаријат на Владата е задолжен во рамките на предвидените средства потребни за Канцеларијата на претседателот на Владата на Република Македонија да обезбеди парични средства во износ од 1.200.000 денари во рамките на средствата обезбедени од државниот буџет за реализација на меѓународната изложба ‘100 години Требениште’“, соопшти Владата.

Од таму информираат дека по повод 100 години од првите истражувања на некрополата Требениште кај Охрид, Археолошкиот музеј на Македонија, Националниот археолошки институт со музеј – Софија и Народниот музеј Белград, во името на пријателските односи и соработката во областа на културно-историското наследство и научното истражување, ќе организираат три заеднички изложби, кои ќе се одржуваат последователно во Скопје, Софија и во Белград. Изложбата ќе се одржи во периодот од 15 ноември до 15 мај 2019 година.

„Изложбите се посветени на промоција на заедничките европски вредности и европската интеграција на Западен Балкан, прогласена за главен приоритет на надворешната политика на трите држави – Република Македонија, Република Бугарија и Република Србија. Со изложбата ќе се претстави дел од богатото културно наследство на Република Македонија, кое се наоѓа во три држави, пред пошироката јавност, со што таа одблизу ќе биде запознаена со еден од најзначајните локалитети од Република Македонија“, велат од Владата.

Изложбата, се додава во соопштението, ќе биде несомнено најголемиот промотор на македонското културно-археолошко наследство.

Прикажи повеќе...

Најново

Европа2 часа

(Видео) Протести во Лондон против брегзит, граѓаните бараат нов референдум

Во центарот на Лондон, денеска беше одржан протестен марш на кој имаше повеќе од сто илјади луѓе, кои се против...

Македонија3 часа

Стејт департмент: Ова е историска шанса за Македонија и регионот

Стејт департментот ја поздрави одлуката на Собранието, со која Македонија треба да ги започне уставните измени и имплементација на Спогодбата...

Македонија3 часа

Кривична пријава за говор на омраза и загрозување на сигурноста на пратеници во Собранието

Секторот за компјутерски криминал и дигитална форензика при Министерството за внатрешни работи до Основно јавно обвинителство Скопје поднесе известување за...

Регион4 часа

Турција: Нема да дозволиме затајување на резултатите од истрагата за Кашоги

Владејачката турска Партија на правдата и развојот (АКП) соопшти дека Анкара „никогаш не ќе дозволи затајување на резултатите од истрагата”...

Македонија5 часа

„Катимерини“: Наскоро нов конфликт во грчката Влада поради Македонија

Само три дена по оставката на министерот за надворешни работи Никос Коѕијас и предупредувањето на премиерот, Алексис Ципрас дека нема...

Македонија6 часа

(Видео) Ципрас: Гласањето во Собранието отвора пат за договор меѓу Грција и Македонија

Грчкиот премиер Алексис Ципрас изјави дека усвојувањето на предлогот за уставни измени од страна на македонскиот Парламент отвора пат за...

Македонија11 час

Коѕијас: Среќен сум за одлуката на Скопје, тврдењата за тајни фондови се одвратни

Грчкиот министер за надворешни работи, Никос Коѕијас, кој пред неколку дена поднесе оставка од функцијата изјави дека е среќен поради...

Македонија11 час

Нимиц со порака до политичките лидери: Работете заедно за финализирање на договорот

Метју Нимиц, македонско-грчкиот посредник во спорот за името ја поздрави одлуката на парламентот да продолжи со промена на Уставот кон...

Македонија11 час

Тачи: Македонија направи голем чекор кон зајакнување на мирот во регионот

Македонија е чекор поблиску до ЕУ и НАТО, откако беа обезбедени потребните гласови за измена на Уставот, отворајќи го патот...

Македонија12 часа

ВМРО-ДПМНЕ: Достоинството на Македонија беше ставено на тезга како пиперки и домати

Тоа што се случи вчера вечер во Собранието беше срам каков што светот не видел, оценува ВМРО-ДПМНЕ преку соопштение. Опозицијата...

Македонија13 часа

Димитров на „Фејсбук“: Далеку сме од тоа каде сакаме да бидеме, ама го знаеме патот

Далеку сме од тоа каде сакаме да бидеме. Ама го знаеме патот, напиша министерот за надворешни работи, Никола Димитров на...

Македонија22 часа

Столтенберг на „Твитер“: Лидерите да ги завршат процедурите за Македонија да влезе во НАТО

Генералниот секретар на НАТО, Јенс Столтенберг, преку социјалната мрежа „Твитер“ го поздрави изгласувањето на одлуката за пристапување кон уставните измени...

Македонија22 часа

(Видео) Мицкоски ги исклучи од партијата пратениците од ВМРО-ДПМНЕ што гласаа за уставните измени

ВМРО-ДПМНЕ ги исклучи пратениците од своите редови што вечерва гласаа за уставните измени – Елизабета Канческа-Милевска, Емилија Александрова, Нола Исмајловска,...

Македонија22 часа

Левицата: Ништо не е готово, борбата продолжува!

По изгласувањето на уставните измени во Собранието, се огласи и Левицата. Од таму реагираат дека сите пратеници го изгубиле легитимитетот...

Македонија22 часа

Ципрас до Заев: Честитки пријателе, Зоран Заев!

Грчкиот премиер, Алексис Ципрас, го поздрави гласањето во македонскиот парламент и му честита на премиерот Зоран Заев за гласањето со...

Македонија23 часа

(Видео) Заев: Денес напишавме историја што ќе ја раскажуваат идните генерации

Денес е историски ден, заедно напишавме историја, рече премиерот Зоран Заев на прес-конференцијата што ја одржа откако Собранието ја изгласа одлуката...

Македонија24 часа

Четворица обвинети пратеници од ВМРО-ДПМНЕ гласаа за уставните измени

Собранието со 80 гласа „за“ ја донесе одлуката за пристапување кон уставните измени. „За“ гласаа и обвинети пратеници од ВМРО-ДПМНЕ,...

Македонија1 ден

(Видео) Јанушев: На пратеници им се нудеа милион евра да гласаат, тие одбија

ВМРО-ДПМНЕ избра борба против неодоговорната власт, рече вечерва генералниот секретар на опозициската партија, Игор Јанушев, на прес-конференција. Тој нагласи дека...

Македонија1 ден

Милошоски бара веднаш да гласаат: Волјата на народот е посилна од притисокот врз неколку пратеници

Пратениците од редовите на ВМРО-ДПМНЕ пред почетокот на продолжението на седницата за уставните измени на прес-конференција побараа од претседателот на...

Македонија1 ден

Груевски за 8 дена ќе добие покана да се јави во затвор

Пресудата за двегодишната затворска казна на експремиерот Никола Груевски од Апелација пристигна во кривичниот суд од каде ќе биде распределен...

Досие