Контакт

Култура

Актерката Милица Стојанова е добитничка на наградата „Голема ѕвезда на македонскиот филм“

Објавено пред

На третата прес-конференција посветена на 39. издание на Интернационалниот фестивал на филмска камера „Браќа Манаки“ беше објавена лауретката на наградата „Голема ѕвезда на македонскиот филм“, која ја доделува Друштвото на филмските професионалци на Македонија.

„Годинава наградата ѝ ја доделуваме на една легендарна филмска актерка која се појавува во филмовите на Кирил Ценевски, Милчо Манчевски, Столе Попов. Може да ја видите во ‘Исправи се, Делфина’, ‘Среќна нова ’49’, ‘Пред дождот’, ‘Оловна бригада’, пред некоја година во ‘Три дена во септември’ на Даријан Пејовски и во краткиот филм ‘Види ја ти неа’, кој доби награда на фестивалот ‘Санденс’. Во 60-годишната професионална актерска кариера, 86-годишната Стојанова имала стотици театарски улоги, како и значаен број филмски и телевизиски“, рече режисерот Игор Иванов-Изи, претседател на ДФПМ.

Иванов потенцира дека тоа што Стојанова немала главни улоги во филмовите се должи на положбата на жената во целата македонска кинематографија, особено кога била во своите најдобри години.

„За жал, нашите филмови се 90 отсто со историска тематика, каде што мажите водат некакви војни, а жените, според сценаријата, се принудени да бидат мајки или за жалење теткички. Но, Милица Стојанова има остварено многу улоги и сите тие се значајни. Тоа што оваа македонска дива ќе биде со нас во Битола на 86-годишна возраст по 60 години присуство на филмското платно е голема работа“, истакна Иванов.

Гена Теодосиевска, директорката на ИФФК „Браќа Манаки“, рече дека фестивалот поминува низ интензивен период на подготовки.

„Во разните филмски програми имаме 95 наслови, имаме филмови од големи продукции селектирани на најголемите и најпознатите светски филмски фестивали, но и оние квалитетни уметнички продукции кои може да се најдат на помалите филмски фестивали во Европа и светот“, рече Теодосиевска.

Фестивалот ќе биде отворен со светска премиера на најновиот краток филм „Љубовникот“, во режија на Игор Иванов-Изи, а потоа во чест на добитникот на „Златната камера 300“ за животно дело, кинематограферот Роџер Дикинс, ќе биде прикажан филмот „Истребувач 2049“. Во чест на филмската дива Клаудија Кардинале, надвор од официјалната конкуренција ќе биде прикажан нејзиниот најнов филм „Благородни лаги“, во продукција на Поло Роси.

Селекторот на главната програма „Камера 300“, Благоја Куновски-Доре, рече дека оваа програма е брендот на фестивалот, а по неа, како и по другите програми, фестивалот е препознатлив.

„Но, во главната програма се одвива трката по трите главни награди за кои одлучува петчлено интернационално жири. Програмата ја чинат 12 навистина врвни дела затоа што ако претендираме да сме светски фестивал и сме врвен фестивал како прв и најстар во светот, мора да водиме сметка секогаш да биде тоа повеќе од златниот просек и секогаш да сме на извориштето на трите најголеми филмски фестивали: Кан, Берлин и Венеција и ако дозволат околностите, да вклучиме и филм од другите фестивали како лани од Карлови Вари. Годинава имаме шест филма од компетицијата во Кан, три од Берлин и два и минатогодишниот фестивал во Венеција“, рече Куновски.

Фестивалот ќе се затвори со филмот „Црниот кју-кју-клановец“ во режија на Спајк Ли и со краткиот филм „Скаут“ на Алекс Цветков, режисер од македонско потекло, кој живее во САД.

 

Книги

Промоција на третата збирка раскази на Златко Ѓелески

Објавено пред

Новата збирка раскази на авторот Златко Ѓелески „Понор“ ќе биде промовирана на 21 февруари (четврток) во џебното кино во Младинскиот културен центар во Скопје, со почеток во 19 часот.

Книгата е издадена од страна на издавачката куќа „Бегемот“. „Понор“ е збирка раскази во која се обелоденува еден нов картографски поим во книжевниот свет на авторот Златко Ѓелески. Понор е името на главниот град во кој се испреплетени животите на ликовите кои ги уживаат неговите погодности, плаќајќи ги по цена на животот.

Станува збор за збирка од дваесет и три фантастични раскази ситуирани во главниот град Понор, каде што се пресретнуваат и одминуваат ликовите – некои намерно, некои случајно. Во него се запознаваме со протагонистите пред да се соочат со тешки одлуки, кои засекогаш ќе им ги променат животите.

Понор е жив организам што се прехранува со судбините на ликовите, кои трагаат по сопствената среќа на погрешна адреса. Градот се создава од истекувањето на негативностите, како што е премолчената злоба против која не се реагирало. Во дел од расказите се тестираат границите на книжевните форми, постмодернистички се експериментира со структурата, приложувајќи еден негатив на градот во кој се одвиваат очудувачки настани. Понор не е видлив со голо око, напротив, тој е таен град кој се крие на опачината на реалноста, до кого читателите може да дојдат со помош на нивната имагинација. Во збирката, читателот е патник низ крвотокот на Понор, кој се запознава со мали ликови способни за големи нешта, кои во решавачките мигови на животот одлучуваат да го продадат својот спокој за инстантен успех, со краток рок на употреба. Понор е негатив на Скопје кое никогаш не постоело, град од некое друго вчера и денешно утре, до кое не смее да дојде.

„Понор е збирка раскази во кои авторот Ѓелески продолжува, со уште порадикална потреба, да ги истражува и да ги поместува креативните потенцијали на современиот, урбан и нему лично омилен – хорор-жанр, како и предизвиците на т.н. поетика на стравот, втемелена врз сознанијата дека стравот е основната и најискрена од човековите емоции“ – пишува за делото Елизабета Шелева, која ќе биде промотор на делото.

Златко Ѓелески е дипломиран филолог на општа и компаративна книжевност, филмски критичар  и радиоводител. Првата книга на писателот е збирката раскази „Морбидизам“ објавена во 2013 година, а втората книга „Колекционерот на смрт“ е издадена во 2015 година. Во подготовка се неговите наредни дела.

На провоцијата ќе говорат Андреј Јованчевски од „Бегемот“, промоторката професорката Елизабета Шелева и самиот автор.

Прикажи повеќе...

Култура

Филмска ревија „Златна рамка“ со 25 нови македонски филма во кино „Фросина“

Објавено пред

Дваесет и пет македонски филма реализирани минатата година со поддршка на Агенцијата за филм ќе бидат прикажани од 22 до 24 февруари во кино „Фросина“ на ревијата „Златна рамка“ која ја организира Друштвото на филмските работници на Македонија – ДФРМ. На ревијата под мото „Влези во наш филм“ ќе бидат прикажани два долгометражни филма („Година на мајмунот“ на Владимир Блажевски и „Враќање“ на Кастриот Абдили), седум документарни и 16 кратки филмови.

Проекциите се бесплатни, а проекциите почнуваат во  17 часот со документарни филмови. Кратките ќе бидат прикажувани од 19 часот во првите два дена и од 20 часот третиот ден, а двата долгометражни се од 21 часот – „Враќање“ на 22 февруари и „Година на мајмунот“ на 24 февруари.

Покрај филмови, во сите три дена од 11:30 часот ќе има и работна програма која в петок вклучува свеченото Собрание на ДФРМ, а Друштвото в сабота од 21 часот ќе додели и три почесни награди – за филмски автор, актер и за филмски работник.

В сабота од 11:30 во фојаето на „Фросина“ дескот на Медија – потпрограма на „Креативна Европа“ на ЕУ ќе организира презентација за начинот на аплицирање кај филмските фондови наменета за продуценти и филмски професионалци, а в недела во истиот термин и место ќе биде организирана тркалезна маса за филмската критика, насловена „Нема успешна кинематографија без филмска критика“. Тркалезната маса е отворена за сите оние кои сакаат да пишуваат филмски критики или во каква и да е друга пишана форма да дадат свое мислење за извесно филмско дело.

„Сметаме дека една кинематографија не може да биде комплетна ако нема силна филмска критика. Затоа сметаме дека треба да се создаде нов бран на филмски критичари кои за време на ‘Златна рамка’ ќе можат да ги погледнат филмовите од својата кинематографија и да напишат некоја критика, осврт или рецензија. На тркалезната маса ќе се зборува за важноста на критиката, особено за видувањата кон домашната кинематографија. Ги повикуваме сите оние што сакаат да присуствуваат да се пријават на нашата страница“, вели уметничкиот координатор на ревијата и организатор на тркалезната маса Ана Василевска.

 

Прикажи повеќе...

Култура

Предлагачите на инцијативата „Културата е насловната страница на секое општество“ бараат целосна ревизија проектите од конкурсот

Објавено пред

Итна средба со премиерот, министерот за култура, советникот за култура на премиерот, националниот координатор за развој на културата и меѓуресорска соработка бараат од иницијативата „Култура е насловна страница на секое општество” .

„Бараме итна средба со премиерот Зоран Заев, министерот за култура Асаф Адеми, советничката за култура на премиерот Цветанка Ласкова и националниот координатор за развој на културата и меѓуресорска соработка Роберт Алаѓозовски, на која ќе ги образложиме нашите барања и ќе понудиме предлог-решенија за надминување на настаната ситуација. Нашето долгогодишно искуство и опстојување во сферата на културата и постигнатите успеси во земјава и надвор од неа јасно зборуваат за нашиот кредибилитет и капацитет за понатамошно дејствување. Ние ќе предложиме мерки преку кои овие прашања можат да се решат, како и примери на кој начин овие прашања се решени и како се третираат во други земји, со цел да создадеме ново, чисто и јасно поле за делување во културата. Нашата иницијатива е основана со цел да се избориме за воведување ситем кој ќе помогне во понатамошното делување во културата и правилен развој и негување на културните вредности во едно општество за сите, сакаме да помогнеме, да укажеме и во иднина да делуваме според утврдени правила, кои ќе обезбедат овие услови да се спроведат“, бараат передлагачите на оваа иницијатива.

Тие очекуваат одговорните луѓе на челните позиции во државава да ги слушнат нивните укажувања, да ги препознаат нивните заложби и да обезбедат средбата на која ќе се направи транспарентна ревизија на поддржаните проекти и повторно разгледување на одбиените проекти во сите дејности.

„Досега се направи повторно разгледување само на одбиените проекти. Бараме транспарентна ревизија на поддржаните проекти и повторно разгледување на одбиените проекти во сите дејности. Особено да се обрне внимание на оние организации чии проекти се одбиени или подржани со недоволен износ, кои доставиле комплетна документација и квалитетна програма, а притоа се организации со долгогодишна работа и активно делување во полето на културата и уметноста, признаени како во домашен, така во меѓународен контекст“, сметаат тие.

Во нивните барања стои и иницијатива за воспоставување нови и јасно мерливи критериуми за оценување и одлучување за да се избегнат сите малверзации и неправилности во доделувањето средства и начинот на делување на културните работници.

„Во иднина бараме воведување јасни, дефинирани и мерливи критериуми кои ќе помогнат во воспоставување  систем на професионална распределба на средствата во конкурсите за програми од национален интерес. Не сакаме повеќе да добиваме средства по случаен избор, во случајни околности. Сакаме систем кој ќе овозможи работата на секој културен оператор и работник, искусен или млад, да може да се валоризира, систем што ќе овозможи секој поединец или група да може да даде максимален придонес во општеството, преку своето делување во културата. Оттаму бараме ‘одговорност’ како критериум, или јасни индикатори преку кои ќе оценува дали и на кој начин е реализирана поддржаната програма. На тој начин ќе се санкционира неправилното работење и ненаменско трошење на доделените средства и ќе се намали/оневозможи доделување на средства на оние субјекти кои нема да ја остварат поддржаната програма/проект. Зголемување на буџетот за поддршка на културни и уметнички програми“.

Меѓудругото, тие бараат исто така финализација на Законот за јавен интерес во културата, кој ќе ги содржи стратешките промени и негово изгласување со што ќе се овозможи правна и обврзувачка основа за негова имплементација.

Прикажи повеќе...

Најново

Крвав четврток8 часа

Притвор за Јанакиески и Ристовски, за Груевски нова екстрадиција

Судијата на претходна постапка по барање на Јавното обвинителство им одреди мрека пртивор од 30 дена на поранешните министри Миле...

Македонија10 часа

(Видео) Мицкоски: „Апси Заев, можеш да нарачуваш и убиства, но нема да ти се исплашиме“

По информациите за вечерашното приведување на тројцата функционери на ВМРО-ДПМНЕ – Трајко Вељаноски, Спиро Ристовски и Миле Јанакиески, вечерва прес-конференција...

Крвав четврток10 часа

Русковска: Бараме притвор за Јанакиески и Ристовски поради опасност од бегство

Шефицата на Обвинителството за организиран криминал при ЈО, Вилма Русковска, изјави дека распитот на осомничените ексфункционери од ВМРО-ДПМНЕ, Спиро Ристовски...

Крвав четврток12 часа

Вељаноски: Не чувствувам вина за упадот во Собранието

Поранешниот претседател на парламентот, Трајко Вељаноски, штотуку излезе од Основниот суд Скопје 1, каде што беше повикан на распит за...

Македонија13 часа

Трамп со писмо до Заев: Ви честитам за лидерството, обезбедивте просперитетна иднина за Северна Македонија

Премиерот Зоран Заев денеска прими писмо од американскиот претседател, Доналд Трамп, во кое тој нагласува дека Северна Македонија е голем...

Македонија14 часа

Зелената градина на ГТЦ му се наметнува исто како и барокот, архитектите разочарани

Зелената градина за покривот на Градскиот трговски центар ги разочара архитектите како стручна јавност, а незадоволни се и скопјани, кои...

Македонија15 часа

Половина милион евра исплатени лани за патни трошоци на пратениците

Над 525 илјади евра биле исплатени за патни трошоци на пратениците во Собранието минатата година, покажува анализата на „Макфакс“ од...

Македонија16 часа

Заев потврди, Села му се налутил поради одземените ингеренции на Таравари

Зоран Заев одговарајќи на новинарски прашања потврди дека Зијадин Села не дошол на денешната средба за консензуален претседателски кандидат поради...

Македонија17 часа

Бектеши не чувствува морална одговорност за вработувањето на сестра му во МЕПСО

Министерот за економија, Крешник Бектеши, изјави дека не чувствува морална одговорност за вработувањето на неговата сестра во МЕПСО. Тој вели...

Топ17 часа

Села му се налути на Заев, не доаѓа на средба

Лидерот на Алијансата за Албанците, Зијадин Села, одби да присуствува на закажаната средба со премиерот Зоран Заев, на која требаше...

Македонија18 часа

Ниту еден родител не е казнет за невакцинирано дете од почетокот на епидемијата на морбили

Ниту еден родител не е казнет за невакцинирано дете од почетокот на епидемијата на морбили иако пред два месеца само...

Топ18 часа

Дедото на Кирацовски ќе се повлече од работното место

Таткото на сопругата на пратеникот Александар Кирацовски, Борис Поповски, ќе се повлече од работното место, објави на „Фејсбук“ Кирацовски. Тој...

Македонија19 часа

Заев и Димитров нема да одговараат за велепредавство

Скопското обвинитeлство ја отфрли кривичната пријава на Светскиот македонски конгрес поднесена против премиерот Зоран Заев и министерот за надворешни работи,...

Македонија20 часа

Сопругата на директорот на ЕЛЕМ вработена како шефица на кабинет во Централен регистар

Александра Миновска, сопруга на директорот на ЕЛЕМ, Драган Миновски, од октомври минатата година е вработена како шефица на кабинет кај...

Македонија21 час

Две бомби од Првата светска војна пронајдени во Битола

Вчера на булеварот 1 Мај во Битола, во близина на местото викано Црн Мост при изведување на градежни работи при...

Регион21 час

Непознат маж му се заканувал на Мицотакис со бомба

Лидерот на опозициската Нова демократија во Грција, Киријакос Мицотакис, пријавил синоќа закана со бомба која ја добил додека сè уште...

Македонија21 час

Бугарија го ратификуваше протоколот за НАТО

Со 140 гласа „за“, бугарскиот парламент го ратификуваше протоколот за пристапување на Северна Македонија во НАТО, објави бугарската новинска агенција...

Македонија22 часа

Синот на пратеникот Мисовски: Поднесов оставка поради хистеријата, се надевам јавноста ќе здивне

Откако Кристијан Мисовски, син на пратеникот Горан Мисовски, пред четири дена се повлече од работното место во Агенцијата за супервизија...

Свет22 часа

Ердоган: Турција не ќе може сама да се справи со нов бегалски бран од Сирија

Турскиот претседател, Реџеп Тајип Ердоган, изјави дека неговата земја нема да може сама да се справи со уште еден бран...

Свет23 часа

Најмалку четворица повредени откако лавина зафати швајцарски скијачки центар

Четири лица беа повредени, од кои еден е во критична состојба, откако лавина ја погоди скијачката патека „Плен мор“ во...

Досие