Контакт

Книги

Алек Попов добитник на наградата „Прозарт“ на фестивалот „Про-за Балкан“

Објавено пред

Бугарскиот писател Алек Попов е годинашен добитник на наградата за авторски придонес кон развојот на книжевноста на Балканот – „Прозарт“. Авторот на хит-романите „Мисија Лондон“, „Црната кутија“, „Сестри Палавееви“ ќе биде гостин на 7. издание на интернационалниот литературен фестивал „Про-за Балкан“, кој ќе се одржи од 19 до 22 мај. Признанието ќе му биде врачено на 21 мај во Даут-пашиниот амам во Скопје.

„Веќе неколку години фестивалот ‘Про-за Балкан“ на едно место собира одбрано друштво на писатели. Задоволството да сретнете талентирани колеги по перо од разни краеви на Балканот е големо. Со некои од нив се знаете, други првпат ги откривате. Секој е во нешто уникатен, но секој носи и честичка од карневалскиот балкански дух, кој ни помага да ги разбереме нештата што другите потешко ги разбираат, а некои дури и не се обидуваат да ги разберат. Способноста да се смееш на своја сметка и да работиш со материјата на апсурдот, која провејува низ целото наше суштествување, вклучително и во историјата, е во сржта на елементите на тој дух. Исклучително сум среќен што постои таков форум, каде што Балканот не е само егзотичен гостин и каде што големиот разговор за уметноста поминува низ оригиналниот, жив и разнообразен свет на балканската проза. Знам дека тука ќе бидам разбран и ќе се чувствувам како да сум дома“, изјавува Попов за македонската јавност.

Чест ни е што наградата „Прозарт“ годинава му ја доделуваме на еден од најисклучителните раскажувачи во современата литература на Балканот, се вели во одлуката на одборот со кој претседава писателот Ермис Лафазановски.

„Неговото изразено чувство за хумор, иронијата во која се преплетуваат префинетиот и народен дух и извонредниот осет за фабула, најприродно се надоврзуваат на еден претходен голем автор во бугарската литература, Алеко Константинов, творецот на „Бај Гањо“. Таа сплотеност на хуморот и интелектот во Алек Попов има најубедлив претставник во современата бугарска книжевност“, се вели во образложението.

Алек Попов (роден во Софија, 1966 год.) е и одличен автор на куси раскажувачки форми, неговите раскази од збирките „Мрсни сништа“ и „Ниво за напреднати“ се влезени во многу национални и меѓународни антологии на раскази. Попов е и драматург и есеист.
На нашата публика ѝ е познат и како косценарист на популарната ТВ-серија „Преспав“. Неговиот прв роман, кој доживеа огромен успех, комичната сатира „Мисија Лондон“, се базира на неговото искуство како аташе за култура на Бугарија во Лондон и е преведен на 16 јазици. Романот на македонски го издаде редакцијата „Детска радост“ во превод на Александар Прокопиев. Според книгата бугарскиот режисер Димитар Митовски сними филм во 2010 година, кој стана најпопуларниот бугарски филм во поновата кинематографија за кој „Вараети“ напиша дека е феномен. Во 2011 година филмот во кој нашиот Огнен Антов беше копродуцент ја доби наградата Unbribable Award на програмата на „Транспаренси интернешнл“ на Филмскиот фестивал во Мотовун, Хрватска.
Вториот роман на Попов, „Црната кутија“, исто така е добитник на награди. Во 2007 година ја доби наградата „Елијас Канети“. Досега е објавуван на шест јазици, вклучително и на англиски. Изданието на германски јазик е бестселер, исто како и оригиналот на бугарски. Третиот роман е „Сестрите Палавееви: во бурата на историјата“. Во 2013 година ја доби наградата „Хеликон“ за најдобра прозна книга, а е преведен на германски и на српски јазик. Вториот дел од овој роман е објавен во 2017 година. „Сестрите Палавееви“ набргу ќе излезе од печат во издание на „Прозарт медија“.
Попов е добитник на многу литературни награди, меѓу кои: наградата „Хеликон“ за најдобра прозна книга на годината во 2002 и 2013 година, Чудмировата награда за сатирична фантастика, наградата The Reading Man Prize, националната награда „Иван Радоев“ за драма, награда за современ бугарски роман на Фондацијата „Елизабета Костова“ и „Питер Овен паблишерс“.
Во 2012 година Алек Попов е избран за дописен член на Бугарската академија на науките во областа на уметноста.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги

Ново издание на „Ромео и Јулија“: Љубовта го истакнува најдоброто во нас

Објавено пред

Читањето има значителен број придобивки меѓу кои намалување на стресот, зголемување на знаењето, проширување на речникот, дури и подобрување на меморијата.
Токму овие се дел од причините зошто треба од најрани години децата да се стимулираат да читаат. Истовремено, со навремено градење на овие навики, децата подоцна имаат многу повеќе самодоверба, стекната навика и желба за читање.

Издавачки центар „Херои“ силно верува дека читањето на класиците и градењето на самодовербата кај децата треба да почне што порано, поради што третото издание од нивната колекција е посветено токму за сите деца на возраст од 8 години, нагоре.

„Ромео и Јулија“ од Шекспир – неверојатна приказна која е вешто проткаена со силна емоција низ неколку ликови, со многу недоразбирања и неуспешно синхронизирани временски настани кои кулминираат со голема трагедија, но пренесуваат силна порака:

Љубовта го истакнува најдоброто во нас. На крајот, љубовта е посилна од омразата.

За сите останати кои веќе го имаат прочитано овој безвременски класик и сакаат да се присетат на приказната преку краток текст и бројни илустрации, оваа книга ќе биде одлично збогатување на вашата домашна библиотека. Пречитувањето на класиците е секогаш дополнителен одмор, релаксација и будење спомени. Се надеваме дека ќе уживате во ова ново и поинакво издание на „Ромео и Јулија“ од Шекспир и ќе го споделите со вашите најблиски.

Од 1 па сè до 15 ноември, книгата ќе биде достапна низ целата земја, по цена од 100 денари, во сите трафики и продажни места на весниците. Промотивната цена е само во случај кога се купува со дневен весник.

Прикажи повеќе...

Книги

Излезе од печат „10 минути и 38 секунди“ од Елиф Шафак

Објавено пред

Издавачки центар ТРИ информира дека излезе од печат „10 минути и 38 секунди во овој чуден свет“, новиот роман на Елиф Шафак, најмоќниот женски глас на светската книжевна сцена. Елиф Шафак отсекогаш умеела преку сложеното ткаење на возбудливи приказни да пренесува важни мисли за љубовта, верата, културата, слободата на изразување, феминизмот и улогата на жената во светот.

Нејзиното најново дело „10 минути и 38 секунди“ има сè што може да очекуваме од Шафак – интригантност, посебен вид пријателство и сложен внатрешен живот на женските ликови по кои е одамна препознатлива. Последните десет минути од животот на убиената проститутка Леила Текила се пренесени во сензуална приказна за една малтретирана но многу храбра жена, која останува човечна и покрај тоа што животот ја изневерувал на секој чекор.

Секоја минута по нејзината смрт ѝ навраќа спомени: семејната тајна за нејзиното раѓање, детството во мирното турско гратче, бегството во Истанбул… А секој спомен ја потсетува и на пријателите што ги запознала во клучните мигови од својот живот.

Елиф Шафак е повеќекратно наградувана британско-турска авторка и една од најчитаните писатели во Турција, која пишува за политичките и сексуалните табуа на нашето време. Нејзините дела се преведени на педесетина јазици, а на македонски може да се прочитаат „Копилето од Истанбул“, „Четириесет правила на љубовта“, „Чест“, „Чиракот на архитектот“, „Трите ќерки на Ева“, и сега најновиот роман „10 минути и 38 секунди“.

Прикажи повеќе...

Книги

Објавени книги од нови македонски автори – „Сенката на сонцето“ и „Скршен аватар“

Објавено пред

Во издание на литературното списание „Современост“ од Скопје излегоа книги од нови македонски автори, романот „Сенката на сонцето“ од Иван Стојановски и поетската збирка „Скршен аватар“ од Магдалена Чапаровска.

За романот на Ивановски, Стефан Марковски подвлекува:„Цикличниот наратив заради кој доаѓа до завршени наративни сегменти што одразуваат настани на некои од ликовите во „Сенката на сонцето“ од Иван Стојановски неретко експлоатиран во епската фантастика, одразен на оригинален начин, е една од поретките специфики на овој роман за ова поднебје, но сепак, она што е најинтересно е разновидноста од формални и семантички методи кои авторот умешно ги вкрстил со свој печат“.

Лидија Капушевска-Дракулевска, пак, анализира: „Понудениот ракопис претставува едно комплексно трагикомично симболичко дело, хибридно остварување реализирано преку монтажа и симбиоза на епско-лирски и драмски елементи, од една, и на митско-фантастични теми и мотиви со научно-технолошки достигнувања, од друга страна. Структуриран како филмско сценарио, со нелинеарно развивање на приказната, при што крајот го објаснува почетокот, ракописот на Стојановски се одликува со мошне згусната фабула, со цел серијал од настани и ликови кои на вешт начин се поврзани меѓу себе, како и со извонредно богатство од дискурси (филозофски, религиозен, поетски, народен говор…)“.

Осврнувајќи се кон секој од 4-те циклуси од збирката на Чапаровска, Јасмина Мојсиева-Гушева забележува: „Дали андроидот е јаболко во рацете на оваа модерна Ева? Дали изглоданото јаболко алудира на гревовите веќе сторени, а андроидот е оној кој нѐ става пред нови искушенија? Дали изборот на зборови е само наивен и случаен? Во „Скршен аватар“ желбата за себеосознавање и себеоформување е потпомогната, но и затрупана поради модерната технологија и новите социјални медиуми. Психолошката длабочина на Чапаровска и тука наоѓа примена“.

Романот „Сенката на сонцето“ претставува дебитантско романескно остварување на македонски јазик на Стојановски (1982, Скопје) од доменот на ретко застапената епска фантастика, додека „Скршен аватар“ е втора поетска збирка на поетесата Чапаровска (1983, Скопје).

Прикажи повеќе...

Најново

Македонија57 минути

Нападнати двајца новинари во близина на угостителски објект во Скопје

Двајца новинари синоќа биле физички нападнати од страна на неколку 20-годишни лица. Од МВР информираа дека нападот се случил на...

Македонија1 час

Сведочење на полицаец: Проверив 78 луѓе од Избирачкиот список, ниту еден не беше на пријавената адреса

Полицаецот Агрон Кранлиевски од Ресен во предметот „Титаник“ на СЈО сведочеше дека во 2012 година правел проверки на живеалишта на...

Македонија2 часа

Контрола на автобуси и комбиња во Тетово – 14 возеле патници со неисправни сопирачки, 8 без технички преглед

Вчера, во Тетово, била спроведена акциска контрола за техничка исправност на возилата што вршат јавен превоз на патници, најмногу автобуси...

Македонија2 часа

Заев заедно со Мицотакис и Борисов учествува на самит во Солун

Претседателот на Владата, Зоран Заев, денеска учествува на годинашниот самит во Солун, кој е под покровителство на претседателот на Република...

Свет2 часа

Насилството во Хонгконг ескалира: демонстрантите со стрели ги гаѓаат полицајците

Полицијата во Хонгконг соопшти денеска дека демонстрантите со стрели ги гаѓале полицајците што патролирале во близина на Политехничкиот универзитет, а...

Европа3 часа

(Видео) Вонредна состојба во Венеција

Италијанската влада денеска ќе прогласи вонредна состојба поради поплавата во Венеција со цел што побргу да се мобилизираат средства за...

Македонија4 часа

Едно од девет возрасни лица во Северна Македонија има дијабетес

Во Северна Македонија едно од девет возрасни лица има дијабетес или околу 175 илјади луѓе, објави Асоцијацијата за детски дијабетес на...

Регион14 часа

Полициско куче откри рекордна количина хероин во Словенија, вредна речиси 90 милиони евра

Словенечката полиција и цариниците заплениле 730 килограми хероин во пристаништето Копер, што е најголема количина хероин запленета во историјата на...

Свет15 часа

(Видео) Трамп: Се обидуваат да ме спречат

Ова е најголема измама во историјата на американската историја, порача американскиот претседател Доналд Трамп, во врска со почетокот на јавните...

Македонија15 часа

(Видео) Пендаровски: Реформите се потребни за да ја вратиме довербата на граѓаните

Функционалната правна држава е основен услов за опстанок на поредокот и неговиот одржлив развој. Реформите во сферата на владеењето на...

Регион16 часа

Страшна сообраќајна несреќа во Словачка, најмалку 12 загинати и 20 повредени

Најмалку 12 лица, од кои четири деца, загинаа денеска во судир на автобус и камион во западниот дел на Словачка....

Македонија17 часа

(Видео) Заев-Мас: Да се изнајде начин што побрзо до позитивна одлука за Северна Македонија

Претседателот на Владата, Зоран Заев и министерот за надворешни работи на СР Германија, Хајко Мас изразија жалење за одлуката на...

Македонија20 часа

„Никофон“ платил 1.800 место 5.000 денари за квадрат за гаражата кај „Аутомакедонија“, Центар бара раскинување на договорот

Заедно со граѓаните до крај ќе се бориме кај „Аутомакедонија“ да не се изгради катна гаража, туку парцелата да им...

Македонија22 часа

(Видео) Зеќир Рамчиловиќ изгласан за потпретседател на Собранието

Со 62 гласа „за“, 16 „против“ и без воздржани, пратеникот Зеќир Рамчиловиќ е изгласан за потпретседател на Собранието. За оваа...

Македонија1 ден

Во Швајцарија уапсени членови на „Пинк Пантер“, меѓу кои и еден Македонец, ограбиле златарница

Швајцарската полиција уапси двајца црногорски државјани, двајца германски државјани, едно лице од Босна и Херцеговина и едно од Северна Македонија...

Македонија1 ден

Груевски нема да одговара за „Траeкторија“ поради застареност на делото

Експремиерот во бегство, Никола Груевски, нема да одговара за кривичното дело во предметот „Траекторија“, кое се однесува на изградбата на...

Македонија1 ден

Закажано првото рочиште за „Рекет“

Првото рочиште за предметот „Рекет“, во кој се обвинети Бојан Јовановски – Боки 13, поранешната специјална обвинителка, Катица Јанева, и...

Македонија1 ден

Заев: „Југохром“ ќе биде затворен додека не се стават филтрите

„Југохром,“ додека не се стават филтрите, нема да функционира, истакна премиерот Зоран Заев пред вчерашната владина седница во Тетово зборувајќи...

Европа1 ден

(Видео) Венеција под вода, регистриран вториот најголем бран во историјата

Венеција е погодена од вториот најголем бран на плима во историјата, кој ја поплави историската базилика и многу од градските...

Македонија1 ден

Игор Јанушев ќе биде шеф на изборниот штаб на ВМРО-ДПМНЕ

Извршниот комитет на ВМРО-ДПМНЕ на синоќешната седница едногласно одлучи генералниот секретар Игор Јанушев да биде шеф на Републичкиот изборен штаб...

Досие