Контакт

концерти

Ансамблот на „Игњац Фукс“ ја воодушеви публиката со класична и неокласична музика

Објавено пред

Вистинско уметничко доживување со класична и неокласична музика приреди синоќа ансамблот на „Игњац Фукс“ во црквата „Света Софија“ настапувајќи во рамките на фестивалот Охридско лето.
На програмата беа Квинтет Г-мол од Сергеј Прокофјев, Свита за трио за кларинет, виолина и пијано од Александар Арутиунијан, Квартет од Иван Мулер, како и Трио за обоа, виола и контрабас, дело на Јохан Михаел Хајдн.

– Делата се од различен период, но станува збор за класична и неокласична музика. Конкретно, за Квинтетот од Сергеј Прокофјев, се работи за несекојдневна музика, напишана за балетска група во 1929 година и од тој балет е редуциран квинтетот. Доста драматична музика, доста хаотична, но на моменти прекрасна, а на моменти возбудлива, така како што треба да биде музиката – вели познатиот контрабасист Илин Диме Димовски.

Ансамблот на „Игњат Фукс“ е формиран годинава специјално по повод 150-годишнината од раѓањето на композиторот Игњац Фукс.

– Тоа е една од причините за обединувањето на еден ваков состав, но, од друга страна, на овие простори недостига ваков ансамбл од мешовит тип кој може да се приспособува на каков било концерт и настан – додава уметникот Димовски.

Во ансамблот на „Игњац Фукс“ членуваат македонско-австриската виолинистка Фросина Богдановска, хрватскиот уметник Хрвоје Филипс, кој свири на виола, македонско-хрватскиот контрабасист Илин Диме Димовски, кој работи во Загрепската филхармонија, српскиот кларинетист Александар Тасиќ, обоистот Дарио Голчиќ од Хрватска, како и македонската пијанистка Јана Павловска-Молц, која живее и работи во Чикаго.

– Многу ми е драго што сум дел од еден ваков состав направен од фантастични уметници. Сите живееме на разни простори и настапуваме на разни места, така што имавме многу малку проби, но бргу се вклопивме – вели виолинистката Богдановска.

Кларинетистот Александар Тасиќ беше дел од фестивалската програма на Охридско лето во 2008 година, но, како што вели, со задоволство доаѓа да настапи во катедралата „Света Софија“.

– Концертот беше доста интересен зашто програмата беше различна, класична и неокласична музика, модерна музика, која е пишувана во духот на класиката. Тука, пред сè, мислам на Арутиунијан, кој е интересен композитор што пишува со примеси на ерменска и еврејска музика. Многу ми е мило што по една деценија, повторно сум на фестивалот Охридско лето. Акустиката е совршена, а она што е уште повпечатливо е што свиревме во едно вакво здание, старо над илјада години. Тоа е посебно чувство што може да се доживее само во Охрид – истакна кларинетистот Тасиќ.

Овој ансамбл составен од извонредни уметници од поранешните ју-простори во текот на наредната година ќе се вклучи во одбележувањето на 150-годишнината од раѓањето на композиторот Игњац Фукс (1819 – 1854), чие вистинско име е всушност Ватрослав Лисински.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

концерти

Композиторката на музиката од „Гладијатор“ доаѓа во Скопје

Објавено пред

Фантастичната вокалистка и музичар Лиса Герард, наградена со „Златен глобус“ за музиката во филмот „Гладијатор“ и нејзиниот последен проект на кој соработува со уникатниот женскиот хор од соседна Бугарија The Mystery Of The Bulgarian Voices, доаѓаат во Скопје. Концертот на Lisa Gerrard & The Mystery Of The Bulgarian Voices е во организација на Младинскиот културен центар, а ќе се одржи во Македонската филхармонија на 8 октомври. Билетите се веќе во продажба преку продажната мрежа на МКЦ.

По потекло од ирски емигранти, Лиса е родена и живее во Австралија, каде што и ја започнува својата кариера пред речиси 40 години. Прилично експерименталната пост панк музичка сцена на крајот на 70-тите во Мелбурн ја спојува со Brendan Perry, со кој во 1981 го создаваат уникатниот проект Dead Can Dance, кој опстојува и денес со неколку креативни прекини.

Dead Can Dance се неприкосновен и по многу нешта автентичен музички состав, кој обединува два вокала, кои со својата моќност и боја како да го сликаат почетокот или крајот на светот. Lisa Gerrard и Brendan Perry својата инспирација изминатите декади ја црпат од племенското, окултното, световното, но и од земското, профаното постоење.

Во професионалната биографија на Lisa Gerrard се впишани неколку соло-проекти, како и музика за филм, на кои таа се потпишува и како авторка, но и изведувачка. Така, за музиката за епскиот спектакл „Гладијатор“, таа и композиторот Hanz Zimmer беа наградени со „Златен глобус“.

Gerrard во Скопје доаѓа со нејзиниот последен проект на кој соработува со бугарскиот женски хор The Mystery Of The Bulgarian Voices. Хорот опстојува од средината на минатиот век и го негува автентичниот бугарски мелос, зачинет со нереално, самовилско пеење. Светот за првпат слушна за овој хор на крајот на 80-тите години на минатиот век, кога хорот го издава својот истоимен албум Le Mystère des Voix Bulgares, vol. 2 за кој ја добиваат престижната Grammy награда во 1989 година. По речиси 4-децениско постоење доаѓа нивната соработка со маестралната Lisa Gerrard, со која создаваат една природна бајколика симбиоза, излегува албумот BooCheeMish, кој ги редефинира позициите на поимот World music и со својата уникатност буквално ја возбуди светската музичка сцена при нивните лајв-настапи.

 

Прикажи повеќе...

концерти

Андре Риу пристигна во Скопје

Објавено пред

Македонската публика, вечерва, 6 јуни, со почеток во 20 часот, во ВИП-арената „Борис Трајковски“ во Скопје, ќе има ексклузивна можност да биде дел од концертот на светската музичка ѕвезда Андре Риу.

Мегапопуларниот диригент и виртуоз на виолина, Андре Риу, во светот прославуван како современиот крал на валцерот, заедно со својот 60-член оркестар „Јохан Штраус“ и уште 20-ина гости музичари, кои ќе го придружуваат на сцената, но и тим составен од повеќе од 50 професионалци што се грижат за продукцијата и техничката реализација на концертот, веќе пристигнаа во Скопје за неговиот премиерен настап во Македонија.

„Андре Риу пристигнува во Скопје со целосна сопствена продукција, 9 шлепери со опрема, комплетна костимографија и сценографија, речиси 80 музичари на сцената и повеќе од 50 луѓе задолжени за техничката реализација. Овие бројки само ја потврдуваат големината на овој музички уметник и пред нас е несомнено концертен спектакл каков што досега не сме имале шанса да гледаме во Македонија“, велат од „Пасворд продукција“.

Несомнено еден од најпопуларните интернационални музичари на нашето време е секогаш синоним за вистински концертен спекткл. Андре Риу секаде во светот настапува пред 600.000 публика годишно надминувајќи ги дури и суперѕвездите како Бруно Марс, „Еј-си/Ди-си“ или Ријана. А концертите на Андре Риу се огномет од емоции. На речиси 100 концерти годишно Риу гарантира совршена забава со светски познатите романтични мелодии, како и со многубројни изненадувања, хумор и првокласни интернационални солисти.

Заедно со неговиот оркестар, најголемиот приватен оркестар на светот, харизматичниот Холанѓанец речиси 30 години го обиколува светот и вечерва првпат пристигнува и кај нас со концерт во организација на „Пасворд продукција“.

Влезот за посетителите ќе биде отворен во 18.30 часот.

Прикажи повеќе...

концерти

Унгарскиот бенд „Сондорго“ и „Џамбо Агушеви оркестар“ на „Оффест“

Објавено пред

Унгарскиот бенд „Сондорго“, кој се смета за еден од водечките претставници на тамбурашката музика од Унгарија, и „Џамбо Агушеви оркестар“ од Македонија, вечер ќе одржат концерти во рамките на 18. „Оффест“.

Концертот на унгарскиот бенд ќе се одржи во Дансинг-салата во МКЦ со почетокот во 20 часот, а „Џамбо Агушеви оркестар“ ќе настапи два часа подоцна на истата бина.

„Сондорго“ е формиран од браќата Арон и Бенџамин Ередиќ кон средината на 90-тите години во Сентендре (мал унгарски град во близина на Будимпешта со долгогодишна српска традиција). Овој возбудлив состав е посветен на изведувањето и промовирањето на јужнословенската фолк-музика собрана од Бела Барток и Тихомир Вујичиќ, популарна кај заедниците што живеат по должината на реката Дунав. Нивната мисија е да ги оживеат скриените скапоцени камења на разните балкански звуци.

Но, за разлика од повеќето групи што свират балканска музика, „Сондорго“ не изведува музика за дувачки оркестар, туку тамбурашка музика со извонредна техничка виртуозност и свежа интерпретација. Постојано присутни на унгарските и европските фестивали континуирано настапуваат и со познатиот македонски саксофонист Ферус Мустафов – плод на оваа соработка е нивниот заеднички албум Sondorgo & Ferus Mustafov In Concert (2009). Она што „Сондорго“ совршено го комбинираат е почитта кон традициите, желбата за иновација и блескавата незапирлива виртуозност.

„Џамбо Агушеви оркесторот“ е дувачки оркестар од Македонија, кој денес се смета за еден од најдобрите на Балканот. Музиката што виртуозно ја изведуваат може да се дефинира како своевидна фузија на традиционалните балкански, ромски и турски звуци со влијанијата на свинг, џез, поп и филмската музика. Од скромните почетоци во малата Струмица до освојување на сцените на целата планета оркестарот прерасна во врвна атракција на светската музичка сцена.

Лидерот Џамбо Агушев, познат и по прекарот the funky tiger, е најпрославениот македонски музичар по заминувањето на Есма Реџепова, но тој, сепак, нема намера да подзаспива на ловориките на славата заработувајќи вистинско богатство со свирење раскошни свадби и големи фестивали. Младиот виртуоз не беше задоволен со таквата кариера и оттогаш гледа како да ја одржи, развие и продлабочи репутацијата што тој и неговиот бенд ја имаат како музичари пар екселанс освојувајќи ја публиката во Европа и пошироко. На тој начин тие стекнаа голем број обожаватели.

Прикажи повеќе...

Најново

Вести12 часа

Помпео: САД не сакаат војна со Иран

Американскиот државен секретар, Мајк Помпео, денеска изјави дека, иако Иран несомнено е одговорен за минатонеделните напади врз два танкери на...

Македонија13 часа

(Видео) СДСМ избра нов Извршен одбор

Централниот одбор на СДСМ избра нови членови на Извршниот одбор, нов организационен секретар и секретар за меѓународна соработка. Лидерот на...

Спорт13 часа

Победа и одмазда над Грција за сигурно прво место! (галерија)

Македонија ги надмина проблемите од стартот на мечот, и во Струмица ја победи Грција со 27:23 (13:11) во последното коло...

Македонија14 часа

(Видео) Невреме кај Кичево – град ги прекри патиштата, сообраќајот отежнат

Силно невреме проследено со пороен дожд и град го зафати подрачјето во близина на Кичево. На патот после Кичево, кога...

Вести16 часа

Сопругата на премиерот на Израел со државни пари јадела во луксузни ресторани

Сопругата на премиерот на Израел, Бенјамин Нетанјаху, Сара Нетанјаху, е казнета со 15.000 долари за злоупотреба на државни фондови. Судот...

Спорт17 часа

Рекорд – дрес на Бејб Рут продаден за 5.64 милиони долари!

Дрес на американската безбол легенда Бејб Рут го сруши рекордот за најскапо продадена спортска „меморабилија“, откако на аукцијата во Њујорк...

Свет18 часа

Електричен дефект ги остави Аргентина и Уругвај без струја

Голем дефект во електричната мрежа ги остави Аргентина и Уругвај без струја, соопшти главната електродистрибутивната мрежа на Аргентина. Според информациите,...

Топ20 часа

Мотоциклист удри во 83-годишна жена на „Партизанска“ и побегна

Непознато лице со мотоцикл синоќа на бул.„Партизански Одреди“ во Скопје удри во 83-годишна жена пешак и побегна од местото. Жената...

Свет21 час

Трамп повторно го нападна градоначалникот на Лондон поради насилствата

Американскиот претседател Доналд Трамп уште еднаш го критикуваше градоначалникот на Лондон, Садик Кан, нарекувајќи го „катастрофа“, кој го уништува главниот...

Свет22 часа

Се судрија два мали авиони во Нов Зеланд, загинаа двајцата пилоти

Два лесни авиони се судрија при слетување на аеродромот „Худ“ на Нов Зеланд, двајцата пилоти загинаа, соопшти полицијата. Според информациите,...

Свет22 часа

Силно невреме во Швајцарија и Франција, има и загинати

Една жена загинала кога на неа паднало дрво, а друга жена загинала во несреќа на езеро во источна Франција, кое...

Свет23 часа

Вонредна состојба на Нов Зеланд по земјотрес во океанот, се очекува силно цунами

Новозеландската цивилна заштита издаде предупредување после земјотресот со интензитет од 7,4 степени, регистриран во Тихиот океан кај островот Кермадек, ненаселена...

Бегството на Груевски2 дена

Груевски: Напамет не ми паднало да влегувам во багажник за какви било цели

Експремиерот Никола Груевски се огласи на Фејсбук по изјавата на премиерот Заев за германски „Франкфуртер алгемајне цајтунг“(ФАЦ), каде тој рече...

Економија2 дена

ММФ: Најголемиот проблем на Западен Балкан е лошата инфраструктура и невработеноста

Недостигот на капитал и ниската вработеност се најголемиот проблем на земјите од Западен Балкан, изјавил високиот регионален претставник на Меѓународниот...

Македонија2 дена

(Видео) Заев до Хан: Добивањето датум ќе биде потврда дека се што направивме вредело

Претседателот на Владата, Зоран Заев денеска во Австрија се сретна со еврокомесарот за проширување и добрососедска политика, Јоханес Хан. На...

Македонија2 дена

(Видео) Раководството на МВР врши мобинг врз Независниот синдикат на полицијата

Портпаролот на Независниот синдикат на полицијата, Дејан Саздов, обвини дека раководството на Министерството за внатрешни работи врши мобинг врз членовите...

Македонија2 дена

Туристичката кампања „Македонија вечна“ стана „Северна Македонија вечна“

Северна Македонија го корегира името на туристичката кампања „Македонија вечна“ во „Северна Македонија вечна“, во согласност со Преспанскиот договор, објави...

Македонија2 дена

АСОМ: Законот за игрите на среќа де факто значи бришење на една цела стопанска гранка

Асоцијацијата на спортски обложувалници (АСОМ) присуствуваше на јавната расправа во Собранието за предлог-измените и дополнувањата на Законот за игрите на...

Економија2 дена

Тевдовски: Агенцијата „Фич“ после 13 години го зголеми кредитниот рејтинг на земјата

Aгенцијата „Фич” го зголеми кредитниот рејтинг на Северна Македонија од ББ на ББ+, со стабилен изглед. Ова е прво подобрување...

Топ2 дена

Убиената жена во Шутка го спасила сопругот, застанала пред него и била избодена до смрт

Скопјанец до смрт избоде своја братучетка во населбата Шуто Оризари. Според информациите од МВР, скопјанецот со нож го нападнал сопругот...

Досие