Контакт

Култура

„Бела ноќ“ утревечер во Скопје

Објавено пред

Бум од уметнички настани утревечер „Бела ноќ“ во Скопје. Скопјани ќе уживаат во музички концерти, изложби, проекции, поетски читања, работилници, жонглерско шоу и перформанси на десетици локации низ градот.

dobivaj vesti na viber

Скопје во чекор со европските метрополи, утревечер „Бела ноќ“, скопјани и посетителите ќе имаат можност да уживаат во музички концерти, изложби, проекции, поетски читања, работилници, жонглерско шоу и перформанси на десетици локации низ градот. Традиционалната културна манифестација „Бела ноќ“ ќе се одржи утревечер (1.10.2022) на повеќе локации низ Скопје.

Централната манифестација ќе се одржи на плоштадот „Филип Втори“ каде ќе се одигра детската претстава „Моќта на музиката“, жонглерско шоу, концерт на Мијата.
Камерниот оркестар на Битола ќе се престави со „James Bond Symphony“, а настанот ќе заврши со настап на диџеј Dubnotic.

Во Кинотека ќе се одржува фестивалот „Десонанз“ каде ќе презентира македонската електронска сцена, видеоарт и ќе се прикажуваат филмови од кинотеката. Во Градски парк кај фонтана ќе се може да се погледне „Сообраќаен инсектариум – Пајакарт“, групна изложба на 13 домашни автори од различни ликовни изрази.

Програмата ја збогатуваат и културните институции: Во МКЦ ќе се одржува „Скопје винил конвеншн“ и перформансот на Франк Масон (менталист и психички забавувач од Нирнберг, Германија), Детски културен центар „Карпош“ заедно со Зоолошка градина ќе ги анимираат најмладите со „ЗОО азбука“, во Национална галерија т.с. Даут-пашин амам ќе може да се погледне изложбата на Димитар Кондовски, во Музеј на современа уметност ќе може да се види ретроспективната изложба на Симон Узуновски „Пат за Волкодери“ и самостојната изложба на Јана Јакимовска „Ретро: телесни ретроспективи“, во Спомен-куќата на Мајка Тереза постојаната изложба и „Мисионерка на милосрдието – Спомените за Мајка Тереза во Државниот архив“, Библиотека „Браќа Миладиновци“ ќе организира креативна работилница за деца, поетско читање, клуб на читатели и музичка програма, во Музеј на македонската борба ќе може да се види изложбата „Скопје со културните добра” на Ансамбал Македонија, а во Музеј на Република Северна Македонија постојаната етнолошка поставка, постојаната историска поставка – „Македонците бегалци од Втората светска војна и Граѓанската војна во Грција 1940-1949“ и времената изложба – „Гозби за живите и предците, боговите и светците“.

Целосната програма со распоред, локации и учесници може да се погледне на www.univerzalna.com.mk/belanok. Сите настани се од отворен карактер и се бесплатни за посетителите. ЈСП Скопје ќе вози бесплатно од 18 до 05 часот, а ќе функционираат и ноќните линии.

Настанот е во организација на ЈУ Универзална сала, финансиран од Град Скопје, а покровители се Сити радио и Лајф радио.

Култура

Објавено второ издание на „Идентитетот е приказна“ од Иван Антоновски – првата книга за есеистиката на Горан Стефановски

Објавено пред

Издавачката куќа „Полица“ објави второ издание на првата книга за есеистиката на Горан Стефановски – „Идентитетот е приказна“ од Иван Антоновски, најдобриот млад научник во хуманистичките науки во 2021 година, кому вчера му беше доделено признанието „Успешни млади“.

dobivaj vesti na viber

Второто издание на „Идентитетот е приказна“ се случува по само месец и половина од објавувањето на првото издание по повод 70 години од раѓањето на Горан Стефановски, кое веќе се исцрпува по големиот интерес на читетелите и одгласите на македонската книжевна наука, а веќе предизвика забележлив интерес и надвор од Македонија.

– Еве, конечно, едно не само пионерско, туку и професионално, методолошки точно поставено проучување на Горановата есеистика. Имено, таа методолошка „десетка во целта“ лежи во сфаќањето на Иван Антоновски дека „есејот на Горан Стефановски може да биде метажанр“ во однос на неговите пиеси. Антоновски беспрекорно ја покажува семио-осмозата меѓу драмите и есеите на Стефановски. Неговата студија е методолошки чиста, инвентивна, јасна и дескриптивно-остензивна. Со еден збор, сјајно напишана научна студија за светлината на нашата драмска книжевност и театар – Горан Стефановски, истакна универзитетскиот професор, книжевен критичар и писател, Венко Андоновски, при објавувањето на првото издание на „Идентитетот е приказна“.

Според универзитетската професорка и книжевна критичарка, Весна Мојсова-Чепишевска, оваа книга е исклучително проучување и на полето на современата македонска книжевна наука и на полето на македонската култура.

– Студиозна и високо книжевно-критичка анализа, која низ еден извонреден дијалог со есеите на Стефановски дава одличен импулс во книжевно-теориските истражувања на некои актуелни и нови теми и проблеми на македонското творештво. Горан Стефановски не можел да најде подобар соговорник од Иван Антоновски. Верувам дека оваа книга ќе поттикне и нови согледби и ќе отвори низа прашања кои може да станат појдовни точки за некои натамошни, нови истражувања, посочува Мојсова-Чепишевска.

Како што посочува универзитетската професорка и книжевна критичарка, Марија Ѓорѓиева-Димова, „Идентитетот е приказна“ не е само книга во којашто се толкува есеистичкиот корпус на еден исклучителен и автентичен интелектуалец.

– Ова е и книжевно-научна студија во вистинската смисла на зборот која проникливо, аналитично, аргументирано, но и полемички ги нотира актуелните состојби во книжевната наука, вклучително и македонската, давајќи конкретни предлози за понатамошни истражувања и во однос на есејот, вклучително и македонскиот, и во однос на есеистичкиот опус на Горан Стефановски, оценува Ѓорѓиева-Димова.

И второто издание на „Идентитетот е приказна“ е објавено во соработка со Здружението за промоција и зачувување на културното наследство на Горан Стефановски, и во него, покрај научната студија на Иван Антоновски, објавен е и последниот, тестаментален есеј на Стефановски – „Искрата што се измолкнува (наративи помеѓу чеканот и наковалната)“.

Досега, книгата доживеа две промоции во државава, а по интересот на читателите, на покана на локалните библиотеки и домовите на култура, веќе се закажани уште неколку за следниот период. Пред неколку дена, на покана на Универзитетот во Љубљана, Антоновски одржа и предавање за есеистиката на Горан Стефановски, на кое покрај словенечките студенти – македонисти и јужнослависти се вклучија и студенти од универзитетските центри во Загреб и Скопје, но и етаблирани македонисти и јужнослависти – истражувачи, книжевни преведувачи и писатели, вклучително и предавачи и книжевни преведувачи од Англија и Грција.

Инаку, Иван Антоновски е млад, но искусен и докажан автор, кој зад себе веќе има неколку публикации, а од крајот на 2021 година е асистент на Филолошкиот факултет „Блаже Конески“ при УКИМ. Првичната верзија на книгата „Идентитетот е приказна“ беше негов магистерски труд, со кој оствари обид за прочит и вреднување на есеистиката на Горан Стефановски. Дел од тезите за есеистиката на Стефановски, детално образложени во книгата „Идентитетот е приказна“ се претставени и во неколку од неговите одделни научни трудови за кои вчера од страна на претседателот на државата, Стево Пендаровски, му беше доделено високото признание „Успешни млади“.

Второто издание на „Идентитетот е приказна“ веќе е достапно за читателите во книжарницата на „Полица“ во Скопје, како и во другите поголеми книжарници во земјата.

Прикажи повеќе...

Култура

„Кино за млади“ во Кинотеката

Објавено пред

Два филма од поновата европска продукција, на 28 и 29 ноември (понеделник и вторник), бесплатно ќе се прикажуваат во Кинотеката на Македонија во рамките на проектот „Кино за млади“.

dobivaj vesti na viber

Програмата почнува на 28 (понеделник) во 12 часот, со проекција на швајцарската драма АТЛАС, во режија на Николо Кастели.

Кратка содржина

Алегра е млада жена полна со живот и со страст за качување на високи планини. Таа решава да отпатува во Мароко за да се искачи на врвот на планината Атлас, но нејзиното патување ненадејно завршува кога тројца нејзини пријатели ќе загинат во напад. Не можејќи да ја надмине траумата неколку месеци подоцна, таа се враќа во својот град. Таму ќе го запознае Арад, млад бегалец, кој ќе ѝ помогне да се соочи со реалноста, нејзините стравови и да ги залечи длабоките внатрешни рани.

На 29 ноември (вторник) во 12 часот ќе се прикажува италијанско-белгискиот трилер СМЕНАТА, во режија на Александро Тонда.

Кратка содржина

Брисел. Еден и Абдел, две 17-годишни момчиња, упаѓаат во нивното училиште за да извршат самоубиствен терористички напад, но Абдел се разнесува пред предвиденото време повредувајќи го Еден во експлозијата. Изабел и Адамо, двајца болничари, пристигнуваат на местото на настанот и го наоѓаат Еден повреден и онесвестен. Го внесуваат во амбулантното возило не знаејќи дека тој е еден од терористите. На пат кон болница тие сфаќаат дека Еден носи појас со експлозив, но веќе е доцна: Еден одеднаш се буди! И покрај повредите, младиот човек ги држи како заложници заканувајќи им се дека ќе ја активира бомбата и му наредува на Адамо да продолжи да вози.

Проектот „Кино за млади“ е во организација на дистрибутерската куќа „Узенгија“, а се реализира со поддршка од Град Скопје.

Прикажи повеќе...

Култура

Костадиновска-Стојчевска во бугарскиот КИЦ во Скопје: Уметничката креативност нека биде поле за културен натпревар

Објавено пред

„Во новите простории на Културно-информативниот центар на Бугарија во Скопје посакувам да се всели нова енергија во македонско-бугарските културни релации и со убава емоција да се разгори страста за уметничка креативност како ’поле за културен натпревар‘, во кој победник е културата. Во името на тоа пријателство отворете ѝ ги ширум портите на културата!“, порача денеска министерката за култура, Бисера Костадиновска-Стојчевска, која заедно со министерот за култура на Бугарија, Велислав Минеков, ги отвори новите простории на бугарскиот Културно-информативен центар во Скопје.

dobivaj vesti na viber

Костадиновска-Стојчевска додаде дека бугарскиот КИЦ во Скопје и нашиот, македонскиот, во Софија, ја имаат таа цел – да нė поврзат, да нė едуцираат едни за други и преку културата да нė доближат и како народи и како пријатели.

На свеченоста за улогата на културно-информативните центри во Скопје и во Софија говореше и министерот за култура на Бугарија, Велислав Минеков. Тој го изрази задоволството од отворањето на новиот простор во центарот на Скопје, кој се промовира речиси по 20 години од отворањето на бугарскиот КИЦ во земјата.

„Културно-информативните центри“, рече Минеков, „се мост што создава услови за просперитет и зближување на двете култури и кој го обезбедува заслуженото место на културата во општествата“.

Свеченото отворање беше проследено со изложба на дела од современи уметници од Македонија и Бугарија.

Претходно, министерката Бисера Костадиновска-Стојчевска имаше средба со својот бугарски колега Велислав Минеков, на која присуствуваа и амбасадорот на Бугарија, Ангел Ангелов, и директорката на бугарскиот КИЦ во Скопје, Антонија Велева.

На средбата министрите ја потврдија традиционалната соработка и го изразија своето задоволство од фактот што министерствата за култура на двете земји негуваат слични приоритети во својата културна политика, во делот на заштитата на културното наследство, како и во поттикнување на активностите на младите. Беа разменети мислења, ставови и идеи за подобрување и за унапредување на соработката во сите сегменти, како и за активности што би можеле да се реализираат како заедничка агенда на културно-информативните центри во двете држави.

Костадиновска-Стојчевска во оваа пригода го запозна Минеков и со идејата за отворање културно-информативен центар на Македонија во Благоевград изразувајќи уверување дека токму овие центри ќе придонесат за реализација на многу проекти и иницијативи преку кои бугарските и македонските автори и уметници ќе се претстават пред културната јавност во двете земји.

Прикажи повеќе...

Најново

Европа2 часа

Автомобил влета во божиќен пазар во Англија

Автомобил управуван од непознат возач влета во божиќниот пазар каде се собраа околу 800 луѓе во англискиот град Конглтон. Според...

Европа5 часа

Во Белгија запленети 115 килограми кокаин, вреден над 11 милиони евра

Полицијата во Белгија заплени околу 115 килограми кокаин сокриен во бетонски плочи како дел од меѓународна полициска операција чија цел...

Топ6 часа

Пронајдено починато 26-годишно момче од Скопје

Вчера околу 17,30 часот во СВР Скопје од страна на итната медицинска помош било пријавено дека на ул.„Патрис Лумумба“ во...

Економија8 часа

Ковачевски: Очекувано е намалување на цените на основните прехранбени производи со антикризните мерки

Премиерот Димитар Ковачевски денеска во Штип ја посети фабриката за масло „Брилијант“ чие производство е рестартирано од страна на АД...

Македонија8 часа

ЗНМ бара оставка од директорот на топланата „Скопје-Север“ поради груби навреди кон новинарка

Наместо одговор на легитимно поставено новинарско прашање за работата на топланата „Скопје-Север“, директорот Куштрим Рамадани упати груби навреди и омаловажувања...

Европа10 часа

(Видео) Одрон во Италија затрупа згради и автомобили, 13 луѓе се исчезнати

Неколку лица се водат за исчезнати на италијанскиот остров Искија, по лизгање на земјиштето предизвикано од силен дожд. Затрупани се...

Европа10 часа

Лавров: Украинскиот народ ќе биде ослободен од неонацистичките владетели

Рускиот министер за надворешни работи Сергеј Лавров, во документарен филм емитуван денеска, рече дека Украинците заслужуваат пријателски однос со своите...

Топ10 часа

Царина: Запленети 12 килограми екстази вредни 200.000 евра

Инспектори од мобилните тимови на Царинската управа запленија 26 илјади таблети екстази со вкупна тежина од околу 12 килограми, 84...

Македонија11 часа

(Видео) Митева: Катастар пред банкрот, зголемување на давачките до 500 отсто

„Во услови на длабока сиромаштија, кризи и инфлација, СДСМ им воведе нови поскапи цени на услугите на Агенција за катастар...

Европа13 часа

САД распоредија осум беспилотни летала во Грција

САД распоредија осум беспилотни летала MQ-9 Reaper во Грција, објави Пентагон. Беспилотните летала се распоредени во воздухопловната база Лариса, дознава...

Свет14 часа

Канје Вест: Го поканив Трамп да биде мој потпретседател, тој врескаше по мене

Американскиот рапер Канје Вест објави дека му рекол на поранешниот претседател Доналд Трамп дека ќе биде одличен кандидат за негов...

Економија14 часа

СДСМ: 2023та ќе биде година за економска пресвртница, на нова надеж

„Економскиот пресврт наредната година е реална, остварлива цел, што ја потврдуваат сите економски показатели. Проекцијата на ЕБОР е дека македонската...

Свет14 часа

Џинпинг до Џонг-ун: Подготвени сме да соработуваме за мирот, стабилноста, развојот и напредокот на регионот и светот

Кинескиот претседател Си Џинпинг му рекол на севернокорејскиот лидер Ким Џонг-ун дека Пекинг е подготвен да соработува со Пјонгјанг за...

Македонија14 часа

ВМРО-ДПМНЕ: Македонија во топ 10 земји по инфлација на храната, народот ќе трпи за леб

„Поради владата на СДС и ДУИ, Македонија се соочува со економска катастрофа и драстично осиромашување на народот. Тоа го покажува...

Европа15 часа

Зеленски првпат од почетокот на војната јавно го критикува Кличко

Во ретко јавно несогласување меѓу украинските лидери, претседателот Володимир Зеленски го критикуваше градоначалникот на Киев, Виталиј Кличко дека не ја...

Европа15 часа

Столтенберг: Берлин сам да одлучи дали ќе го испрати ракетниот систем „Патриот“ во Украина

Откако Полска неодамна предложи противракетните системи „Патриот“ што ги нуди Германија да и бидат предадени на Украина, генералниот секретар на...

Македонија1 ден

Нема договор помеѓу историчарите од Македонија и Бугарија за Охридската архиепископија

Дводневниот состанок на мешовитата Комисија за историски прашања во Скопје заврши вечерва без договор. Единствената тема на која членовите на...

Свет1 ден

Велика Британија: Путин е очаен поради својата војска, затоа ја уништува инфраструктурата на Украина

Руските воздушни напади врз критичната инфраструктура на Украина се знак на очај на рускиот претседател Владимир Путин, изјави британскиот министер...

Економија1 ден

„Скопје Север“ исклучено од системот за гас по забраната од Град Скопје да користи мазут

Друштвото „Скопје Север“ АД информира дека денес е исклучено од системот за пренос на природен гас. „Во согласност со договорот со...

Македонија1 ден

МНР ја осуди изјавата на Костадинов, кој рече дека Македонија е втора бугарска држава

Министерството за надворешни работи соопшти дека ги осудува иредентистичките изјави, кои содржат и територијални претензии кон Република Северна Македонија, искажани...