Контакт

Култура

(Видео) Започнува Интернационалниот детски фестивал на театар на сенки „Сонот на облачето”

Објавено пред

Скопје во наредните три дена ќе биде домаќин на фестивалот „Сонот на облачето”, којшто е единствената можност кога децата можат да погледнат меѓународни претстави со сенки. Годинава гостуваат претстави од Шпанија и Бразил, заедно со претстава од нашата земја, и сите тие обработуваат теми кои се од круцијално значење за развојот на детето – вечната борба помеѓу доброто и злото и безграничното пријателство.

Претставите што ќе гостуваат во Младинскиот културен центар (МКЦ) патуваат низ светот на разни фестивали од овој тип, комуницирајќи со публиката единствено преку визуелниот израз на театарот на сенки. Децата ќе можат да ја откријат магијата на театарот на сенки без бариерите од странски јазици, бидејќи претставите ја комуницираат содржината со музика во живо и игра со сенки пред и позади платно во најразлични формати – од минијатурно изработени фигури до сенки од човечки тела кои ја опфаќаат целата сцена на „Фросина“ во МКЦ.

Играта со сенки е една од првите игри што ги воспоставува детето со своите родители при неговото растење, додека театарот со сенки е исто така вклучен и како тема во образовниот систем на децата во нашата земја. Фестивалот „Сонот на облачето“ е можеби единствената шанса кај нас да се доживее овој уметнички израз во полна светлина.

Фестивалот нуди работилници за изработка на кукли, работилници за движење со тела, претстави кои се создаваат пред очите на публиката при што децата целосно го доживуваат спектаклот. Повеќе информации за фестивалот на следниов линк до: Facebook настан на фестивалот.

Честа да го отвори овогодинешното издание на фестивалот ќе ја има ансамблот „Luz Micro Y Punto“ од Шпанија со претставата „Светлосни години“. Фестивалот започнува денеска со почеток од 19:30 часот, со изведба на претставата на гостите од Шпанија, кои тукушто пристигнаа во Скопје по нивното гостување во Москва.

Организатор на фестивалот е Театар „Сенки и облаци“ од Скопје, кој со поддршка од Министерството за култура на С.Р.М., Градот Скопје и МКЦ ќе ѝ овозможи на најмладата публика да ужива во несекојдневните спектакли со сенки. Билетите се во продажба на билетарницата на МКЦ по цена од 150 денари, како и онлајн на https://bileti.mkc.mk/.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура

Проекција на „Медена земја“, монодрама и фолклорен ансамбл оваа недела во Домот на културата во Кавадарци

Објавено пред

Домот на културата „Иван Мазов – Климе“ Кавадарци, најави неколку културни настани кои ќе се случуваат во наредните денови.

Во понеделник, на 27 јануари , со почеток од 19 часот, актерот Петар Темелковски ќе ја изведе монодрамата „Последната ноќ на Јустинијан I“ по текст на Јордан Плевнеш.

Во среда, на 29 јануари, со почеток од 19.30 часот, на репертоарот е документарниот филм “Медена земја“.

Во сабота, на 1 февруари , со почеток од 19 часот, ќе се оддржи традиционалниот Годишен концерт на Фолклорниот ансамбл „Тиквеш“ кој работи при Домот на културата.

Прикажи повеќе...

концерти

„Виолински класици“ со Александар Димчевски

Објавено пред

„Виолински класици“ е насловот на концертот на оркестарот на Филхармонијата кој ќе се одржи на 30 јануари во 20 часот.

Како солист ќе настапи виолинистот Александар Димчевски, кој ќе го изведе возбудлвиот Концертот за виолина и оркестар број 1 од Макс Брух. На програмата се и структурно најамбициозната Симфонија бр. 7 од Дворжак и архетипската шкотска увертира „Земја на планина и поплава“ од Хамиш Мекан.

Виолинистот Александар Димчевски се етаблира како сестран уметник настапувајќи како солист, камерен музичар, како концерт-мајстор, но и како педагог. Од 2016 година Димчевски е концерт-мајстор во Унгарската државна опера, а од 2018 година го води и камерниот оркестар Hohenems Arpeggione. Гостин концерт-мајстор е и во оркестри во Франција, Германија и во Данска, каде што, како и во Унгарија, постојано држи мастер-часови. Александар Димчевски во моментот свири на виолина од 1754 гдина, изработена од Карло Фердинандо Ландолфи.

Британскиот диригент Румон Гамба во својата досегашна кариера бил на неколку значајни позиции, меѓу нив и шеф-диригент и музички директор на шведската оперска компанија „Норланд опера“ (2008-2015), шеф-диригент на симфонискиот оркестар „Алборг“ (2011-2015), како и шеф-диригент и музички директор на Симфонискиот оркестар на Исланд (2002-2010). Во 2017 година маестро Гамба се враќа на „Би-би-си промс“ диригирајќи со врвниот џез-ансамбл Bang on a Can All-Stars заедно со младинскиот ансамбл. Покрај современата музика, тој е активен и како диригент на железниот оперски репертоар, како што се „Кармен“, „Боеми“, „Отело“, „Кандид“, „Риголетo“.

 

Прикажи повеќе...

Култура

Филмот „Врба“ ќе се прикажува на уште четири филмски фестивали

Објавено пред

Филмот „Врба“ на Милчо Манчевски ја продолжува фестивалската турнеја со прикажување уште четири европски и светски фестивали, „Фест“ во Белград, „Синеквест“ во САД, „Фантаспорто“ во Португалија и Софија.

По светската премиера на „Врба“ на Римскиот филмски фестивал во октомври минатата година и по македонската премиера и киноприкажувањето, филмот беше дел од официјалните програми на светските фестивали во Тајпеј и Талин.

На престојниот 48. меѓународен филмски фестивал „Фест“ во Белград (од 28 февруари до 8 март), „Врба“ е во главната натпреварувачка програма, со првата проекција на 2 март и уште две – на 3 и 4 март. Во историјата на „Фест“ впишани се големи актерски и режисерки имиња, кои биле гости, како Марчело Мастројани, Харви Кајтел, Бернандо Бертолучи, Софија Лорен, Роберт де Ниро, Милош Форман, Вим Вендерс, Џони Деп. Досега „Фест“ имал над 4 милиони гледачи и речиси 4.000 значајни филмски наслови како од домашната и регионалната продукција така и од светската.

Од „Фест“, „Врба“ патува на 40. меѓународен филмски фестивал „Фантаспорто“ во Порто Португалија, (од 28 февруари до 8 март), каде што филмот ќе биде прикажан на 6 март во програмата Недела на режисерите.

Во март „Врба“ ќе ја има и американската премиера во натпреварувачката програма на „Синеквест“, еден од најстарите и најреномирани фестивали во САД (од 3 до 15 март) во Сан Хозе и Редвуд Сити, Калифорнија.

Исто так, во март „Врба“ ќе биде прикажан и на 24. Интернационален филмски фестивал во Софија.

 

Прикажи повеќе...

Најново

Свет7 часа

Москва: Седум кинески државјани пренесени во болница за заразни болести

Седум кинески државјани од хотел во Москва се пренесени во болница за заразни заболувања, поради сомнение дека имаат акутна вирусна...

Регион10 часа

Нов земјотрес во Турција

Не престанува да се тресе земјата во Турција. Нов земјотрес ја потресе земјата за помалку од 24 часа. Земјотрес со...

Свет12 часа

Шји Џјинпинг: Ситуацијата е сериозна, ширењето на вирусот забрзува

Ширењето на новиот корона вирус се забрзува, предупреди денеска кинескиот претседател, Шји Џјинпинг, по состанокот на Политбирото на Комунистичката партија,...

Топ14 часа

Нова жртва на иста измама – ѝ рекле да даде пари или синот ќе лежи во затвор поради сообраќајка

„Син ти направи сообраќајна несреќа во која загина дете. Да ни дадеш пари и ќе средиме тој да не лежи...

Македонија15 часа

(Видео) Мицкоски: Ќе продолжиме со разговорите за законот за Јавното обвинителство

Лидерот на ВМРО-ДПМНЕ, Христијан Мицкоски, одговарајќи на новинарски прашања денеска кажа дека ќе продолжат со разговорите за законот за Јавното...

Македонија18 часа

Дескоска: Жалам што ВМРО-ДПМНЕ избега од разговорите за законот за Јавното обвинителство

Министерката за правда, Рената Дескоска на социјалните мрежи напиша дека жали што преговарачката тројка на ВМРО-ДПМНЕ за Законот за јавното...

Топ18 часа

Возило прегази 10-годишно дете на булевар во Скопје

Синоќа на булеварот „Мито Хаџи Василев-Јасмин“ патничко моторно возило управувано од 32-годишниот Д.Д. од Скопје удри во дете пешак на...

Свет19 часа

(Видео) Вознемирувачки снимки по земјотресот во Турција, луѓето панично бегаат на улиците

Бројот на загинати во силниот земјотрес што ја погоди Турција порасна на 21 лице, а над 900 се повредени. Земјотресот...

Свет20 часа

Проширен регионот што е во карантин во Кина, пријавени нови 15 смртни случаи поради вирусот

Дополнителни 15 смртни случаи се пријавени во кинеската провинција Хубеи, со што бројот на починати од новиот коронавирус се зголеми...

Свет20 часа

Австралија и Малезија потврдија први случаи на заразени со коронавирусот

Австралија и Малезија ги потврдија првите случаи на новиот коронавирус на нивната територија, додека од Кина стигна информација дека досега...

Европа20 часа

Во Франција потврден трет случај на новиот корона вирус

Во Франција е потврден трет случај на новиот смртоносен корона вирус, што се први пријавени случаи од ова заболување на...

Македонија20 часа

Пендаровски и Спасовски со сочувство до турскиот народ поради земјотресот

Претседателот Стево Пендаровски и техничкиот премиер, Оливер Спасовски, преку социјалните мрежи изразија сочувство до турскиот народ поради силниот земјотрес во...

Свет21 час

(Видео) Во земјотресот во Турција загинаа 20, повредени се 920 лица

Бројот на загинати од силниот земјотрес што вчера го погоди источниот дел на Турција се искачи на 20, со 920...

Македонија1 ден

(Видео) Пендаровски: Посетата на Шарл Мишел уверува дека имаме силна поддршка на европскиот пат

Претседателот Стево Пендаровски оствари средба со претседателот на Европскиот совет, Шарл Мишел, кој престојува во работна посета на земјава. На...

Македонија1 ден

(Видео) Дескоска: ВМРО-ДПМНЕ го користи Јовески како лошо алиби за напуштање на преговорите

ВМРО-ДПМНЕ очекувано ја напушти средбата, по вчерашната изјава на Христијан Мицкоски, кој кажа дека има забелешки и од сите 9...

Македонија1 ден

Еден месец притвор за заканувачот Емил Јакимовски

Кривичниот суд му го продолжи притворот на Емил Јакимовски, поранешен вработен во Централниот регистар, за закани упатени кон новинарката Мери...

Македонија2 дена

(Видео) Милошoски: Не преговараме за законот за Јавно обвинителство без присуство на Јовески

ВМРО-ДПМНЕ ја напуштија средбата на работните групи за законот за Јавно обвинителство во Собранието, откако министерката за правда, Рената Десковска,...

Македонија2 дена

(Видео) Дебата: Како во законот освен производителите, корист да имаат и консументите на канабисот

Пациентите на кои им е потребно маслото од канабис се сосема заборавени во предлог-законот за опојни дроги и психотропни супстанции,...

Македонија2 дена

Заев: ВМРО-ДПМНЕ да го прифати законот за Јавното обвинителство и да се надмине себе си

Претседателот на СДСМ, Зоран Заев, побара од ВМРО-ДПМНЕ да се надминат себе си и да го прифатат законското решение за...

Македонија2 дена

Поповска: Во институциите има луѓе заинтересирани за бизнис со отпад, увозот не се врши контролирано

Пратеничката од ДОМ, Лилјана Попвска, која е една од иницијаторите на законот за забрана за увоз на отпад, рече дека...

Досие