Контакт

Изложби

(Видео) Изложба „Чудниот рај“ на Сашо Блажес во Скопје

Објавено пред

В петок во галеријата „КО-РА“ во Скопје ќе биде отворена изложбата „Чудниот рај“ на ликовниот уметник Сашо Блажес од Охрид.

Изложбата, која ќе трае до 23 ноември, претставува прво претставување на авторот пред скопската публика со дела работени меѓу 2005 и 2013 година. Изложбата ќе биде отворена за посета секој ден освен викенд од 8:30 до 16:30 часот.

В петок ќе бидат изложени дела обединети под еден наслов „Чудниот рај“, дела изработени во периодот од престојот во Букурешт од 2005 до 2013 година. Делата естетски се осврнуваат на проблемите во цртежот, комбинирањето со други графички елементи, но и сликарски моменти и премрежја.

За неговото творештво кураторот на изложбата, Виолета Калиќ, кажа дека „Чудниот рај“ е можност да се допре дел од инспирацијата, која допира многуслојно опсервирање на човековата природа.

„Имаме и еден свет кој е и личен и универзален во ист момент, конгломерат на надреални собитија.Тоа е една растреперна атмосфера каде јавето и сонот се поклопуваат, глобалните проблеми и сништа, сето она што едно човечко битие успева да го апсорбира во свеста и потсвеста“, вели Калиќ.

Блажес дипломирал и магистрирал на Универзитетот за ликовни уметности во Букурешт, Романија, како еден од најдобрите студенти на графичкиот отсек. Досега Блажес има изложувано во Берлин, Букурешт, Венеција, Њу Јорк, Темишвар, Сараево и Охрид.

Изложби

„Урбани пејзажи“- изложба на Нада Ѕмбова Донева

Објавено пред

Центарот за култура „Бели мугри“ со изложба под наслов „Урбани пејзажи“ на кочанската јавност ѝ ја претстави уметницата Нада Ѕмбова Донева, професорка по биологија во ОУ „Свети Кирил и Методиј“.

Дваесетината дела работени во техниката акрилик на платно, се мотиви од урбаната средина претставени во колорит и форми инспирирани од доживувањата на погледите од различни локации и височини во Кочани и во Скопје.

Според Јулијана Иванова, рецензентка на изложбата, фасцинацијата од урбаниот простор ја носи авторката кон експериментирање, со апстрактен јазик на гестикулации и слоевити линии – крајниот резултат е нова естетика како израз на авторската размисла и имагинарност. Од првите форми на реалистично претставување на урбаните обележја на градот поминува во линеарно и апстрактно претставување на градските елементи, куќи, згради, кровови. Во своите слики ја искажува својата возбуда од спојот на урбаното со природата и човекот со архитектурата, неведува Иванова и додава дека, како биолог по вокација, Донева во себе го носи погледот кон животот, човекот во него и спојот со природата. Во своите слики го опишува своето расположение, можеби свесно, можеби интуитивно, манипулира со контраст од бои.

Реакцијата на истиот предел е секогаш различна во зависност од расположението. Еднаш пределот е сончев и полн со светли и топли бои, за во следната слика користи темни бои, возбудената од амбиентот на самракот, при што ултрамаринот преминува во темно сина, за да се изрази урбаното живеење и доминацијата на човекот.

Рапсодијата на урбаната средина искажана со реални тонови, ги предизвикува апстрактните моменти и доживувања, за да заврши со техничко-имагинарно изразување со златна сјајност на црна подлога, како израз на длабочина и размислувања.

„Уметноста и творештвото, науката и биологијата се нераскинливо сврзани. Тоа што уметноста ги соединува човекот и природата е познат факт. Уметноста, исто така, ги прави луѓето свесни за нивната унија еден со друг во потеклото и судбината. Животот е уметност, уметноста е живот“, вели Ѕмбова-Донева за врската меѓу нејзината професија и сликањето:.

Изложбата „Урбани пејзажи“ ја отвори директорката на Центарот за култура „Бели мугри“, м-р Александра Димитрова.

На изложбата присуствуваа многу личности од јавниот и културнирот живот во Кочани и пошиороко, а со своето присуство ја удостои градоначалникот на Општина Кочани Николчо Илијев.
Првата самостојна изложба на Нада Ѕмбова Донева е поддржана од Министерството за култура на Република Северна Македонија.

Прикажи повеќе...

Изложби

Oтворена изложба на сликарот Стефан Хаџи-Николов во Домот на култура „Илинден“

Објавено пред

Како дел од 20. Литературна манифестација „Илинден“, во галеријата на Домот на култура „Илинден“ во општина Илинден, беше отворена изложба на слики на сликарот Стефан Хаџи-Николов. Со пригодни зборови за авторот и неговото творештво на присутните им се обрати Ефтим Клетников.

„Овој нов циклус на Стефан Хаџи-Николов е возбудлив, естетски прекрасен и ги задоволува нашите сетила за уметност. Тука ми се наметнува онаа мисла на Леонардо да Винчи дека сликарството е свеченост за окото. Гледајќи ги овие слики мораме да се согласиме со оваа констатација“, истакна Клетников.

На изложбата се претставени 40-на дела масло на платно, а посебен интерес кај присутните љубители на уметноста предизвикаа мотивите со цркви и манастири од општина Илинден.

Стефан Хаџи-Николов учествувал на повеќе од 200 групни изложби во земјата и надвор од неа и е учесник на повеќе меѓународни ликовни колонии.

Прикажи повеќе...

Изложби

Изложба на цртежи и копии-фрески на Владимир Деловски – Џиџи

Објавено пред

По повод Меѓународниот ден на музеите, на 18 мај 2019 година Музејот на Република Северна Македонија повторно се вклучува во одбележувањето на манифестацијата „Ноќ на музеите“. Овој значаен настан веќе по петнаесетти пат се организира на европско ниво.

Во таа пригода, во 19:30 часот ќе биде отворена изложбата на цртежи и копии-фрески на Владимир Деловски – Џиџи, насловена „Тивкиот Маестро“. На изложбата се поставени цртежи од среден формат, копии на фрески во гипс, како и копии на фрески на платно од голем формат, главниот елемент на ликовната ориентација на уметникот.

Владимир Деловски – Џиџи (Битола 1955), ликовен уметник и копист, по долга и плодна животна кариера, за прв пат се претставува со самостојна изложба во Музејот на Република Северна Македонија, каде го поминува целиот свој професионален век. Изложени се цртежи од среден формат, копии на фрески во гипс, како и копии на фрески на платно од голем формат, главниот елемент на неговата ликовна ориентација. Ученик на великаните на македонската уметност Родољуб Анастасов и Димитар Кондовски, како и копистите од првата генерација Ганчо Бошковски и Никола Цонев, Џиџи (како што сите и секаде го знаат) развива личен ликовен израз во презентацијата на сакралните мотиви од византиската и македонската православна традиција, кои се широко познати, давајќи им свој препознатлив печат. Цртежите на хартија со ликови на светители – Богородица, св. Никола, св. Ѓорѓи и др., се со едноставен и цврст потег, со јасна и истовремено суптилна фигурција на физиономиите – тоа се ликови кои на гледачот му се обраќаат со убеденост и топлина, како еманација на духовното, она што е суштината на создавањето и постоењето на средновековната ликовна порака.

Копиите на фрески на платно, она по што Џиџи е познат и признат во професионалните кругови, се најсилниот израз на неговото мајсторство. Со извонреден сенс за колоритот на старите мајстори, тој беспрекорно ги пренесува на платното приказите од црковните фреско-живописи, овозможувајќи и на пошироката публика во земјата и надвор од неа да ужива во автентична презентација на македонското културно наследство. Уметникот авторски се реализира и со изработка на дел од фреско-живописот во Соборниот храм св. Климент Охридски во Скопје, како сите фрески во крстилницата на црквата св. Кирил и Методиј во с. Стајковци, Скопско.

На крај, не смее да се изостави незаменливата улога на Џиџи како технички соработник во многу ликовни, археолошки и етнолошки изложби, кои Музејот на Македонија ги има приредено во повеќе европски земји и кои само со неговата стручност и искуство успеале да го постигнат полниот сјај.

Оваа изложба доаѓа како круна на еден творечки век, континуитет и кулминација на долга и макотрпна работа, финале на животното дело на Џиџи – тивкиот Маестро. Координатор на изложбата е Нада Андоновска, а автор на текстот за диплијанот е Андреј Ежов.

По повод Меѓународниот ден на музеите 18-ти Мај, музејот ќе биде отворен од 9:00 до 23:00 часот. Влезот е бесплатен.

Прикажи повеќе...

Најново

Регион41 минута

Дачиќ бил во Сомалија за време на нападот: „Се слушна силна експлозија“

Во моментот кога се случи терористичкиот напад во престолнината на Сомалија, српскиот министер за надворешни работи, Ивица Дачиќ се наоѓал...

Свет2 часа

Франција бара истрага дали Сирија употребува хемиско оружје

Француското Министерство за надворешни работи соопшти дека мора да се разгледаат последните тврдења дека сириската влада употребува хемиско оружје. Министерството...

Спорт2 часа

Марадона приведен на аеродромот во Буенос Аирес

Еден од најдобрите фудбалери на сите времиња, Диего Армандо Марадона, бил уапсен на аеродромот во Буенос Аирес. Медиумите објавија дека...

Европа3 часа

Над 400 милиони луѓе ќе гласаат за новиот состав на Европскиот парламент

Повеќе од 400 милиони луѓе со право на глас од денеска до недела ќе избираат нов состав на Европскиот парламент....

Забава15 часа

Тамара прва од гласовите на жирито, а седма во финалето, гласовите коригирани

Македонската претставничка на Евровизија, Тамара Тодевска, сепак, заврши на седмото место на евровизиското финале и на првата позиција според гласовите...

Македонија17 часа

(Видео) Заев за изјавата на Груби: Рашомонијадата од изјави на крајот ќе биде поткрепена, ќе видиме која е вистината

Премиерот Зоран Заев и натаму не открива колку лица ќе бидат сменети од функциите, ниту, пак, нивните имиња. Тој вели...

Македонија18 часа

Кривични за експретседателот на Регулаторна и тројца членови, со парното ги оштетиле скопјани за 6,6 милиони евра

Одделот за сузбивање  организиран и сериозен криминал поднесе кривична пријава против лицата Д.П. (51), вработен како претседател и член на ...

Македонија20 часа

Анкета на „Макфакс“: Павле Богоевски треба да поднесе оставка

Во онлајн-анкетата што ја спроведе истражувачкиот центар на „Макфакс“ на прашањето каков епилог треба да има аферата за пратеникот Павле...

Македонија21 час

Антикорупциската бара кривично да се гони Владимир Панчевски

Антикорупциската комисија ќе поднесе иницијатива за кривично гонење одговорни и службени лица во Основниот суд Скопје 1, меѓу кои и...

Македонија22 часа

(Видео) ВМРО-ДПМНЕ повторно бара надзорна расправа за адвокатските услуги на власта

ВМРО-ДПМНЕ повторно побара надзорна расправа за да се расветли скандалот со милионските суми за адвокати ангажирани од јавните претпријатија и...

Македонија23 часа

Оливера Трајковска, Орце Камчев и Иво Котески ќе сведочат за апсењето на Бошкоски

Новинарката Оливера Трајковска, бизнисменот кој важеше близок до поранешната власт предводена од ВМРО-ДПМНЕ, Орце Камчев, и поранешниот портпарол на МВР,...

Македонија23 часа

Вработени во МВР што работеле на случајот на Бошкоски не знаат кој ја дал наредбата за негово апсење

Судењето за случајот „Тортура“, кој се однесува на апсењето на лидерот на Обединети за Македонија, Љубе Бошкоски, продолжи со испрашување...

Македонија24 часа

Прекршочна пријава за директорката на Хематологија – не поднела анкетен лист за имотната состојба

Антикорупциската комисија поднесе прекршочна пријава против директорката на Клиниката за хематологија, Ирина Пановска-Ставридис, за неподнесување анкетен лист за имотната состојба....

Свет1 ден

(Видео) Торнадa беснеат во Америка, куќите останаа без покрив

Невреме и торнадо го погодија северниот дел на САД, а во близина на аеродромот во Тулса, Оклахома, најмалку едно лице...

Европа1 ден

Пресметка со шверцери на дрога во Европа, уапсени 22 лица

Во координирана операција против шверц со дрога во Европа, 22 лица беа уапсени, соопшти Европол. Осомничениот водач на синџирот шверцери,...

Свет1 ден

САД ѝ дадоа рок на Турција да се откаже од купувањето руски противракетен систем

САД ѝ дадоа рок на Турција од две недели да се откаже од купувањето руски противракетен систем „С-400“ во корист...

Европа1 ден

Меј: Парламентот ќе одлучи за нов референдум за брегзит

Британската премиерка, Тереза Меј, синоќа изјави дека на Парламентот ќе му биде дадена можност да гласа за тоа дали ќе...

Македонија2 дена

Прво внатрешни консултации во СДСМ и ДУИ, па ќе продолжат разговорите за нови кадри во Владата

Премиерот Зоран Заев и претседателот на ДУИ, Али Ахмети, остварија средба со која започнаа разговорите за детектирање одредени слабости кај...

Македонија2 дена

Влада: Препораката Охрид да стане загрозено светско наследство е стимул за зголемена работа и акција

Владата пристапува со внимание и сериозност кон комплексните состојби со кои се соочува светското природно и културно наследство во Охридскиот...

Забава2 дена

Копров ѝ се извини на Србија: Жирито беше составено од анонимуси, а не од еминентни автори

Композиторот Григор Копров преку социјалната мрежа „Фејсбук“ ѝ се извини на српската нација поради тоа што од нашето жири не...

Досие