Контакт

Изложби

(Видео) „Маска или преобразба на изопаченото“ – изложба на Бранкица Јордановска

Објавено пред

Вечерва, со почеток од 20 часот, во Галеријата МКЦ ќе се отвори „Маска или преобразба на изопаченото“ – изложба на Бранкица Јордановска.

„Маска или преобразба на изопаченото“ е самоистражувачка студија и обид за откривање на двојната вредност испреплетена во релациите помеѓу храброста и срамот. Двојностите се сеприсутни околу нас, а ние преку постојана преобразба од едно во друго се вртиме во круг сѐ додека не создадеме бесконечни варијации од илузијата што посакуваме да ја видиме.

Појдовната точка на Јордановска е нејзината реалност. Таа работи како костимограф во независни и институционални театарски продукции, како графичар во ателјето на членовите од колкетивот „Кула“ и како илустратор во малата соба во мезанинот на нејзината зграда.

Со цел да ја открие суштинската исполнетост во спојот на бесмисленоста и разумот, таа повторно и повторно се соочува со страшната празнотија. Дневни дози непогоди, егзистенцијални кризи и патријархални вредности се нанесени врз нас, низ мноштвото канали, домашни и социјални – додека ние брзаме со нашите уморни и отуѓени тела низ лавиринтите на секојдневието. Сепак, празнотијата ни ги исплакнува очите за да може одново да го доживееме нашето постоење. Реалноста е изместена, изопачена, необликувана. Се залетуваме кон неодоливи убавини што за миг се претворуваат во гнило. Се навраќаме во себе, се преиспитуваме од поинаква перспектива. Делата содржани во оваа изложба нудат едно поинакво толкување на маската и изместувајќи ги постојните дефиниции, повторно го дефинираат апсурдот наречен здрав разум.

Изложбата ќе биде поставена во Галеријата МКЦ од 1 до 8 септември.

Изложби

На античкиот локалитет Стоби изложба на дела од Петар Хаџи Бошков

Објавено пред

В сабота, 18 септември, во 18 часот (вратите на локалитетот се отвораат во 17.30 часот), на античкиот локалитет Стоби ќе биде отворена голема изложба со дела од Петар Хаџи Бошков, со наслов „Откривање на иднината: Археологија на модерноста“.

Поставката вклучува четириесетина репрезентативни дела од повеќе творечки фази на Хаџи Бошков, кои опфаќаат четиридецениски период (1962 – 2004) од овој значаен уметник, чие творештво е вградено во темелите на современиот културен идентитет на земјата.

Куратор и автор на концептот е Владимир Јанчевски. Проектот е поддржан од Министерството за култура. Иницијативата за овој проект е на Националната установа за управување со археолошки локалитет „Стоби – Градско“ и се реализира во рамките на долгорочната проектна програма „Стоби – жив град“, со идеја да се заживее локалитетот и да се овозможи отворање нови перспективи во дијалогот со модерното наследство, како и со современата културна продукција.

Сите изложени дела авторот ги има зачувано во лична сопственост и ги оставил во наследство на своето семејство. Овие репрезентативни дела, благодарение на неговиот син Игор Хаџи Бошков, ќе бидат позајмени и директно од ателјето ќе бидат пренесени на локалитетот Стоби.

По тој повод, на денешната прес-конференција во Музејот на современата уметност – Скопје, директорот на НУ „Стоби“, Спасе Перовски, изјави:

„Изложбата на Хаџи Бошков е голем предизвик за нас. Имаме цел да го приближиме стариот заштитен свет кон модерната доба. Археолошкиот локалитет Стоби е релативно нова институција во рамките на културата на РСМ и тоа е предност на локалитетот бидејќи, иако археологијата, конзервацијата и заштитата се примарни дејности во Стоби, имаме можност да пробиваме нови простори и времиња за да го приближиме овој стар заштитен со закон свет кон современата доба“, вели Перовски.

Делата на Хаџи Бошков ќе бидат поставени поединечно и во посебни целини на повеќе пунктови на локалитетот Стоби, поврзани во еден логичен редослед.

Оваа поставка на посетителите ќе им овозможи движење во две насоки, помеѓу прекрасните и инспиративни објекти на локалитетот, меѓу кои се: Полукружниот плоштад, Виа сакра, сцената на Античкиот театар и коридорот под гледалиштето, храмот на Изида и Серапис, како и големиот неистражен простор, кој се протега до градбата со арки. Овие локации се избрани како специфични бидејќи на најинтересен начин овозможуваат заемно разоткривање на модерната и античката култура и посочуваат на суштинска врска меѓу врвните вредности на овие две епохи.

За важноста на оваа поставка, кураторот Јанчевски вели дека овој проект претставува обид за компаративна анализа на сличностите и разликите помеѓу античкото и модерното наследство, за културните континуитети и дисконтинуитети, за значењето на делата на Хаџи Бошков, но и генерално за улогата на културата и уметноста во развојот на општеството.

„Тој спој на овие два света можеме да ги видиме на еден компаративен и некомпетативен начин. Редок случај е во опусот на еден модерен скулптор на специфичен начин да се проткајуваат класични вредности, не како видлива форма, туку како ликовни принципи. Со оваа поставка сакаме да го преиспитаме каков е нашиот однос кон модерното наследство наспроти односот кон културното наследство, кое опфаќа повеќе епохи. Правиме обид на несекојдневен спој со цел да се отворат прашања, кои можеби не би се отвориле во затворените галерски простори. Постои една важна линија во опусот на Хаџи Бошков, а тоа е неговиот однос со отворениот простор и амбиентот. Многу од неговите скулптури се лоцирани на несекојдневни позиции, преку кои авторот сакал да акцентира на кој начин тие коегзистираат со средината. Интимно верувам дека тоа е недоостварена желба на авторот и со оваа изложба во негова чест правиме обид да му го овозможиме тоа со еден постхумен омаж“, објаснува Јанчевски.

Изложбата нема цел да биде постхумна комеморативна ретроспективна изложба на еден голем автор, туку обид за заемно разоткривање, врски помеѓу античкото и модерното, за континуитетите и дисконтинуитетите, за значењето на делата на Хаџи Бошков, за неговата личност, пристап и за улогата како општествен фактор, како и значењето на локалитетот Стоби.

Петар Хаџи Бошков (1928 – 2015) е еден од најзначајните ликовни творци во втората половина на 20 век. Човек со интернационален дух и отворен светоглед, школуван во повеќе значајни центри, меѓу кои Љубљана, каде што дипломирал, и Лондон, каде што специјализирал на Кралскиот колеџ за уметност. Лондон е особено значаен за неговиот развој, каде што имал можност да истражува и да развие пријателство со големиот британски скулптор Хенри Мур. Од исклучително значење за него е и Британскиот музеј, кој речиси секојдневно го посетувал. Поминувал часови пред најубавите и најзначајни дела од египетската, античката грчка и римска уметност, кои му биле инспирација во раниот творечки период, а таа врска ќе остане силна и понатаму ќе се развива на едно повисоко ниво. Како изграден автор бил визитинг-професор на уметничката школа „Купер Јунион“ во Њујорк по што се вратил во своето Скопје да го донесе светот дома. Тука продолжува со педагошката дејност, првин како професор во Уметничкото училиште во Скопје (1968 – 1980), а подоцна и како професор и прв декан на Факултетот за ликовни уметности во Скопје сѐ до своето пензионирање.

Изложбата ќе биде отворена во согласност со актуелните владини препораки за заштита од Ковид-19. На влезот од локалитетот задолжително е приложување сертификат за вакцина.

Поставката ќе биде отворена до 11 октомври 2021 година.

Прикажи повеќе...

Изложби

Делото Silentio Pathologia на Елпида Хаџи-Василева првпат пред македонската јавност

Објавено пред

Изложбата „Допирот“, која е организирана во партнерство со Британскиот совет и „Лукс“, под кураторската палка на Ана Франговска, покрај мошне значајниот избор на дела со подвижни слики од Британската визуелна сцена (компилација составена од дела на Уриел Орлоу, Шарлот Проџер, Луис Хендерсон и Бен Риверс, сите сопственост на агенцијата „Лукс“, како и делото од колекцијата на Британскиот совет на Бедвир Вилијамс), вклучува и македонски автори, и тоа: Елпида Хаџи-Василева, Кристина Пулејкова и Велимир Жерновски.

Проектот се отвора на 15 септември и ќе трае до 15 октомври во „Мала станица“.

Сите автори на свој специфичен, критички, но и поетски начин, реагираат на разновидните прашања за мошне горливиот аспект на идните екологии, видени низ разновидни призми. Тие дискурси се однесуваат на заштита на животната средина, на екологијата, на политиката, на надмоќта на човекот, на капитализмот, на медицинската индустрија, колонизација, деколонизација, еднаквост, права.

Елпида Хаџи-Василева со своето дело Silentio Pathologia е дел од изборот на кураторот, а ова нејзино дело првпат ќе ја добие својата македонска премиера по неговата презентација како претставник на павилјонот на Република Македонија на 55. Венециско биенале во 2013 година. Оваа мошне значајна презентација на Венециското биенале значеше постигнување уште една висока цел во кариерата на оваа меѓународно призната уметница, но и проект со кој го привлече вниманието на меѓународната критичка јавност. Благодарение на тоа, на наредното биенале за визуелна уметност во Венеција, Хаџи-Василева беше поканета да го претставува павилјонот на Светата столица – Ватикан со исто така комплексен и грандиозен проект со наслов Haruspex.

Silentio Pathologia на Елпида Хаџи-Василева

Проектот Silentio Pathologia на Елпида Хаџи-Василева се осврнува на движењето, миграцијата и влијанието на средновековните чуми во Европа и ја разгледува современата загриженост за меѓународните миграциски болести, каква што е Ковид-19. Ова амбициозно дело вклучува ткаена свила, кожурци од свилена буба, кожи од стаорци и завеси од челичен лим. Следејќи ја директно линијата на економскиот развој на трговијата со свила, може да се открие ширењето и размножувањето на една од најпознатите болести од тоа време – чумата. Прибегнувањето кон когнитивната примена на овој географски и историски феномен во проектот на Елпида Хаџи-Василева ја разгледува врската помеѓу социјалните и природните науки. Освен наративниот фундус на овој контекст, зад него стои вивисекција на парадигмата на пренесување, како онтологија, пренос на информации (морфологијата на медиумите и нивната манипулативна моќ), пренесување стоки, пренесување идеи, луѓе, достигнувања, но и ширење несакани ефекти од преносот – болестите воопшто (чумата е пример за тоа, но метафорички се однесува на сите генетски и синтетички произведени современи болести, како што се птичјиот и свинскиот грип и денешниот коронавирус, со што ова дело добива и мошне актуелна димензија).

При создавањето на ова дело Елпида Хаџи-Василева ниту повредила ниту имала намера да повреди некое живо суштество. Сите материјали од органско потекло (пред сѐ, белите глувци) што ги користи се набавени од специјални фарми за бели глувци што се одгледуваат за потребите на синџирот на исхрана на животни во зоолошките градини.

 

Прикажи повеќе...

Изложби

Фотографска изложба на Милчо Манчевски во Софија

Објавено пред

На 2 септември, од 17 до 20 часот, во Галеријата „Академија“ на Националната академија за ликовни уметности во Софија ќе се одржи отворањето на изложбата „Таму“, составена од фотографски дела на светски познатиот режисер Милчо Манчевски. Ќе бидат претставени 88 колор дела на тема улична фотографија.

Настанот ќе се одржи во услови на почитување на сите мерки за справување со Ковид-19.

„’Таму’ го надградува и го проширува досегашниот опус на фотографски дела на Милчо Манчевски, „Улица“ и „Пет капки сон“. Во овие проекти визуелната текстура на урбаниот живот се манифестира низ композициска и наративна игра и овој динамичен и експериментален пристап кон создавање слики го обликува ‘Таму’. Тргнувајќи од ‘Жена и зелен ѕид’ и ‘Црвен ѕид (Бруклин)’, две слики што се читаат речиси како ‘колор филд’ платна, ‘Таму’ нè води на патување што е исто толку за чинот на гледање колку и за искусувањето место. Како уметник што работи и со филм и со фотографија, пристапот на Манчевски кон создавање слики постојано ги поместува границите и го избегнува конвенционалното. Неговото рано завлегување во концептуалната уметност продолжува да се отсликува во неговите дела во разни медиуми, а наследството на историската авангарда провејува низ многу од сликите поместени во ‘Таму’“. (Конор Мекгрејди, дел од предговорот во книгата „Таму“.)

Милчо Манчевски е автор на филмовите „Пред дождот“ (1994), „Прашина“ (2001), „Сенки“ (2007), „Мајки“ (2010), „Бикини Мун“ (2017) и „Врба“ (2019), како и на краткометражните „Без наслов“ (1982), „1.73“ (1985), „Четврток“ (2013), „Крајот на времето“ (2017) и други.

Неговите филмови се дистрибуирани глобално и имаат освоено над 60 меѓународни награди, меѓу кои и „Златен лав“ во Венеција (1994), „Индипендент спирит“ (1996), „Елен“ во Аспен (2017), „Давид ди Донатело“ (1995), „Алуминиумски коњ“ во Стокхолм (1994), номинација за „Оскар“ (1995), „Сребрен кондор“ во Аргентина (1997), „Златна бубачка“ во Шведска (1995), ФИПРЕСЦИ (1994), ФЕДEОРА (2011) и “Фантаспорто“ (2018 и 2020).

Автор е на книгите „Духот на мајка ми“ (1997), „Вистина и прикаска: белешки за (исклучителната) верба во уметноста“ (2012), „Слики, зборови и лаги“ (2015), „Улица“ (1999) и „Пет капки сон“ (2011).

Самостојно и како основач на групата „1 АМ“ поставува арт-перформанси во Скопје, Белград, Сплит и во Бруклин.

Имал повеќе групни и две самостојни изложби на фотографии, „Улица“ (1999) и „Пет капки сон“ (2011) во Музејот на современата уметност во Скопје. Тие се потоа изложени и во Њујорк, Москва, Шангај, Стокхолм, Турција, Хрватска, Србија, Бугарија, Холандија, Италија, Јапонија, Романија, Полска, Грција, Франција, Доминиканска Република, Словенија итн.

Неговите дела се предаваат на неколку стотини универзитети.

Прикажи повеќе...

Најново

Свет9 часа

Од ноември можен влез во САД за странци што се вакцинирани

САД повторно во ноември ќе дозволат влез на патници од Кина, Индија, Велика Британија и од многу европски земји, кои...

Свет10 часа

(Видео) Напаѓачот од Русија објавил детали за нападот во универзитетот, во кој уби најмалку шест луѓе и рани 28

Приведениот напаѓач на универзитетот во Русија, Тимур Бекмансуров, објавил долго детаљно објаснување за својата подготовка за нападот, во кое тврди...

Регион11 час

(Видео) Вучиќ за ситуацијата на Косово: Се надевам дека нема да треба да прeземеме контрамерки

Српскиот претседател, Александар Вучиќ, вечерва ѝ се обрати на јавноста и нагласи дека ова е еден од најтешките денови за...

Македонија14 часа

Нови 154 заболени од Ковид-19, починале 12 луѓе

Во последните 24 часа се направени 1.967 тестирања, а регистрирани се 154 нови случаи на Ковид-19: Скопје – 118, Куманово...

Македонија17 часа

Заев: Прашањето за морална одговорност и моја оставка стана банално

Премиерот Зоран Заев изјави дека прашањето за морална одговорност и за негова оставка станува банално. „СДСМ има квалитетни кадри коишто...

Македонија17 часа

Позитивни на коронавирус се 13 воспитувачи и 9 деца во градинките, Шахпаска вели дека состојбата е стабилна

Тринаесет воспитувачи и 9 деца се позитивни на коронавирус низ градинките, информираше денеска министерката за труд и социјална политика, Jагода...

Македонија18 часа

Стевчо Јакимовски ќе настапи самостојно во Карпош, во другите општини ГРОМ ќе коалицира со ВМРО-ДПМНЕ

Граѓанската oпција за Македонија-ГРОМ на овие локални избори одлучи да настапува самостојно во oпштина Карпош со претседателот на партијатија Стевчо...

Свет19 часа

(Видео) Проработе вулкан во Шпанија, лавата проголта 20 куќи

Шпанските власти евакуираа околу 5.000 луѓе од неколку села на канарскиот остров Ла Палма поради ерупција на вулкан, соопштија локалните...

Македонија2 дена

Маричиќ: Над милион попишани граѓани, влегуваме во последната фаза

Откако Државниот завод за статистика извести дека денеска се попишани над милион граѓани, министерот за правда Бојан Маричиќ, преку социјалните...

Свет2 дена

Три европски земји ги укинуваат сите ковид-мерки, за таквиот чекор клучни се две нешта

Данска, Шведска и Холандија ги укинуваат практично сите мерки во борбата против пандемијата на коронавирус. Стапките на вакцинација се релативно...

Македонија2 дена

Изминатава недела Македонија е прва во Европа според бројот на починати од Ковид-19 на милион жители

Според бројот на смртни случаи минатата седмица, Гренада е повторно на прво место во светот со 212 смртни случаи на...

Македонија2 дена

Започна уривањето на старата конструкција на Универзална сала

Универзална сала започнува да го добива своето ново лице, сподели градоначалникот на Скопје, Петре Шилегов на својот Фејсбук профил. Според...

Македонија2 дена

Со хебла оштетена таблата за електрична енергија во модуларната болница во Прилеп

Општа болница Прилеп до Министерството за внатрешни работи синоќа пријави случај на физичко оштетување на таблата за електрична енергија од...

Топ2 дена

Приведен сопственикот на угостителски објект во Гостивар кој примал гости без сертификат за вакцинација

Гости без сертификат за вакцинација биле затекнати во угостителски објект во Гостивар а по реакција на полицијата објектот бил затворен...

Свет2 дена

Париз за потегот на САД и Австралија – лицемерие, презир, лаги

Лицемерие, презир, лаги, се зборовите што ги користи францускиот министер за надворешни работи за да ја опише кризата во односите...

Свет2 дена

Светските лидери среде пандемија во Њујорк и покрај противењето на Американците

Светските лидери се собираат во Њујорк од вторник на дебата на Генералното собрание на Обединетите нации, која ќе се фокусира...

Европа2 дена

Италијанците следната година излегуваат на референдум за легализација на марихуаната

Референдум за легализација на марихуаната најверојатно ќе се одржи во Италија следната година. Поддржувачите за легализација на марихуаната ги собраа...

Свет2 дена

Русите на гласање на последниот ден од парламентарните избори

Недела е последен ден за гласање на Русите на тридневните парламентарни избори во земјата. Околу 110 милиони луѓе имаат право...

Македонија2 дена

41 починато лице, регистрирани 539 нови случаи на Ковид-19

Министерството за здравство информира, дека во последните 24 часа се направени 5.589 тестирање, а регистрирани се 539 нови случаи на...

Топ2 дена

Осумдневен притвор за пет лица од вчерашните протести во Тетово

Судијата на претходна постапка при Основниот суд Тетово им определил осумдневен притвор на петмината приведени по вчерашните протести во Тетово....

Досие