Контакт

Култура

(Видео) Јолевски: „Бесачи“ е насилничка претстава работена во демократски амбиент

Објавено пред

Следната недела, 24 септември, во МНТ ќе се одржи премиерата на претставата „Бесачи“ од британско-ирскиот автор Мартин Мекдонa, во режија на бугарскиот режисер Јавор Грдев. Пред премиерата актерот Ѓорѓи Јолевски говореше за темата на претставата, соработката со режисерот и неговите очекувања за приемот на публиката.

„Бесачи“, според Јолевски, е исклучително возбудлива претстава полна со црн хумор. Текстот, како што рече, е современ, силен и актуелен, а режисерот Грдев направил претстава адекватна на висината на текстот.

„Претставата е за луѓето што се за смртната казна, луѓе преполни со предрасуди и насилство, агресија, ограничен ум… Секојдневно има вести како некој е убиен, уништен, претепан без никакви последици за извршителите на насилството. Ликовите во оваа претстава се токму тие, насилниците“, рече Јолевски.

Актерот посочи дека иако темата на претставата е смртната казна, контекстот не ја заобиколува и државава. „Светот во кој живееме станува агресивен, морбиден и фригиден… Македонија е извор на насилство и корпција“, рече Јолевски во интервјуто.

„Ова е едно од поубавите искуства што ги имав. Беше големо уживање. Се работеше насилничка претстава во исклучително демократски концепт. Јавор е неверојатен забавувач, исклучително интелигетен, многу фокусиран, паметен, методичен… Тој го користи актерот како извор во неговиот концепт, кој е доста херметичен, затворен… Потребно беше да се игра тајната, а да не се зборува за неа“, вели актерот за претставата.

„Бесачи“

Во „Бесачи“ игра веќе докажаната актерска екипа од ансамблот на МНТ: Никола Ристановски, Кире Ѓоревски, Јордан Симонов, Камка Тоциновски, Дарја Ризова, Благој Веселинов, Ѓорѓи Јолевски, Славиша Кајевски, Владо Јовановски, Гораст Цветковски, Александар Микиќ, Александар Михајловски, Нелко Нелковски, Трајче Ѓоргиев. Асистент на режисерот е актерката Звездана Ангеловска, драматург е Дејан Дуковски, а композитор на музиката е Калин Николов.

За бугарскиот режисер Јавор Грдев ова е прва соработка со МНТ. Тој е еден од најзначајните бугарски и современи европски театарски режисери. Досега поставил над 30 театарски претстави во повеќе земји низ Европа и добитник е на повеќе од 45 награди.

Авторот на текстот, Мартин Мекдона, е познат по своите црни комедии, кои се поставени во голем број театри во светот. „Сакатиот од Инишман“, „Поручникот од Инишмор“, „Човек перница“, „Убавицата од Линејн“, а за неколку од нив е и номиниран на престижните награди „Тони“ и „Лоренс Оливие“.

 

Култура

Второ издание на манифестацијата „Демир Хисар сака рокенрол”

Објавено пред

Овој петок и сабота (18 и 19 октомври) во Демир Хисар ќе се одржи манифестацијата насловена „Демир Хисар сака рокенрол”, која втора година по ред се одржува во Домот на културата „Илинден“.

Првата вечер е планирано дебатно кино со проекција на филмот „Hype“, а дебатата ќе ја води професор Александар Талевски, професор по гитара во Државното музичко училиште во Битола и активен музичар, член на бендот Supernova.

Втората вечер е резервирана за рок-концерт на кој ќе настапат бендовите Revelation, Supernova, Зашо така и Jam & Jelly.

Зад организацијата на дводневната манифестација „Демир Хисар сака рокенрол 2“ стои демирхисарскиот рок бенд Revelation, а истата е поддржана од Министерството за култура.

Прикажи повеќе...

Култура

„Да го поздравиш и да ми го бациш“ во МКЦ

Објавено пред

Вечерва, со почеток од 21 часот, во Џебното кино во МКЦ, ќе се изведе театарската претстава „Да го поздравиш и да ми го бациш“, во продукција на здружението „Артопија“.

„Да го поздравиш и да ми го бациш“ е документарна претстава, авторско дело на четворица актери и еден режисер. Ја раскажува приказната за растењето, за соништата за себеостварувањето и за соочувањето со општествените механизми на функционирање.

Темите што се отвораат во претставата (уметноста во себе, надежите, стравовите, борбите за остварување на креативниот потенцијал…) се одраз на личните искуства на актерите и зборуваат за борбата за индивидуална слобода.

Каков треба да биде театарот денес? Кое е неговото место во опшетството? Кое е местото на младинците во општеството во кое живееме? Претставата зборува и за емотивната слика на индивидуалниот внатрешен конфликт помеѓу интутитивното и рационалното, за слика за вакуум-просторот помеѓу каков сакаме да биде животот и каков животот навистина е итн. Севкупно, актерите на сцена поставуваат прашања и отворат дилеми барајќи начин да ги одговорат.

Играат: Бојан Кирковски, Наташа Петровиќ, Ненад Митевски и Симона Спировска Костовска.

Режија: Билјана Радиноска

Претставата не е наменета за лица под 16 години.

Прикажи повеќе...

концерти

Концерт на Филхармонијата со дела од Дебиси, Копланд и Коларовски

Објавено пред

Филхармонијата, в четврток, 17 октомври, во 20 часот, ќе одржи концерт со наслов „Ќе се разбудам ли пак“, на кој ќе прозвучат дела од Дебиси, Копланд и Коларовски.

Насловот е извлечен од истоимениот вокален циклус на Гоце Коларовски (1959-2006), чија „Симфонија“ ќе биде дел од програмата на овој концерт. Со нејзината изведба Филхармонијата ќе одбележи 60 години од раѓањето на овој значен македонски композитор.

„Музичкиот опус на Коларовски е автентичен и препознатлив и во него доминира суптилен израз кој вешто ротира околу современата естетика изградена на интересни созвучија. Звукот во делата на Коларовски речиси секогаш е проткаен со своевидна мистика, специфична оркестрација и особен акцент на динамиката и музичкиот колорит. Симфонијата за оркестар, солист и ансамбл-баритони е негова дипломска работа и во неа може да се почувствуваат никулци на она што подоцна во своето творештво ќе го развие како автентичен музички израз и јазик“, се вели во најавата за концертот.

Како солист во изведбата на ова дело ќе настапи басот Владимир Саздовски, како и ансамблот баритони при хорот „Проарс“.

Под диригентката палка на маестро Сашо Татарчевски на овој концерт ќе прозвучи и Концертот за кларинет и оркестар од Арон Копланд во изведба на исклучителниот шпански кларинетист Пабло Бараган. Критиката пишува дека кларинетот под прстите на Бараган добива специфична сензуална боја и дека поседува силна и заведувачка техника со која му дава посебна моќност на овој дувачки инструмент.

На овој концерт Бараган ќе го чуеме како солист и во изведбата на „Прва рапсодија за кларинет и оркестар“ од францускиот композитор Клод Дебиси. Овој фантастичен композитор, чии дела имаат препознатлива структура и звучност, бил во постојан допир со природата – таа била негова вечна инспирација. Иако естетски и стилски неговиот опус има премногу допирни точки со автентичкиот концепт на импресионизмот, тој никогаш не сакал своето творештво да го става во рамка. Не сакал да го нарекуваат импресионист.

Иако „Првата рапсодија“ ја напишал за соло кларинет како нарачка на Парискиот конзерваториум, веќе една година подоцна го оркестрирал делото и тоа почнало да се изведува со оркестар. Делото е своевиден тест за кларинетот, ги истражува неговите можности и перформанси преку специфичен јазик и музичка естетика.

Прикажи повеќе...

Најново

Македонија5 часа

Пронајден затвореникот кој утрово им побегна на затворските чувари додека купувале сендвич

Полицијата го пронајде и уапси затвореникот кој утрово успеа да им помогне на затворските чувари додека купувале сендвич. Од МВР...

Македонија6 часа

Димитров во Брисел: Европа да ја согледа важноста и да донесе визионерска одлука

Во рамки на првиот ден од работната посета на Брисел, министерот за надворешни работи, Никола Димитров, за првпат се обрати...

Македонија7 часа

Утре состанок на историчарите на Македонија и Бугарија, Владата останува посветена на Договорот

Претседателот на Владата, Зоран Заев, денеска имаше средба со нашите историчари, членови на Заедничката мултидисциплинарна експертска комисија за историски и...

Топ8 часа

Маж пронајден починат покрај локален пат

Вчера напладне покрај пат во селото Рогачево, Тетовско, бил пронајден починат маж од Скопје. Се работи за лице на 67-годишна...

Македонија8 часа

Бојан Јовановски повторно пренесен во болница поради проблеми со желудникот

Oбвинетиот Бојан Јовановски, познат како Боки 13, повторно е пренесен во болница поради проблеми со желудникот. Јовановски бил пренесен на...

Македонија8 часа

Бактеријата мрса се шири во градинка во Кисела Вода

Бактеријата мрса, која е отпорна на антибиотици, била пронајдена кај три дечиња и кај воспитувачка во градинката „Весели цветови“ во...

Економија9 часа

„Еуромакс рисорсис“ поднесе тужба на решението за рудникот „Иловица-Штука“

„Еуромакс рисорсис“ поднесе тужба до Управниот суд против решението на второстепената државна комисија од 5 септември, со кое ја одби...

Македонија12 часа

Плевнелиев: Македонија заслужува членство во ЕУ, Макрон греши

Го поддржувам пристапот на Македонија и на Албанија во Европската Унија, изјави поранешниот претседател на Бугарија, Росен Плевнелиев, за БГНЕС....

Свет13 часа

(Видео) Шест години затвор за мајка што лажела дека синот има карцином – за 10 години му направиле 13 операции

Мајка лажно тврдела дека нејзиниот син има карцином, па десетгодишното дете било подложено на 13 операции иако воопшто не било...

Топ14 часа

Планинар падна од карпа, со хеликоптер пренесен во болница

Дваесет и шестгодишен планинар од Битола е тешко повреден кога вчера, качувајќи се по патека кон врвот на Илинден, се...

Топ14 часа

Истрага за случајот во Богданци: се опијаниле, па со стол сакал да го убие соседот

Основното јавно обвинителство Велес донесе наредба за спроведување истражна постапка против 60-годишен жител на Богданци поради постоење основано сомневање дека...

Македонија14 часа

Катица Јанева се враќа во притворот во Шуто Оризари

Поранешната специјална обвинителка, Катица Јанева, денеска од болница ќе биде вратена во истражниот затвор во Шуто Оризари. Јанева, која е...

Македонија15 часа

Владата денешната седница ќе ја одржи во Битола

Владата својата редовна 159-та седница денеска ќе ја одржи во Битола, во зградата на Општина Битола. Со оваа прва седница...

Европа16 часа

Право и правда победи на изборите во Полска

Владејачката полска конзервативна партија Право и правда освои најголем број гласови на парламентарните избори и обезбеди мнозинство во парлментот, покажаа...

Европа16 часа

Орбан ја загуби Будимпешта, Карашони нов градоначалник

Унгарската опозиција победи на локалните избори во главниот град Будимпешта, нанесувајќи му го првиот пораз на премиерот Виктор Орбан од...

Спорт1 ден

Македонија не издржа во Варшава, Полска се пласираше на ЕУРО 2020 (Видео)

Македонската фудбалска репрезентација вечерва загуби во Варшава од Полска 2-0 (0-0) во рамките на осмото квалификациско коло за пласман на...

Македонија1 ден

Димитров патува за Брисел во пресрет на одлуката за почеток на преговорите со ЕУ

Министерот за надворешни работи Никола Димитров од 14 до 17 октомври ќе престојува во работна посета на Брисел кога се...

Топ1 ден

Во тешката сообраќајна несреќа кај Струмица загина 19-годишна девојка, возачот е во болница

Деветнаесетгодишна девојка од Струмица, со иницијали С.Т. го загуби животот во тешката сообраќајна несреќа што се случи утрово околу 4...

Регион1 ден

„Дали сум оптимист? Не“, одговори Рама за почетокот на преговорите со ЕУ

Премиерот на Албанија, Еди Рама изјави дека не е оптимист за почеток на преговорите со Европската Унија. „Дали сум оптимист?...

Култура1 ден

(Видео) „Визија Скопје“ понуди поглед на плоштадот без фонтаната со воин на коњ

На плоштадот Македонија во Скопје викендов граѓаните имаа уникатна можност преку слики нацртани на тенка проѕирна пластика место на платно,...

Досие