Контакт

Изложби

„Во духовниот храм“ – изложба на Ерол Сулејмановски

Објавено пред

„Во духовниот храм“е насловот на првата самостојна изложба на македонскиот сликар Ерол Сулејмановски, која ќе биде отворена од денеска и ќе трае до 19 ноември во Скопје.

Отворањето на изложбата ќе почне во 19 часот во Музејот на македонската борба за државност и самостојност.

Преку неговите дела кои ќе бидат изложени, посетителите на изложбата ќе имаат можност да го видат специфичниот пристап на уметникот за сублимирање од традиционалното кон модерното, преку виртуелна магична визуелизација.
Самите наслови алудираат на темата од македонскиот живот. Дел од нив се „Македонка“, „Жетварки“, „Старо Скопје“, „Молитва“, „Три генерации“.

Познатиот македонски поет Мирче Нешовски за делата на Сулејмановски ќе рече дека тие имаат свој специфичен печат и код на магична илуминарна композициска поставеност.

„Сликарот со видот од неговото вешто изострено око и со бистрината во целата композиција не пропушта од вид ниеден пластично насликан детаљ. Но, и кога има преливи на колоритот во широки рефлексии, сликарот не дозволува превид, стрпливо и чисто ги дава наносите на преливите на боите и колоритот и ни ја дава целосната грандиозност на рафинирана вонвременска слика врз длабочината на пречистената рафинирана плоха“, се вели во критиката на Нешовски.

Сулејмановски по професија е дипломиран инженер по безбедност и здравје при работа, во сликарството е вљубен од своите најмлади денови, а на своите слики посветил 30 години од животот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Изложби

Изложба на Сашо Поповски во галеријата Ел Греко

Објавено пред

Во галеријата Ел Греко, в петок на 25 октомври, со почеток во 19 часот ќе се отвори изложба на Сашо Поповски.

Сашо Поповски во периодот од 1991 – 1996 година студираше скулптура во Скопје и Мастрихт, усовршувајки ја техниката со класичните материјали, работејќи во дрво и мермер како и моделирање и лиење во бронза. Почнува да излага од 1989 год.
Холандските професори Хан Вон Ветеринг, мајстор за “груба“ керамика и Јо Санес, мајстор за работа во бронза, извршија значајно влијание во неговото формирање.

Поповски твори по сеќавањето на класичните форми, но ги прати и модерните тенденции во уметноста. Во создавачкиот процес иконографскиот и тематскиот слој стануваат подеднакво важни, како и свеста за формата, додека во котекстот на стилизираните антропоморфни облици, концепирани во духот на миметичката традиција внесува елементи на меки геометриски форми. Неговите дела се технички убаво обликувани, доработени и наликуваат на драгоцени предмети изработени со сигурна рака и јасен концепт.

Поповски паралелно работи на две различно концепирани серии на скулптури: едната серија се карактеризира со фигурален пристап и органско обележје на формата, а другата содржи обележја со иронично критичен поглед на реалноста.
Поповски во најновите творби го шири иконографскиот репертоар и симболичкото значење правејки синтеза со елементи на класични и модерни скулптури проткаени со хуманистичка содржина. Во поголем број на скулптури доминира женскиот акт создаден од бел мермер, а во некои вметнува и елементи во бронза складно и ефектно укомпонирани. Скулптуралната маса е компактна, а обликот затворен, напнат сугерирајќи исконска симболика на плодноста, т.с. естетски стилизирана еротика на обликот.

Во Галерија Ел Греко Поповски ќе се престави со галериска пластика, што значи дека авторот во процесот на создавање го реализирал саканиот пластичен и визуелен ефект во целост.

Поповски внимателно ги користи модерните искуства во скулптурата во распон од Пикасо, Мур, Мештовиќ, Роден, Дали, па се до рококо мајсторот Буше за да постигне интегрирана целина. Интересот за формата и тематскиот слој го елиминира психолошкиот аспект во скулптурите на Поповски. Во неговите творби доаѓа до израз едноставноста на формата, како и сугестија на сложена концепција со која успешно се избегнува чувството на пренатрупаност.

Изложените дела се создадени последните две години и преставуваат синтеза на неговите идеи и истражувања за неговото лично обележје во скулптурите. Тој вешто ја поврзува формата со сугестија на тродимензионалност. Експресијата на обликот ја постигнува со варијации на изобличеност и вдлабнатини, полирање и грубост на површините, робусност во обликувањето и префинета линија на движењата како и светлосен рефлекс на површините. Фигурата на бикот (чест мотив во македонската уметност) содржи снага на формата и карактеристична примена на плишни “фасети“.

Патинираниот постамент е дел од скулптурите во склад со целината. Вметнува и потенциран контраст на црно–бел однос со природната структура на мермерот.

Скулптурите на Сашо Поповски имаат различни имиња и пораки и се како реакција или противење на континуираното уништување на животот и човекот во време на долготрајната криза во уметноста.

Прикажи повеќе...

Изложби

Се отвора изложбата „Трета страна на стварноста“ во МСУ

Објавено пред

На 24 октомври, со почеток во 20 часот, во Музејот на современата уметност – Скопје ќе биде отворена изложбата „Трета страна на стварноста“, курирана од Ивана Васева, а со дела од колекцијата на МСУ.

Постановката отвора повеќе дилеми на едно кондензирано место – што значи солидарноста кога станува збор за вредностите кои фрлаат нова светлина и обезбедуваат поинаков поглед кон постоечката целина на знаењето?
Дали современоста, гледана како антагонистички простор од повеќе делови од минатото може да ни посочи нови вистини, како дел од политичката желба за иднината? И дали има некои други аспекти кои можат да се земат превид при разгледувањето на нивното денешно значење?

Еден од можните начини за критичко преиспитување на солидарноста и современоста е колекцијата и архивата т.е. нивната селекција, пристапот, начинот на изложување и претставување ја одредува и нивната идентитетска и идеолошка политика и позиција.

Во средината на постановката е и инсталацијата „Архиликс“ на архитектот и уметник Срѓан Јовановиќ Вајс, која е специјално создадена за оваа изложба.

„Тежнееме кон жалење или фалење кога нештата ‘ќе отидат во погрешна насока’ во институциите на културата, како протекувањето. Прашањето е: дали навистина работите одат во погрешен правец? Или дали протекувањето е дел од поголема потрага по праведност во современиот простор? Или, дали имаме некаква идеја за што навистина е тоа погрешно нешто? Овие прашања се важни за која било од институциите за современа уметност, како што се и институциите во Скопје. Она што ‘Архиликс’ го прави во најконтестираниот музеј во Скопје е обележување на протекувањата кои музејот ги имал, има и ќе ги има. Ништо помалку и ништо повеќе“, вели Јовановиќ.

„Архиликс“ е за вклучување на грешките во генералната наратива на општествениот простор“.

Во рамките на изложбата на 25 октомври (петок), во МСУ, со почеток во 19 часот предавање ќе одржи архитектот и уметник Срѓан Јовановиќ Вајс.

Вајс е архитект и урбанист кој живее и работи во Њујорк. Тој е моментално визитинг-професор на Дипломската школа за дизајн на Харвард и на Градскиот колеџ во Њујорк, Спитцер школата за архитектура. Вајс е основач на Normal Architecture Office, NAO.NYC и бил главен на истражување кај Herzog & de Meuron Архитекти во Базел. Тој е коосновач на School of Missing Studies. Страста на Вајс е да работи со уметнички визионери како Јона Фридман, Ан Тунг, Џени Холцер и низа на современи уметници и куратори. Над сè, тој сака да се поврзува со луѓе од секојдневието, инсталери, градители и кој било друг/а во процесот на правење нештата да се случат ин ситу. Вајс предавал и изложувал насекаде по светот.

Изложбата исто така одбележува и 55 години од формирањето на Музејот на современа уметност како музеј на солидарноста. А она што е важно во овој глобален капитализам, во контекстот на 21 век, е дека не само што заедништвото и грижата за заедничкото, надвор од флосулите, празните зборови и идеолошките непријатели, ни е дел од идентитетот, туку и единствена опција за иднината.

Изложбата е поддржана од Министерство за култура на Република Северна Македонија, Град Скопје и организацијата „Факултет за работи што не се учат (ФР~У)“.

Изложбата ќе биде отворена до 20 ноември.

Прикажи повеќе...

Изложби

Музејот на Северна Македонија со изложбата „Црн петел, црвена кокошка“ гостува во Софија

Објавено пред

Музејот на Република Северна Македонија со изложбата „Црн петел, црвена кокошка – култови на плодноста: обреди, обичаи и верувања“ гостува во Националниот етнографскиот музеј при Академијата за науки на Бугарија. Изложбата во Софија свечено ќе биде отворена на 24 октомври.

Изложбата е подготвена од НУ Музејот на Република Северна Македонија и НУ Археолошкиот музеј на Република Северна Македонија и презентира дел од култовите на плодноста кои се практикувале на територијата на Македонија од предисторијата до денес.

Култовите и обредите на плодност се претставени преку разни форми на предмети, на женски фигурини од предисторијата (антропоморфни и зооморфни жртвеници), опрема од обичаите под маски, велигденски јајца и делови од женската народна носија. Плодноста во најтесна смисла се поврзува со опстанокот на човештвото, но и со внесување  елементи на еротика во секојдневниот живот на луѓето (лампи и садови со еротски сцени и претстави во антиката).

„Таа еротика на некој начин низ вековите се пренесувала и преку усното народно творештво со песни, приказни, поговорки и гатанки, како еден вид вербална магија, со цел да иницираат плодност и кај човекот и кај природата. Обичаите под маски кои го одбележуваат крајот на зимата и возобновувањето на природата се полни со симболични ритуални дејствија кои треба да обезбедат плодност на луѓето, стоката и посевите. Овие архаични обичаи во изложбата ги презентираме преку фотографии и документарните филмови Џоломари и Говедар Камен. Жените во Македонија и денес активно посетуваат култни и свети места – манастири, цркви, турбиња, води, камења, дрва и др, вршејќи разни обреди поврзани со плодноста.

Она што има посебен белег во оваа изложба е начинот на кој култот на плодноста бил вткаен во облеката што луѓето ја носеле во 19 и 20 век. Македонската женска носија како целина, но и поединечните делови и украси ја презентирале биолошка спремност на жената за репродукција. Таа воедно била и силен симболичен агенс за поттикнување на плодноста, но и магиски заштитник од невидливите зли сили кои можеле на жената да ѝ ја одземат способноста да раѓа.

Ваквиот начин на презентирање на разнородни предмети и визуелни материјали, кои се разликуваат како типолошки така и хронолошки, укажува на уникатноста на оваа изложба. Интересен е нивнот спој и начинот на кој тие се надополнуваат и воедно се дообјаснуваат“, пишува Јован Шурбаноски, во воведниот текст за изложбата.

Автор на изложбата е Јован Шурбаноски, коавтори на изложбата се Јасемин Назим, Александра Папазовска, Владимир Боцев.

Реализацијата на изложбата е поддржана од Министерството за култура на Република Северна Македонија.

Прикажи повеќе...

Најново

Македонија55 минути

Европскиот Парламент утре ќе гласа за резолуцијата со која го поддржува проширувањето на ЕУ

Европскиот Парламент ќе гласа утре за резолуцијата со која целта е да се осуди одложувањето на пристапните преговори на Македонија...

Македонија3 часа

Мицотакис: Преспанскиот договор е нагативен за нас, но ја поддржуваме европската перспектива на Западен Балкан

Грција ја поддржува европската перспектива на земјите од Западен Балкан, не само затоа што тоа ќе биде фактор за стабилност...

Европа3 часа

(Видео) Британската полиција пронајде 39 тела на мажи во камион од Бугарија

Во контејнер во камион во Есекс, пронајдени се телата на 39 мажи, а поради сомнеж за убиство уапсен е 25-годишниот...

Европа4 часа

Јункер во последниот говор: Чувај се Европо и бори се против национализмот

Претседателот на Европската Комисија во заминување, Жан Клод-Јункер предупреди дека Европа слабее демографски, економски и политички, како и дека самата...

Македонија5 часа

Уште четири земји треба да го ратификуваат протоколот за НАТО

Владејачкиот Социјалдемократски сојуз на Македонија преку соопштение информира дека преостануваат ратификации од уште четири земји членки, до официјално пристапување во НАТО....

Македонија6 часа

Независната пратеничка група ја поздрави одлуката на САД за ратификација на протоколот за НАТО

Независната пратеничка група од ВМРО ДПМНЕ и Коалицијата за подобра Македонија упати благодарност до амбасадорката на САД во земјава, Кејт Мари...

Македонија6 часа

Европарламентот со вонредна резолуција повторно ќе бара преговори со Македонија

Европскиот Парламент денеска на пленарна седница треба да стави вонредна резолуција со која повторно ќе побара отворање на преговорите за...

Македонија6 часа

Сончево и топло со температура до 30 степени

Времето денеска ќе биде сончево и топло со слаб ветер од источен правец. Минималната температура ќе се движи од 1...

Свет17 часа

Пропадна планот на Џонсон за брегзитот

Британските законодавци го одобрија предлог-законот на премиерот Борис Џонсон за брегзитот, но одбија да биде усвоен во рок од три...

Свет18 часа

(Видео) Путин и Ердоган го објавија планот за Сирија

Претседателот на Турција, Реџеп Таип Ердоган, по средбата со рускиот претседател Владимир Путин, која траеше повеќе од шест часа, соопшти...

Македонија19 часа

Одобрени 60 милиони денари за чистење на линданот во ОХИС

Владата на денешната 160-та редовна седница донесе одлука за одобрување 60.000.000 денари од буџетот за 2019 година за чистење на...

Македонија20 часа

САД го ратификува протоколот за членство на земјата во НАТО

Сенатот на САД попладнево го изгласа протоколот за членство на Македонија во НАТО. За протоколот гласаа 92 сенатори, а двајца...

Топ21 час

Момче од Швајцарија повредено при пад на Матка

Изутринава, во 8.40 часот, од Ургентниот цетар при комплексот клиники „Мајка Тереза“ било пријавено дека вчера со тешки телесни повреди...

Македонија23 часа

Одбиени барањата на Јанева и Боки 13 за укинување на притворот

Основниот кривичен суд Скопје ги одби барањата за укинување на мерката притвор на поранешната специјална јавна обвинителка Катица Јанева и...

Македонија1 ден

Вучиќ: Дали за косовското прашање ќе добиеме гаранции од ЕУ какви што доби Северна Македонија?

Српскиот претседател Александар Вучиќ во интервју за австрискиот весник „Стандард“ ја исклучи можноста Белград да го признае Косово во актуелните...

Македонија1 ден

(Видео) Нови вработувања и подобри услови за истражувачка работа бараат од Институтот за хемија

Создаваме способни оформени кадри кои заминуваат во странство бидејќи со години не се овозможуваат вработувања на млади соработници, уловите за...

Македонија1 ден

Ѓоко Поповски повторно доби 9 години затвор за набавката на полициски возила

Судијката Добрила Кацарска попладнево повторно го осуди на казна затвор од 9 години поранешниот помошник-министер во МВР, Ѓоко Поповски, откако...

Македонија1 ден

Вебер: Од Скопје и Тирана баравме многу, а сега вратата им е затворена пред носот

Лидерите на најголемите политички групи во Европскиот парламент едногласно ја осудија одлуката за одложување на преговорите со Северна Македонија и...

Македонија1 ден

Заев: Не треба да го одложуваме пописот, ќе разговараме со директорот за термините

Пописот не треба да го одложиме, изјави премиерот Зоран Заев одговарајќи на новинарско прашање. Тој најави дека следната недела ќе...

Македонија1 ден

Туск пред пратениците во ЕП: Голема грешка е одлуката за Северна Македонија и Албанија

Претседателот на Европскиот совет, Доналд Туск денеска пред пратениците во Европскиот парламент рече дека е голема грешка тоа што не...

Досие