Контакт

Култура

Во Кинотеката се одржа првата филмска вечер под отворено небо

Објавено пред

Филмофилите синоќа имаа уникатна можност да уживаат во необична филмска вечер под отворено небо.

Во дворот на Кинотеката беа прикажани класичните филмови на 35 мм лента: првите филмови на браќата Лимиер од 1895 , „Кабинетот на доктор Калигари“, филм од германскиот експресионизам на Роберт Вине и „Македонска крвава свадба“ на Трајче Попов.

По поздравниот говор на директорот на Кинотеката, Владимир Ангелов, на посетителите им се обрати и д-р Атанас Чупоски, филмолог советник во Кинотеката, кој ги запозна пристуните со пионерските почетоци на филмот во светот.

Синоќешната ретрокино вечер под отворено небо беше само своевиден тест, со надеж дека наредното лето дворот на Кинотеката повторно ќе биде исполнет со бучењето на 35 мм проектор и со презентација на многу други класици на големото платно, велат од Кинотеката.

Култура

Доделени наградите на Фестивалот за европски анимиран филм – Flipbook Film Festival

Објавено пред

Со доделување на наградите заврши првото издание на Фестивалот за европски авторски анимиран филм Flipbook Film Festival, кој се одржа од 11 до 13 август 2020 година во Младинскиот културен центар.

Жирито во состав: Катрин Новаковиќ, Катерина Стојановски и Гоце Господиновски, наградата за најдобар филм во главната конкуренција му ја додели на филмот Sh_t Happens на режисерите Михаела Михали и Давид Штумф.

Во истата категорија жирито додели специјална награда на македонскиот филм „Карантин“ во режија на Иван Андреевски.

Наградата на онлајн-публиката, која гласаше за филмовите на Cinesquare, му припадна на филмот „Ќерка“ во режија на Дарија Кашчеева.

Во студентската селекција наградата за најдобар филм му припадна на Cockpera на хрватската авторка Ката Гугиќ, а специјалната награда од жирито на филмот The Kite. За најдобар анимиран документарен филм беше прогласен Carlotta’s face, а специјалната награда од жирито му беше доделена на Macka je uvek zenska на режисерките Мартина Мештровиќ и Тања Вујашиновиќ од Хрватска.

Ова се образложенијата од жирито за наградите:

SH_T HAPPENS

Овој мал голем филм, со навидум толку лесен стил, ќе ве замисли дали случајно не гледате некоја комерцијална анимација од високобуџетско студио. Преку совршениот спој на носталгична анимација и трагикомичен наратив дава една интимна перспектива на секогаш актуелните дуалитети на човековото постоење: љубов – страст, живот – смрт, смисла и апсурд. Едно потсетување на чешката и словачката анимациска доминација од едно друго време, која полека но сигурно се враќа.

QUARANTINE (специјална награда)

Со интересна техника, која ги меша естетиките на традиционалната стоп и современата 3Д-компјутерска анимација, овој краток филм нè води во еден за секого многу присутен амбиент, но преку комична призма, која барем за миг ни дозволува да се насмееме и малку да издишеме од нашето загушувачко секојдневие. Мајсторски сработена анимација од еден млад автор, која укажувана тоа дека златното време на македонскиот анимиран филм е пред нас.

Студентски: COCKPERA

Храбра цртачка техника со динамична, но елегантна анимација. Хумор и еротизам, кои го трансцендираат цртежот од кој произлегуваат. Скокајќи помеѓу неколку жанрови и медиуми, успева да ја плени целокупната перцепција. Овој студентски филм како да излегува од златните денови на загрепската анимација, но со младешка полетност на денешницата најавувајќи нова доминација на хрватскиот анимиран филм.

THE KITE (специјална награда)

Чешка стоп-анимација во најдобро светло. Одличен карактер и сет-дизајн. Суптилната анимација успева да ја пренесе меѓучовечката блискост и врските што ги надминуваат времепросторот, животот и потоа. Филм кој ги поместува линиите меѓу студентската и професионалната продукција. Традицијата на Јиржи Трнка успешно продолжува.

Анимиран документарен филм: CARLOTTA’S FACE

Филмот е сработен со уметнички израз, кој се надоврзува на нарацијата и создава еден амалгам од дело и документ. Дозволува интимно да го доживееме наративот низ кој нè води и создава сочуство со носителот на дејството.

A CAT IS ALWAYS FEMALE (специјална награда)

Еден успешен анимиран превод на скулпторскиот медиум. Фрла светло на борбата за креативен израз и родова еднаквост во професија и време под машка доминација. Храбро впуштање на анимацијата во водите на документарниот филм, но и скулпторскиот медиум.

Прикажи повеќе...

Култура

Mакедонскиот филм „Ќе му се јавам на татко ти“ во селекција на „Сараево филм фестивал“

Објавено пред

Македонскиот краткометражен филм „Ќе му се јавам на татко ти“, во режија на Леон Ристов, е дел од селекцијата на годинешното издание на „Сараево филм фестивал“ и воедно ја има својата светска премиера.

Филмот, кој е е по сценарио и режија на Леон Ристов и во продукција на „Џолев и уметностите“, ќе биде прикажан утре во рамките на фестивалот, кој годинава се одржува онлајн.

Филмот го следи средношколецот Дамјан (Александар Андоновски), кој го среќаваме претепан од страна на маалски врсници. По дознавање на околностите, мајка му на Дамјан (Николина Кујача) е убедена дека проблемот нема цивилизирано решение. Таа му јавува на својот поранешен сопруг (Оливер Митковски) да се справи со ситуацијата.

Филмот ќе биде дел од селекцијата Teen Arena, која прикажува филмови што го испитуваат односот помеѓу тинејџерите и светот. Првпат во историјата „Сараево филм фестивал“ ќе се одвива комплетно виртуелно. Со почеток в сабота (15 август), па сè до крајот на фестивалот (22 август), „Ќе му се јавам на татко ти“ ќе биде достапен за онлајн-изнајмување на веб-страницата ondemand.sff.ba од секаде во светот.

„Идејата за филмот ја добив додека бев во првата година од филмските студии на Wesleyan University во САД, каде што студирам со целосна стипендија веќе три години. Дознав дека кариерниот центар при Wesleyan нуди летни грантови за искуства што би го унапредиле професионалниот развој на студентите. Оттука, решив да аплицирам за овој грант со филмот и успеав да го добијам. Скромната сума ја посветив на повратен лет и квалитетна опрема. Снимавме три дена во населбата Аеродром и во симпатично уредениот стан на мојата баба. Најдрага ми беше довербата од страна на искусни професионалци, како што се актерите Николина Кујача и Оливер Митковски и директорот на фотографија, Владимир Димоски. Со нив се запознав првпат со тоа што им го испратив сценариото за проектот. Фактот дека ја прифатија соработката со мене ми потврди дека имаме шанса да создадеме квалитетен филм“, изјави Ристов.

Леон Ристов – режисер на филмот „Ќе му се јавам на татко ти“

Ристов e студент во четврта година на Колеџот за филмски студии при Wesleyan University (Веслијан) во Конектикат, САД, шесторангиран на листата најдобри филмски факултети во САД од Hollywood Reporter. Тој е режисер и сценарист на два краткометражни играни филма, актер во повеќе филмски и театарски проекти, меѓу кои ја играше главната улога (ликот на Милан) во долгометражниот игран филм „Кога денот немаше име“, во режија на Теона Митевска, филм што светската премиера ја имаше на „Берлин филм фестивал“. „Ќе му се јавам на татко ти“ е неговиот втор краткометражен филм, кој по домашната премиера на Beach Film Festival Ohrid, ќе ја доживее својата светска премиера на престижниот Sarajevo Film Festival.

„Ќе му се јавам на татко ти“ е независна филмска продукција. Проектот е целосно финансиран од странана Wesleyan Summer Grants, во продукција на „Џолев и уметностите“, со постпродукциска поддршка од Machina Production Skopje.

Прикажи повеќе...

Култура

Струшките вечери на поезијата ќе се одржат и во услови на пандемија

Објавено пред

Струшките вечери на поезијата како еден од најстарите и најзначајни светски поетски фестивали ќе се одржи и оваа година во вообичаениот термин – на крајот на август – и во услови на пандемија. Во фазата на подготовките на фестивалот беа разработени неколку можни сценарија за одржување на СВП во зависност од развојот на ситуацијата предизвикана од Ковид-19.

Сегашните околности дозволуваат да се организира фестивал со физичко присуство на домашните поети, а поканетите учесници од странство, поради рестрикциите во однос на патувањата и авионските летови, но и поради минимизирање на ризикот од ширење на вирусот, ќе бидат претставени преку видеочитања, кои ќе бидат составен дел од програмата на фестивалот.

Специјално видеообраќање, како и видеочитање, подготви и годинешниот лауреат на СВП, израелскиот поет Амир Ор, кој ќе биде специјален гостин на наредното јубилејно 60. издание на СВП во 2021 година кога и ќе му биде врачен „Златниот венец“, заедно со лауреатот за 2021 година. Програмата на фестивалот ќе се одвива во редуцирана форма во периодот од 28 до 30 август, но ќе ги задржи препознатливите програмски содржини на фестивалот. Повеќе од 30 домашни и странски поети од постарата, но и од помладата генерација, ќе учествуваат на фестивалот на главните фестивалски читања. Дел од програмата ќе бидат и петте кандидати од потесниот избор за наградата „Браќа Миладиновци“, која ќе биде доделена и оваа година за најдобра поетска збирка помеѓу две изданија на СВП, а ќе бидат застапени и слем-поети од земјата и странство.

Креативниот тим на СВП го подготви дизајнот на годинешното издание, кој ќе биде претставен на социјалните платформи на СВП заедно со најавите на учесниците.

Со целосно почитување на протоколите за организација на настани во услови нa пандемија, СВП подготви предлог-протокол за одвивање на фестивалот, што беше одобрен од страна на Комисијата за заразни болести.

Заради намалување на ризикот од ширење на вирусот, како и заштита на здравјето на учесниците и на публиката, која во вообичаени околности е присутна во мошне голем број на главните настани на отворањето и на затворањето на фестивалот, оваа година има измена на локацијата на одржување на фестивалот во согласност со протоколите за организација на настани во услови на пандемија. Најсоодветна алтернатива за организација на програмата е покриената тераса на хотелот „Дрим“, на која и вообичаено се одвиваат дел од програмските активности во редовните изданија на СВП.

Физичкото присуство на публиката ќе биде ограничено поради капацитетот на просторот и поради протоколите за заштита, но програмата на фестивалот, почнувајќи од минатогодишното издание, целосно се пренесува во живо на официјалниот јутјуб-канал на СВП, така што ќе биде овозможено целосно следење од страна на поширок аудиториум.

Престојот на учесниците е регулиран во согласност со протоколите за работа на хотелот во услови на пандемија.

Ќе има обезбеден организиран превоз за учесниците на релација Скопје – Струга – Скопје, а избраниот економски оператор е должен да ги спроведува протоколите за превоз на патници во услови на пандемија.

Во услови кога многу од светски познатите поетски фестивали беа откажани или одложени поради пандемијата на Ковид-19, Струшките вечери на поезијата ќе го зачува континуитетот на одржување на фестивалот, кој, почнувајќи од 1961 година, ја покажува моќта на поезијата да го обедини светот.

Прикажи повеќе...

Најново

Македонија2 часа

Протест против поскапувањето на струјата: „Во криза им се помага на граѓаните, не на богатите капиталисти“

Во Скопје вечерва се одржа протест против поскапувањето на струјата. Собирни места за граѓаните беа Жена парк и паркот во...

Економија5 часа

Костовски за „Еуростандард банка“: Погрешивме со изборот на Управниот одбор, тие нè наместија

Бизнисменот Трифун Костовски, сопственик на „Еуростандард банка“ денеска ја обвини Народната банка и потесното раководство на Управниот одбор на банката...

Македонија6 часа

Регистрирани 160 нови случаи на коронавирус, оздравени се 368 пациенти, а починаа 3 лица

Во последните 24 часа се направени 2.172 тестирања, а регистрирани се 160 нови случаи на Ковид-19, и тоа во: Скопје...

Македонија6 часа

Според ДУИ, албанската опозиција ги поткопува позициите оти не се појавиле на средбата со Ахмети

ДУИ ја обвини опозицијата дека го напуштила Сојузот на албанските парламентарни партии, кој бил основан по парламентарните избори од 11...

Македонија8 часа

Aлијансата и Алтернативата: Сѐ уште не сме во преговори со Заев

Коалицијата „Алијанса за Албанците – Алтернатива“ на прес-конференција рече дека засега немале средби со СДСМ и лидерот Заев за евентуалното коалирање....

Македонија9 часа

Србија воведе задолжителен ПЦР-тест за македонските граѓани

Странците што доаѓаат во Србија од одредени земји ќе мора да имаат негативен ПЦР-тест не постар од 48 часа, одлучи...

Топ10 часа

Воз удри во „ситроен“ во Тетово, две лица се повредени

Две лица се тешко повредени кога воз удрил во „ситроен“ пред влезот на железничката станица во Тетово. Како што информира...

Топ11 час

Убиство во Инџиково – му барале пари, па го застрелале пред сопругата

Четириесет и деветгодишен жител на скопското село Инџиково синоќа бил убиен во својот дом. Според информациите на полицијата, зад убиството...

Македонија12 часа

Апасиев најавува предлог-мерки за реформа на банкарскиот сектор, ќе бара и канцеларија во Собранието

Пратеникот од Левицата, Димитар Апасиев, најави дека партијата набгру ќе предложи мерки за реформа на банкарскиот сектор по случувањата со...

Македонија12 часа

Црна Гора ги отвора границите за македонските граѓани

Директорот на Институтот за јавно здравје, Бобан Мугоша, изјави дека Црна Гора од утре ќе ги отвори своите граници за...

Топ12 часа

Уапсен тетовец, кој запалил две возила на ЕВН

Пожарникарите во Тетово во текот на ноќта интервенирале на две запалени возила, сопственост на компанијата „ЕВН Македонија“, на две одвоени...

Свет13 часа

Германка заразена со Ковид-19 ќе плати глоба од 10 илјади евра бидејќи го напуштила карантинот

Судот во Австрија казни жена со 10.800 евра бидејќи го напуштила карантинот додека била заразена со коронавирус. Регионалниот суд во...

Свет13 часа

СЗО: Руската вакцина не е меѓу деветте кои се во напредна фаза на тестирање

Светската здравствена организација соопшти дека вакцината одобрена од Русија оваа недела не е меѓу деветте, за кои се смета дека...

Свет16 часа

Поради поплаките на Трамп, се менува стандардот за тушевите

Кога американскиот претседател, Доналд Трамп, повеќепати се пожали дека не му се допаѓа начинот на кој работат тушевите, американските власти...

Свет1 ден

(Видео) Маж спасен во последната секунда, му се заглавила инвалидската количка во пругата додека доаѓал воз

Камера од опремата на полицајка во Калифорнија сними неверојатно спасување во последен миг на лице со попреченост, чијашто инвалидска количка...

Свет1 ден

Израел и Обединетите Арапски Емирати постигнаа историски договор со посредство на Трамп

Претседателот на САД, Доналд Трамп соопшти дека телефонски разговарал со лидерите на Израел и Обединетите Арапски Емирати и дека е постигнат...

Европа1 ден

Белгија воведува пилот програма за брзо тестирање на Ковид-19 во домашни услови

Илјадници студенти од белгискиот Универзитет во Лијеж од септември секоја недела дома ќе собираат примерок од плунката за брз тест...

Македонија1 ден

Пендаровски: Заев ќе го врати мандатот ако не обезбеди мнозинство

Зоран Заев го добил мандатот поради тоа што истекуваат уставните рокови, сепак, ако не успее да формира Влада, мандатот ќе...

Македонија1 ден

Заев и Ахмети по средбата: Постојат добри основи за напредок

Попладнево заврши работната средба меѓу СДСМ и коалицијата “Можеме” и ДУИ на која учествуваа претседателите Зоран Заев и Али Ахмети...

Македонија1 ден

ВМРО-ДПМНЕ ги замрзнува односите со Пендаровски

ВМРО-ДПМНЕ донесе заклучок дека од овој момент ги замрзнува односите и комуникацијата со претседателот Стево Пендаровски и ќе ги преиспита...

Досие