Контакт

Култура

Второ издание на меѓународната поетско-културна манифестација „Анте Поповски – Антево перо“

Објавено пред

Годинава, меѓународната поетско-културна манифестација „Анте Поповски – Антево перо“, ќе се одвива од 4 до 6 октомври во Скопје и во родното село на поетот, Лазарополе.

Отворањето на манифестацијата на 4 октомври ќе биде во 19 часот, во спомен-собата на Анте Поповски во Центарот за култура во општина Ѓорче Петров во Скопје, каде што поетесата Александра Димитрова за поетскиот ракопис „Дупка“, по пригодната реч, официјално ќе биде прогласена за победник на конкурсот „Антево перо“ за 2019 година за необјавена поетска книга на македонски јазик.

Притоа се очекува на Димитрова да ѝ биде врачен и отпечатениот авторски примерок од победничката збирка. Како поети чии збирки се најдоа во најтесната конкуренција за наградата, на авторите Михајло Свидерски за збирката песни „Граници“ и на Сузана В. Спасовска за стихозбирката „Јазикот на светлината“, ќе им бидат врачени две придружни награди „Антев златник“ со ликот на поетот Анте Поповски.

На младата поетеса Емануела Ковачевска-Китановска за поетскиот наслов „Кожена душа“ ќе ѝ биде врачена новоутврдената награда „Антев часовник“, која во иднина ќе им се доделува на поети до 25 години, со цел дополнително да се стимулира творештвото на најмладите наши таленти. Во продолжение на вечерта присутните ќе уживаат во поетското читање на дел од присутните учесници на годинешниот конкурс за наградата „Антево перо“, а предвидено е врачување благодарници на присутните поети кои учествувале на годинешниот конкурс, за нивниот придонес во растежот и афирмацијата на манифестацијата „Анте Поповски – Антево перо“.

Исто така, јавно ќе бидат прочитани и пристигнатите поздравни телеграми со поддршка на манифестацијата организирана во чест на академик Анте Поповски.

На 5 октомври, со повеќе содржини манифестацијата ќе продолжи во родното село на поетот, Лазарополе, каде што за учесниците е предвидено и ноќевање. Централен настан, кој ќе му даде белег на овој ден, ќе биде симпозиумот во чест на великанот Анте Поповски со наслов „Антево дело“, со кој ќе раководи проф. д-р Кристина Николовска. Симпозиумот ќе иницира: литературни, литературно-теориски, јазични, културолошки, филозофски, општествени теми, теми од историја на уметноста, естетиката, теми од културното живеење итн. Учесници на симпозиумот ќе бидат еминентни научни, културни работници, писатели, уметници, сликари, јавни личности, но и познати кои би ги расветлиле Антевото дело и неговиот лик. Свои трудови за овој научен собир поднесоа, односно најавија, проф. д-р Венко Андоновски, проф. д-р Кристина Николовска, д-р Атина Цветаноска, доцент д-р Атанас Чупоски, м-р Симона Петровска, м-р Наташа Данчевска, м-р Митра Блажевска и Панде Колемишевски. По сесиите, се предвидува да има дискусии и предлагање нови теми за следниот симпозиум, а организациониот одбор на манифестацијата ќе се погрижи да отпечати и зборник со поднесените трудови од симпозиумот.

Програмата предвидува и промоција на трудот со наслов „Книга за Анте“ од проф. д-р Кристина Николовска, долгогодишен проучувач и проследувач на целокупното творештво на академик Анте Поповски. Членовите на Академијата „Анте Поповски“ на одделна седница, меѓу другото, ќе се произнесат по тековните работи, по предлозите за нејзино проширување со нови членови, но и по најновата иницијатива за чување и заштита од заборавот на ликот и делото на Анте Поповски. На платото пред бистите на Кочо Рацин, Анте Поповски и Симон Дракул во реновираниот и разубавен парк на поезијата на мијачкиот крај во Лазарополе, кој неодамна беше предаден во употреба, наградените и други поети ќе прочитаат свои творби, а стихови ќе одекнуваат и за време на неформалното дружење на учесниците во хотелот „Калин“. Поетско матине се очекува и во акустичниот амбиент на селскиот духовен храм „Свети Ѓорѓија“, а предвидена е и посета на богатата Библиотека на Анте Поповски во неговата спомен-куќа. Создавајќи многубројни ликовни дела за целото времетраење на проектот „Анте Поповски – Антево перо“, познатиот ликовен уметник и креативец Живко Поповски – Цветин ќе промовира мир и љубов, испреплетена со стихови.

Постои можност за учесниците на манифестацијата да биде организирана и посета на бигорскиот манастир „Свети Јован Крстител“.

Годинешната меѓународна културно-поетска манифестација „Анте Поповски – Антево перо“ целосно ќе биде заокружена до крајот на октомври со две работилници за креативно пишување и поетско-ликовно изразување на талентирани средношколци, односно студенти, за што дополнително ќе бидат објавени детали и информации.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

концерти

Гудачкиот квартет „Дисонанс“ вечерва на Охридско лето

Објавено пред

Фестивалската програма на 60-тото јубилејно издание на фестивалот Охридско лето продолжува вечерва со концерт на словенечкиот гудачки квартет „Дисонанс“, што ќе се одржи во црквата „Света Софија“ со почеток во 21 часот.

Членовите на овој музички состав „Дисонанс“ првпат се собрале поради изведба на гудачки квартет од словенечкиот композитор Лојзе Лебич во 2014 година, премиера на делото што било напишано 30 години порано. Изведбата на квартетот била одлично примена од стручната публика, а музичкиот критичар д-р Грегор Помпе за дневниот весник „Дневник“ ќе напише: „Овој адхок составен квартет за изведба на делото од Лебич беше вистинско изненадување. Станува збор за дело што е бескомпромисно модерно поради што веројатно досега не се нашле домашни музичари што би го извеле, но затоа детерминираноста на младите музичари од Словенечката филхармонија длабоко навлезе во звучните каскади и придонесе кон возбудлива изведба. Би било навистина одлично кога овие музичари би креирале постојан ансамбл“. По ваквиот прием, членовите на „Дисонанс“ навистина одлучиле да останат присутни на класичната музичка сцена именувајќи го ансамблот со името на Моцартовиот гудачки квартет во Це-дур – KV 465.

Од основањето, па до денес, квартетот „Дисонанс“ настапува во концертното ателје на Сојузот на словенечките композитори, на Светските музички денови во 2015, на фестивалот Собошки денови во 2016, на фестивалот во Марибор, на интернационалното биенале за современа музика во Копер и др. Во соработка со италијанскиот кларинетист Микеле Марели квартетот настапува на летниот фестивал во Акви Терме, „Алесандрија“, во 2015 година, а го реализира и проектот„Деконструиран Моцарт“ во рамките на интернационалниот циклус „Симфониски гласови“ во Копер. Според членовите на ансамблот, името на квартетот ја отсликува нивната тенденција покрај класичната музичка литература, посветено да изведуваат и современа музика, особено напишана од словенечки композитори.

Прикажи повеќе...

Култура

Целиот опус на „Васил Хаџиманов бенд“ достапен на дигиталните платформи

Објавено пред

Комплетната дискографија на Васил Хаџиманов и неговиот бенд сега е достапна на сите дигитални платформи објавени од „Кроација рекордс“. Станува збор за осум албуми, кои сега се достапни за луѓето од светот.

Станува збор за албуми што секогаш ги поместуваат границите на прогресивната музика, кои музичките критичари во светот ги препознаваат и наградуваат со највисоките оценки. Албуми што добиваат одлични критики, кои публиката со голем интерес ги следи во секоја нова изведба.
Во последните 20 години Васил Хаџиманов и неговиот бенд со голем успех ја изведуваат својата музика на концерти и музички фестивали во регионот и во целиот свет. Сите нивни изданија и нивната музика се прогласени за уметнички дела од културно значење.
Оваа година Васил Хаџиманов ја освои наградата за најдобар џез-пијанист на електричното пијано на 41. Annual Jazz Station Awards, а бендот го зазеде второто место во категоријата најдобра џез-група.

Прикажи повеќе...

Култура

Охридско лето со концерт за четирирачно пијано приреди прекрасна вечер

Објавено пред

Разни композитори и разновидни музички стилови на едно пијано донесоа вчеравечер рускиот пијанист Илја Максимов и неговата партнерка Јулија Коќубан од Полска на фестивалот Охридско лето.

Програмата на руско-полското дуо-пијано ја опфати „Сонатата за четирирачно пијано“ од Моцарт, „Малата свита“ од Дебиси, а ја изведоа и композицијата „Шест пиеси“ од Рахманинов.
Максимов – Коќубан првпат се во Охрид и на фестивалот Охридско лето и, како што велат, иако прочитале за убавините со кои ќе се сретнат, сепак, по доаѓањето, виделе дека градот е уште поубав кога ќе се посети.

„Ова е нашиот прв настап на Охридско лето. Бевме многу возбудени што доаѓаме бидејќи многу читавме за Охрид. И морам да кажам дека нашите очекувања беа многу пониски отколку реалноста. Ова место е восхитувачко. Кога првпат стапнавме во црквата ‘Света Софија’, ја почувствувавме таа прекрасна енергија и атмосфера“, вели Максимов.

Иако настапуваат како дуо-пијано, рускиот пијанист Илја Максимов и неговата животна и музичка партнерка, Јулија Коќубан, зад себе имаат и самостојни музички кариери.

„Да се свири на едно пијано за четири раце е поинаку и има голема варијабилност на камерната музиката. Ние обично свириме посебно како пијано дуо и ова ни е прв концерт во странство на кој свириме со 4 раце. Но, бидејќи сме венчани и го делиме животот, и свирењето е полесно со пијано за четири раце“, открива младата пијанистка Јулија Коќубан.

И Максимов вели дека не ги запоставуваат соло кариерите, но, сепак, најубаво е кога и во светот на музиката патуваат заедно.

„Секогаш кога имаме шанса, настапуваме заедно. Двајцата имаме посебни кариери како уметници, Јулија е извонреден пијанист, јас исто така давам сè од себе. Секако, кога имаме соло концерти, даваме сè од себе изнесувајќи го тоа пред публиката, но одлично е кога сме заедно бидејќи можеме да патуваме заедно и да искусиме многу нешта“, додава Максимов.

Јулија Коќубан е една од водечките пијанистки на својата генерација. Нејзиниот деби-албум „Шуман, Шопен, Бацевич“ е оценет од музичката критика како еден од најинтересните полски деби-албуми во последните години, а последното ЦД со клавирските концерти на Тансман и Бацевич е номинирано за највисоката наградата во полската музичка индустрија – „Фредерик“.

Илја Максимов е победник на интернационалниот натпревар „Ж. Б. Виоти“ во Италија. Неговиот широк репертоар ги покрива делата од раната класика, па сè до модерните композитори, а делата на руските композитори секогаш имаат посебно место во неговата концертна кариера.

Прикажи повеќе...

Најново

Македонија4 минути

141 нови случаи на Kовид 19 во земјава, починале 2 лица

Министерството за здравство информира дека во последните 24 часа се направени 1848 тестирања, а регистрирани се 141 нови случаи на...

Македонија22 минути

Ахмети: Заев треба да понуди силни аргументи зошто Албанец не би бил премиер

Лидерот на ДУИ, Али Ахмети на брифинг за новинарите денеска рече дека деновиве продолжуваат работните средби со лидерот на СДСМ,...

Македонија49 минути

Заев: Подготвен сум да бидам премиер во наредните четири години

Лидерот на СДСМ, Зоран Заев е уверен дека ќе успее да состави Влада во следните 20 дена, а веќе денеска...

Македонија56 минути

(Видео) Лидерите од албанскиот блок не дојдоа, Ахмети остана сам на средбата во хотел „Парк”

На закажаната средба на партиите од албанскиот блок на иницијатива на ДУИ, се појави само Али Ахмети. Како што рече...

Македонија2 часа

Браќа од Битола обвинети за ширење на детска порнографија, собирале интимни снимки од малолетнички

Битолското јавно обвинителство поднесе обвинение против двајца браќа од Битола на возраст од 51 и 52 години, од кои едниот...

Топ2 часа

Обвинение за скопјанец што организирал фудбалски турнир на кој имало 100 луѓе во публика

Основното јавно обвинителство Скопје до Основниот кривичен суд Скопје денеска поднесе предлози за издавање казнени налози против вкупно 17 лица...

Економија3 часа

Граѓаните ќе добијат обесштетување од Еуростандард банка по 20 дена во вредност до 30 илјади евра

Фондот за осигурување депозити, во согласност со решението на гувернерот на Народната банка за укинување на дозволата за основање и...

Свет4 часа

Лекот „РЛФ-100“ покажува позитивни резултати кај тешко заболените од коронавирус

Швајцарската компанија и нејзиниот американски партнер објавија дека нивниот лек „РЛФ-100“ („авиптадил“) покажува позитивни резултати кај пациенти со коронавирус, кои...

Македонија4 часа

Поради семејни причини, Џафери не закажа за денеска собраниска седница

Претседавачот со конститутивната седница, Талат Џафери, се премисли и не го закажа продолжението на седницата и покрај најавите во дел...

Европа5 часа

Грција и Франција со рекорден број новозаразени од коронавирус

Грчката влада соопшти дека во изминатите 24 часа се регистрирани 262 нови случаја на коронавирус, што е најголем дневен број...

Свет5 часа

Стотици луѓе починале од лажни информации за коронавирусот

Во првите три месеци од оваа година најмалку 800 луѓе во светот починале поради дезинформации за коронавирусот, објавија научниците. Според...

Македонија5 часа

Деветнаесет години од потпишувањето на Охридскиот рамковен договор

Денеска, се одбележуваат 19 години од потпишувањето на Рамковниот договор, со кој беше ставен крај на неколкумесечниот конфликт во земјата...

Свет16 часа

Најмалку 800 луѓе во светот умреле поради дезинформации во врска со ковид-19

Најмалку 800 луѓе во светот починале поради дезинформации врзани за коронавирусот во првите три месеци од оваа година, тврдат научниците....

Свет18 часа

(Видео) Најмалку тројца загинати и шестмина повредени во тешка железничка несреќа во Шкотска

Најмалку три лица, вклучително и возачот на возот, загинаа во железничка несреќа што се случи во Шкотска, откако патнички воз...

Македонија18 часа

Градинките добија протокол за работа – се прилагодуваат групите согласно насоките

Министерството за труд и социјална политика информира дека на денешниот состанок со Комисијата за заразни болести и претставници на Министерството...

Економија21 час

Бежоска: НБРМ ќе побара стечајна постапка за „Еуростандард банка“

Стечајна постапка за „Еуростандард банка“ ќе побара Народната банка од судот, најави гувернерката Анита Ангеловска-Бежоска. Таа кажа дека се направени...

Македонија21 час

МВР го расчисти случајот со авотмобилот што изгоре во Ново Лисиче

Истрагата на МВР за инцидентот, во кој автомобил целосно изгоре во Ново Лисиче, покажала дека се работи за несреќен случај,...

Македонија23 часа

Регистрирани 139 новозаразени од Ковид-19, почина пациент од Охрид

Министерството за здравство информира дека во последните 24 часа се направени 1.627 тестирања, а регистрирани се 139 нови случаи на...

Македонија23 часа

Пендаровски утре ќе му го врачи мандатот на Заев

Претседателот Стево Пендаровски, утре, во 12 часот, мандатот за состав на новата влада ќе му го довери на Зоран Заев,...

Македонија24 часа

Села и Гаши нема да дојдат на средбата на албанските партии што ја организира Ахмети

Алијансата за Албанците и Алтернативата нема да дојдат на средбата на партиите од албанскиот политички блок, која треба да се...

Досие