Контакт

Култура

Едвард Лакман добитник на „Златна камера 300“ на 40. издание на фестивалот „Браќа Манаки“

Објавено пред

Еден од водечките светски кинематографери, Ед Лакман, потписник на повеќе од 80 играни филма, меѓу кои оскаровски кандидати, e годинешниот добитник на наградата „Златна камера 300“ за животен опус на интернационалниот фестивал на филмската камера „Браќа Манаки“. Тој со воодушевување ја примил веста дека е вброен меѓу великаните на најстариот фестивал посветен на филмската камера и директорката Евгенија Теодосиевска се надева дека тој ќе пристигне во Битола да ја прими наградата.

„Освен што станува збор за автор кој е меѓу водечките светски директори на фотографија, Лакман е извонреден човек. Кога му ја соопштив веста, тој беше пресреќен и рече дека сака да дојде лично да ја прими наградата. Да се надеваме дека околностите ќе бидат во ред и битолската публика и филмаџиите ќе може да запознаат еден голем професионалец“, рече Теодосиевска на денешната прес-конференција.

Акман со нашата „Златна камера 300“ за животен опус досега прокнижува 41 светска награда, 42 номинации. Од номинациите најзначајни се оние за „Оскарите“ со ремек-делата „Далеку од небесата“ (номинација за најдобар кинематографер во 2002) и „Керол“ (номинација за „Оскар“ 2015), и двата филма во режија на Тод Хејнис со кого Лакман има најплодна соработка како кинематографер. Во меѓувреме, и третиот филм снимен со режисерот Хејнис, „Јас не сум таму“, беше исто така потенцијален кандидат за „Оскар“ со сите специфики во изразот на Лакман во црно-белата и колор-фотографијата.

Според уметничкиот директор Благоја Куновски, великан како Лакман заслужува да биде изборот за јубилејното издание на ИФФК „Браќа Манаки“ и да се вброи во алејата на кинематограферските великани на нашиот фестивал.

„Акман е специфичен бидејќи, освен неговата големина како кинематографер, тој импресионира со својата кретивна енергија од неговите почетоци на почетокот на 1970 година до најновите три целовечерни играни проекти снимајќи и по три во една година. Тој е еден од ретките кинематографери, кој, покрај својата базична вокација, се покажал и како добар режисер потпишувајќи 10 филма во кои негови колеги, некои и наши лауреати, се кинематографери. Работејќи со многу режисери, неговиот креативен израз го красат разновидни стилови, кои се во зависност од играната или документарната форма, прилагодувајќи се и на креативниот процес и сензибилитет на конкретниот режисер“, рече Куновски.

Претседателот на Друштвото на филмските работници, Игор Иванов-Изи, на прес-конференцијата рече дека и 40. издание на фестивалот „Браќа Манаки“ ќе биде уште една успешна приказна во насока на позитивниот правец што го зазема целата македонска кинематографија.

„Не можам, а да не го истакнам позитивниот правец што го зазеде севкупната домашна кинематографија и сите активности поврзани со неа. Исчезна многугодишниот антагонизам и филмските автори се насочени кон кретивност и успешна работа. Очекувам дека ќе имаме успешно јубилејно издание на фестивалот „Браќа Манаки“ за да се одбележат четири децении од овој значаен настан на културната мапа“, рече Иванов.

На следната прес-конференција, што ќе се одржи во јули, ќе бидат соопштени други детали за ова фестивалско издание, а од Центарот за култура во Битола најавија дека за ова издание ќе биде обезбеден и агрегатот на кој се чекаше многу години.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги

Сузан Колинс го најави ретро продолжението на „Игри на гладот“

Објавено пред

Авторката Сузан Колинс најави дека го пишува ретро продолжението (приквел) на оригиналната трилогија „Игри на гладот“.

Романот, кој сè уште нема наслов, ќе излезе во печат во мај 2020, а настаните ќе се одвиваат во светот на Панем 64 години пред настаните во трилогијата.

Колинс потврди дека овој роман ќе ги обработува годините по таканаречените мрачни денови на неуспешниот бунт, како и процесот на повторното издигање на Панем.

Колинс додава дека ликовите ќе согледаат и сфатат дека нивната перцепција и самите тие како личности се најважни за да преживеат.

Според авторката, ликовите ќе водат битка со овие прашања, а со тоа и ќе ги дефинираат своите погледи за човештвото.

Од издавачката куќа „Сколастик“ изјавуваат дека се возбудени за можноста да им ја претстават новата перспектива на модерниот класик на посветените обожаватели, но исто така и на нова публика.

Оригиналната трилогија на Колинс е сместена во постапокалиптична дистопија, каде што младите се принудени да се борат и да се убиваат меѓусебно, а сето тоа е прикажано во живо на телевизија.

Романите „Игри на гладот“, „Раѓањето на огнот“ и „Мокингџеј“ се продадоа во повеќе од 100 милиони примероци и беа преведени на над 50 јазици.

Прикажи повеќе...

Култура

Голем музички концерт во Битола – гостуваат „Псохомодо поп“, „Ласт експедишн“ и „Дивље свиње“

Објавено пред

Голем музички концерт ќе се одржи во рамките на манифестацијата „Битола – отворен град 2019“, на кој ќе настапат „Псохомодо поп“, „Ласт експедишн“ и „Дивље свиње“. Концертот ќе се одржи на 30 јуни (недела) во 21 часот на плоштадот Гоце Делчев на Широк сокак.

„Психомодо поп“, бендот кој речиси четири децении е незаобиколен музички арбитер на овие простори, на 30 јуни првпат ќе настапи во Битола. Во 1983 година ја почна својата музичка историја. Првото име на бендот било „Нерон“, а потоа се преименува во „Психомодо поп“, инспирирани од албумот на групата Cockney Rebel, со име „Психомодо“, а додавката „поп“ дошла како почит кон Iggy Pop, Andy Warhal и поп-артот. Бенд што се напојувал од музиката на Ramones & Sex Pistols, вежбале во загрепските гаражи, снимиле 15 албуми, со појава и сценски настап што се паметат и еве сè уште не ги напушта тој луд жар за настапи во живо пред стара, но и нова публика. Фронтмен им е харизматичниот Давор Гобац, а нивните хитови „Ја волим само себе“, „Секси магазин“, „Фрида“, „Рамона“, „Кад сам имао 16“ ги пеат разни генерации веќе 35 години.

„Ласт експедишн“ е една од најзначајните групи во историјата на македонскиот рокенрол. Оваа година нејзиното реобединување дојде како супер освежување на сеќавањата на 90-тите. Нејзиното враќање е музички „фејслифтинг“ направен по сите критериуми, а сепак е оној стар добар звук на експедицијата која буквално е враќање во иднината.
Формиран е 1986 година во скопски Ѓорче Петров. Алтерантива на рок што звучеше добро и тогаш, а сега ќе звучи уште пожестоко поради новите сили на бендот, кои даваат спреј на новото време. Со нетрпение ќе очекуваме на „Битола – отворен град“ да се вратат на трите студиски албуми и еден снимен во живо: Intro (1993), „Изгубени ликови“ (1994), Box (1997) и Live – A1TV Exic (2001) и на музичките химни „Песната за песот“, „Далеку си“, „Ќелав дабар“, „Шефе“, „Не е важно“… и енергичниот хит „Хеј хо“, кој е најава за новиот албум што набргу излегува.

„Откако диви свињи го нападнаа Белград по зголемувањето на водостојот на Дунав, инвазијата продолжува на југ“ – ова е вистинит наслов од еден српски весник, а ние најавуваме дека новосадскиот панк-квартет „Диви свињи“ ни доаѓа во Битола. Бенд што се формирал спонтано во 2016 година и носи еден охрабрувачки звук кој испорачува канонада од панк-енергија, многу слична на онаа што е креирана од страна на првата генерација светски панк-артисти. Овој бенд на свој начин комбинира автентични панк-елементи со панк-рок-додавка, неиспеглани гитарски баражи и препознатлива текстуална форма, која е сурова критика на политичките и социјалните случувања во општеството. Нивниот албум, кој носи Чомски инспириран наслов „Не гледајте телевизију“, ќе го чуете на концертната сцена во Битола преслушувајќи ги песните чии наслови се пораки сами по себе – „Шишање“, „Канцелар“, „Бахатост“, „Јагњече бригаде“, „Правила“…

Прикажи повеќе...

Култура

Денови на современиот мексикански филм од 21 до 25 јуни

Објавено пред

Во Кинотеката од 21 до 25 јуни ќе се одржат деновите на современиот мексикански филм. Станува збор за филмови од поновата мексиканска продукција. Програмата се реализира со поддршка на Амбасадата на Мексико во Белград во соработка со Кинотеката.

Влезот за проекциите е бесплатен. Повеќе инфо за филмовите на kinoteka.mk.

21 јуни (петок) 20 часот
НЕ Е ВИНОВНО ДЕТЕТО
(¿Qué culpa tiene el niño?)
Игран филм, Мексико
2016, 105 мин., колор, ДЦП
Режија и сценарио: Густаво Лоза (Gustavo Loza)
Улоги: Карла Соуза, Рикардо Абарка, Басини Сегура (Karla Souza, Ricardo Abarca, Biassini Segura)

Мару е успешна девојка, која неодамна била оставена од момчето со кое била во долга врска, а за кое таа сметала дека еден ден ќе се омажи. По една пијана вечер, на свадбата на својата пријателка Мару ќе остане бремена и ќе мора да се сети со кого била таа ноќ.
Со помош на своите пријателки таа дознава дека татко на нејзиното дете е едно неискуно и невработено 19-годишно момче. Ќе бидат принудени да стапат во брак под присила на традицијата и стереотипите.
Возрасна категорија: 14 години
Влезница: бесплатен влез

22 јуни (сабота) 20 часот
ПОЧЕТОКОТ НА ВРЕМЕТО
(El Comienzo del Tiempo?)
Игран филм, Мексико
2014, 110 мин., колор, ДЦП
Режија и сценарио: Бернардо Арелано (Bernardo Arellano)
Улоги: Aнтонио Перез Карбахал, Берта Оливиа Рамирез, Франческо Бареиро (Antonio Pérez Carbajal, Bertha Olivia Ramírez, Francisco Barreiro)

Антонио и Берта се постара двојка во деведесеттите години од својот живот, кои ќе се најдат во неволја кога нивните пензии ќе им бидат сопрени поради социјалната и финансиската криза во земјата. Со оглед на тоа што долго време не ги виделе нивните две деца, тие ќе се соочат со преживување во тешките услови на суровата реалност, и тоа преку продажба на своите лични предмети и ситниот криминал. Животот на постарата двојка се менува кога синот Хонас и внукот Пако, по десет години, неочекувано ќе се појават во нивниот живот.
Возрасна категорија: 14 години
Влезница: бесплатен влез

23 јуни (недела) 20 часот
ГЕНЕРАЦИЈА СПИЛБЕРГ
(Generación Spielberg)
Игран филм, Мексико
2013, 110 мин., колор, ДЦП
Режија и сценарио: Хибран Базан (Gibrán Bazán)
Улоги: Бруно Бишир, Силвија Карусиљо, Софи Гомез, Алехандро Дуран (Bruno Bichir, Silvia Carusillo, Sophie Gómez, Alejandro Durán)

Пет поврзани приказни. Љубовници ќе се обидат да останат 24 часа во постелата обидувајќи се да личат на Јоко Оно и Џон Ленон. Една девојка е заглавена во лифт во една зграда заедно со еден поштар и сметководител. Група писатели инхалираат „мескалин“ во едно комбе и се враќаат во времето. Психоаналитичар се заклучува себеси во бањата во обид да изврши самоубиство. Една директорка и мајка се заклучува во шпајзот во својата фирма. Сите тие се поврзани меѓу себе и комуницираат преку нивните мобилни телефони.
Возрасна категорија: 14 години
Влезница: бесплатен влез

24 јуни (понеделник) 20 часот
КОГА ЌЕ СЕ ВРАТАТ ДЕЦАТА
(Cuando los Hijos regresan)
Игран филм, Мексико
2017, 100 мин., колор, ДЦП
Режија: Хуго Лара (Hugo Lara)
Сценарио: Клаудија Гонзалес-Рубио, Хуго Лара (Claudia González-Rubio, Hugo Lara)
Улоги: Фернандо Лухан, Кармен Маура, Сесилија Суарез, Ирене Азуела, Франциско де ла Регера (Fernando Luján, Carmen Maura, Cecilia Suárez, Irene Azuela, Francisco de la Reguera)

Пензионерска двојка ќе мора да си го одбрани домот од заканата за враќање на нивните деца.
Возрасна категорија: 14 години
Влезница: бесплатен влез

25 јуни (вторник) 20 часот
ТОВАР
(La Carga)
Игран филм, Мексико
2016, 94 мин., колор, ДЦП
Режија: Алан Хонсон (Alan Jonsson)
Сценарио: Алан Хонсон, Артуро Руиз Серано (Alan Jonsson, Arturo Ruiz Serrano)
Улоги: Марија Валверде, Хорасио Гарсија-Рохас, Ерик Францес, Герардо Тарацена, Еусебио Лазаро (María Valverde, Horacio García-Rojas, Eric Francés, Gerardo Taracena, Eusebio Lázaro)

Доцен шеснаесетти век. Еден Индијанец од племето Тамеме и благородничка бегаат низ шумите на новиот свет барајќи ја својата слобода. Нивното избезумено патување ќе ја ублажи тензијата меѓу нив и ќе ги надмине разликите, а тоа ќе прерасне во интимна врска што ќе го загрози нивниот опстанок.
Возрасна категорија: 14 години
Влезница: бесплатен влез

Прикажи повеќе...

Најново

Македонија4 часа

Заев очекува формален почеток на преговорите со ЕУ до крајот на годинава

Задоволни сме од денешниот заклучок на Советот на министри, но тој ќе значи целосен успех во октомври, кога ќе се...

Свет5 часа

Трамп на „Твитер“ најави масовни апсења на мигранти

Претседателот на САД, Доналд Трамп, на „Твитер“ најави масовни апсења на мигранти. Иронично за објавата на Трамп е дека големите миграциски...

Топ6 часа

Маж и жена од Тетово сексуално експлоатирале 15-годишно девојче

Жена од Тетово и нејзиниот сосед сексуално експлоатирале 15-годишно девојче. Тие договарале сексуални услуги на интернет и го носеле девојчето...

Македонија7 часа

ЕУ не определи датум за почеток на преговори со Северна Македонија

Министрите за надворешни работи на Европската Унија на Советот за општи работи на Унијата во Луксембург не се согласија околу доделувањето...

Европа9 часа

(Видео) Меркел, поради дехидрација, неконтролирано се тресеше на пречекот на Зеленски

Германската канцеларка, Ангела Меркел, изгледаше како да не ѝ е добро и нејзиното тело неконтролирано се тресеше додека денеска во...

Македонија11 час

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија11 час

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Свет11 час

ОН: Светското население ќе порасне на 9,7 милијарди до 2050 година

Населението во светот старее и иако бројот на жители расте со побавно темпо, сепак се очекува негово зголемување од сегашните...

Регион12 часа

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Македонија13 часа

Сведок на СЈО: Знаевме каде и како Мијалков и Грујевски се логираат за да прислушуваат

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека...

Спорт14 часа

Мишел Платини уапсен за доделување на СП во 2022 на Катар!

Поранешниот претседател на УЕФА и легенда на францускиот фудбал, Мишел Платини, е уапсен во Нантер, предградие на Париз, поради одлуката...

Свет14 часа

(Видео) Во земјотресите во Кина загинаа 12, а повредени се 134 лица

Бројот на загинати во двата силни земјотреса во Кина се искачи на 12, а бројот на повредени на 134. Спасителите...

Свет15 часа

(Видео) Четворица повредени, пукотници и стампедо на прослава во Торонто

Четири лица се ранети при пукање на прославата на првата шампионска титула во НБА-лигата на Торонто репторс на плоштадот „Нејтан...

Македонија15 часа

Судир во ЕУ за почетокот на преговорите со Северна Македонија и Албанија

Членките на ЕУ во понеделникот се судрија во однос на почетокот на преговорите за членство на Албанија и Северна Македонија,...

Македонија16 часа

Необезбедена јама демне во школски двор во Хиподром – родителите стравуваат за децата

Необезбедена јама веќе неколку месеци стои без заштитна ограда во дворот на основното училиште „Вера Јоциќ“ во населбата Хиподром (општина...

Hitech18 часа

„Хуавеј“ со загуба од 30 милијади долари

Основачот и директор на „Хуавеј“, Рен Женгфеи, потврди дека приходите на овој телекомуникациски гигант ќе бидат 30 милијарди долари помали...

Крвав четврток1 ден

Пресудата за 27 април е на 1056 страници, адвокатите се жалат на рокот

Пресудата за 27 април кога се случи насилниот упад во Собранието е напишана на 1056 страници и веќе им се...

Македонија1 ден

Поплавени подруми, непроодни улици и затнати шахти од невремето во Куманово

Oпштинa Куманово денес од 14,45 до 15,40 часот ја зафати пороен дожд кој направи проблем за собирање на водата во...

Македонија1 ден

Анкета на „Макфакс“: Шилегов направил најмалку за градот Скопје

Во онлајн-анкетата што ја спроведе истражувачкиот центар на „Макфакс“, на прашањето „Кој градоначалник на Скопје направи најмалку за градот?“, најголем...

Македонија2 дена

(Видео) Жителите на населбата Јака се жалат – живееме во кал и мрак, без јавен превоз

Седум години по почнувањето на изградбата на населбата Јака во Илинден, состојбата е непроменета – очајна, а општинската власт не...

Досие