Контакт

Култура

Почнаа реконструкцијата и санацијата на Чифте амам

Објавено пред

Почна првата фаза од санацијата на објектот Чифте амам, еден од четирите објекти на НУ Националната галерија на Македонија (заедно со Даутпашиниот амам, „Мала станица“ и Спомен-куќата на Лазар Личеноски). Според Лазар Шуманов, проектант на „Основен проект за санација на оштетувањата од влага (ентериер и екстериер), заштита од продор на атмосферска вода, воведување систем за вентилација на ентериерот, заштита од УВ-зрачење и оградување на културното добро Чифте амам во Скопје“, во оваа фаза, во рамките на одобрените средства од Министерство за култура, ќе се опфатат приоритетните проблеми од сите наведени со цел нивно долготрајно решавање.

Во оваа фаза ќе бидат изведени следните зафати:
– санација на покривот со изведба на хоризонтални и вертикални олуци за одбрана од атмосферски води;
– изведба на дренажен канал на источната страна на објектот (екстериер);
– санација на сите оштетувања од влага во ентериерот (депоа, изложбен простор), со изведба на специјална заднина со панели по должината на западниот периметрален ѕид;
– пренамена на простории во функционален изложбен простор со визуелен контакт со хипокаустот и дислокација на портирницата;
– изведба на заштитна покривна конструкција на надворешната источна страна врз огништето;
– санација на громобранската инсталација.

Сите зафати на објектот Чифте амам се одвиваат во согласност со конзерваторското одобрение за санација на оштетувањата од влага (ентериер и екстериер), заштита од продор на атмосферска вода, воведување систем за вентилација на ентериерот, заштита од УВ-зрачење и оградување на Чифте амамот во Скопје, издадено од Управата за заштита на културното наследство.

Реконструкцијата и санацијата на овој значаен културно-историски споменик, редок споменик на исламската архитектура, кај нас е предвидено да траат два месеца, а според договорот за јавна набавка на работи од страна на набавувачот НУ Национална галерија на Македонија, изведувач е Друштвото за промет, производство, транспорт и услуги „Макаус“. Инвеститор на целиот проект е Министерството за култура.

Објектот е ставен под заштита со решение бр. 209 од 10.8.1957 година, издадено од Републичкиот завод за заштита на спомениците на културата, и решение бр. 15 од 2.11.1967 година, издадено од Заводот за заштита на спомениците на културата на град Скопје.

Амамот е граден во втората половина на 15 век како завештание на Иса-бег со површина од 1.056 квадратни метри  Првпат се споменува во вакуфнамата на Исабеговата џамија во 1531 година. Тешко бил погоден со земјотресот од 1963 година, но подоцна во 2000 година амамот е обновен и ѝ е доделен на користење на Уметничката галерија Скопје во функција на мултимедијален изложбен простор.

Амамот името го добил од турскиот збор чифт (турски: çift; со значење парен, двоен) поради тоа што неговата градба спаѓа во групата двојни амами и се состои од два безмалку идентични дела со одвоени влезови за мажи и жени. Во чест на наредбодавецот за негова изградба, Иса-бег, познат е и со името Исабегов амам, а познатиот патеписец Евлија Челебија во своите записи го нарекува нов амам.

Објектот е редок пример на Балканот со голема архитектонска вредност, која денес не може да дојде до израз бидејќи амамот речиси целосно е опколен со дуќани. Тој претставува монолитна градба, а при неговата изградба особено се водело сметка за функционалното единство и надворешното обликување. Граден е во ист стил како и другите исламски градби од тоа време со користење камен, тули и малтер. Во него доминираат две големи куполи и повеќе помали кои ги засводуваат многуте соби. За разлика од другите двојни амами, машкиот и женскиот дел во Чифте амам се спојуваат во делот за капење.
По завршување на зафатот од првата фаза на санација и реконструкција на Чифте амамот, ќе пристапиме кон реализација на проектот за внатрешно и надворешно осветление на овој прекрасен и единствен по концепт галериски простор.

Во периодот на изведување на санацијата објектот Чифте амам ќе биде затворен за посета.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура

Сенародна слава во Дебарца – зурли, тапани и ѓомлезе

Објавено пред

Од

Денеска ќе ечат камбаните, зурлите и тапаните, во повеќе села од малата, но со активности– богата рурална општина Дебрца.

Случувањата од големата сенародна прослава, се дел од кампањата, односно Програмата за одбрана на територијата од еколошко загрозување.

Централната манифестација, со симболичниот термин – „пет до дванаесет!“ ќе се одржи во селото Годивје, под формалното име: „Гомлезијада – Годивје – 2018“.

Манифестацијата започнува во 8,00 часот, со подготвување на народниот, локален, специјалитет – ѓомлезе, мегу населението познато јадење и како тури – потпечи.

Според програмата, 20 – ина припаднички на понежниот пол, од сите села на општина Дебрца, со своите реквизити – сач и пирустија, како и другите потребни садови и алатки, ќе подготвуваат ѓомлезе според личен рецепт, додека организаторот обезбедува брашно, зејтин, сол и дрва.

За целото време, гостите ќе ги забавуваат фолклорни групи, Група Прима Бенд, Елена Јовческа, Дарко Стојаноски, Спасе Матлиоски и други.

Од културолошки аспект, во Годивје,практично ќе се случува мал фолклорен фестивал. Покрај од општина Дебрца ( КУД “Дебрца”-Мешеишта), и општина Охрид, ќе настапат фолклорни ансамбли од други македонски градови, но и од 4 странски земји: “Дофтината” (Валеа Дофтанеи) – Романија, “Скални” од Краков – Полска, “Подуенска китка” од Софија, Бугарија и КУД “Св.Криж”, од Зачартје, кај Загреб – Хрватска, додава Андрески.

Дебрца се буди. Паралелно, во тек се активностите од 34-та, по ред, Ликовна колонија “Дебрца – 2018”, чии учесници денеска ќе творат во Црвена Вода, а потоа ќе им се придружат на славениците во селото Годивје.

Прикажи повеќе...

Култура

Започна седмото издание „На зајдисонце“ во Трпејца

Објавено пред

Од

trpejca, nastan

Синоќа во Трпејца, со изложбата на слики од Свето Стефаноски и настапот на брачното дуо ДИС во присуство на голем број посетители во една летна опуштена атмосфера започна седмото издание на културно – забавното лето „На зајдисонце“.

Во името на покровителот на манифестацијата Општина Охрид, кој е нејзин поддржувач од самиот почеток, пред трпејчани и бројните гости меѓу кои и пратеничката во македонскиот парламент Жаклина Лазареска, летото за отворено го прогласи претседателката на Советот на општина Охрид Живка Ангелоска.

„Трпејца е божествено место лоцирано меѓу пазувите на планината Галичица и Охридското Езеро . Само овде на чудесен начин во бистрите води на езерото се прекршуваат изгрејсонцата и зајдисонцата и создаваат чувство на спокој, уживање и ширење на позитивна енергија. Прекрасниот амбиент на Трпејца се надополнува со содржините на манифестацијата „На зајдисонце “.И за мештаните и за туристите тоа е хармонична поврзаност која создава нова димензија на аткивен летен одмор карактеристичен за малите, но познати светски туристички места“, рече Ангелоска.

На позната сцена „кај Бунарот“ беше отворена изложба на мал дел од богата ликовна палета од експресивни моменти, создадени со силен естетски и душевен порив, од страна на уметникот Свето Стефаноски. Тој е новинар, публицист, екологист и ликовен уметник кој живее на релацијата Скопје – Охрид, а неговите слики досега биле изложувани на повеќе групни и самостојни претставувања во и надвор од Македонија.
Чинот на отворањето на седмото „На зајдисонце“ во Трпејца кое годинава е финансиски помогнато и од Министерството за култура со свој музичко – артистички настап го збогатија и заокружија Стеафни Стефановска и Денис Мурат – споени во дуото ДИС и од неодамна брачна двојка. Тие како што најчесто се вели за прекрасните изведби на грст македонски забавни евергрини од публиката добија овации на отворена сцена .

Стефани и Денис скопско – охридската двојка ветија и дека догодина ќе дојдат во Трпејца со нов репертоар и сопствени нумети кои забрзано ги работат и наскоро ќе бидат пуштени во етерот.

Вечерва „На зајдисонце во 20 часот во Трпејца следи атрактивната променада „Со кајче по езерото“ на која деца – млади музичари од ОМУ „Методи Патче“ же музицираат во кајчина а публиката ќе ги слуша и гледа од брегот и неколкуте кафеани. Мал музички перформас младите виртуози ќе имаат и на традиционалната сцена а потоа ќе биде отворена изложбата ЗАЕДНО која е дел од проектот на здружението „За Трпејца со љубов“ и „Интелектуална жена“ од Поградец – Албанија. Се работи за фотографии од природните убавини но и на показ е негрижата на човекот на двете страни од езерото.

Утре, недела во 11 часот е традиционалната кајакарска регата „Номче Митрески“ а вечерта ќе се претстават учениците од подрачно ОУ „Св. Наум Охридски“ од Трпејца со проектот „И ние можеме“. Веднаш потоа по традиција ќе следи презентацијата на невладината опција од Охрид под наслов „Информацијата е најдобра превенција“.

Прикажи повеќе...

Култура

„Уметност на миграцијата“ доаѓаат во Скопје

Објавено пред

Од

Уметник, танчер, фотограф и правник за имиграција се наоѓаат на​ животно патување од над 10.000 милји низ повеќе од 20 земји, како дел од монголското рели​ ​од Прага до Улан-Уд, Русија, со цел да се подигне свесноста за миграцијата, бегалците и жртвите од конфликти, како и да ја истражуваат културата и идентитетот преку јавна уметност, разговор и раскажување приказни.

​Тие ќе бидат присутни денеска од 11 до 13 часот во кафулето на Младинскиот културен центар во Скопје, спремни да раскажат за нивната идеја и размислувања, како и да се вмрежат и остават трага во заедницата. ​​​ Повеќе информации за ​Шерил, Бетани, Квентин и Јури и нивното патување ​можете да најдете ​на www.artofmigration.com

Прикажи повеќе...

Најново

Македонија1 час

Коѕијас: Условите за постигнување на договорот за името беа зрели

Условите за постигнување на договорот за името беа зрели, изјави министерот за надворешни работи на Грција, Никос Коѕијас, во интервју...

Венко Филипче, тендер Венко Филипче, тендер
Daily news5 часа

(Видео) Филипче: Тендерот уште не е доделен, сè уште е во фаза на евалуација

Министерството за здравство не склучило договор и фирмата која се споменува во јавноста се уште не го добила тендерот за набавка...

Економија6 часа

Немаме мандат да ја проверуваме сопственоста на компаниите, велат од Фондот за иновации

По бурните реакции во јавноста за доделените грантови, од Фондот за иновации и технолошки развој велат дека немаат мандат, ниту...

Топ7 часа

Малолетник прободен со нож во автобус на ЈСП, двајца приведени

Седумнаесетгодишно момче вчера било прободено со нож во автобус на ЈСП со број 22, во близина на Поликлиниката Ѓорче Петров....

Македонија7 часа

Фротир производи и путер меѓу грантираните од Фондот за иновации

„Нова ера во индустријата за фротир производи“ гласи името на проектот кој бил одобрен од Фондот за иновации и технолошки...

Vlada na RM Vlada na RM
Македонија9 часа

Владата објави тендер од 2,6 милиони евра за обезбедување државни објекти

За сума од приближно 2,6 милиони евра без ДДВ, Службата за општи и заеднички работи при Владата објави тендер за...

Македонија10 часа

Димитриевски: Ако обвинувањата за тендерите и грантовите се точни, мора да ги осудиме

Доколку и еден промил од овие тешки обвинувања за тендерите, грантовите… е точен, мораме да се свртиме кон нас самите,...

плажа, одмор, Европска Унија плажа, одмор, Европска Унија
Македонија10 часа

Македонија на врвот на листата на земји во кои луѓето не можат да си дозволат годишен одмор

Според истражувањето на Евростат, една третина од популацијата на Европската Унија (32,9 отсто) не можат да си дозволат годишен одмор...

Лос Анџелес, заложници Лос Анџелес, заложници
Вести10 часа

(Видео) Заложничка драма во продавница во Лос Анџелес, убиена една жена

Вооружен напаѓач упаднал во продавница во Лос Анџелес и околу три часа како заложници држел 50-тина луѓе пред да ѝ...

Светска банка, јавен долг, Министерство за финансии Светска банка, јавен долг, Министерство за финансии
Економија11 час

МФ: Светска банка забележа напредок во управувањето со јавниот долг во Македонија

Светската банка забележа дека Македонија за кус период има исклучителен напредок во управувањето со јавниот долг, соопшти Министерството за финансии....

Македонија1 ден

Измените на Изборниот законик в понеделник на собраниска седница

Пратениците в понеделник на седница ќе расправаат за предлог-законот за изменување на Изборниот законик, по завршување на комисиската расправа. Измените...

Македонија1 ден

Лидерската продолжува в понеделник во девет наутро

Лидерската средба ќе продолжи во 9 часот в понеделник во истиот состав како и минатиот пат, потврдија извори од Владата...

bugarija-eu bugarija-eu
Регион1 ден

Бугарскиот парламент и забрани на владата реадмисија на мигрантите од ЕУ

Бугарскиот парламент синоќа, со мнозинство гласови, ја усвои резолуцијата со која на владата и забранува да потпише билатерални договори со...

Debarsko Ezero Debarsko Ezero
Топ1 ден

Рибар го пронајде телото на лице што се водеше за исчезнато во Дебар

Утрово по шест часот, било пријавено дека во водите на Дебарско Езеро од страна на рибар, пронајдено било телото на...

sad-kina sad-kina
Свет1 ден

ЦИА: Кина води тивка студена војна против САД

Главниот експерт на ЦИА за Азија, предупреди дека Кина води „товок вид на студена војна“ против САД, користејќи ги своите...

Македонија1 ден

Четири лица добија кривични за сообраќајката во која починаа двајца мигранти

МВР поднесе кривична пријава против четири лица, во врска со настанот од 25-ти минатиот месец, кога при собраќајна незгода починаа двајца...

Македонија1 ден

Полицаец пронајден мртов со прострелна рана во главата

Надлежен јавен обвинител од Основното јавно обвинителство Прилеп со екипа од крим-техника, изврши увид на местото во близина на локалниот...

Македонија1 ден

Демократската фракција на ВМРО-ДПМНЕ бара oд Мицкоски да поднесе оставка

ВМРО ДПМНЕ – Демократска Фракција преку соопштение го повика лидерот на опозицијата, Христијан Мицкоски итно да поднесе оставка од функцијата...

Македонија2 дена

Груби ја затвори расправата за Изборниот законик без ниту еден прифатен амандман

Претседателот на Комисијата за европски прашања, Артан Груби, ја затвори расправата за Изборниот законик, без да прифати ниту еден амандман....

artan grubi, komisija. vmro-dpmne, amandmani, dik, izborni izmeni, zakonik artan grubi, komisija. vmro-dpmne, amandmani, dik, izborni izmeni, zakonik
Македонија2 дена

Алими побара нова пауза за проверка на преводот, опозицијата вели: „Власта не сака да дебатира“

По паузата од два часа, пратеникот Ејуп Алими побара нова пауза на Комисијата за европски прашања за да го проверат...

Досие