Контакт

Книги

Зоран Спасов Ѕоф: Со книгата и претставата „Торонто експрес“ ја промовираме македонската култура

Објавено пред

Во присуство на многубројна публика, во празничниот амбиент на „Literatura.mk Superstore“ во „Ист гејт мол“, вчеравечер (7 декември) беше промовирана новата книга на Зоран Спасов Ѕоф – „Торонто експрес (Тибам штркот апдејт)“. Книгата, како и претходниот хит-роман, „Тито, мојот претпоследен херој“, е во издание на „Попули“, дел од „Арс Ламина – публикации“. „Торонто експрес“ е ново, дополнето издание на популарната книга и литературен првенец на Ѕоф, „Тибам штркот“. Дизајнот на корицата е на стрип-авторот Михајло Димитриевски – Тxе Мичо.

Промоцијата на книгата се одржа една недела пред премиерата на новата театарска претстава „Торонто експрес“, во Македонскиот народен театар. Претставата, која е базирана на книгата, е во режија на Јордан Симонов, а главната улога ја толкува Александар Микиќ.
Во промотивниот период, со секој купен примерок од книгата „Торонто експрес“, во книжарниците „Литература.мк“, ќе следува ваучер за влезница за некоја од изведбите на претставата „Торонто експрес“. Ваучерите можат да се заменат за влезници во билетарницата на МНТ.

„ Пријатно сум изненаден од посетеноста на промоцијата. За почит е! Со „Литература.мк“ минатата година, со отворени срца, решивме да се откажеме од профитот на мојата претходна книга, „Тито, мојот претпоследен херој“ и средствата ги дониравме во „СОС детско село“. Оваа година, со новата книга, се одлучивме за друг чекор. Влеговме во нова авантура, во која и јас и „Литература.мк“ повторно се откажавме од заработката, а истовремено, од профитот се откажа и МНТ, сѐ со цел да се направи мултимедијално културно-забавно шоу. Првпат успеавме, на ваков начин, да споиме книга и претстава, со цел да се промовираат македонската културата, издавачи, автори и драматурзи… Книгата и претставата имаат многу допирни точки, но не се целосно исти, крајот во двата проекти е различен. Исто така, и ликовите се поинакви. Со Микиќ креиравме уште неколку нови карактери. Иако се комплементарни, и двата проекта нудат посебно доживување. Затоа книгата треба да се прочита, по што мора да се гледа претставата. Има еден празничен трик поврзан со книгата: со секоја купен примерок од „Торонто експрес“ добивате ваучер за истоимената претстава. Но, со купени две книги, добивате една за себе и друга што можете да ја подарите на драга личност за Нова година. Истовремено добивате ваучери за две влезници, што значи можете да ја погледнете претставата со друштво – рече Зоран Спасов Ѕоф.

На промоцијата зборуваше и еден од најзаслужните за театарското оживување на „Торонто експрес“ – Александар Микиќ, кој со Јордан Симонов и со Благоја Бошковски работеа и на театарската адаптацијата на текстот.

„ Пред повеќе години ја прочитав првата верзија на книгата, „Тибам штркот“. Многу ми се допадна и добив желба да ја адаптираме на сцена. Но, помина многу време оттогаш, се случија многу работи, па конечно, дојде моментот – приказната да ја видиме в театар. Многу сум среќен поради тоа! Претставата е инспирирана од книгата. Голем дел од случувањата од книгата ги има и во сценариото, но и обратно – има работи што ги нема во книгата, а се додадени во театарската верзија. Па, ако сакате да сте комплетни, ќе морате да ги направите и двете работи – и да ја прочитате книгата и да ја погледнете претставата – рече Микиќ и откри дека премиерата на „Торонто експрес“ е закажана за 15 декември, а ден подоцна и на 20 декември се следните изведби.

Своите импресии од книгата ги сподели ТВ и радио-водителот Јанко Илковски, кој ги откри двете страни на оваа приказна, веселата и тажната.

„ Книгата ја прочитав двапати. Првиот пат се смеев од сѐ срце. Ова е феноменална, духовита книга, извонредно напишана. Но, кога ја прочитав по вторпат, пред промоцијата – се изнаплакав. Плачев затоа што реално ги сфатив работите. Всушност, зад хуморот на ова книга се крие тажна приказна. Читајќи, го гледав авторот на книгата како плаче, а не како се смее. Иако сите се смееме, верувајте, тоа што го кажува е жално. Зборува за животот, за нас, дека сме добри, но како дојдовме на ова дереџе? Со оваа книга ми го тргна пердето од пред очи и пред 13 години, кога ја објави првата верзија, и сега. Си велам, можевме да живееме подобро, можевме да направиме подобро… Со нетрпение ја чекам и претставата, заедно да се изнасмееме (и да плачеме) – рече Илковски.

„Торонто експрес (Тибам штркот апдејт)“ е документаристичка стрип-проза; еден вид фотонарација со блиц, зум и слободен кадар и фокус; „водич за идните печалбари и тазе имигранти“, како што вели самиот автор, или литерарен прирачник за заминување, но и за враќање од Канада.

Последното (враќањето) е нешто невообичаено за ваков тип „прирачници“, упатства и помош за адаптации во туѓи средини и можеби токму тоа ја долева последната капка во оваа преполна чаша искреност и таа претекува на сите страни. Ова е приказна што брзо и неосетно влегува под кожа: популарна, ефектна, штосна, документарна и есеизирана; приказна што „шверцува“ нашинство и носталгија во далечниот, среден свет каде што објективно тоа не е предвидено. Напишана на скопски сленг, книгава нуди една нова форма на битовост, на модерно печалбарство, актуализирајќи го вековниот проблем на иселувањето на нашиот народ на еден автентичен, самосвоен и мошне читлив, ведар и духовит начин. Новите „печалбари“ се академски музичари кои разнесуваат пици, машински инженери – „конобари“ по свадби, ортопеди – стручњаци за гипс-картон… Нивните (не)употребливи дипломи чекаат во куферите зафрлени во подрумите на изнајмените станови во Канада. Јазикот, стилот, фактографските пасажи, фокусираните детали, отворениот, духовит и автоироничен поглед на нас самите, секако и илустрациите на Тхе Мичо низ текстот, се чини дека повторно ја нашле формулата за успех и читаност на претходната книга на Ѕоф: „Тито, мојот претпоследен херој“.

Зоран Спасов Ѕоф е основач на Фондацијата „Македоника“, чијашто цел е зачувување, негување и промовирање на македонските јазик и култура. Преку фондацијата, на интернет-страницата www.makedonika.mk има споделено повеќе од 2.000 бесплатни е-книги. Oсновач e на првиот приватен весник во Македонија „Огласник M“, на првиот и единствен таблоид „MExpress“. Бил продуцент на популарното ТВ-шоу „Џандар збира“, а во 1995 година е избран за менаџер на годината во полето на културата. Пишувањето книги е негова голема пасија, а досега, покрај новата „Торонто експрес“, ги има објавено: „Тибам штркот“ (2009), „Некогаш, некаде“ (2012), „Тито, мојот претпоследен херој“ (2020).

Книгата „Торонто експрес (Тибам штркот апдејт)“ веќе е достапна во сите книжарници на „Литература.мк“ и онлајн.

Книги

Почина писателот Радован П. Цветковски

Објавено пред

Вчера, на деведесет и двегодишна возраст, по кратко боледување, почина писателот Радован П. Цветковски, поет, раскажувач, литературен критичар, есеист, писател за деца и млади и фолклорист. Роден е на 3.09.1931 година во Сопотница, Демир Хисар.

Беше член на Друштвото на писатели на Македонија, Македонското научно друштво Битола, Друштвото на фолклористи на Македонија и на Управниот одбор на списанието ,,Современост“.

Делата на Цветковски се застапени во повеќе антологии.

Добитник е на неколку значајни награди и признанија, меѓу кои и на „Книжевен жезол“ на ДПМ за 2019 година.

Ги објавил следните дела:

Поезија: „Моето поднебје“, „Кругови од лузни“, „Камен и небо“, „Бели несоници“, „Дедо ми во балканските војни“, „Кога ѕвездите кон небо паѓаа“, „Јазли на душата“, „Корени од прагот“, „Даги“, „Прекршено време“, „Сонето пратчувство“ и „Навите“.

Поетски избори: Врати во пејсажот, „Аманети“, „Распетие наше“

Проза: „Ангелот и клучот“, „Блиску до умот“.

Проза за деца и млади: „Смокот пештерски“, „Рашко“, „Приказни од лозје“.

Критики истудии: „Видувања“, „Отаде и одавде времето“.

Фолклористички дела: „Македонски народни пословици““, „Сказанија демирхисарски“, „Демирхисарски и други сказанија“.

Дела од областа на дијалектологијата и лексикографијата: „Студија за демирхисарскиот говор“, „ Речник на демирхисарскиот говор“.

Погребот ќе биде извршен денес во 12 часот на Битолските градски гробишта.

Прикажи повеќе...

Книги

Објавени три книги од серијалот за генијалниот детектив Шерлок Холмс од Артур Конан Дојл

Објавено пред

Три значајни книги од книжевниот серијал за генијалниот детектив Шерлок Холмс од Артур Конан Дојл излегоа од печат на македонски јазик, во издание на „Арс Либрис“, дел од „Арс Ламина – публикации“. Станува збор за: „Студија во скарлетна боја“, „Авантурите на Шерлок Холмс“ и „Баскервилскиот пес“, кои веќе се достапни во сите книжарници на „Литература.мк“ и онлајн преку www.literatura.mk.

Артур Конан Дојл (22 мај 1859 година, Единбург, Шкотска – 7 јули 1930, Минстид, Англија) е шкотски писател најпознат по детективските приказни за Шерлок Холмс, што се сметани за најголема иновација на полето на криминалистичката научна фантастика. Тој е автор на историски дела, романи со научна фантастика, драми, поетски дела и реалистични дела.

Од 1876 до 1881 година, додека студирал медицина на Универзитетот во Единбург, почнал со пишување раскази. Првиот расказ го објавил на 20-годишна возраст во весникот „Чемберс Единбург журналс“. Работел како лекар на брод што се движел до западна Африка. Во 1882 година отворил мала амбуланта со неговиот партнер и пријател Џорџ Бад, но соработката се покажала неуспешна и набрзо се прекинала. Затоа, Конан Дојл решил сам да отвори мала клиника во Саутси. Додека работел во својата не толку успешна работа, тој повторно почнал со пишување раскази. Негово прво позначајно дело било „Студија во скарлетна боја“, каде што по првпат се појавува ликот на Шерлок Холмс.

Конан Дојл ја напишал приказната за Холмс кога имал 27 години, и тоа само за три недели. Како инспирација за создавање на ликот на Шерлок му послужил неговиот професор од факултет, Џозеф Бел, кој можел само со еден поглед да им ја дијагностицира болеста на пациентите. Подоцна, кога Радјард Киплинг му честитал на Дојл за успехот на неговиот јунак, го прашал дали се работи за неговиот стар пријател доктор Џо? Големо влијание во креирање на ликот на детективот има и фиктивниот детектив Август Дупин, кој се појавува во две новели на Едгар Алан По. Ракописот „Студија во скарлетна боја“ бил одбиен од многу издавачи, додека на крајот не го прифатила една мала издавачка куќа, која дотогаш објавувала книги за кулинарство и домаќинство. Тиражот не поминал добро, а набрзо паднал и во заборав. Артур Конан Дојл напишал 56 кратки приказни, а објавил шест книги за Шерлок Холмс. Денес важи за ден од најпознатите книжевни ликови, со неколку стотици филмски и театарски изведби.

Во продолжение е содржината на првите три книги од овој серијал:

„Студија во скарлетна боја“

Романот „Студија во скарлетна боја“, објавен во 1887 година, го обележува првото појавување на детективот Шерлок Холмс и неговиот помошник д-р Џон Вотсон. „Студија во скарлетна боја“ е првата во низата авантури на легендарниот двоец од улицата „Бејкер“, бр. 221Б.

Во една куќа во јужен Лондон лежи мртов човек: на неговото тело нема знаци на насилство, но неговото лице покажува ужас, омраза и грчевита борба за живот. На ѕидот е напишан само еден збор и напишан е со крв. Полицијата е збунета, а само еден човек во Лондон може да им помогне. Никој не би претпоставил што сè се крие зад оваа мистерија – никој, освен, сè разбира, детективот-аматер, Шерлок Холмс.

Книгата е достапна за онлајн нарачка.

„Авантурите на Шерлок Холмс“

Книгата „Авантурите на Шерлок Холмс“, објавена во 1892 година, е првата збирка раскази за ненадминливиот лондонски детектив и неговиот помошник д-р Вотсон. Оваа збирка содржи некои од најпознатите раскази на Артур Конан Дојл, меѓу кои се вбројуваат „Скандал во Бохемија“, „Сојузот на црвенокосите“ и „Лентата со точки“.

Кралот на Бохемија е уценет од својата претходна љубовница; свршеникот на една млада дама ненадејно исчезнува на денот на венчавката; црвенокос господин се наоѓа во крајно бизарна ситуација што не може да ја разбере; млада девојка е загрижена за својот живот откако сестра ѝ мистериозно умира. Само еден човек има одговор на сите овие мистерии, а тоа е секако Шерлок Холмс.

Книгата е достапна за онлајн нарачка.

„Баскервилскиот пес“

Романот „Баскервилскиот пес“, првпат објавен во продолженија во 1901 година, е третиот роман за лондонскиот детектив-аматер и неговиот помошник. Заради злокобната атмосфера, таинствениот пејзаж и грозоморноста на злосторството, овој хорор-детективски роман е едно од највпечатливите достигнувања на Артур Конан Дојл и траен миленик на публиката сè до денес.

Сер Чарлс Баскервил е мртов; смртта е ненадејна, а околностите мистериозни. Жителите на Дартмур се истовремено шокирани и многу исплашени. Дали за смртта на сер Чарлс е виновен ѓаволскиот пес кој го прогонува семејството Баскервил со генерации? Истовремено се повикани новиот наследник на имотот и двоецот Холмс и д-р Вотсон. Доделена им е двојна задача: да го решат случајот и да го зачуваат животот на новиот наследник на Домот на Баскервилови, бидејќи песот – ако навистина постои – сè уште е на слобода.

Книгата е достапна за онлајн нарачка.

(ПР-текст)

Прикажи повеќе...

Книги

Распишан е конкурсот за наградата „Роман на годината“

Објавено пред

Фондацијата за унапредување и промоција на културните вредности „Славко Јаневски“ го распишува годинешниот конкурс за наградата „Роман на годината“, кој ќе трае од 15 декември до 15 јануари 2022 година.

Право на учество имаат романите кои за првпат се објавени на македонски јазик во 2021 година. Kандидатите се обврзани да достават по пет примероци од романот кои не се враќаат, во читалницата „Славко Јаневски“ во Скопје (ул. „Димитрие Чуповски“ бр. 23/1-1) секој работен ден од 12 до 20 часот или по пошта на адреса на Фондацијата, бул. „Кузман Јосифовски Питу“ 19/6-40, Скопје.

Доколку бидат испратени по препорачана пошта, ќе бидат прифатени оние романи коишто благовремено ќе бидат доставени со дата на печатот заклучно со 15 јануари 2022 година. Пожелно е и доставување на романи во електронска верзија на адресата: [email protected]

Наградата „Роман на годината“ се состои од паричен износ од 150.000 денари, статуетка и плакета. Одлуката за добитникот на наградата петчлената жири-комисија е обврзана да ја донесе најдоцна до 15 март 2022 година, а следниот работен ден да ја објави на прес-конференција. Наградата „Роман на годината“ која беше заштитен знак на згаснатиот „Утрински весник“, ќе биде доделена по 23-ти пат.

„Скриени желби, немирни патувања“ на авторот Владимир Јанковски („Антолог“, 2020) е лауреатот на наградата „Роман на годината“ за 2020 година.

Прикажи повеќе...

Најново

Македонија7 часа

Наставата продолжува со физичко присуство на 1 февруари

Владата донесе одлука наставата во основното и средното образование на учениците да продолжи со физичко присуство на 1 февруари. Оваа...

Македонија7 часа

Се намалува периодот на карантин на седум дена

Владата на денешната седница донесе одлука за намалување на периодот на изолација за лицата кај кои лабораториски е утврдено присуство...

Македонија9 часа

Нови 2.019 случаи на коронавирус, починаа 19 лица

Во последните 24 часа направени се 6.119 теста, а регистрирани се 2.019 нови случаи на Ковид-19: Скопје – 968, Битола...

Македонија9 часа

ЦУК апелира до граѓаните да не се движат под опасната карпа на Матка, се преземаат активности за превенција

Центарот за управување со кризи апелира до граѓаните да не се движат на местото под опасната карпа на Матка, поточно...

Топ10 часа

(Видео) Разбиена криминална група, запленетa марихуана вредна 50.000 евра

Основното јавно обвинителство за гонење организиран криминал денеска донело наредба за истрага против три лица за кои постои сомнение дека...

Македонија12 часа

Преку снимки од надзорните камери околу мостот Гоце Делчев ќе се расветлуваат причините за несреќата

Обвинител од скопското основно јавно обвинителство извршил увид и презема дејствија за утврдување на фактите за настаната тешка сообраќајна несреќа...

Топ13 часа

Пешак прегазен пред мостот Гоце Делчев

Тешка сообраќајна несреќа се случила денеска, нешто по 11 часот, во центарот на Скопје. Пешак бил прегазен во близина на...

Македонија13 часа

Мицевски: Бараме укинување на Пржинската влада

Дополнување на дневниот ред, со точка за предлог-закон за изменување на Законот за Владата на Република Македонија по скратена постапка,...

Топ13 часа

Фатална сообраќајка во Лисиче – загина возач, а тешко повредена е неговата 15-годишна ќерка

Дежурен обвинител од скопското Основно јавно обвинителство извршил увид на местото на тешка сообраќајна несреќа што се случила синоќа околу...

Македонија14 часа

Лекарската комора бара промени на казнената регулатива на Фондот

Лекарската комора остро реагира на наплатата на изречените казни за матичните лекари од страна на Фондот за здравствено осигурување. Оттаму...

Свет16 часа

Италијанските болници одбиваат да лекуваат невакцинирани пациенти, новинари снимиле со скриена камера

Италијанските болници одбиваат да ги лекуваат и оперираат невакцинираните и оние кои не биле заразени. Откако минатата недела во емисијата...

Македонија16 часа

Загадениот воздух предизвикува над 30.000 предвремени смртни случаи во Западен Балкан

Загадувањето на воздухот во Западен Балкан предизвикува голем број предвремени смртни случаи, а последиците вклучуваат пократок животен век и влошување...

Свет16 часа

Русија почна големи поморски вежби во Арктикот

Руски воени бродови денеска влегоа во Баренцовото Море за да вежбаат заштита на главната рута на бродскиот сообраќај на Арктикот,...

Свет17 часа

Холандија ги олабавува мерките и покрај силниот бран на инфекции – кафулињата и рестораните ќе работат до 22 часот

Холандија од денеска отвора ресторани, театри, музеи и кина и покрај силниот бран на инфекции со варијантата омикрон на коронавирусот,...

Свет17 часа

СЗО: Бројот на заразени со Ковид-19 во светот надмина 350 милиони

Вкупниот број на потврдени случаи со Ковид-19 ширум светот надмина 350 милиони, додека бројот на починати надмина 5,6 милиони, соопшти...

Регион1 ден

Возачот е виновен за автобуската несреќа на „Струма“, заклучи бугарското Обвинителство

Бугарското Обвинителство ја заврши истрагата за автобуската несреќа на автопатот „Струма“, во која загинаа 45 македонски државјани. Заменик-главниот обвинител Борислав...

Регион1 ден

Милановиќ: Хрватски војници нема да одат во Украина

Претседателот на Хрватска, Зоран Милановиќ, денеска изјави дека ако дојде до ескалација, Хрватска ќе ги повлече сите свои војници од...

Македонија1 ден

Рекордни бројки: 2.341 новозаразен од коронавирус, починале 26

Министерството за здравство информира, во согласност со податоците од Институтот за јавно здравје, дека во последните 24 часа направени се...

Свет1 ден

(Видео) Насилни протести во Киев – демонстранти се обидоа да влезат во парламентот

По протестот во Киев, избувна тепачка меѓу насобраните и полицијата. Неофицијално, има и загинати. Претприемачите, кои бараа даночни олеснувања, се...

Македонија1 ден

Ковачевски – Радев: Преку дијалог да дојдеме до решенија што ги почитуваат европските вредности и достоинството на двата народи

Претседателот на Владата, Димитар Ковачевски, придружуван од Артан Груби – прв заменик на претседателот на Владата и министер за политички...

Досие