Контакт

Актуелно

Избрани финалистите за „Литературни искри 2018“ во Гостивар

Објавено пред

Организаторите на меѓународниот поетски фестивал „Литературни искри 2018“ во Гостивар ги објавија имињата на поетите што влегуваат во трка за фестивалските награди на годинешното петто по ред издание на манифестацијата. Финалисти се: Жаклина Филипова-Свеќаровска (Кочани), Пеце Цветкоски (Битола), Цветанче Костоска (Крушево), Катја Вангелова (Варна, Бугарија), Александар Михајловиќ (Гостивар), Тони Павлески (Прилеп), Никодин Чернодримски (Скопје), Давор Крстевски (Куманово), Владимир Милојковиќ, (Суботица, Србија) Елена Пренџова (Скопје), Теофила Поп Димитрова (Штип) и Снежана Паноска (Прилеп).

Годинава песните пристигнати на конкурсот ги оценуваше жири-комисија во состав: претседател Раде Силјан (поет, литературен критичар, есеист, член на ДПМ) и членовите: Габриела Петроска, професор по македонски јазик и лектор, и Васфије Билали Ејупи, професор по албански јазик. Финалистите беа избрани во конкуренција од стотина автори.

Фестивалот доделува гран при, прва, втора и трета награда, награда за најдобар странски автор и најуспешна млада искра. Наградите се состојат од плакети и книги.

Петтото издание на меѓународниот поетски фестивал „Литературни искри“ во Гостивар ќе се одржи на 26 мај со поетско читање и соопштување на наградените. Организатори се здружението за култура „Дунек“ и Центарот за култура АСНОМ од Гостивар, а поетскиот фестивал се одржува во чест на Денот на сесловенските просветители.

Актуелно

Именувани нови директори на шест културни установи

Објавено пред

Од

Министерството за култура именува нови директори во шест национални установи од областа на културата.

„Министерството за култура ја известува јавноста дека по завршување на постапката по јавните конкурси, министерот за култура именува шест нови директори со редовен мандат во национални установи од областа на културата“, соопшти Министерството.

Катарина Илиевска-Силјановска е именувана за директорка на Театарот за деца и младинци – Скопје, во Центарот за култура „Асном“ – Гостивар за директор е именуван Ход Мифтари. За директор на Музејот на Македонија е именуван Гордан Николов, а во Музејот на современата уметност – Скопје за директорка е именувана Мира Гаќина.

За директор во Музејот на тетовскиот крај – Тетово именуван е Миќо Стојчески, а за директор во Центарот за култура „Трајко Прокопиев“ – Куманово за директор е именуван Сашо Тодоровски.

Со овие национални установи досега раководеа вршители на должноста на оваа функција.

Прикажи повеќе...

Актуелно

Композитори ќе го тужат министерот Алаѓозовски

Објавено пред

Авторите чии дела беа избрани на конкурсот за откуп на нови композиции за 2017, кој подоцна беше поништен, најавија тужба против министерот за култура, Роберт Алаѓозовски. Тие велат дека дури сега го добиле решението за поништување на конкурсот.

„Наградените автори на конкурсот за откуп на нови музички дела конечно добија решение за поништување на конкурсот од страна на министерот за култура, Роберт Алаѓозовски, по два претходни налога од Државниот управен инспекторат. По добивањето на решението за поништување на објавените награди, авторите ќе поднесат тужба до Управниот суд и ќе поведат граѓански тужба со барање надомест за штета поради компромитирање и нарушување на анонимноста на нивните дела и нивниот повеќемесечен труд“, се вели во соопштението на композиторите.

Тие велат дека иако министерот најавил повторување на конкурсот, Министерството сè уште нема објавено никакви информации во врска со неговото повторно објавување.

„Прашање е дали министерот навистина има намера да го повтори конкурсот или не му се допаднале определени имиња како што претходно тврдеа наградените автори. Оштетените автори посочуваат дека причините за поништување на конкурсот наведени во решението, во согласност со Законот за културата, се резултат на немарноста на самиот министер и неговите служби, но уште позагрижувачки е фактот дека истите пропусти, спротивно на законот, се направени при реализацијата на годишната програма, што може да биде основ за нејзино поништување доколку некој поведе тужба пред надлежниот суд“, се вели во соопштението.

Минатиот месец Сојузот на композиторите на Македонија – СОКОМ побара од Алаѓозовски да ја преиспита одлуката за поништување на конкурсот. „Соопштението на Министерството за поништување на конкурсот содржи информации, ирелевантни за самото поништување. Цитирани се неколку делови од пропозициите (роковите за поднесување на пријавените дела, но и потребата за поднесување на пријавите под шифри), кои немаат никаква врска со поништувањето на конкурсот. Вметнувањето на овие цитати е пиар-трик на Министерството со намера да се создаде впечаток дека авторите што се наградени го компромитирале процесот“, реагира СОКОМ.

Авторите наведоа дека може само да се претпостави дека на министерот не му се допаднал списокот со наградени автори и планира во повторeниот конкурс да се ангажира административно за да се дојде до список што нему му се допаѓа. „Поради очигледниот недостиг на релевантни причини за поништувањето на конкурсот, го повикуваме министерот да ја преиспита одлуката и да ги преземе обврските пропишани во конкурсот“, се вели во соопштението на кое се потпишани Јана Андреевска, Андреј Блажевски, Валентина Велковска-Трајановска, Кокан Димушевски, Филип Иванов, Илија Илиевски, Горан Начевски, Ана Пандевска, Бојана Петровиќ, Сони Петровски, Драган Стојковски, Тодор Трајчевски, Благој Цанев и Панде Шахов.

Прикажи повеќе...

Актуелно

По 46 години, КИЦ доби ново пијано, донација од Лихтенштајн

Објавено пред

Културно-информативниот центар од Скопје доби ново пијано за потребите на музичката активност во Салон 19,19. Инструментот е донација од Интернационалната фондација за музика и уметност (IMAF), со седиште во Вадуц, Лихтенштајн, која неодамна помогна и во реновирањето на камерниот салон на КИЦ.

Сиве овие години КИЦ користеше пијано „петроф“, кое веќе одамна е амортизирано бидејќи е донесено во институцијата уште во 1972 година. Оваа донација, според надлежните во КИЦ,  претставува историски чин не само за оваа институција туку воопшто за музичката култура во нашата земја затоа што Салон 19,19 е единствен и најпознат простор за концерти и камерни состави во градот Скопје.

„По сугестиите на повеќемина врвни музички уметници за дотрајаноста на пијаното старо 46 години, кое често бараше штимање пред изведба (последните години се користеше повеќе за пијано-придружба отколку за соло изведби), раководството на КИЦ направи напор да донесе нов инструмент што ќе им биде од корист на новите генерации музички изведувачи. Новото пијано, донација од ИМАФ, е од „гранд пијано – јамаха C6X“, има нов одличен звук, а донесено е преку овластениот дистрибутер на „Јамаха“ во Македонија, еден од најголемите продавачи на музички инструменти „До, ре, ми“ од Скопје. Во текот на мај КИЦ најавува концертна промоција на новото пијано со настап на еминентни пијанисти што најдобро би ги покажале неговите перформанси“, нè информираат од КИЦ.

Концертната активност во КИЦ, која е зголемена по реновирањето на Салонот, се очекува уште повеќе да добие во квалитет со новиот инструмент, кој останува во трајно наследство на институцијата. Тој нема да се користи за секаков вид концерти, туку само за посебни пригоди и гости,а стариот клавир останува во функција како придружен инструмент.

Тука се одржани повеќе од 2.000 концерти на реномирани македонски, европски и светски музички уметници, како и на наши уметници во Европа и светот. Меѓу нив позначајни се настапите на Московскиот филхармониски оркестар, Полскиот филхармониски оркестар, Гудачкиот оркестар „Антонио Лучио“ од Холандија, Гудачкиот сексет на Минхенската филхармонија, Гудачкиот квартет „Бриндизи“ од Велика Британија… како и Стефан Миленковиќ на виолина (САД), Максим Федотов на виолина (Русија), Алберхт Бројнингер на виолина (Германија), Николај Лугански на пијано (Русија), Евгениј Корољов на пијано (Германија), Алексеј Володин на пијано (Русија) и др.

Прикажи повеќе...

Најново

Македонија2 часа

Во четврток нова средба за името со медијаторот Нимиц во Њујорк

Во четврток и петок ќе се одржи нова средба за името во Њујорк со медијаторот Метју Нимиц. Како што информира...

Македонија2 часа

Поради спор со името, ПСК „Чеплес“ четири години одбиван за членство во Федерацијата на планинари

Планинарскиот спортски клуб (ПСК) „Чеплес“ од Велес четири години се обидува да стане член на Федерацијата на планинарски спортови на...

Македонија3 часа

Шекеринска: Со Илинденска Македонија покажуваме дека ниту сме имале ниту ќе имаме територијални претензии

Вицепремиерката и министерка за одбрана Радмила Шекеринска смета дека предлогот Република Илинденска Македонија е решение со кое сите од процесот...

Македонија7 часа

Република Илинденска Македонија е име со временска одредница, му реплицираат од Владата на Ципрас

Република Илинденска Македонија е име со временска одредница кое се повикува на конкретни датуми од минатото и е реална можност...

Македонија9 часа

Грчките политички лидери не го прифаќаат предлогот за решавање на спорот за името

Грчката влада соопшти дека предлогот за решавање на спорот околу името на Македонија треба да содржи географскa или временска одредница....

Македонија1 ден

(Видео) Иванов: Став за новиот предлог ќе изградам откако ќе го добијам на писмено

Се додека не добијам писмена достава за она што се разговарало на средбите помеѓу Македонија и Грција во врска со...

Македонија1 ден

(Видео) Мицкоски: ВМРО-ДПМНЕ не прифаќа промена на името и Уставот

ВМРО-ДПМНЕ останува на ставот од минатото дека нема да поддржи промена на Уставот и промена на уставното име, рече лидерот...

Македонија1 ден

(Видео) Република Илинденска Македонија е предлогот за името

По денешната лидерска средба премиерот, Зоран Заев, во изјава за медиумите обелодени дека предлогот за кој разговарале со неговиот грчки...

Македонија1 ден

(Видео) Угриновски по трет пат избран за претседател на Федерацијата на планинари

Јовица Угриновски попладнево по трет пат е избран за претседател на Федерацијата на планинари.  Тој беше единствен кандидат за оваа...

Македонија1 ден

Мицкоски: Да се обединиме против злото, а тоа е Зоран Заев

ВМРО-ДПМНЕ ќе ги искористи сите алатки кои што му стојат на располагање да се бори против оваа ненародна власт и...

Македонија1 ден

Група граѓани со транспаренти и патриотски песни ги пречекуваат учесниците на лидерската средба

Група граѓани со транспаренти и пеејќи патриотски песни ги пречекуваат лидерите на партиите кои денеска попладне во Клубот на пратеници...

Свет1 ден

(Во живо) Кралската свадба на принцот Хари и Меган

Меган Маркл официјално ќе стане дел од британското кралско семејство. Церемонијата ќе се одржи напладне во Сент Џорџ капелата и...

Свет1 ден

(Видео) Сe е подготвено за спектакуларната кралска венчавка 

Камерите и фотоапаратите на светските медиуми викендов се свртени кон најголемиот настан за кралското семејство, венчавката на принцот Хари и...

Економија2 дена

(Видео) Тасева обвини дека проблемот во „Фени“ е поголем од оној во „Скопје 2014“, бара државните институции да го испитаат

Стечајната судијка на „Фени“ направила формална повреда на Законот за стечај оти не го отфрлила планот за реорганизација на комбинатот...

Култура2 дена

Петиција против пазарењето со културата – Не шуткајте нè во невидливи ќошиња

Интензивни реакции на социјалните мрежи по шпекулациите дека Владата преговара со Беса за ресорот култура. Оваа информација не ја потврдија...

Македонија2 дена

Грујевски и Бошкоски нема да бидат екстрадирани, одлучи Врховниот суд во Атина

Горан Грујевски и Никола Бошкоски нема да бидат екстрадирани во Македонија за да им се суди за децениското нелегално прислушување. Врховниот...

Македонија2 дена

Од Владата не коментираат за Република Илинденска Македонија

Република Илинденска Македонија неофицијално е последниот предлог за решение на спорот за името за кој вчера во Софија дискутирале премиерите...

Македонија2 дена

„Катимерини“: Името Илинденска Македонија е предлог на ФИРОМ

Името Илинденска Македонија (што означува два историски настана од 1903 и 1945 година), според информациите што доаѓаат од страна на...

Македонија2 дена

Јанушев: Итна лидерска средба за името, Заев да каже кои се опциите што ги договорил со Ципрас

Од ВМРО-ДПМНЕ соопштија дека изминатите денови неколкупати јавно побарале од премиерот Заев одржување лидерска средба во врска со името, но...

Македонија2 дена

Каракачанов: Едно од можните решенија е Илинденска Македонија

Илинденска Македонија е едно од можните имиња за Македонија кое било договорено вчера меѓу премиерите на Македонија и Грција. Слушнав...

Досие