Контакт

Изложби

Изложба на Иван Ивановски во МКЦ

Објавено пред

На 3 неомври (вторник), со почеток од 20 часот во Галеријата на МКЦ ќе се отвори изложбата на Иван Ивановски насловена „Релапс“.

Изложбата „Релапс“ е сложена целина составена од неколку серии слики во различни формати кои на интересен начин се испреплетуваат на галериските ѕидови, но особено преку специфичното фрагментирање во каталогот.

„Ивановски поставува едно клучно прашање за позицијата на човекот во урбаната средина, како маргинален елемент, за дезориентацијата, за обидите да се разбере времето во постисториската сегашност. И секако за аналогната слика во дигиталниот свет, која се спротивставува на својата одамна најавена смрт и е во активна релација со други слики, асоцијативно градејќи јазик кој ја прави видлива нашата дехуманизација, но истовремено и се спротивставува преку психоделична разиграност на елементите“, нагласува Владимир Јанчевски, кој е куратор на оваа изложба.

Иван Ивановски (1983, Скопје) работи скулптури, цртежи, инсталации, слики , видео, филм и анимација.

Дипломирал на отсек вајарство на ФЛУ Скопје, а студирал и на Академски програм за режија на ФАМУ, Чешка. Има реализирано 17 индивидуални (Скопје, Куманово, Гевгелија, Њујорк, Љубљана, Берлин…) и повеке групни изложби меѓу кои и – Биенале на млади уметници од светот (WEYA) , NewArt Exchange (Нотингем, Англија, 2012), Биенале на млади уметници од Европа и Медитеранот (Рим, Италија, 2011), Фестивал за визуелни уметности и независен филм 4 синхронизирани градови (Приштина, Амстердам, Сараево, Скопје, 2010), PROJECT(OR) ART FAIR – платформа за современи уметнички простори(Ротердам, 2007), IndependentDrawingGig (IDG) Vol. 2, Музеј на современа уметност, (Скопје, 2006) и многу други во земјава и странство. Автор е на скулптурите „Луѓе-птици“ во Градскиот парк.

Неговите анимирани филмови се претставени на различни регионални и интернационални филмски фестивали. Во моментот работи на неговиот 5. краток анимиран филм – „Јадица“. Во 2014 година е добитник на наградата за млад ликовен уметник „Денес“ која ја доделува Центарот за современи уметности од Скопје во соработка со Фондацијата за граѓанско опшество од Њујорк.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Изложби

Оливер Мусовиќ со виртуелна изложба „Урбани шуми“

Објавено пред

„Локомотива“ – центар за нови иницијативи во уметноста и културата во 2020 година, во рамкте на програмата „Други простори“ поддржа развој на три современи уметнички дела на домашните уметници Зорица Зафировска, Оливер Мусовиќ и Филип Јовановски.

Користејќи разни медиуми, уметниците преку своите дела се занимаваат со исклучително важни теми поврзани со екологијата, која ја разгледуваат како динамична категорија на меѓусебно поврзани, еколошки, општествени, демократски, како и културни процеси на секојдневното живеење. Делата истражуваат и се занимаваат со јавниот простор, животната средина, урбаното планирање на градот и правото на одлучување на уредување и развивање на средината во која живееме. Делата опфаќаат истражување, документација и уметничка презентација на зелените површини, од планирање на градското зеленило и пошумување како дел од урбаните политики и просторното планирање до граѓански грасрут-инцијативи за развој на урбани градини во одредени градски маала и четврти.

Оливер Мусовиќ прв ќе се претстави во рамките на програмата со својот фотографски проект „Урбани шуми“, кој ќе може да го проследиме како виртуелна изложба на платформата „Кунстматрикс“. Кон изложбата може да се пристапи на следниот линк.

Насоките за разгледување и навигација низ изложбата се наоѓаат на веб-страницата на „Локомотива“ (www.lokomotiva.org.mk), како и на социјалните мрежи на организацијата. Тие се дадени и на самиот влез во виртуелниот простор на изложбата. Изложбата ќе биде отворена в петок, 27 ноември, и ќе биде достапна за посета до сабота, 12 јануари.

За својот проект Мусовиќ вели: „Дрвјата се едни од најотпорните креации на природата, кои играат важна улога во правењето на нашите градови погодни за живеење. Од јавните паркови, преку општествените градини, па до уличните дрвја, секој аспект на вегетацијата на градот, без разлика колку е мал, сочинува дел од неговата поголема урбана шума. Но, како што се зголемува густина на градовите и зградите заменуваат сè повеќе дрвја, сè поголема е загубата на градското зеленило, кое не секогаш е веднаш видливо, но секако таа загуба е значајна.

Проектот за фотографско истражување на урбаните и пери-урбаните шуми во Скопје ги испитува просторните политики и политиките кон животната средина во специфичниот локален контекст.

Резултатот на проектот е дигитална фотографска серија на урбани пејзажи, која мапира и документира индивидуални дрвја на ниво на улица наспроти заднина на изграденото опкружување, групи дрвја, паркови и други урбани шуми во Скопје. Ова не е научен еколошки проект, иако во својата методологија користи некои конвергентни трансдисциплинарни пристапи, туку личен, поетски поглед на еден од жителите на градот за тоа како природата во градот се повлекува“.

Оливер Мусовиќ (1971) самостојно изложувал во Македонија, Швајцарија, Словенија, Србија, Австралија и во Црна Гора. Учествувал на многубројни групни графички изложби и изложби на современа уметност во целиот свет. Учествувал и на резиденцијални престои во Германија, Чешка, Швајцарија, Кореја, САД и во Франција. Негови дела се застапени во повеќе јавни колекции и се публикувани во повеќе публикации – прегледи на современа уметност од најзначајните светски издавачи на уметничка литература.

Уметничките продукции се развиваат како дел од проектот „Програма на ‘Локомотива’ во кино ‘Култура’ – проектен простор за современи изведувачки уметности и современа култура“, финансиран од Град Скопје, и како дел од програмата „Други простори“ на проектот ACT: Act, Climate, Transition/„Уметност, клима, промена“, кофинансиран од програмата „Креативна Европа“ на Европската унија.

Прикажи повеќе...

Изложби

Изложба на фотографии од македонски џез-музичари „Џезтетика“ во Белград

Објавено пред

На 24 ноември во главниот хол од Домот на младите во Белград ќе биде отворена изложбата „Џезтетика“ на Татјана Ранташа, а во организација на здружението „Номад-арт“ – Скопје. Изложбата се состои од 35 црно-бели фотографии од разни генерации македонски музичари, на кои Ранташа работела во изминатите 15 години. Ќе бидат прикажани фотографии од музичари, како Влатко Стефановски, Џијан Емин, Гоце Стевковски, Џоле Максимовски, Георги Шаревски, Кирил Кузманов, Тони Китановски, Гордан Спасовски, Мартин Ѓаконовски, Сашо Поповски, Сетстат, Бодан Арсовски, Кокан Димушевски и други. Во рамките на изложбата свој настап ќе има и „Гоце Стевковски квинтет“.

„Фотографијата за мене значи живот, радост, целосно исполнување на нештото што се случило, запис за визуелно паметење, кој останува да живее како слика, дури и ако не ја видам никогаш повторно. Всушност, ако не сум го фотографирала нештото, тоа е како да не се случило. За мене, помислата да се биде на концерт, претстава, планина или патување без фотоапарат е како да треба левата рака да ја оставам дома. Во фотографиите ја внесувам целата моја емоција, енергија, внатрешен дух, начин на гледање. Мојата надеж е е дека барем мал дел од тоа се пренесува и на публиката за која тие се наменети. Изложбата ‘Џезтетика’ е целосно посветена на посетителите. Тие ќе ја оценат, ќе ја оживеат и ќе ја понесат со себе. Изложбата опфаќа портрети на дел од современите македонски џез-музичари и навистина сакам тие емоции да се пренесат и кај луѓето што ќе дојдат да ја видат изложбата во Белград“, вели авторката на изложбата, Татјана Ранташа.

Татјана Ранташа е реномиран фотограф со 15-годишно искуство зад себе, најмногу на полето на сценската фотографија. Во 2005 година почнува професионално да се занимава со сценска фотографија 0како официјален фотограф на куќите „Авалон“ и „Литиум рекордс“. По нив следуваат Универзалната сала; „Десонанц фестивал“, Младинскиот културен центар – концерти, МОТ, „Синедејс“, „Пиволенд“, а денеска најчесто фотографира за „Пасворд продукција“, Конгресен центар „Aлександар Македонски“, како и за „Оф фест“ и за „Скопје џез-фестивал“, каде што е официјален фотограф. Главен фотограф и одговорен уредник е на независниот интернет-магазин за култура www.plagij.at.

Прикажи повеќе...

Изложби

Старите занаети во фокусот на самостојната изложба на Коста Дупчинов

Објавено пред

Вечерва (петок), со почеток од 18 часот, во Кинотеката на Северна Македонија, ќе биде отворената втората самостојна изложба на фотографот Коста Дупчинов  -„Носталгија – втор дел“. Изложбата на уметнинички фотографии тематски е продолжение на првата изложба „Носталгија“ пред неколку години, а овој пат фокус на Дупчинов се старите занаети. Станува збор за 34 фотографии испечатени на фотоплатно.

Колекцијата на фотографии е составена од моменти и емоции доловени преку уметничка фотографија. Портрети на херои на едно време, занаетчии и нивните дела. Додека нивното време минува, нивните дела и занаети остануваат безвременски, со носталгичен став гледаат кон минатото. Овие занаети се инструментални за многу заедници во историјата, а услугата што им ја прават на луѓето е немерлива, но, за жал, умира во нашиот современ свет. Овие портрети зборуваат токму за тие занаетчии, фатени во околината на работата на нивните животи. Единствените занаети за кои ги поминале нивните животи сега стануваат минато, со моќно чувство на носталгиј,а што нè тера да сакаме овие занаети никогаш да не завршат.
Проектот е поддржан од Министерство за култура на РС Македонија.

Коста Дупчинов е роден 1985 година во Битола, каде што живее и работи. Дипломира на Техничкиот факултет во Битола, отсек информатика и компјутерска технологија. Трета година е на постдипломските студии на ЈНУ Институт за филм, филмска академија – Охрид, отсек кинематографија.

Неговата љубов кон фотографијата почнала од најрана возраст, инспириран од својот дедо, кој често го гледал како фотографира и развива фотографии. Професионално се занимава со фотографија од 2006 година како фотограф во фотостудио во Битола, а исто така во тој период работи и како камерман за националната телевизија „Канал 5“. Во 2011 како еден од основачите на „Фотокино-клубот“ – Битола почнува со учества на меѓународни и државни изложби. Има учествувано на повеќе од 70 изложби, каде што има освоено 20-ина награди и признанија. Неколку години неговите фотографии се дел од колекцијата што ја претставува Македонија на ФИАП – Светскиот куп на фотографијата.

Неговата прва самостојна изложба „Носталгија“ во 2017 беше изложена во неколку градови во Македонија и беше дел од неколку филмски фестивали, а исто така како дигитална презентација во неколку земји во светот.

Прикажи повеќе...

Најново

Македонија11 час

Во Македонија 1.160 нови случаи на коронавирус, 30 лица починаа

Во последните 24 часа потврдени се 1.160 нови случаи на коронавирус, 30 лица починаа, а 1.094 оздравеа, соопшти Министерството за...

Македонија13 часа

Рот: Северна Македонија запиша историја со договорот со Бугарија, тоа сега треба и да се награди

Северна Македонија запиша историја со Договорот за пријателство со Бугарија, но и со решавањето на спорот за името со Грција,...

Македонија13 часа

Захариева: Бугарија ги блокира преговорите за Северна Македонија поради говорот на омраза

Бугарија ќе го блокира почетокот на преговорите на Република Северна Македонија со Европската Унија  сè додека не го напушти говорот...

Европа14 часа

Италија го воведува првиот „ковид-фри“ воздушен мост меѓу Европа и САД

Италија ќе го пушти првиот „ковид-фри“ воздушен мост меѓу Европа и САД за патниците со негативен тест на коронавирус, со...

Регион16 часа

Хрватска воведува строги мерки – се затвораат рестораните, училиштата, фитнес-центрите…

Премиерот на Хрватска, Андреј Пленковиќ, ги претстави новите строги мерки за борба против коронавирусот, кои ќе траат најмалку до 21...

Македонија16 часа

На вработените во МВР ќе им бидат исплатени заостанатите бонус плати за 2017 и 2018 година

Министерот за внатрешни работи, Оливер Спасовски, денеска имаше он лајн состанок со претставници на Македонскиот полициски синдикат, предводени од претседателот...

Македонија17 часа

Црвенковски: Го замрзнувам членството, изјавите на Заев направија огромна штета

Поранешниот претседател и основач и долгогодишен претседател на СДСМ, Бранкo Црвенковски, во јавно обраќање до раководството и членовите на СДСМ...

Македонија18 часа

Заев: Фашистичката окупација била присутна, но не можете за цел народ да кажете дека бил окупатор

Македонскиот јазик и македонскиот идентитет не се на маса за преговори, вели премиерот Зоран Заев одговарајќи на новинарски прашања поврзани...

Македонија19 часа

На Клиниката за уво, нос и грло од денеска ќе се примаат пациенти заразени од коронавирус

Во текот на денешниот ден ќе се отвори и ковид-центарот на Клиниката за уво, нос и грло, каде што ќе...

Македонија21 час

Ѓоргиев за „Дојче веле“: Историските прашања да не се користат како политичка алатка

Генерално, погрешен е пристапот историските прашања да се користат како политичка алатка, изјави македонскиот историчар Драги Ѓоргиев, претседател на македонскиот...

Топ23 часа

Запленета марихуана во Струшко, приведен дилер од Албанија

Полицијата вчера заплени марихуана во Струшко и приведе дилер од Албанија по претходно добиени оперативни сознанија. Од МВР информираат дека...

Македонија23 часа

Пендаровски: Постои дилема дали државниот врв настапува единствено во спорот со Бугарија

Спорот со Бугарија може да се реши само ако доследно се почитуваат и македонскиот и бугарскиот народ и со избегнување...

Македонија23 часа

Опозицијата бара оставка од Заев поради вчерашното интервју

Опозициската ВМРО-ДПМНЕ бара оставка од премиерот Зоран Заев поради ставовите изнесени во интервјуто за бугарската новинска агенција „Бгнес“. Од ВМРО-ДПМНЕ...

Свет24 часа

Меркел: Задолжително маски и на отворено

Германската канцеларка, Ангела Меркел, објави дека ограничувачките мерки против коронавирусот ќе бидат продолжени најмалку до 20 декември, а можеби и...

Свет24 часа

Трамп одобри помилување на својот поранешен советник за национална безбедност

Американскиот претседател, Доналд Трамп, го одобри помилувањето на својот поранешен советник за национална безбедност, генерал Мајкл Флин, што медиумите го...

Македонија1 ден

Мицкоски повика на предупредувачки протест за одбрана на македонските црвени линии

Лидерот на ВМРО-ДПМНЕ, Христијан Мицкоски, преку социјалните мрежи повика на натпартиски протест за одбрана на црвените линии во преговорите со...

Македонија1 ден

1.288 новозаразени од Ковид-19, починаа 39 лица

Министерството за здравство информира дека во последните 24 часа се направени 3.349 тестирања, а регистрирани се 1.288 нови случаи на...

Македонија2 дена

Кај Тумбе Кафе има околу 10.000 гранати од Првата светска војна, уништувањето ќе почне во декември

Дирекцијата за заштита и спасување (ДЗС) соопшти дека во декември ќе започне уништувањето на неексплодираните гранати од Првата светска војна...

Свет2 дена

Кинески експерти тврдат дека коронавирусот не потекнува од Кина

Кинескиот државен весник „Пиполс дејли“ тврди, повикувајќи се на изјави на кинески експерти, дека коронавирусот не потекнува од Вухан, град...

Меѓународен2 дена

Почина Диего Армандо Марадона

Легендарниот аргентински фудбалер, Диего Армандо Марадона (60) почина од срцев удар во родната земја, јавуваат тамошните медиуми. Легендарниот фудбалер починал...

Досие