Контакт

Изложби

Изложба на уметничка фотографија „Мајски салон 2022“ во Куманово

Објавено пред

Овој четврток (19 мај 2022 година) во Куманово, со почеток во 19 часот, во Изложбениот салон на Центарот за култура „Трајко Прокопиев” – Куманово ќе биде отворенa клупска изложба на фотографија „Мајски салон 2022“. Изложбата е во организација на фото-кино клубот „Козјак” – Куманово и ќе содржи 44 фотографии на членовите на клубот. Покровители на изложбата се градоначалникот и Советот на Општина Куманово, Народна техника и НУЦК „Трајко Прокопиев” – Куманово, a истата е под патронат на Фотосојуз на Македонија.

dobivaj vesti na viber

Уметноста е продукт на културата, таа е вид на естетска комуникација помеѓу авторот и публиката, а нејзина главна цел е презентација на едно субјективно видување на постоењето. Пораката на уметничкото дело може да биде насликана, напишана, извајана, отсвирена, а може и да биде заробена во еден единствен момент фатен со скаменетото око на фотоапаратот.

Фотографијата истовремено е уметност, наука и практика, која ја има таа моќ да раскажува приказни преку боите, мигновените изрази на лицето и телото, пејзажите, движењата и емоциите фотографирани и ставени во рамка. Иако строго визуелна по дефиниција, нејзината порака се чита со сите сетила и допира до секоја емоција.

Една ваква уметничка презентација на светот гледан низ објектив, претставува и овогодишната клупска изложба на Фото-кино клубот „Козјак“, „Мајски салон 2022“. Публиката ќе има можност да види четириесетина фотографии, мигови од реалноста, специфичен вид на сведоштва за она што, низ уметничката перспектива на нашите членови, значи да се биде ОВДЕ и СЕГА. Оваа изложба има за цел да го презентира и надополни естетскиот сенс за уметничката фотографија, кој го гради нашиот клуб веќе половина век. Изложените дела се показател на сериозноста и посветеноста со која ѝ пристапуваме на оваа уметност и претставуваат уште еден доказ за оправданоста на интернационалното реноме кое го има ФКК Козјак.

Изложбата ќе биде поставена до 1.6.2022 год.

Изложби

Изложба на карикатури и перформанс на Лука Лагатор од Црна Гора

Објавено пред

Вечерва, во галеријата „Остан“ ќе биде отворена изложба на карикатури на познатиот карикатурист од Црна Гора – Лука Лагатор. Насловот на изложбата е „Сизифов пат“ и ќе биде отворена со перформанс од карикатуристот.

dobivaj vesti na viber

На изложбата ќе бидат изложени 30 карикатури од Лагатор од неговиот доживотен циклус „Сизифов пат“ преку кој уметникот реагира на сите случувања во неговата околина и светот преку препознатливиот јазик на карикатурата – сатирата. Лагатор мајсторски игра со атрибутите на овој извонреден визуелен, интелектуален и универзален стил на изразување, при што испраќа моќна порака истовремено покажувајќи потполна уметничка слобода во изразувањето.

Лука Лагатор е роден на 8 декември 1945 година во Цетиње, Црна Гора. Дипломирал на Економскиот факултет. Престојувал и работел во многубројни ликовни колонии во земјата и странство. Лука Лагатор објавил над 4.500 дела во разни весници дома и во светот. Илустрирал приближно 80 книги. Издал три свои цртани книги и е автор на првиот стрип во Црна Гора. Лука Лагатор ги претстави своите уметнички дела на 35 индивидуални изложби и безброј колективни изложби дома и во многу земји во светот. Учествуваше на голем број меѓународни натпревари за цртани филмови и неговите уметнички дела беа наградени со 67 престижни награди. Ја освои престижната кинеска награда Red Man (за придонес кон светската карикатура), како и наградите The Golden Pier, „Клас маестрално перо“, две титули југословенски карикатурист на годината доделени од „Карт“ (специјално списание за карикатури) и повеќепати е наградуван на „Остен светската галерија на карикатури“. Лука Лагатор исто така влезе во енциклопедијата „Топ-20 дела од 20 најдобри светски карикатуристи“. Автор е и на два кратки филма: „Задачата на Сизиф“ и „Напорот Сизиф“. Член е на Друштвото на уметниците на Црна Гора и на Црногорското здружение на карикатуристите од основањето во 1996 година. Живее и работи во Цетиње, Црна Гора.

Прикажи повеќе...

Изложби

Изложба „Слобода?!“ – заедничка изложба на македонски и бугарски ликовни уметници во Ловеч

Објавено пред

Во организација на КИЦ на Македонија во Софија и Уметничката галерија „Проф. Теофан Сокеров“ првпат во градот Ловеч ќе бидат претставени проектот „Поврзување“ и изложбата „Слобода?!“, која е дел од него. Оваа групна изложба на 15 современи македонски и бугарски ликовни уметници претходно имаше своја успешна премиера во Созопол. Од 30 јуни (четврток) 2022, со почеток од 18 часот, веќе организаторите и авторите ќе се радуваат и на контактот со публиката во Ловеч.

dobivaj vesti na viber

Со ова гостување се продолжува реализирањето на целта на проектот, поддржан од Министерството за култура на РСМ, да бидат претставени новосоздадени ликовни дела на современите уметници, како и да се поврзат ликовните сцени од двете земји.

Во составот на изложбата се делата на уметниците од неформалната група „Конекција“, кои се од Северна Македонија, но живеат и работат во Софија, Бугарија: Перица Георгиев-Пепси (Скопје), Марјана Иванова (Виница), Зоран Мише (Охрид), Иво Пецов (Виница), Павел Целкоски (Охрид) и Марјан Ѕингаров (Струмица).

Тука се делата и на ликовните уметници и професори од факултетите за ликовна уметност во Северна Македонија: Беди Ибрахим (Скопје, ФЛУ), Јован Шумковски (Скопје, ФЛУ), Катерина Деспот (Штип, УГД) и Срѓан Микиќ (Скопје, IBU).

Со своите македонски колеги изложуваат и бугарските ликовни уметници и професори од Националната ликовна академија во Софија: Георги Јанков, Нина Русева, Свилен Стефанов и Васил Колев. Свое учество има и уметницата Марија Алексиева од Бургас.

Во изложбата најзастапени се сликарските дела. Се среќаваат разни техники и авторски искази, кои кореспондираат со зададената тематска насока. Од користење разни форми на комбинација на сликарските техники до еднородна сликарска техника во конвенционален вид. Употребуваните сликарски материјали се движат во широк дијапазон, со употреба на маслени и акрилни бои, молив, креда, пастел, апликација на дополнителни материјали кон основата, која може да е хартија, платно или МДФ. Со сликарски дела се претставуваат Беди Ибрахим, Катерина Деспот, Марија Алексиева, Марјан Ѕингаров, Нина Русева, Перица Георгиев-Пепси и Свилен Стефанов.

Графиката е претставена во најголем дел со класичните графички техники – висок и длабок печат, како: линорез, мецотинта, акватинта, бакропис, сува игла, како и комбинации меѓу некои од нив, а исто така е застапен во помал дел и дигиталниот печат. Со свои графички дела учествуваат уметниците Срѓан Микиќ, Павел Целкоски, Васил Колев, Зоран Мише и Иво Пецов.

Плакатната уметност е претставена со делата на двајца од авторите. Со користење на компјутерските можности за дизајн и дигитален печат, како и со умешноста во областа на визуелната комуникација, се претставуваат авторите Георги Јанков и Маријана Иванова.

Од вкупно 40 дела, кои ја составуваат изложбата, 3 се фотографии од концептуални дела на македонскиот уметник Јован Шумковски, кои сами по себе претставуваат посебна ликовна единица.

Изложбата е составена од авторските наслови, како: „Птици“, „Право или праведност“, „Реквием“, „Ослободително средство“, „Изохипси од Африка“, „Храбар нов свет“, „1984“, „Приказната на слугинката“, „Цикада“, „Реминисценции“, „Пејзаж“, „Почеток“, „Крај“, „Каде одиш?“, „Слободата, портал кон вистината“, „И во огнот штом ќе запролети“, „20 години матура“, „Артефакт“, „Фраер“, „Три нејасни објекти“, „Светлосна патека“, „Нејасна лекција по геометриска апстракција“, „Проникнување“, „Летен ручек“, „Копчето на длабокото езеро“, „Тотем – нескршлив дух“ и „R = 1: 2 и 1 : 200“.

Прикажи повеќе...

Изложби

Европските уметници Жмијевски и Алтхамер ќе создаваат колажни дела во МСУ, дел од нив ќе му подарат на Музејот

Објавено пред

Полските уметници Артур Жмијевски и Павел Алтхамер, едни од најзначајните европски уметници од својата генерација, ќе бидат ексклузивни гости на Музејот на современата уметност – Скопје.

dobivaj vesti na viber

Во рамките на нивниот престој од 1 до 14 јули, ќе им биде овозможено да создаваат дела во самиот Музеј, а некои од нив ќе му ги подарат на МСУ. Куратор на проектот е Владимир Јанчевски.

Нивниот колаборативен процес на работа, како отворено студио, ќе се одвива во еден од галериските простори на МСУ Скопје секој ден од 14 часот до после полноќ.

Музејот е отворен за посетители во своите редовни термини од вторник до сабота, од 10 до 17 часот, и во недела од 10 до 13 часот. Оние посетители што ќе дојдат во Музејот во периодот меѓу 14 и 17 часот ќе имаат можност да посведочат на процесот на работа на Жмијевски и Алтхамер.

Уметничкиот тандем е меѓу најважните претставници на таканаречената критичка уметност – карактеристична струја на полската уметност, која се заснова на критичка обработка на актуелните теми од јавниот живот.

Во текот на овие две недели, колку што ќе креираат, уметниците ќе создадат 30-ина уметнички слики на картон со акрилна боја и колажи од стари историски книги, мапи, карти, атласи, постери, образовни графикони итн… Посетителите се добредојдени да донесат дел од овие материјали и со тоа да придонесат во создавањето на делата.

На 14 јули ќе биде отворена нивната изложба со наслов „Полска школа на колаж“ (Polish School of Collage), која ќе биде поставена до 25 август 2022 година.

Уште поголем куриозитет е што некои од создадените дела овие светски познати автори ќе му ги подарат на Музејот на современата уметност – Скопје и со тоа ќе ја збогатат вредната колекција на Музејот.

Улогата на Полска во создавањето на објектот на МСУ е од непроценливо значење. МСУ е симбол на солидарно Скопје, кога по катастрофалниот земјотрес во 1963 година, Обединетите нации носат резолуција, во која стои дека не е важна само материјалната помош, туку и културата за подигнување на духот на настраданите. Токму таа резолуција и одлуката на светскиот конгрес на уметници во Њујорк ги повикаа сите светски уметници да донираат свои дела за разрушеното Скопје и да се удрат темелите на новата зграда. На распишаниот конкурс првата награда ја добива познатото архитектонско студио „Тигри“ од Полска. Владата на Полска во знак на солидарност му го донира овој проект на Скопје, а денес МСУ во својата колекција помеѓу другите значајни дела располага со над 200 уметнички донации од полски уметници (212 дела од 135 уметници). Со оглед на тоа што досегашните донации се од периодот 1964-1990 година, Жмијевски и Алтхамер ја продолжуваат низата донации со современи дела.

Минатата година Жмијевски првпат имаше голема самостојна изложба во МСУ Скопје. Ова претставување следуваше по неговото учество во рамките на меѓународната групна изложба „Сè што ни е заедничко“ во 2019 година во Музејот. Уште еден ексклузивитет е што ова ќе биде првото претставување на Павел Алтхамер во Скопје.

Артур Жмијевски (1966) е визуелен уметник, кој живее и работи во Варшава, автор со богата уметничка кариера, кој е фокусиран на создавање инсталации, составени од фотографија, филм и видео.

Во своите дела тој го разоткрива светот на „другите“, кои често минуваат незабележани. Тој го снима нивното секојдневие покажувајќи како физичките и психичките ограничувања ги осудуваат овие луѓе да бидат маргинализирани во општеството. Преку експерименти со учество на избрани групи тој се обидува да разбере тешки искуства и табу-теми. Има изложувано на некои од најважните уметнички манифестации, како што се Венециското биенале и Документа во Касел, а бил и куратор на Берлинското биенале во 2012 година. Неговите дела се вклучени во колекциите на некои од најреномираните уметнички институции во светот, како, на пример, Музејот на модерната уметност во Њујорк, „Тејт модерн“ во Лондон, потоа „Новата пинакотека“ во Минхен…

Павел Алтхамер (1967) е визуелен уметник, кој живее и работи во Варшава. Работи во разни медиуми, како скулптура, перформанс, инсталација, видео. Создава скулпторски автопортрети, се појавува во перформанси и видео настојувајќи да ја доживее материјалноста на телото и да ги дефинира сопствените ментални граници. Преку акции, во кои вклучува цели заедници, тој сака да создава општествени заедници соочувајќи се со луѓето преку уметноста. Тој го доведува во прашање значењето на монументалните споменици според обемот на неговите дела и случајноста на неговите материјали. Неговите дела повикуваат и на социјалната скулптура на Бојс и на наследството на „Отворената форма на Оскар Хансен“. Тој може да се опише и како уметник со афинитет за релациска естетика. Учествувал на најзначајните светски изложби, меѓу кои „Документа 10“ (1997), на Биеналето во Венеција (2003, 2013), Берлинското биенале (2012), Skulptur Projekte Münster (2017). Добитник е и на многубројни награди, како што е биеналната награда за современа уметност во Европа „Винсент ван Гог“ во 2004 година.

Прикажи повеќе...

Најново

Македонија9 часа

Мицкоски: Владата да го објави предлогот, да не го крие

Претседателот на ВМРО-ДПМНЕ, Христијан Мицкоски побара новиот француски предлог веднаш да биде објавен на страната на Владата. „Барам веднаш без...

Македонија10 часа

Ковачевски: Историските прашања не се дел од францускиот предлог

„Францускиот предлог е стигнат после нашата интервенција во Брисел и нашата реакција на драфт-документите. Официјалните ставови ќе ги поминат филтрите...

Македонија13 часа

Османи: Објавените документи не се финалниот предлог што француското претседателство го сподели со Владата

„Со оглед на чувствителноста на моментот, сакам да посочам дека објавените документи во некои од медиумите не се финалниот предлог...

Македонија13 часа

Рама: Францускиот предлог е конечен, порака за моите браќа Македонци и Албанци, прифатете!

Премиерот Еди Рама се огласи на Твитер порачувајќи дека последниот француски предлог кој е испратен до владата на Северна Македонија...

Македонија13 часа

Петковски до Ковачевски – Тесно ви е мнозинството

Експретседателот на НСДП, Тито Петковски и се обрати на Владата и ѝ порача дека е со тенко мнозинство. Ваквата реакција...

Македонија14 часа

Бербок: Северна Македонија не смее да ја пропушти можноста што ја нуди францускиот предлог

Според шефицата на германската дипломатија Аналена Бербок „Северна Македонија не смее да ја пропушти можноста“ која ја нуди францускиот предлог....

Македонија15 часа

Мишел за францускиот предлог: Сега е време да кажеме „да“

Претседателот на Еворпскиот совет, Шарл Мишел, го поздрави изнаоѓањето решение за спорот меѓу Македонија и Бугарија. Тој напиша на „Твитер“...

Македонија16 часа

Макрон: Најдовме компромисно решение за спорот меѓу Македонија и Бугарија

Францускиот претседател Емануел Макрон изјави дека чувствува оти е најдено компромисно решение за преговарачката рамка за членство на Македонија во...

Економија17 часа

Ковачевски: Ако ЕСМ ја продаваше електричната енергија за граѓаните по пазарна ценa, поскапувањето ќе беше 150 отсто

Ако АД ЕСМ ја продаваше електричната енергија за граѓаните по пазарна цена, поскапувањето ќе беше 150 %, изјави денеска генералниот...

Македонија17 часа

Апелација му одреди домашен притвор на Мухамед Зеќири

Мухамед Зеќири излегува од затворот во Шуто Оризари. Ова е одлуката на скопска Апелација, која е донесена денеска. Нему му...

Македонија17 часа

Измените на Законот за работните односи, за кои беше тепачката, останаа неизгласани

Мали или речиси невозможни се шансите да се изгласаат измените на Законот за работните односи за кои во изминатите два...

Македонија18 часа

Џафери: Јас нема да се спуштам на ниво на Мицкоски и да навредувам на лична основа

Собранискиот спикер Талат Џафери од собраниската говорница им образложи на пратениците зошто смета дека и понатаму треба да ја врши...

Македонија18 часа

Мицевски: Во последните пет години Собранието е машина за гласање на криминалните зделки на СДСМ и ДУИ

Координаторот на пратеничката група на ВМРО-ДПМНЕ, Никола Мицевски, на денешната собраниска седница, обраќајќи му се на Талат Џафери, рече дека...

Македонија19 часа

Тупанчески: Недонесувањето на измените на Законот за работните односите ќе доведе до сериозни импликации врз судскиот систем

Министерот за правда, Никола Тупанчески, смета дека недонесувањето на измените на Законот за работните односи ќе доведе до сериозни импликации...

Свет19 часа

Русите: Се повлековме од Змискиот Остров како знак на добра волја

Руското Министерство за одбрана соопшти дека руската армија денеска се повлекла од Змискиот Остров во Црното Море. „По завршените задачи,...

Економија20 часа

Владата: Со новото праведно тарифирање оние што трошат помалку плаќаат помалку струја

Во услови на енормен раст на цената на електричната енергија на светските берзи, за заштита од ценовен шок, од 1...

Свет20 часа

Првиот брод со жито го напушти пристаништето во Берџанск

Брод со 7.000 тони жито исплови од украинското пристаниште во Берџанск, моментно контролирано од руските сили. „По неколку месеци неактивност,...

Свет20 часа

Русите го зазедоа Лисичанск, на украинските сили им е наредено да се повлечат

Министерството за одбрана на Велика Британија денеска соопшти дека украинските сили продолжуваат да ја држат својата позиција во источниот град...

Свет21 час

Нехамер: Пристапувањето во НАТО не е опција

Австрискиот канцелар Карл Нехамер оцени дека има нов квалитет на соработка меѓу неутралните и неврзаните земји, како Австрија и НАТО,...

Свет23 часа

Путин: Ако НАТО распореди војска во Финска и Шведска, ќе одговориме на ист начин

Русија ќе одговори на влезот на Шведска и Финска во НАТО, изјави денеска претседателот на Руската Федерација, Владимир Путин. „Доколку...