Контакт

Култура

Изложба на фотографии кои ги отсликуваат убавините на Италија – збирка во сопственост на Архивот Алинари

Објавено пред

Во објектот Чифте амам, Националната галерија ќе ја презентира изложбата на фотографии кои ги отсликуваат убавините на Италија – збирка во сопственост на Архивот Алинари.

dobivaj vesti na viber

Изложбата е резултат на соработката на Амбасадата на Италија и Националната галерија. Отворањето е закажано за 28 март 2022 година, во 19 часот, а на публиката ќе се обратат д-р Дита Старова Ќерими, директор на Националната галерија и амбасадорот на Италија, Н.Е. Андреа Силвестри.

Поставката е составена од три секции: пејсажи, дела и лица; и секоја од нив обединува фотографии од крајот на деветнаесеттиот и раниот дваесети век. Своевиден времеплов низ пејсажите на Италија, луѓето и уметноста претставени преку објективот на италијанските фотографи меѓу кои браќата Алинари, Барбиери, Басилико, Беренго Гардин, Фонтана, Џакомели, Мараини, Пелегрин, Ѕание.

Italiae „Од Алинари до мајсторите на современата фотографија“ е изложба која преку фотографија ги раскажува убавината и разновидноста на Италија, нејзините пејзажи, нејзината креативност и нејзиниот народ. Историја од век и половина преточена во антологија од кадри, со цел да се создаде идеална галерија на портрети и спомени, што ќе посведочат за богатството на земјата и во исто време за извонредната виталност на италијанската фотографија.

Избор на дела кој не претендира да ја сумира во целост комплексноста на италијанската фотографија, но сепак се поставува како предизвик и алатка за истражување на естетскиот израз и јазик на фотографите што твореле во период од над 160 години, вклучувајќи дела кои произлегуваат од ателје, пикторијализам, концептуализам, новинарство и уметничко истражување. Патување кое започнува од браќата Алинари и од обемниот свет кој се формирал околу нив преку збирките и архивите, односно „Многуверзумот на глетките“, како што ќе го нарече Марио Креши – тука застапен со едно ново концептуално дело – патување кое ќе не одведе до големите мајстори на фотографијата од дваесеттиот век и до најсовремените експериментирања. Исходот од ова патување може да се доживее и како кратко резиме на историјата на фотографските техники, почнувајќи од калотипот па сѐ до виртуелната фотографија во игрите.

Изложбата е поделена во три дела – Пејзажи, Дела и Ликови – од кои секој претставува идеален географски, историски и уметнички процес кој преку повеќеслојна разновидност на теми ги доловува промените на една земја во постојана еволуција.

Север и Југ, град и село, работа и празници, традиција и иновации, историја на општеството и културен живот. Дела во кои изненадувањето лежи во поставувањето на сцената и во оригиналниот избор на секој уметник.

Избор на фотографии кој е воедно и начин да се проследат трансформациите на Италија, со јазик кој умее да ја прикаже географската различност, да продре во длабочините на историјата и да навлезе во браздите на поднебјето.

Поставка што многуте „Италии“ ги преточува во една Италија, зборува за непостојаноста на културните граници, чијашто сложеност се должи на вековни споредби и контаминации; обмислениот избор на глетки овековечени од различни очи претставува една разновидна и разиграна приказна, чии што форми се одраз на разиграниот и витален дух на една Земја полна со минато и сеќавања.

Книги

Објавен романот „Една жена“ од класикот на унгарската книжевност Петер Естерхази

Објавено пред

Издавачката куќа Готен го објави романот „Една жена“ од унгарскиот писател Петер Естерхази. Преводот од унгарски јазик е на Златко Панзов.

dobivaj vesti na viber

Петер Естерхази (1950-2016) е класик на унгарската литература. Останува запаметен како еден од најдобрите писатели на своето време не само од Унгарија, туку и од Централна Европа.

Романот „Една жена“ зафаќа специфично место во неговиот опус. Спаѓа меѓу неговите најпопуларни книги, можеби неговата најчитлива книга.

Во 97 поглавја од романот, Естерхази пишува за љубовта од различни агли, осветлувајќи ја во перспективата на блискоста, омразата, сексот, желбата, играта, слабоста, моќта, при што книгата може да се чита како еден вид енциклопедија на љубовта.

Користејќи живописни и мошне сликовити слики, со разговорен, игрив и јазик исполнет со алузии и двојни значења, Естерхази раскажува љубовни приказни кои истовремено се и приказни за општествените релации, борбите за моќ и културолошките наслаги на нашите навидум обични и секојдневни реакции и односи.

Златко Панзов (1979, Гостивар) дипломирал македонска книжевност и јужнословенски книжевности на Филолошкиот факултет „Блаже Конески“ во Скопје. Работел како професор по македонски јазик, а од 2007 година активно се занимава со литературен превод. Досега од унгарски јазик превел дела од Бела Хамваш, Адам Бодор, Ноеми Сечи, Петер Надаш, Шандор Мараи, Ѓерг Драгоман, Ѓерѓ Конрад, Деже Костолањи, Кристина Тот, Илдико Ловаш, Шандор Жигмонд Пап, Оршоја Карафиат, Ласло Краснахоркаи, Атила Бартиш и други. Заедно со

Анамарија Цинеге-Панзова ја приредиле и превеле антологијата на унгарскиот краток расказ „Сецирање на живо“.

Издавањето на книгата е поддржано од програмата „Креативна Европа“ на Европската Унија.

Прикажи повеќе...

Култура

Изведба на оперската претстава „Турандот“ од Џакомо Пучини

Објавено пред

Операта „Турандот“ од Џакомо Пучини ќе биде изведена на 26 мај 2022 година, со почеток 20 часот.

dobivaj vesti na viber

Спектакуларната продукција на епската кинеска бајка на еден од најславните и најбарани оперски режисери на денешницата, Џанкарло дел Монако, ќе се изведе на сцената на Националната опера и балет, во рамките на 50. jубилејно издание на фестивалот Мајски оперски вечери.

Прикажи повеќе...

Култура

„Филмска училница“ – проект за филмска писменост и креативна едукација од областа на филмот и аудиовизуелното наследство

Објавено пред

Кинотеката со својата „Филмска училница“ создава катче за сите деца што сакаат да се дружат, да гледаат филмови и да учат како од својот богат свет со идеи, фантазии и чувства да создаваат приказни. Се одржаа уште три нови училници, како дел од „Џифони филмските денови“, на кои учесниците имаа можност да се запознаат со разните аспекти на креирање филмски приказни.

dobivaj vesti na viber

Направија кратки вежби на опсервација, кои ги споивме во една целина и со проекција на големо платно ги добија првите сознанија како со спојување на разни кадри и преку разни точки на гледање, настануваат разни филмски приказни. Исто така, направивме и една споредба со првите филмови на браќата Манаки и на браќата Лимиер, кои, всушност, се опсервациски кадри на одбрани ситуации или дејства.

Се обидоа да направат и декомпонирање сцена од филм. По проекциите на кратките филмови „Градот на Вардар“ и „Весници, весници“, кои се приказни за Скопје, снимени во 60-тите години на минатиот век, добија задача да снимат една сцена инспирирана од старо Скопје. Разговаравме и како одредено чувство може да биде основа за креирање филм. Преку пример од книгата „Малиот принц“ на Егзипери дискутиравме за големината и богатството на детскиот свет и за разните перцепции на децата и возрасните. И дека токму од таа детска фантазија се создаваат најубавите филмови.

Дел од работилницата беше и младиот автор Филип Лафазановски, кој сподели свои моменти од првите допири со филмската уметност и за своите први чекори во креирањето приказни.

Беа прикажани и уште два кратки филма од Националниот фонд на Кинотеката: „Лифт горе, лифт долу“ и „Бели штркови“.

Филмската училница продолжува со своите часови. Следни активности се мала работилница за анимација од млад автор и ученик и запознавање со процесот од идеа до сценарио.

В сабота, 28 мај, во Кинотеката, со почеток од 10 часот, почнува 7. ден на „Џифони филмски денови“, со проекција на филм за деца и млади, а од 12.30 следува „Филмската училница“.

„Филмската училница“ – проект за филмска писменост и креативна едукација од областа на филмот и аудиовизуелното наследство, наменет за ученици од основните и средните училишта. Проектот е финансиран од Министерството за култура.

Прикажи повеќе...

Најново

Македонија14 минути

Ангел Димитров: Проблемот е што македонските историчари се трудат да не прифатат заедничка историја

Бугарија не треба да дозволи притисок. Бугарската страна мора да покаже доверба во својот став, во своите аргументи и без...

Европа3 часа

Белгија е првата земја што воведе карантин поради мајмунските сипаници

Белгија стана првата земја што воведе задолжителен 21-дневен карантин против мајмунските сипаници бидејќи 14 земји сега потврдуваат појава на вирусна...

Европа4 часа

Светски економски форум во Давос: Ќе се разговара за последиците од војната во Украина

Три месеци по почетокот на руската инвазија на Украина, војната и ризиците што таа ги носи за светската економија ќе...

Свет4 часа

Претставниците на АПЕК: Русија веднаш да ја прекине војната во Украина

Претставниците на седум земји, вклучително и оние што го напуштија состанокот на министрите за економија на Азиско-пацифичката економска соработка (АПЕК),...

Свет4 часа

Бајден: Подготвени сме да употребиме сила за одбрана на Тајван

Американскиот претседател Џо Бајден изјави дека ќе биде подготвен да употреби сила за да го одбрани Тајван. Тој рече дека...

Европа4 часа

Русија: Планираме да изградиме и распоредиме 50-ина нови ракети „Сармат“

Русија планира да изгради и распореди 50-ина нови интерконтинентални балистички ракети „Сармат“, способни за нуклеарни напади до крајот на есента,...

Европа4 часа

Зеленски: До 100 украински војници гинат секој ден во борбите на истокот на земјата

Володимир Зеленски објави дека Украина губи до 100 војници секој ден во борбите на истокот на земјата. Зборувајќи на прес-конференцијата,...

Европа4 часа

Борел: Ги исцрпивме воените резерви поради војната во Украина

Високиот претставник на ЕУ за надворешна политика и безбедност, Жозеп Борел, во неделата изјави дека војната во Украина тектонски го...

Свет15 часа

Генералниот директор на СЗО: Пандемијата на коронавирус сигурно не е завршена

Генералниот директор на Светската здравствена организација (СЗО), Тедрос Гебрејесус денеска изјави дека пандемијата на коронавирусот сигурно не е завршена и...

Македонија20 часа

Ковачевски ќе ja предводи владината делегација во Ватикан и Рим, најавена е и средба со Петков

Премиерот Димитар Ковачевски придружуван од ќерката Тамара Ковачевска на 23 и 24 мај ќе предводи делегација на Република Северна Македонија...

Европа20 часа

Француски министер: За влез на Украина во ЕУ ќе бидат потребни 15 или 20 години

За влез на Украина во Европската унија ќе бидат потребни најверојатно 15 или 20 години, рече францускиот министер за европски...

Европа1 ден

Бајден: „Епидемијата на мајмунски сипаници причина за загриженост“

„Епидемијата на сипаници е нешто за што сите треба да бидат загрижени“, изјави денеска американскиот претседател Џо Бајден. Тој додаде...

Економија1 ден

Бектеши: Трговците во туристичките места ќе можат да работат во недела и на празници

Министерството за економија веќе предложи до Собранието измени и дополнувања на Законот за трговија со кои се овозможува работа во...

Регион1 ден

(Видео) Тепачка меѓу навивачи на „Хајдук“ со полицијата на автопатот кај Загреб, имало и повредени

Синоќа навивачите на Хајдук се судрија со полицијата на автопатот А1 во близина на одморалиштето Дешинец, пренесуваат хрватските медиуми. Според...

Европа1 ден

Подољак: Нема да има отстапување на територија

Украина ја отфрла можноста да се согласи на прекин на огнот со Русија и порача дека Киев нема да прифати...

Европа1 ден

Велика Британија: Регионот Северен Доњецк е приоритет на Русија

Министерството за одбрана на Обединетото Кралство објави неодамнешен извештај за ситуацијата во Украина. Единствената руска оперативна чета со возила за...

Економија1 ден

Западот во страв- Светот има залихи на пченица за само десет недели?

Русија и Украина сочинуваат околу една четвртина од светскиот извоз на пченица, а Западот стравува дека Путин се обидува да...

Економија1 ден

Пад на „Волстрит“ седма недела по ред, инвеститорите стравуваат од рецесија

По големите осцилации на „Волстрит“, цените на акциите паднаа минатата недела, седми пат по ред, бидејќи инвеститорите стравуваат дека поради...

Европа2 дена

Зеленски: Го скршивме ’рбетот на руската армија

Украинскиот претседател Володимир Зеленски изјави дека неговата војска нанела сериозна штета на руските вооружени сили и покрај падот на клучниот...

Европа2 дена

Ди Мајо: „Потребна ни е дипломатска контраофанзива“- Италија презентира план за мир во Украина

Италија разви план за постигнување мир во Украина, изјави италијанскиот министер за надворешни работи Луиџи Ди Мајо, пренесуваат локалните медиуми....