Контакт

Култура

Керамикум во мермер од Емил Солески, во неолитскиот локалитет „Заливот на коските“ во Охрид

Објавено пред

Во Сабота на 24.09 2022 во 11:00 часот, во просторот на Неолитскиот локалитет Заливот на коските, во Охрид ќе се одржи презентација на проектот Керамикум во мермер од Емил Солески.

dobivaj vesti na viber

Овој мултимедијален проект ја има во фокус куќата-ЖЕЛБЕНИК како трансцедентен објект на субјективното доживување.

ЖЕЛБЕНИЦИТЕ се создавани во едно време, невреме….кога почнав да фантазирам за едно време, а можеби и невреме, можеби, велам оти е изгубена од хоризонтот, но никако изгубена од видокругот на археолозите.

Керамикум…Неолит…Младо камено време, време на куќата како место во кое се концентрира и генерира нуклеусот на едно семејство и претставува центар во кој се дефинираат бројни вредности, тенденции и принципи.

-Филм „ЖЕЛБЕНИЦИ“ е визуелна прошетка во неолитските локалитети, Врбјанска чука, Залив на коските, Велушка тумба, Церје, Барутница, дополнета со инсценирана уметничка инсталација и музика.

Во фокусот се „желбеници“, скулптурално-архитектонски објекти, рачно изработени од мермер од прилепското поднебје (различни по боја, текстура, чистина и визуелно-технички карактеристики). Желбениците имаат перфорација со различен облик (кружен, квадратен, рачваст), инспирирани од култните предмети од неолитот. Текстурата на желбениците се развива од природна до случајно-намерна интервенција, и го прикажува големиот временски распон на влијанија врз каменот. На желбениците релјефно се прикажани „мнемонички декорации“, едноставни линеарни прикази на трите основни елементи: земја, вода, сонце, и други симболи, праписмо, „решки“ кои од одреден агол се претвораат во антропоморфни петроглифски прикази.

-Изложбата ќе содржи вкупно 28 желбеници. Пет групи по пет „желбеници“, кои инсценираат неолитски села, ќе бидат поставени кружно околу група од три желбеници што симболизираат земја, вода, сонце.

Секоја група ќе биде дифузно осветлена со помош на керамички кошари. Тие се изработени од глина, сушени, а потоа печени на висока температура, за да ја променат структурата во керамика. Кошарите го симболизираат огништето каде што се одвиваат сите активности во домот. Структурата од кошарите, и пламенот во нив, создава светлосни ефекти на треперење кои се пренесуваат врз желбениците.

Меѓусебно, овие пет групи, ќе бидат поврзани со патеки направени од коноп. Конопот како материјал, и неговата природната текстура, ја дополнува инсценацијата на поставката и ги доловува природните услови кои биле предуслов за развој на неолитската култура. Патеките прикажуваат поврзување на населбите, што многу веројатно неолитската култура ги создавала со цел комуникација и размена на добра.

Проектот го третира македонскиот неолит како тема која е потребно, со актуелизирање, да ја збогати мапата на туристичка понуда, како дел од богатото културно-историско наследство на нашата земја.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура

(Видео) Трансформацијата на Ана де Армас во Мерлин Монро

Објавено пред

Објавено е видео кое прикажува како актерката  Ана де Армас се трансформира во Мерлин Монро за потребите на најновиот филм „Blonde“, во кој ја толкува главната улога.

dobivaj vesti na viber

Филмот го напиша и режираше Ендрју Доминик, австралиски режисер познат по западната драма со Бред Пит „Кукавилошкото убиство на Џеси Џејмс од Роберт Форд.“

Филмот ја доби ознаката 17+, што значи дека не е за деца под 17 години, поради сцени на експлицитно сексуално насилство.

 

Прикажи повеќе...

Култура

Филмот „Снежаната на крајот умира“ ќе се прикажува во кината од 6 октомври

Објавено пред

Животите на една хикикомори уметница, радиоводител со Аспергер синдром, сопственик на видеотека, филозоф од пред гранапче, креативен директор и гинеколог антинаталист се испреплетуваат низ три откачени приказни за љубов, пријателство и посветеност.

dobivaj vesti na viber

„Снежана на крајот умира“ е социјална драма во амбалажа на комедија на апсурд, која се занимава со тоа колку е ужасно тешко да се остане чесен и верен на своите вредности во морално корумпирана средина. Филмот е составен од 3 испреплетени приказни за 3 групи луѓе, една мува, едно прасе, една клозетска шолја и еден град, чии патишта се допираат и влијаат еден на друг.

Главните улоги во филмот ги толкуваат Верица Недеска, Наташа Петровиќ, Сашко Коцев, Дениз Абдула, Ивица Димитријевиќ, Давид Јанакиев и Тино Костадиновски.

Сценарист и режисер на филмот е Кристијан Ристески, продуцент е Дарко Попов, кинематографери се Димо Попов и Севдије Кастрати, монтажер е Горан Вуќиќ, композитори се Александар Пејовски и Ставрос Макрис, сценограф е Сашо Блажевски, костимограф е Емилија Ивановска Атанасовска, дизајнер на звук е Грег Малканџи, маскер е Мојца Горогранц Петрушевска, кастинг директор е Мони Дамевски.

Режисерот Ристески филмот го дефинира вака: „Нашиот филм е приказна за човечката добрина, пристојноста, интегритетот, надежта и радоста на животот“.

Филмот е македонско-кипарска копродукција меѓу продукциските куќи Вертиго висуал (МКД) и Карета филмс (КИП). Продукцискиот буџет е 405 илјади евра. Финансиски е поддржан од македонската Агенција за филм (200 илјади евра) и кипарското Министерството за култура (45 илјади евра).

„Снежана на крајот умира“ имаше светска премиера на почетокот на годинава во официјалната селекција на филмскиот фестивал „Слемденс“ во Парк сити, САД, а европска премиера имаше ова лето на фестивал од А категорија, речиси истовремено со македонската премиера на затворањето на фестивалот „Браќа Манаки“ во Битола.

„Слемденс“ е Оскар-квалифицирачки фестивал на дебитантски филмови со буџет до милион долари, чие мото е „од филмаџии за филмаџии“. Оваа година селекцијата на филмовите беше извршена од преку 8100 пријавени филмови. На овој фестивал своите светски премиери ги имале режисерските дебија на Кристофер Нолан (познат по „Tenet”, „Dunkirk“, „Inception“), Бонг Џун Хо
(познат по „Parasite“, „Okja“, „Memoirs of a Murder“), Шон Бејкер (познат по „Red Rocket“, „The Florida Project“, „Tangerine“), браќата Русо (познати по блокбастер франшизите „Авенџерс“ и „Капетан Америка“)…

Фестивалскиот лајнап беше објавен на  фестивалскиот вебсајт  и во престижните филмски списанија  Варајети,  Скрин дејли  и  Холивуд рипортер .

Ова се неколку извадоци од критиките што ги објавија американските медиуми по светската
премиера:

„Прекрасен мозаик што ме потсети на „Магнолија“ на Пол Томас Андерсон, напишан со уште поисчашена комедиографска рака“ – SLUG MAG

„Беше навистина инспиративно искуство да се види како филмот успева да исцеди од приказната толку многу надеж и љубов“ – ANTICRITIC

„Ристески умее да ја намириса блескавата необичност во баналното секојдневие како свиња што бара тартуфи“ – FILM THREAT

„Оваа приказна сигурно нема да ве потсети на ништо што до сега сте го виделе, што е препорака сама по себе“ – MOVIE BOOZER

„Прекрасно исчанчен филм кој поседува уникатно чувство за реалноста“ – UNSEEN FILMS

Ова се дел од критиките во интегрална форма:

Snow White Dies At The End


https://www.slugmag.com/tag/snow-white-dies-at-the-end/

Филмот е развиен на филмските маркети CineLink (во рамките на Сараевскиот филмски фестивал) и Балкан филм маркет (каде режисерот и продуцентот освоија награда за најдобар пич), сценариото е развиено во соработка со програмите за развој на сценарио Соурцес2 (Германија) и МИДПОИНТ (Чешка), а грубата монтажа на филмот беше селектирана во Works In Progress програмите Eastern Promisses WIP (во рамките на филмскиот фестивал во Карлови Вари), Sofia Meetings WIP (во рамките на Софискиот филмски фестивал) и MedFilm WIPs (во рамките на филмскиот фестивал MedFilm во Рим).

Продажен агент на филмот за сите пазари освен македонскиот и кипарскиот е американската компанија OneTwoThree Media, која почна со светска продажба на „Снежана на крајот умира“ во рамките на индустриската секција на Филмскиот фестивал во Торонто, кој заврши пред неполни две недели.

Домашната кино-дистрибуција ќе почне на 6 октомври во Cineplexx.

Прикажи повеќе...

Култура

МФФ „Киненова“ од 7 до 14 октомври под слоганот „Првиот остава трага“

Објавено пред

Од 7 до 14 октомври ќе се одржи новото издание на Меѓународниот фестивал на дебитантски филм „Киненова“, под слоганот „Првиот секогаш остава трага“. Со проекции во „Милениум“ и во Кинотека организаторите по седми пат на домашната публика ќе ѝ ги „подарат“ актуелните први и втори остварувања на новите режисерски имиња во седмата уметност, кои гледаат на светот со отворени и љубопитни очи, поставувајќи бројни прашања во своите филмови кои се релевантни и на овие простори.

dobivaj vesti na viber

-Октомври традиционално станува месец на „Киненова“. Секоја година се снимаат сè  поквалитетни деби остварувања, и како селектор се соочувам со слатки маки кои филмови да влезат во конкуренција за фестивалските награди, вели програмскиот селектор Игор Анѓелков, кој на домашните филмофили им препорачува „и оваа година да не ја пропуштат „Киненова“, затоа што овој фестивал нуди возбудливи програмски содржини низ фокусиран концепт, кој е единствен од ваков вид кај нас“.

В петок, во киното „Милениум“ во 20 часот, фестивалот ќе биде отворен со хрватскиот филм „Чичко“ на режисерскиот двоец Давид Капац и Андрија Мардешиќ, со Мики Манојловиќ и Горан Богдан во главните ролји. Ова е еден од осумте филма кои се дел од официјалната компетиција за фестивалските награди, меѓу кои има и филмови од Романија, Полска, Србија, Италија, Турција и од Косово.

– За годинашните лауреати во официјалната, но и во селекцијата за краткометражни остварувања, ќе одлучува интернационалното жири во состав Аида Бегиќ (БиХ), Паво Маринковиќ (Хрватска), Елеонора Венинова (С. Македонија), Симоне Стараче (Италија), и претседателката на жирито Илдико Енједи, наградуваната унгарска режисерка, која воедно е добитник на Наградата за особен придонес во светската филмска уметност. Таа ќе одржи и мастерклас за публиката, споделувајќи ги нејзините филмски искуства за снимањето на победникот на Берлиналето во 2017 година, филмот „За душата и телото“, потоа финалист и за Оскарот, соопшти директорот на Фестивалот, Небојша Јовановиќ.

Од останатите фестивалски содржини, вредни за споменување се „Режисерот во фокус“, австрискиот маг Михаел Ханеке, чии први три филмови го трасираа неговиот пат до европскиот и светски врв, потоа изборот на филмови од актуелната португалска и ирска кинематографија, како и соработката со полскиот фестивал „Вистула“, кој на домашните кино платна ќе ни ја претстави тамошната актуелна кинематографија.

Сè на сè, „Киненова“ #7 повторно нуди квалитетни филмски содржини, со што од година во година ја потврдува својата зацртана цел – соодветно претставување на новите филмски сили, кои претставуваат светла иднина на седмата уметност.

Прикажи повеќе...

Најново

Европа43 минути

Зеленски: Лиман е денес целосно исчистен

Украина има целосна контрола врз Лиман со најзначајното освојување на бојното поле на Киев во последните неколку недели, за кое...

Македонија1 час

Радев: Бугарија е подготвена да го зголеми извозот на струја во Северна Македонија

Бугарија е главен извозник на струја во регионот и подготвени сме да го зголемиме извозот во Северна Македонија, изјави бугарскиот...

Македонија2 часа

Пронајдено машко тело во Вардар, се идентификува дали е момчето кое излета со автомобилот

Пронајдено е машко тело во реката Вардар, а во моментов се идентификува дали станува збор за 22-годишниот кумановец кој излета...

Македонија2 часа

Лефков: Аферата „Броило“ покажува како Ковачевски и неговиот кум свртеле 26 милиони евра

Фирми основани од Димитар Ковачевски и негови семејни врски вртат милионски суми во енергетскиот бизнис, и тоа додека Македонија е...

Македонија3 часа

Пендаровски и уште осум претседатели на членки на НАТО: „Русија веднаш да се повлече од окупираните територии“

Претседатели на дел од земјите-членки на НАТО од централна и источна Европа, меѓу кои и Стево Пендаровски, во заедничка изјава...

Регион5 часа

Бугарите гласаат на четвртите избори за помалку од две години

Бугарите денес гласаат на четвртите национални избори за помалку од две години, со мала надеж дека ќе се појави стабилна...

Свет6 часа

САД за украинското заземање на Лиман: Сега ќе им биде потешко на Русите

Американскиот секретар за одбрана го поздрави украинското заземање на Лиман, клучното руско упориште во источна Украина. „Многу сме охрабрени од...

Македонија20 часа

Фон дер Лајен го поздрави позитивниот моментум меѓу Бугарија и Македонија

Претседателката на Европската комисија (ЕК), Урсула фон дер Лајен го поздрави позитивниот моментум меѓу Бугарија и Македонија, по денешните состаноци...

Свет22 часа

Русија објави дека ја повлекла војската од Лиман

Министерството за одбрана на Русија соопшти дека ги повлекла руските војници од стратешкиот град Лиман во источна Украина. Како што...

Регион24 часа

Интерконекторот со Грција е во функција, Бугарија сега добива гас од Азербејџан

Проектот за интерконектор е на агендата на ЕУ веќе 10 години. Започна во 2009 година, кога Бугарија беше многу силно...

Економија1 ден

Мелничарите најавуваат поскапување на лебот и брашното за 10 отсто

Поради скапата струја и растот на берзанските цени на пченицата, меничарите најавуваат дека до крајот на ноември цената на лебот,...

Економија1 ден

Мицкоски го покани Битиќи во „Белата палата“ за да му го објасни планот за закрепнување на економијата

Лидерот на ВМРО-ДПМНЕ, Христијан Мицкоски го покани вицепремиерот задолжен за економски прашања Фатмир Битиќи утре да дојде на состанок во...

Македонија1 ден

(Видео) Петровска: Поддршка од 78 милиони долари од САД за развој на Армијата

Ја добивме веста за сојузничка поддршка од вкупно 78 милиони долари кои ќе се насочат во проектите потребни да ги...

Регион1 ден

Бугарите стравуваат од политички хаос по изборите в недела

Бугарите кои утре ќе одат на четвртите избори за помалку од две години, претпоставуваат дека зимава ги чека неизвесност поради...

Европа1 ден

„Гаспром“: Од гасоводот истече гас колку што и’ треба на Данска за три месеци

Портпаролот на гасниот гигант „Гаспром“, кој е под контрола на Кремљ, во петокот изјави дека истекле 800 милиони кубни метри...

Македонија1 ден

Аферата „Броило“ ќе открие фирми блиски до власта кои правеле милиони во време на кризи, најави опозицијата

Додека стандардот на граѓаните пропаѓа со секој нов ден од кризите, некој дебело профитира и се богати.Тоа ќе го открие...

Економија1 ден

СДСМ: Во март пензиите ќе се зголемат за нови шест проценти

Се очекува наредното зголемување на пензиите во март идната година да изнесува околу 6 проценти, со што пензиите во период...

Македонија1 ден

Пендаровски во Бугарија ќе се сретне со Радев и Урсула фон дер Лаен

Претседателот Стево Пендаровски, по покана на претседателот на Република Бугарија, Румен Радев, денес во Софија ќе присуствува на церемонијата по...

Македонија2 дена

Груби: На Али Ахмети му треба народот, на народот му треба Али Ахмети

Вицепремиерот Артан Груби денеска изјави дека ДУИ може да функционира и без него. Оваа негова изјава дојде откако лидерот на...

Европа2 дена

Медведев: Голема Русија повторно се раѓа

Заменик-претседателот на рускиот Совет за безбедност, Дмитриј Медведев, се огласи по потпишувањето на указот за пристапување на четирите окупирани украински...