Контакт

концерти

Концертна промоција на новиот албум на „Сетстат“

Објавено пред

Искусната скопска џез-формација „Сетстат“, утревечер, со почеток во 21 часот, во ноќниот клуб „Станица 26“, ќе го промовира во живо својот 9. албум – IX9. Дискографската куќа ПМГЏЕЗ, која е разгранок на „ПМЏ рекордингс“ го издаде овој албум, како и претходниот осми албум на „Сетстат“ со наслов „Се плашам од Македонци“.

„Соработката со ПМГЏЕЗ е нова инспирација за ‘3 гонга’. Затоа и го организираме овој концерт со сплотени сили. ‘Сетстат’ е мислата, изразот на нашата генерација. Секој нивен албум е своја приказна. Тие го отсликуваат нивното, нашето скопско секојдневие и искрено се надевам дка нивното музичко секојднение ќе го пренесат и на надоаѓачките генерации. Нашата посветеност како ‘3 гонга’ е музиката преку која сакаме, заедно со сите што творат во земјата, да оставиме длабок печат зад себе. Како што и името е во чест на радиоемисијата која во свое време остави длабока трага кај тогашните генерации и беше креатор на јавното музичко мислење, во овој период ‘3 гонга’ има цел она што порано имало можност само да се слуша на носач на звук, сега и да се слушне и види во живо“, вели Александар Пејчиновски од „3 гонга“.

Музичарите Владан Дробицки на тромбон, Павел Дробицки на бас, Панче Бујуклиев на клавијатури, Гоце Наумов на тапани и Васко Бојаџиски на саксофон, како што ги нарекуваат – титани на современата македонската џез-музика, утревечер ќе го отсвират новиот албум со надеж дека повторно ќе ги оправдаат очекувањата на џез-публиката, која веќе ги доживува како еден од најискусните и најквалитети изведувачи на македонската џез-сцена.

„’Деветка’ без трошка сомнеж е досега нивниот најкомплетен и најзрел албум. Обмислена, студиозно компонирана, аранжирана и виртуозно отсвирена музика. Од болно убави музички парчиња до длабоко екпериментални импровизации. Од фуриозни панк-фанк бркотници до грациозни емоционални мигови. Нивната музика е хармонично и смирено аранжирана лаконски фрлајќи ни по некој поглед долу нам, масовно хистерични во нашата опседнатост со дневна политика и антиклимакс на личноста. ‘Сетстат’ е бенд кој темелно и сериозно си ја остварува самопоставената задача, а тоа е вајање музички дела од супстанција во време и место што нема капацитет за супстанција. Нивните намери се брутално музички, чисти до болка и кореспондираат директно со универзалноста на музиката како јазик“, вели Мирко Попов од ПМГЏЕЗ.

Влезниците може да се набават преку продажните мрежи на kupikartizase.com и karti.com.mk по цена од 250 денари, непосредно пред почнувањето на концертот на билетарницата цената ќе биде 300 денари.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

концерти

„Да танцуваме!“ – симфониски концерт на Македонската филхармонија

Објавено пред

„Да танцуваме!“ е насловот на претстојниот симфониски концерт на Македонската филхармонија кој ќе се одржи на 28 март, во четврток, со почеток во 20 часот.

Под палката на маестро Габриел Бебешелеа од Романија, оркестарот ќе ги изведе прекрасните дела: „Словенски танци“ оп. 46 од Антонин Дворжак, како и „Симфониски танци“ оп. 45 од Сергеј Рахмањинов.

Дворжак најголемата популарност ја стекнал токму со своите прочуени серии од осум „Словенски танци“ кои најпрвин ги напишал како сет за пијано дуо, на барање на германскиот музички издавач Фриц Симрок, идеја која всушност ја иницирал Брамс како еден од најголемите поддржувачи на чешкиот композитор. „Симфониски танци“ на еден од најголемите руски композитори Сергеј Рахмањинов, опишани како длабоко емоционални и сентиментални, се сметаат за едно од најубавите оркестарски дела.

Маестро Габриел Бебешелеа е шеф-диригент на Државниот филхармониски оркестар „Трансилванија“ во Клуж-Напока, Романија. Моментно живее во Виена, каде што ги заврши постдипломските студии на Универзитетот за музика и изведувачки уметности.

Прикажи повеќе...

концерти

Тромбонистот на Џејмс Браун – легендарниот Фред Весли доаѓа во Скопје

Објавено пред

На 26 март, со почеток во 20 часот, во ноќниот клуб „Станица 26“  ќе одржи концерт култниот тромбонист Фред Весли заедно со неговата група под наслов Fred Wesley Generation Trio. Концертот е во организација на 3Гонга и Funky Fresh, локална поддршка Гоце&Чваре.

Поминаа декади од неговата соработка рамо до рамо со Џејмс Браун и Џорџ Клинтон, соработки што го етаблираа како еден од архитектите на фанкот.

Денес неговото трио е конекција на неколку генерации. Легендарниот Весли наполни 75 години, италијанскиот продиџи на клавијатури Леонардо Коради има само 25 години, а тапанарот од триото, Тони Меч, има 45 години. Тројца музичари, кои првично пред повеќе години се собраа да му оддадат почит на легендарниот џез-музичар Џими Смит, но нешто „кликна“ меѓу нив и тие продолжија како трио да настапуват понатаму заедно сè до денес. Нивната музика е производ на талентот и огромното искуство на Весли, звук обоен со уникатни влијанија, вклучувајќи и африкански ритми и електронски звуци.

Фред Весли ја почна својата кариера како тинејџер тромбонист на Ајк и Тина Тарнер. Подоцна, во 1968 година на легендарниот Џејмс Браун му стана музички аранжер, тромбонист и главен композитор. Соработката со Браун го направи Весли најпознатниот тромбонист на светот, кој хируршки прецизно го дефинираше јазикот на фанкот. Тој успеа да го издигне фанкот на сосема ново ниво. Нивната соработка траеше до 1975 година. Во годините потоа тој музицираше со многу познати артисти и бендови, меѓу кои и Parliament – Funkadelic и со Bootsy’s Rubber Band.
Фред има снимено дузина соло албуми, култни песни, кои се дел од многу наградени документарни филмови, тој е дел од многу книги за фанкот и години наназад организира мастер клас насекаде низ светот.

Во Скопје на 25 март (ден пред неговиот концертен настап) со почеток во 19 часот во скопското кафуле „Брик бар“, кое е лоцирано покрај реката Вардар, веднаш до Парк Хотел & Спа ќе одржи двочасовен мастер клас за сите оние кои се заинтересирани. Покрај него, присутни ќе бидат и членовите на неговото трио. Организаторите оваа средба повеќе ја најавуваат како „meet and greet“ со легендарниот тромбонист. Повеќе детали за овој настан има на фејсбук-страницата на 3Гонга.

Прикажи повеќе...

концерти

Концертна промоција на вториот албум на Filch

Објавено пред

Бендот Filch на 31 март ќе го промовира вториот студиски албум Underdog во МКЦ.

Underdog е мултимедијален проект составен од илустрации и видеоанимации изработени од Вања Шереметкоски, Михаил Наумов и Дарко Стојоски и 10 нови инструментални композиции, снимани, миксани и мастерирани од Ѓорги Вацев. Целиот овој аудио/видеоконцепт Filch ќе се обиде да ви го раскаже во живо на 31 март во киното „Фросина“ во МКЦ.

Концертот ќе го отворат специјалните гости – енергичното џез-дуо составено од Пенче Кралев (контрабас) и Ристе Трајковски (саксофон), а грувањето по концертот, ќе продолжи во „Кафе МКЦ“ со Ненад Стефаноски.

Две нови песни од вториот албум се веќе онлајн:

Концертната промоција е закажана за 20 часот, а влезот е бесплатен.

Кои се раскажувачите на приказната на Filch?
Златко Андријевски – гитара
Дарко Стојоски – гитара
Теодор Бошков – бас-гитара
Бранко Сапламаев – клавијатури
Гишо Динев – тапани

Прикажи повеќе...

Најново

Свет4 часа

Објавени резултатите од големата истрага – Трамп не соработувал со Русија

Кампањата на Доналд Трамп за претседателските избори во 2016 година не заговарала со Русија, покажува извештајот на специјалниот советник Роберт...

Свет5 часа

Руски воени авиони со војници слетале во Венецуела, никој не знае зошто

Два руски воени авиони слетале вчера на аеродромот во Каракас со високи офицери и стотина војници, објавил локален новинар. Една...

Регион7 часа

Шешељ повторно ги запали знамињата на ЕУ и НАТО

Лидерот на српските радикали, Воислав Шешељ, на денешното одбележување на 20-годишнината од бомбардирањето на поранешната Сојузна Република Југославија, ги запали...

Македонија9 часа

(Видео) Рудник нема да има, ако треба со жив ѕид ќе ги браниме Иловица и Штука, порачаа младите

Не сакаме рудници, сакаме здрава котлина и здрав живот, очекуваме конечно властите да се залагаат за активности што ќе бидат...

Топ11 час

Ахмети: Апелирам опозицијата да не се повлекува од преговорите за СЈО

Опозицијата да не се повлекува од преговорите за СЈО, порача денеска лидерот на ДУИ, Али Ахмети. Според него треба да...

Македонија16 часа

Повторно гореа трски на брегот на Охридското Езеро

Вчера покрај брегот на Охридското Езеро, помеѓу Струга и селото Калишта, настанал пожар при што опожарена била трска, соопшти Министерстото...

Топ16 часа

Мотоциклист прегазил жена и побегнал

(Фото: Илустрација) Вчера на улицата Пере Тошев,  мотоцикл со скопски регистерски таблици управуван од непознато лице удрил во 44-годишнен пешак...

Македонија16 часа

Уставен в среда ќе одлучува дали обвинетите на СЈО кои го оштетиле буџетот може да добијат пониски казни

Уставниот суд на седница закажана за среда 27 март ќе одлучува дали да поведе иницијатива за оценка на уставноста на...

Свет16 часа

(Видео) Драматична спасувачка акција: Извлечени сите патници од крузерот во Норвешка

Сите 1.300 лица кои се наоѓале на крузерот, чијшто мотор откажа вчера недалеку од западниот брег на Норвешка, биле спасени,...

Македонија17 часа

ВМРО-ДПМНЕ: Заевизмот донесе 2 века казна за луѓе кои не направиле ништо лошо

Недолжни граѓани станаа жртви на политички прогон само затоа што не се согласуваат со политиките на Зоран Заев, вели ВМРО-ДПМНЕ,...

Македонија17 часа

Сончево време со температури до 23 степени

Времето днеска ќе биде сончево со мала локална облачност и со слаб до умерен претежно северен ветер. Максималната температура ќе...

Македонија1 ден

Домашни и грчки експерти договорија учебниците да се усогласат во духот на Преспанскиот договор

На вториот состанок на Заедничкиот интердициплинарен комитет оформен согласно Преспанскиот договор, македонската и грчката делегација на експерти за историски, археолошки...

Европа1 ден

Над 30 уапсени на протестите во Париз, против „жолтите елеци“ ангажирана и војската

Повремени судири меѓу демонстрантите и полицијата избиваа денеска на улиците низ Париз и другите француски градови за време на протестите...

Топ1 ден

Затвореник во „Идризово“ избоден во тепачка со неговиот брат близнак

Во затворот „Идризово“ во Скопје, во претпладневните часови на 22 март дошло до крвав инцидент меѓу двајца браќа – затвореници....

Топ1 ден

(Видео) Османи за СЈО: Да продолжат преговорите, но и потрагата по двотретинско мнозинство

Да продолжат преговорите со опозициската ВМРО-ДПМНЕ за заеднички договор за судбината на СЈО, но истовремено да продолжат и разговори со...

Македонија1 ден

(Видео) За Спасовски писмото на ИВЗ е уцена, Османи повикува на дијалог

Македонија е секуларна држава и апсолутно е непримерно во услови кога станува збор за судската власт и постапки пред судовите...

Топ1 ден

Од Вардар извлечено тело на 20-годишно момче

Околу 10 часот утринава од водите на Вардар во близина на Гостивар, е извлечено безживотното тело на 20-годишно момче. Телото...

Свет2 дена

Уништена Исламска држава во Сирија, го изгуби и последното упориште

Иако поразот на Исламска држава во Багуз означува крај на власта над џихадистичката квази држава, која се простираше на делови...

Свет2 дена

Стотици илјади Британци на протест во Лондон, бараат втор референдум за брегзит

Неколку стотици илјади Британци од цела Велика Британија, денеска на улиците на Лондон бараат нов референдум за брегзит. Се очекува...

Свет2 дена

Противниците на новиот закон за авторски права најавија протести низ Европа

Илјадници демонстранти се очекуваат денеска да излезат на улиците низ Европа во пресрет на одлучувачкото гласање за реформа на законот...

Досие