Контакт

Култура

Концерт за виола и пијано на Охридско лето

Објавено пред

Музичката програма на фестивалот Охридско лето продолжува вечерва во црквата „Света Софија“ од 21 часот, со концерт на виолистот Тимоти Ридаут од Велика Британија и пијанистот Франк Дупре од Германија.

dobivaj vesti na viber

Тимоти Ридаут е добитник на инаугуративната награда со името на сер Џефри Тејт во Хамбург и носител на стипендија од Фондацијата „Борлети-Буитони“. Тој со сигурност е еден од водечките млади солисти во Европа. Дел е од програмата на Би-би-си – „ Уметници на новата генерација“ од 2019 година и дел од уметничката програма на Центарот „Линколн“ во Њујорк од 2021 година.

Неговите оркестарски ангажмани вклучуваат настапи со Оркестарот на Би-би-си и со оркестарот на Филхармонијата во Лондон, „Тонхале“ во Цирих, камерните оркестри во Париз и Лозана, симфониските оркестри во Хамбург и Луцерн, Камерниот оркестар на Европа, Националниот оркестар на Лил и др. Камерните концерти и рециталите, пак, го водат во „Вигмор хол“, „Музикферјан“ во Виена и „Концертгебау“ во Амстердам. Во август 2021 година тој настапува на „Би-би-си промс“ изведувајќи го концертот за виола од Вилјам Волтон под диригентската палка на Сакари Орамо.

Тимоти Ридаут снима ексклузивно за „Хармонија мунди“ и досега има остварено соработки со диригентите: Силвијан Камберлинг, Кристоф Ешенбах, сер Андрас Шиф и Давид Цинман, а на камерната музичка сцена соработува со ексклузивни имиња, како што се: Николас Алтштед, Џошуа Бел, Франк Дупре, Изабел Фауст, Стивен Исерлис, Џанин Јенсен, Ларс Вогт, Џонатан Вер, Кристија Тецлаф, Џереми Денк и многу други.

Франк Дупре е добитник на наградата „Опус класикс“ за снимка на годината во категоријата концерти во 2018 година и лауреат на Германскиот натпревар за музичари во 2014 година. Германскиот пијанист Франк Дупре ги воодушевува жиријата со својата музичка зрелост, рафинирана техника и можност да создаде широк спектар на бои од пијаното. Првично едуциран како џез-перкусионист, Дупре има широки видици во пијанистичкиот репертоар, со особен интерес кон современата и музиката на актуелните композитори на нашето време. Скорешните и идните ангажмани вклучуваат соработка со фестивалот „Курт Вајл“, каде што е резидентен уметник, деби со „Ројал Нордерн симфонија“ во Њукасл, со Симфонискиот оркестар во Трондхајм и со симфонискиот оркестар на Лихтенштајн. Ќе се врати на сцените на „Вигмор хол“, „Бозар“ во Брисел и ќе продолжи да соработува со Филхармонијата во Штутгарт и театарот „Паулен“ во Цвикау. Како уметник кој цврсто се етаблира на меѓународната музичка сцена, Дупре има остварено настапи со Лондонската филхармонија, како и со оркестрите во Минестота, Малме, Кристијансанд, Оукленд, со оркестарот „Бетовен“ во Бон и др. Во областа на камерната музика соработува со некои од највозбудливите имиња од својата генерација, како што се: Симон Хофеле, Едгар Моро, Даниел Лозакович, Тимоти Ридаут, Кијан Солтани и др. Исто така, активен на диригентскиот пулт и уметник што често се јавува во улога на солист и диригент, Франк Дупре има соработувано како асистент со сер Сајмон Ретл, Франсоа Гзавие Рот и со Марио Вензаго.

Култура

Видеохроники од патувачкото кино во Преспа

Објавено пред

Екипата на „Македокс“ сними и објави две видеохроники од втората етапа на Патувачкото кино, која се одвиваше во регионот на Преспа. Патувачкото кино е нераздвоен дел од фестивалот „Македокс“ и на проекциите се прикажуваат филмови од фестивалската селекција, но и филмови кои се од интерес на локалната заедница каде што гостува екипата на „Македокс“, а со цел децентрализација на културата.

dobivaj vesti na viber

Годинава, во своето 13-то издание, Патувачкото кино беше поделено во две етапи. Првата се одржа од 18 до 23 јули во струмичките села, додека втората етапа се реализираше во регионот на Преспа со четири проекции на документарни филмови од 13 до 17 септември 2022 година, и тоа во Ресен, с. Дрмени, с. Лавци и с. Подмочани.

Целта на заминувањето на Патувачкото кино во областа на Преспа беше да се опипа пулсот на населението, особено во однос на културните случувања, во овој, речиси, во секоја смисла девастиран дел од Македонија. Проекцијата во Ресен се одржа во дворот на прекрасниот објект на Сарајот, каде е сместен Домот на култура „Драги Тозија“. Директорот на Домот, Васко Василевски, пресмета дека киносалата работела пред околу 25-26 години. Додаде и дека во помалите места е тешко да се работи во областа на културата, бидејќи и кога имаат програма во Домот доаѓа многу малку публика. Во Ресен екипата на „Македокс“ се сретна и со професорката во пензија, Наде Проева, која покрај гостопримството објасни зошто доаѓа во родната куќа само летно време, а пензионерските денови ги поминува во Скопје.

– Во Скопје се сите претстави, и предавања, и промоции на книги, и концерти, а во Ресен не се случува ништо дури ни во летниот период – истакна Проева.

Селото Дрмени беше втората станица на патувањето низ Преспа. Таму архитектот во пензија Тодор Мушаревски објасни како селото се симнувало надолу од планината како што езерото го повлекувало брегот. Така, селото има и стара и нова локација. Тој се потсети и дека некогаш во селото имале Дом на култура каде имало игранки. Во рамките на Домот работела играорна група која настапувала и на Телевизија Скопје. Во Дрмени се потсетија дека кога имало кино во селото Царев Двор, кинооператорот бил од нивното село Дрмени.

Втората видеохроника на Патувачкото кино во Преспа ги опфаќа импресиите од селата Лавци и Подмочани. Во Лавци оџата на селската џамија и муфтија на Преспанскиот Регион, Џунејт Јашар, објасни дека тоа е едно од најстарите села во таа област. Селото се наоѓа западно од Ресен. Преданијата кажуваат дека старата џамија, или Горна џамија е направена во 1468 година, а за населението се претпоставува дека е дојдено заедно со Османлиите. Сега селото е населено со Македонци и Турци, кои се повеќе на број, а сите живеат во хармонија. Во селото никогаш немале кино, но пред 60-ина години доаѓале патувачки кина и имало проекции во старото училиште.

Селото Подмочани е печалбарско село, објасни професорката Јагода Митревска, а на печалба најмногу се одело во почетокот на 20 век. Етимологијата за името на селото е поврзана со неговото создавање. Претпоставките се дека постоело пред Отоманската Империја, но било сместено повисоко на планината. Кога селото почнало да се спушта надолу, во таа околина имало многу мочуришта. Името настанало како кованицата на „под“ и „мочуриште“, а денес познато како Подмочани. Во селото имало голем број револуционери и во илинденскиот период и во Втората светска војна, а во денешно време е познато како родно место на познати професори, доктори, новинари. Некои од печалбарите што се вратиле дома вложуваат во развојот на селото. Затоа велат дека е урбано село во кое живеат околу 300 постојани жители. Бидејќи се наоѓа на регионалниот пат од Ресен кон Маркова Нога, селото е доста прометно. Местоположбата му е убава, бидејќи е блиску до два убави градови, Охрид и Битола, а се наоѓа на брегот на Преспанското Езеро.

Патувачкото кино на „Македокс“ 2022 е поддржано од Агенцијата за филм на Република Северна Македонија и Националната фондација за демократија од Вашингтон

Прикажи повеќе...

Култура

Почнува снимањето на вториот игран филм на Илија Павлов, „Емил врати се“

Објавено пред

Снимањето на вториот игран филм на Илија Павлов, насловен „Емил врати се“ почнува денеска (29 септември 2022), во продукција на „Персона филм“ и „Кино Балкан“.

dobivaj vesti na viber

Според режисерот, снимањето ќе се одвива во такси низ цело Скопје со цел да се остави еден специфичен печат на градот кој наскоро ќе стане метропола.

-Како да дишам кога знам дека нема доволно за сите…

Во главните улоги се појавуваат реномирани актерски имиња: Душица Настова, Никола Ристановски, Симона Димковска, Оливер Митковски, Васко Атанасоски (21 век), како и околу 150 други познати и искрени ликови од државава.

Првиот долгометражен филм на Илија Павлов е насловен „Гласот на тишината“ (Rebirth: Voice of silence), во кој Павлов е режисер, кинематографер и актер, а покрај него се појавува и актерката Вучица Настова. Филмот беше премиерно прикажан на ИФФК „Браќа Манаки“.

Прикажи повеќе...

Култура

„Век со Конески, мигови со Блаже“ од Владимир Мартиновски

Објавено пред

Неодамна, во издание на издавачката куќа „Бегемот, со поддршка на Министерството за култура на Северна Македонија, од печат излезе книгата есеи „Век со Конески, мигови со Блаже“ од професор Владимир Мартиновски.

dobivaj vesti na viber

Збирката есеи „Век со Конески“, мигови со Блаже од Владимир Мартиновски е значаен влог во компаративното проучување и толкување на поезијата на Блаже Конески. Водејќи грижа и за теориските ставови на Конески, изнесени во неговите есеи, авторот Мартиновски врз анализата на поетскиот опус на доајенот на современата македонска поезија ги применил трите основни модели на компаратистичките истражувања, зацртани од еминентниот компаратист Зоран Константиновиќ: генетско-контактните врски; типолошките аналогии и интердисциплинарните поврзувања. Во првиот дел од книгата, насловен „Век со Конески“, неговата поезија ja чита низ споредбени визури, укажувајќи на врските со делата на голем број писатели и уметници од различни епохи и книжевни традиции: од Хомер, Овидиј и Кавафис до Шимборска, Бродски и Павловиќ; од Данте, Сервантес и Шекспир до Рацин, Шопов и Ренџов; од Његош, Андриќ и Скацел до Ѓузел, Ќулавкова и Дурацовски; од Болер, Пикасо и Сенгор до Мартиноски, Личеноски и Георгиевски. Во вториот дел, именуван „Мигови со Блаже“, преку серија микроесеи и куси записи, Мартиновски фрла новa светлина врз значајни аспекти на поезијата на Конески.

Владимир Мартиновски (Скопје, 1974) e поет, раскажувач, есеист, теоретичар, антологичар, книжевен преведувач. Работи како редовен професор по предметот Компаративни поетики на Катедрата за општа и компаративна книжевност при Филолошкиот факултет „Блаже Конески“, Универзитет „Св. Кирил и Методиј“ во Скопје. Докторирал на Универзитетот Париз III – Нова Сорбона. Член е на извршниот одбор на Меѓународната асоцијација за семиотика, на Претседателството на ДПМ и на Управниот одбор на СВП.
Автор е на книжевно-теориски студии, збирки есеи, поетски збирки, хаибуни, раскази и книжевни преводи.
Добитник е на неколку книжевни награди: „Нова Македонија“ (2009), „Браќа Миладиновци“ на СВП (2010), „Димитар Митрев“ (2013), „Витез на македонскиот пишан збор“ (2014), „Антеов златник“ (2020) и „Лирата на Орфеј“ (2020).

Прикажи повеќе...

Најново

Македонија7 минути

Македонија ќе добие 4 милиони долари од продажбата на вилата на СФРЈ во Њујорк

Една од најстарите њујоршки вили, која Југославија ја купила во 1946 година, продадена е за 50 милиони долари во готовина,...

Економија19 минути

(Видео) Коциќ: Сметките за струја на граѓаните ќе бидат субвенционирани со 80 отсто

Пратеникот на СДСМ, Ненад Коциќ, на прес-конференција изјави дека обезбедени се пари и ќе има доволно за сите потреби од...

Македонија1 час

Анкета: Општинските инспектори се жалат на недостиг на опрема и кадар за определени области

НВО Инфоцентарот заедно со партнерските организации Спектар од Крива Паланка и Центарот на заедницата на општина Струга, во јуни годинава,...

Регион1 час

Апсења во Подгорица – со години работеле за руската разузнавачка служба

Неколку црногорски државјани се уапсени во Подгорица под сомнение дека работеле за руската разузнавачка служба, дознава „Вијести“ од повеќе извори....

Македонија1 час

ВМРО-ДПМНЕ бара итна седница за нивниот предлог-закон за енергетика

Пратеничката група на ВМРО-ДПМНЕ и коалицијата достави барање до Собранието за одржување  итна седница на која ќе се разгледува предлог-законот...

Свет1 час

Трамп: Се смееја на моите предупредувања, ама веќе не се смеат

Саботажата што ги оштети гасоводите Северен тек 1 и Северен тек 2 може да доведе до ескалација или дури и...

Европа1 час

Дали Путин би ризикувал да ги искористи своите подморници во предизвикување експлозии на „Северен тек“?

Три крајбрежни линии на рускиот гасовод Северен тек, кој ја снабдува Германија, претрпеа „невидена“ штета во понеделникот, што резултираше со...

Европа3 часа

Ердоган: Го познавам Путин, кога нешто ќе замисли, го прави тоа

Турскиот претседател Реџеп Таип Ердоган, опишувајќи ги рускиот претседател Владимир Путин и плановите на Русија по референдумот за ослободените територии,...

Економија3 часа

МТСП: Во тек е етапната исплата на септемвриските пензии

Министерството за труд и социјална политика известува дека на 29.9.2022 година (четврток) почнува етапната исплата на пензиите за септември, кои...

Европа3 часа

Володин: Забрането е Русите да бегаат од мобилизација

Вјачеслав Володин, претседателот на руската Дума, на Телеграм објави дека Русите не треба да бегаат од Русија во обид да...

Економија4 часа

СДСМ: Мерки на Владата и за помали сметки на струја во училиштата

„Економско енергетскиот совет на Владата на синоќешната седница донесе одлуки кои гарантираат непречено снабдување со електрична енергија и енергенси за...

Македонија4 часа

ВМРО-ДПМНЕ: Ако Ковачевски има психофизички проблем кој му предизвикал трајна неспособност, може да носи погрешни одлуки

„Дезертерот Ковачевски кукавички бега од одговори и одговорност. Тој треба да каже едноставно дали лажел за да избегне служење воен...

Регион4 часа

(Видео) Поплава во Риека, загина маж во автомобил

Силно невреме вчера ја зафати Риека и предизвика огромни поплави. Сообраќајот во делови од градот, вклучително и поголемиот дел од...

Свет4 часа

Бајден: Не злоупотребувајте го ураганот за да ја зголемите цената на нафтата

Американскиот претседател Џо Бајден ги повика нафтените компании да не ги зголемуваат цените на горивата злоупотребувајќи го ураганот Ијан, кој...

Економија14 часа

(Видео) Вонредна прес-конференција на Ковачевски: Парно ќе има, училиштата ќе бидат на регулираниот пазар

Економско-енергетскиот совет донел одлука дека на 15 октомври почнува грејната сезона во Скопје и парно ќе има бидејќи е почната...

Македонија20 часа

Објавени имињата на новите директори на јавните претпријатија во Скопје

Назначени новите в.д. директори на јавните претпријатија во Скопје. Со ЈП „Лајка“ назначена е да раководи Радмила Пешева, а со...

Економија20 часа

Андонов: Ако не се постигне договор со „Адора“ за топланите, решението ќе се бара во Законот за управување со кризите

Доколку не се постигне договор со „Адора“ за топланите, решението ќе се бара во Законот за управување со кризите, при...

Македонија20 часа

Се засилува потрагата по лицето кое со „голф 4“ падна во реката Вардар кај Желино

Oд раните утрински часови продолжена е потрагата и се засилува по лицето кое со автомобил „голф 4“ падна вчера во...

Македонија21 час

(Видео) Мицкоски нуди план за справување со енергетската криза: Двојно поевтина струја и спречување на инфлацијата

Лидерот на ВМРО-ДПМНЕ, Христијан Мицкоски, заедно со тимот претставници на највисокото раководство на партијата, вклучително и голем дел од градоначалници...

Македонија22 часа

(Интервју) Дејвид Гир: Дали сте подготвени утре да се приклучите кон ЕУ – очигледно не

За пристапување во ЕУ потребни се институции кои се професионални и се базираат на заслуги а не на партиски интереси,...