Контакт

концерти

Концерт на Александра Коцевска и Глигор Гелебешев во Софија

Објавено пред

Вечерва со почеток од 18:30 часот во концертната сала на Музејот „Борис Христов“ во Софија ќе се одржи концертот на Александра Коцевска (мецосопран) и Глигор Гелебешев (пијано). Во програмата на концертот се предвидени музички композиции од Ф. Шопен, С. Стојков, С. Рахмањинов, П.И. Чајковски.
Настанот е поддржан од Министерството за култура на Република Македонија и е дел од Годишната програма на Културно-информативниот центар на Република Македонија во Софија.

Александра Коцевска­ своето музичко образование почнува да го изучува во ДМБУЦ „Илија Николовски- Луј”- Скопје, во класата по соло-пеење на проф. Билјана Јовановска-Јакимовска, а дипломира на ФМУ- Скопје во класата на проф. Благојче Николовски. За време на своите студии учествува на бројни натпревари по соло-пеење во Македонија и во странство, каде што е наградувана со високи награди. По дипломирањето се вработува во ДМУЦ „Сергеј Михајлов”-Штип, каде што може да се каже дека е основоположник на класата по соло-пеење. Во 2002 год. магистрира во класата на проф.Билјана Јовановска-Јакимовска, додека во 2006 година својата педагошка кариера ја продолжува во ДМБУЦ „Илија Николовски-Луј”- Скопје. Како наставник по соло-пеење бележи големи успеси со своите ученици на бројни натпревари. Како истакнат педагог e често поканувана како член во жири-комисии на меѓународни натпревари. Во 2011 година добива награда за повеќегодишна успешна работа во областа на уметничката педагогија од Здружението на музички и балетски педагози на Република Македонија. Од 2015 година се враќа на концертните подиуми.

Глигор Гелебешев својата уметничка наобразба ја почнува во својот роден град Гевгелија во класата на проф. Љ.Улишева. Средно музичко училиште учи во класата на проф. К.Костова и Т.Светиев, а студира на Академијата на уметности во Нови Сад (Србија) во класата на проф. Јокут Михајловиќ. По магистрирањето на ФМУ во Скопје (1997 година) ја започнува својата карирера како солист и камерен музичар. како солист има настапувано на голем број концерти во земјава и странство, концерти со Македонска филхармонија и со камерниот оркестар на Македонската филхармонија. Г.Гелебешев реализирал и повеќе трајни снимки за Македонската радио-телевизија. Од 2001 година со својата сопруга Катерина Гелебешева-Костадиновска формираат пијано дуо Гелебешеви, кое со голем успех настапува на најзначајните фестивали во земјата (Охридско лето, Хераклејски вечери, Интерфест – Битола, ДММ, Златна лира …), но и на бројни настапи во странство (Франција, Полска, Романија, Србија, Бугарија, Холандија, Турција, Италија …). За високите уметнички дострели дуото ја добива наградата „Златна лира“- 2012, која ја доделува Сојузот на музичките уметници на Македонија.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

концерти

Музичко-поетски концерт на Розалба Колозимо, Ема Попивода и Наташа Сарџоска

Објавено пред

Од

Фестивалот за современа музика „Модоарс“ на 21 јуни во 20 часот во Даутпашиниот амам организира концерт со реномираната оперска пејачка Розалба Колозимо, сопран од Италија, во придружба на пијанистката Ема Попивода. Тие ќе настапат со оперски арии од Пучини, Белини, Тости, Пулен и од Бернштајн, а предвидена е изведба на неаполска традиционална музика. На концертот свој слем-поетски рецитал ќе има и поетесата Наташа Сарџоска, придружена со пијано.

Сопранот Колозимо учела оперско пеење со врвни имиња, како Еторе Кампољани, Лејла Генсера, Рената Скот, Алфредо Скот и со Монсерат Кабалје, чиј асистент станува во Мадрид во 1988. Настапувала во познатите театри „Скала“ во Милано, „Шатле“ во Париз, „Сан Карло“ во Неапол, „Арена“ во Верона, „Фениче“ во Венеција, Операта во Рим, Операта во Хамбруг, „Комунале“ во Фиренца, заедно со врвни оперски уметници, како Пласидо Доминго, Мирела Френи и Лео Нучи, а под диригентската палка на Мути, Орен, Куртис и Манино. Во 1991 година во театарот „Фениче“ ја добива престижната награда „Калас“.

Ема Попивода е пијанистка со богата интернационална кариера и вистински амбасадор на македонската култура во светот. Ги завршува докторските студии по пијано со највисок успех и активно концертира на светските музички сцени. Од нејзините настапи се издвојуваат солистичките концерти во Токио, Њујорк, Лондон, Рим, Брисел, Гдањск, Будимпешта, Белград, Софија, Скопје. Попивода работи како професор по пијано на Универзитетот „Гоце Делчев“ во Штип и повеќе години успешно раководи со фестивалот „Модоарс“.
Наташа Сарџоска е писателка, поетеса, книжевен преведувач и антрополог. Своите поетски настапи го соединува со музика, џез-импровизација, а капела-пеење, но и цртање по тело и интерактивни перформанси со публиката. Преведена е на повеќе јазици, а настапувала на меѓународните книжевни фестивали во Берлин, Џенова, Риека и Струга, како и во Македонскиот културен центар во Софија во мај 2018.

Фестивалот за современа музика „Модоарс“се оджува 11. пат во земјата. Во ова издание на фестивалот се одржа концертниот спектакл „Акустик електроникс“ – концерт со преработки на електронски теми за пијано и тапан. Покрај концертот на сопранот Розалба Колозимо од Италија, концерт ќе одржи и Фринфрид Хакл – флејта (Австрија). Фестивалот е поддржан од Министерството за култура на Р. Македонија и „Еуролинк осигурување“.

Прикажи повеќе...

концерти

„Од класика до вариете“ со виртуозите на хармоника Александар Коловски и Ана Кришталева

Објавено пред

Од

Денеска, во Камерната сала на Македонската филхармонија, во 20 часот, концерт ќе одржи македонскиот виртуоз на хармоника, Александар Коловски, заедно со Ана Кришталева од Русија, исто така на хармоника.

Концертот носи наслов „Од класика до вариете“, а двајцата повеќенаградувани уметници ќе изведат комплексни и атрактивни дела од Е. Лекуона/А. Володос, Д. Скарлати, А. Кусиаков, Е. Григ, Р. Вуртнер, В. Семионов, А. Пјацола, Ј. Брамс/И. Јашкевич…

Коловски е роден во Скопје во 1990 година. Дипломира на Факултетот за музичка уметност во Скопје, во класата на проф. Златко Мадевски, а во 2018 година магистрира на Универзитетот „Антон Брукнер“ во Линц, Австрија, во класата на проф. Алфред Мелихар. Коловски редовно настапува на концерти и фестивали во Европа, Кина и во Русија. Во периодот од 2009 до 2012 година тој станува еден од студентите на реномираниот професор Фредерик Дешамп од Франција. Покрај класичната музика, во Франција во 2010 година Коловски почнува да се занимава и со изведба на т.н. вариете-музика. Критиката ќе го оцени како изведувач познат по својот темперамент, виртуозност и импресивна техника. Во 2011 година го освојува првото место на натпреварот „Светски трофеј“ во Пинето, Италија, освојува прво место на интернационалниот натпревар „Кастелфидардо“ во Италија во сениорска категорија за класична музика во 2011 година, потоа прво место на интернационалниот натпревар „Гранд при“ во Франција во 2011 година, како и прво место на „Кастелфидардо“ во сениорска категорија за вариете-музика. Коловски е добитник и на наградата „Виртуози“ во 2014 година во категоријата млад музички уметник, доделена од страна на македонското Министерство за култура, Македонската опера и балет и Македонската филхармонија.


Ана Кришталева е родена во Армавир, Русија, во 1996 година и уште од рани години се врзува за музиката редовно концертирајќи и настапувајќи на интернационални и домашни натпревари. Основното музичко образование го завршува во новокубанското детско музичко училиште во класата на проф. Михаил Бојко. Во 2014 година, пак, се запишува на Ростовскиот музички колеџ во класата на познатиот професор и заслужен артист на Русија, Јури Шишкин. Нејзиниот репертоар е богат и вклучува композиции од разни музички епохи, дела од Менделсон, Григ, Московски, Лекуона, Кусјаков, Бах, Шчедрин, Семионов… како и композиции од руската народна музика. Инаку, Ана Кришталева редовно настапува на натпревари, како и на концерти во Русија и надвор од земјата, а нејзините изведби се високо позитивно оценети од страна на критиката и опишани како интерпретации исполнети со страст и длабочина, во комбинација со долги и драматични скали, деликатен опсег на звукот и брилијантна техника… Кришталева е добитник на Гранд при на натпреварот „Акордеон плус“ во Ростов на Дон, Русија, во 2012 година, потоа победник е во сениорска категорија за класична музика на интернационалниот натпревар „Кастелфридардо“ во Италија во 2015 година, а има освоено и прво место на вториот интернационален натпревар за хармоника во Алкобаса, Португалија, како и прво место на натпреварот „Гридин“ во Курск, Русија, во 2016.

Прикажи повеќе...

концерти

Postmodern Jukebox на 14 декември во Скопје – врвно кабаре во Македонската филхармонија

Објавено пред

Од

Една од најинтересните концертни атракции во светот, музичкиот колектив Postmodern Jukebox, на 14 декември ќе настапи во Македонската филхармонија.

Postmodern Jukebox е музички колектив кој во тотален винтиџ-стил го носи духот на Њуjорк во своите настапи, во кои на специфичен кабаре-начин изведува песни во опсег од Radiohead и The White Stripes, па сè до Lady Gaga, Strokes и уште многу други.

„Настапите на Postmodern Jukebox во суштина претставуваат врвно џез и свинг-кабаре, кое наместо да одите да го гледате во Њујорк, ви доаѓа и можете да го гледате дома. Во тоа е тајната на нивните настапи во светот, кои се тотално распродадени, а за нивната гледаност на ‘Јутјуб’ воопшто и да не зборуваме“, се вели во соопштението од „Авалон продукција“, која го организиара овој настан.

Оттаму појаснуваат дека за настапот во Скопје е избрана салата на Македонската филхармонија како идеално место за таков тип шоу.

Прикажи повеќе...

Најново

Македонија23 минути

Отворено писмо до пратениците: Мораториум за градбите, итно да запре деструкцијата на охридскиот регион

По повод Денот на Охридското езеро, Еколошко здружение на граѓани Фронт 21/42 испрати отворено писмо до пратениците во кое се...

Македонија57 минути

Истрагата за пожарот во Велес во кој загинаа три деца сè уште трае

Сè уште не се познати причините како настанал пожарот во куќата во Велес во кој загинаа три девојчиња на возраст...

Вести2 часа

Трамп го потпиша указот со кој се забранува раздвојување на мигрантските семејства

Американскиот претседател Доналд Трамп синоќа го потпиша указот со кој се става крај на раздвојувањето на семејствата мигранти што незаконски...

Свет2 часа

Премиерката на Нов Зеланд стана прва светска лидерка што роди дете додека е на власт

Се породи премиерката на Нов Зеланд, Јацинда Ардерн, со што стана прв светски лидер во изминатите 30 години што имал...

Европа3 часа

Во ЕУ лани имало 50 отсто повеќе терористички напади во споредба со 2016 година

Во земјите членки на Европската Унија минатата година имало 50 отсто повеќе терористички напади и обиди за напади поврзани со...

Македонија3 часа

Додека го менува името, Заев ја задолжи државата со нови 7,1 милиони евра, обвинува опозицијата

Зоран Заев и криминалниот картел што го води ја задолжија државата со нови 7,1 милиони евра. Додека го продава името,...

Топ15 часа

Три деца изгореа во пожар во Велес

Три деца во возраст од една, две и пет години изгореа во пожар во нивниот дом во Велес. Куќата се...

Македонија16 часа

„Страшно е да се менува името“, велат демонстрантите пред Собранието

Со патриотски песни, знамиња и пораки против промената на името започна протестот пред македонското Собрание. Демонстрантите порачуваат дека е страшно...

Економија18 часа

(Видео) СИЕР: Срамно и недозреано е барањето на градоначалникот на Кавадарци за „Фени“

По три часа расправа во судот во Велес одложено е гласањето за планот за реорганизација на „Фени“ предложен од швајцарски...

Македонија23 часа

(Видео) Пратениците го ратификуваа договорот со Грција

Со 69 гласа „за“, без против и воздржани, пратениците во македонското Собрание го ратификуваа договорот за името со Грција. На...

Македонија24 часа

(Видео) ВМРО-ДПМНЕ ќе бара мислење од Венециската комисија за договорот со Грција

Венециската комисија ќе треба да се изјасни за договорот со Грција по барање на опозициската ВМРО-ДПМНЕ, најави пратеникот Драган Данев....

Економија1 ден

(Видео) Протест пред судот во Велес за поддршка на планот за „Фени“

Шеесетина вработени од „Фени“ претпладнево дојдоа пред судот во Велес за да му дадат поддршка на планот за реорганизација на...

Македонија1 ден

(Видео) Груби: Денес се раѓа ново сонце на слободата

Денес се раѓа ново сонце на слободата и исполнување на сонот на Македонија за Европската Унија, рече пратеникот од ДУИ,...

Македонија1 ден

(Видео) Заев: Граѓаните ќе ја донесат конечната одлука за името

Граѓаните ќе ја донесат конечната одлука за името, рече премиерот Зоран Заев во своето обраќање на седницата на која пратениците...

Македонија1 ден

Иванов до Заев: Поведи постапка за импичмент, мојот став за договорот со Грција е конечен

Претседателот Ѓорге Иванов го повика премиерот Зоран Заев да поведе постапка за импичмент. Во соопштението испратено од кабинетот на претседателот,...

Македонија1 ден

Груевски: Ваков договор не можев да прифатам оти Грција немала вакви барања

По изјавата на премиерот Зоран Заев дека не е првпат Македонија да прифати ерга омнес и дека тоа го направила...

Свет1 ден

САД се повлекуваат од Советот за човекови права на Обединетите нации

САД се повлекуваат од Советот за човекови права на Обединетите нации. Државниот секретар Мајк Помпео и американскиот амбасадор во ОН, Ники...

Македонија1 ден

Ратификацијата на договорот со Грција на собраниска седница

Пратениците денеска се очекува да гласаат за ратификација на договорот со Грција за промена на името, откако предлог-законот вчера попладне...

Македонија2 дена

(Видео) Архитектите не сакаат да проектираат болница за 12 денари по квадрат, Филипче ги повикува на дискусија

Тендерот што го распиша Министерството за здравство на кој се бара идејно решение за нова градска болница на местото на...

Македонија2 дена

(Видео) Димитров: Сите ја сакаме татковината и сакаме да го зачуваме идентитетот

Предлог-законот за ратификација на договорот за решавање на спорот за името e пред Комисијата за европски прашања, каде што расправата...

Досие