Контакт

Култура

Костадиновска-Стојчевска: Агенцијата за филм има средства, никој не ја кочи актуелната продукција

Објавено пред

Темата за наводно намален буџет на Агенцијата за филм, како и за обвинувањата од филмската фела дека се кочи процесот на продукција, министерката за култура Бисера Костадиновска-Стојчевска на денешната прес-конференција ја разјасни со елаборирање на буџетските сметки на Агенцијата и нивната реализација.

dobivaj vesti na viber

„Морам да го повторам истото тоа што им го реков на денешната средба и на дел од продуцентите и на дел од потписниците на јавното писмо за наводно скратениот буџет на Агенцијата за филм дека во ниту еден момент, буџетот на Агенцијата за филм не е скратен, ниту во Предлогот за прераспределба на средствата што е во Собранието. На продуцентите и на авторите им објаснив дека тие имаат погрешни информации и дека, за жал, се можеби изманипулирани дека некој ги замрзнал средствата за филм. Вистината е дека додека трае процесот во Собранието, тие средства се во мирување, но сите пари се на сметката“, рече Костадиновска-Стојчевска.

Таа ја објасни динамиката на исплата на средствата на двете сметки што ги има Агенцијата за филм, буџетската и посебната, истакнувајќи дека АФ има ниска реализација на посебната сметка, само околу 30 проценти досега.

„Неточно е дека некој скратил средства, дека некој им злоупотребил средства, или им ги замрзнал, напротив, во ниеден момент буџетот на Агенцијата за филм не е никако допрен. Ве уверувам дека за секој филмски проект кој е подготвен за реализација на фазата снимање, во која се трошат најголемиот дел од парите, и кој ја има комплетирано целокупната документација (обезбедено средства од копродуценти) и има доставено до Агенцијата за филм банкарски гаранции, ќе бидат дообезбедени финансиски средства. Доколку има потреба од дополнителни средства. Зашто и во моментов Агенцијата има пари да финансира снимање филмови, според динамика која претходно самата ја утврдила“,  рече министерката за култура.

Костадиновска-Стојчевска на новинарското прашање одговори дека Агенцијата за филм нема испратено план за исплата и дека се извртува информацијата од Министерството за култура дека до крајот на годинава ќе бидат исплатени средства. Таа објасни дека со секој доставен план, како и досега, службите во Министерството навремено ги сервисираат потребите на Агенцијата.

„Замолувам да престанат манипулациите за сопствени цели, особено за гранка која треба да ни е промотор, не само дома туку и надвор. Имаме потпишано Меморандум за соработка во кинематографијата со земјите од „Отворен Балкан“, каде што допрва нè очекува нова соработка, и затоа апелирам да се насочиме кон иднината во развојот на домашната продукција“, рече Костадиновска-Стојчевска.

Култура

Филмај – фестивалот за краток филм објави конкурс за пријавување на шестото издание

Објавено пред

ФИЛМАЈ фестивалoт на кратoк филм, организиран од фото-кино клуб “Козјак” – Куманово, од минатиот понеделник (27 ноември 2023) го отвори конкурсот за пријавување за 6-тото издание на фестивалот,

dobivaj vesti na viber

Кратките играни филмови (со траење до 20 минути и завршени после 01.01.2022), до 31 март 2024 година може да се пријават преку платформите FilmFreeway и festhome .

Филмовите може да конкурираат за награда “Лазар Ѓорѓевиќ” за најдобра режија, награда “Радислав Ристевски” за најдобра фотографија/кинематографија, награда “Koзјак” за најдобрo сценарио и награда “ФИЛМАЈ” за најдобар краток филм.

Македонските (домашни) филмови може да конкурираат за награда за најдобар македонски филм, а може да се пријават и во меѓународна конкуренција за горенаведените награди.

Фестивалот ќе се одржи во две последователни вечери во мај 2024 година.

Претходница на главната фестивалска вечер ќе биде проекциска ревија на филмови од претходните изданија на ФИЛМАЈ, и промоција на книги со филмска тематика од македонски автори.

Повеќе детали за фестивалот има на Фејсбук-страната fb.com/filmaykozjak .

На истата страна ќе бидат објавувани новости и информации во врска со фестивалот.

 

Прикажи повеќе...

Култура

Две промоции во Кинотека: „Пет македонски етнолошки филма“ и книга „Документарниот филм и идентитетот“

Објавено пред

Во среда, на 6 декември, во 12 напладне во Кинотеката ќе бидат промовирани последните изданија на Кинотеката -книгата „Документарниот филм и идентитетот“ и блу-рејот „Пет македонски етнолошки филма“.

dobivaj vesti na viber

Промотори на изданието „Документарниот филм и идентитетот“ на Сунчица Симоновска Веселиновска, виш филмолог во Кинотеката, ќе бидат проф. Драгица Поповска од Институтот за национална историја и вон. проф. д-р Атанас Чупоски, советник филмолог во Кинотеката.

Рецензенти на ова печатеното издание на истоимениот магистерски труд на Веселиновска се проф. д-р Антоанела Петковска и проф. д-р Тодор Чепреганов, кој за значењето на филмската документаристика ќе напише: „Снимањето на документарни филмови кои најчесто се насочени кон обработка на историски факти од минатото, потврдени со актуелните научни истражувања, директно влијаат врз колективната мемеорија – како клучен фактор во обликувањето на националните белези на македонскиот народ. Филмот воопшто, а посебно документарниот филм, има моќ постојано да нè враќа во минатото, поради што се наметнува потребата за зачувување на сите елементи кои заземаат значајно место во идентитетот на еден народ – каде филмот се појавува во улога на еден од чуварите и паметниците на идентитетот на тој народ“.

И за второто кинотечно издание кое ќе биде промовирано на 6. декември – блуреј изданието под наслов „Пет македонски ентолошки филма“ може да се каже дека е подеднакво значајно за идентитетот како дел од нашата колективна меморија, но пред сѐ како наше аудиовизуелно културно наследство. Станува збор, како што посочува насловот, за пет документарни филмови со етнолошка тематика, снимени во 1950-ите и 1960-ите години на минатиот век, во продукција на Етнолошкиот музеј – Скопје и продуцентската куќа „Вардар филм“. Документарните филови поместени на овој блуреј – ВЕЛИГДЕНСКИ ОБИЧАИ (1954, р. Ацо Петровски), ГАЛИЧКА СВАДБА (1955, р. Ацо Петровски), ДЕРВИШИ (1955, р. Ацо Петровски), МАРИОВСКА СВАДБА(1966, р. Вера Кличкова) и РУСАЛИСКИ ОБИЧАИ ВО ГЕВГЕЛИСКО (1957, р. Благоја Дрнков) – минатата година беа дигитално реставрирани со средства од меѓународниот проект „Сезона на филмски класици“ на Аосцијацијата на европски кинотеки (ACE – Association des Cinémathèques Européennes), кој пак е финансиски помогнат од програмата МЕДИА на Европската комисија. Дигитална реставрација на петте етнолошки филмови беше извршена од страна на проф. Владимир Павловски, а промотор на блуреј изданието ќе биде етнологот м-р Елизабета Конеска, виш кустос во Музејот на Македонија.

Прикажи повеќе...

Култура

Самостојна изложба на Ешреф Ќахили во Чифте амам

Објавено пред

Во првата половина на декември Чифте амам ќе стане музеј на детството. Станува збор за самостојна изложба на ликовниот уметник и професор Ешреф Ќахили од Приштина, Косово.

dobivaj vesti na viber

Изложбата ќе се отвори на 5 декември 2023 во 19 часот. На отворањето на изложбата ќе се обрати директорката на Националната галерија, д-р Дита Старова-Ќерими, и професорот Решат Амети, член на управниот одбор на Националната галерија.

Изложбата „Музеј на детството“ опфаќа триесетина дела во техника масло на платно и комбинирана техника и на уметничката сцена, за публиката ќе биде достапна до 18 декември 2023. Ќахили првпат изложува во Националната галерија, а овој проект е во рамките на билатералната културна размена меѓу Република Северна Македонија и Косово.

Низ триесетина дела групирани во циклуси авторот ги води посетителите низ секојдневните случки почнувајќи од најраното детство, преку младоста, па сè до зрелите години. Низ елементи на експлицитен израз на доживувањата тој раскажува за средбите со светските метрополи на уметноста и за седенките со уметниците од регионот, на кои разменувале многу творечки мисли и доживувања.

Делата на Ќахили се многу блиски до палеолитските, магдаленските слики, кои преку линијата и цртежот ни ги доловуваат експресиите од ловот, ни ги претставуваат животните, садовите, оружјето што го користеле тогашните луѓе. Во нив Ќахили преку минатото ја отсликува сегашноста, а нè води кон иднината преку својот креативен поглед низ уметничкиот изблик. Во делата преовладува геометризмот, шематизмот, а фигуративната претстава се претопува во симболи и разни знакови од религиските концепции.

Во изложените дела се издвојува фигурата како експресивен модел, вметната на чиста заднина, главно бела, но понекогаши колоритна. Фигурата и аморфното се среќаваат и на сина заднина, која постигнува ефект на уметнички баланс. Низ циклусот слики „Музеј на детството“, Ешреф Ќахили нè води низ фудбалските игралишта на играта, во која доминира линијата како премер и перфектен привид на селективниот организиран собир.

Во еден од претставените циклуси се прикажани моментите на берење плодови од природата, вклопени на платното во експресионистички манир. Можеби блискиот контакт со творештвото на албанските уметници и колеги Ибрахим Кодра и Омер Калеши на некој начин му дале позитивен импулс и му ја поттикнале креативноста цртајќи заедно на парче хартија со Кодра во Италија.

Своите платна Ќахили ги надополнува и со колажи, давајќи ѝ полет на имагинацијата. Така, во циклусот „Незаборавна слика“ ни претставува еден свет на пејзажи со повеќеслојни сегменти од растителниот свет, со вклучени делови од подводниот свет, каде што контурата е најважниот детал.

Во своето сликарство Ќахили настојува да ги претстави обичаите на секојдневието во светлината на избраните тонови. Преку прецизниот и јасен цртеж и драматичната тема го запознаваме времето во кое тој живее и начинот на кој го доживува. Пресекувањето на хоризонталата и вертикалата ја откриваат неговата индивидуалност, збогатена со рамноправно распоредените бои, кои им додаваат живост на претставените мотиви.

Куратор на изложбата е Маја Крстевска, виш кустос во Националната галерија.

Прикажи повеќе...

Најново

Свет1 минута

Нов силен земјотрес на Филипините, повторно издадено предупредување за цунами

Земјотрес со јачина од 6,6 степени според Рихтеровата скала денеска ги погоди Филипините, а веднаш беше издадено предупредување за цунами....

Топ57 минути

Скопјанец запали автомобил во Центар, огнот се прошири и на друго возило

Полицијата доцна синоќа околу 3.30 часот, во Центар, го приведе А.Г.(21) од Скопје. Тој се сомничи дека претходно на подрачје...

Македонија2 часа

Николоски: Омилената фирма на власта, Марковски, ќе заработува 63 илјади евра на ден од само 10 булдожери од РЕК Битола

Владата руши рекорди во крадење, омилената фирма на власта, Марковски компани, ќе заработува 63 илјади евра на ден од само...

Македонија2 часа

ВМРО-ДПМНЕ и СДСМ продолжуваат со препукувањата околу платите на министрите и градоначалниците

И утрово ВМРО-ДПМНЕ и СДСМ продoлжија со соопштенијата во кои меѓусебно се обвинуваат за високите плати на грбот на граѓаните....

Европа4 часа

(Видео) Напаѓач уби турист кај Ајфеловата кула и нападна уште двајца, извикал „Алах акбар“

Маж е убиен, а двајца повредени во напад со нож и чекан на улица во центарот на Париз. Францускиот министер...

Свет4 часа

Четири лица загинаа, 42 се повредени во експлозија на католичка миса на Филипините

Четири лица загинаа утрово во експлозија на католичка миса на југот на Филипините. Инцидентот се случил во гимназијата на државниот...

Македонија15 часа

Голема загаденот во Струмица, стапија во сила мерките и препораките

Високо е загадувањето на воздухот во Струмица, каде два дена мерните станици покажуваат високи концентрации на ПМ10 честички повеќе од...

Свет16 часа

Прекинати преговорите меѓу Израел и Хамас за ослободување на заложниците

Преговорите меѓу Израел и Хамас за заложниците држени во Газа прекинаа денеска откако Израел продолжи да инсистира на ослободување на...

Топ18 часа

Деца силувале дете во Скопје, таткото на момчето пријавил во полиција

Maж од Скопје пријавил во полицијата дека две лица го силувале неговиот малолетен син. Според информациите во полицијата, таткото рекол...

Македонија21 час

Приведени пет лица за случајот со исчезнувањето на 14-годишната Вања, полицијата обезбеди и едно возило

Пет лица се приведени доцна синоќа во врска со случајот со исчезнувањето на 14-годишната Вања, и обезбедено е едно возило,...

Македонија22 часа

Ковачевски вели дека не постои расположение сега да се укине техничката влада, туку од следните избори

Не постои консензуално расположение сега на краток период пред одржување на изборите да се укине техничката влада. Ова го истакна...

Македонија1 ден

(Видео) Автомобил удри во мечка кај Тетово – полесно повредени децата во возилото

Доцна синоќа на локалниот пат Тетово – Ноштено , автомобил удрил во млада мечка која го минувала патот заедно со...

Регион1 ден

Случаен избор или порака – сите очи вперени во вратоврската на кралот Чарлс со грчкото знаме

Изборот на вратоврската од страна на британскиот крал Чарлс на конференцијата COP28 во Дубаи поттикна шпекулации дека тоа е шифрирана...

Регион1 ден

Не сакав да седам на маса со земји кои не’ прогласија за непријатели, рече бугарската министерка која го напушти Скопје пред да стигне Лавров

Не можам да седам на иста маса со луѓе кои имаат антибугарски и антиевропски манифестации, изјави бугарската вицепремиерка и министерка...

Македонија1 ден

Шести ден ни трага ни глас од исчезнатата Вања, се пребаруваат и подруми и речни корита

Шести ден се трага по исчезнатата Вања Ѓорчевска, на која и’ се изгуби трагата на пат кон училиштето „Песталоци“. Во...

Свет1 ден

Војната во Газа повторно се разгорe: Израел нападна 400 цели, Хамас тврди дека се убиени 240 луѓе

Израелската војска соопшти дека погодила повеќе од 400 цели во Појасот Газа по истекот на прекинот на огнот, при што...

Македонија1 ден

Скопје повторно на врвот на листите на загаденост на воздухот

Скопје и оваа зима е загадено. Откако синоќа повторно градот се проби меѓу првите 10 држави во светот според загаденоста,...

Македонија2 дена

Лавров се врати во Москва прегу Грција и Турција: Министерот за надворешни работи на Русија најбараниот гостин во Скопје

Авионот на рускиот министер за надворешни работи Сергеј Лавров, кој присуствуваше на состанокот на Советот на министри на ОБСЕ во...

Свет2 дена

Путин потпиша нова уредба како одговор на агресивната активност на НАТО

Рускиот претседател Владимир Путин потпиша указ за одредување на бројот на редовни припадници на вооружените сили на Руската Федерација, соопшти...

Свет2 дена

Обновени судирите меѓу израелската армија и Хезболах: две лица загинаа во јужен Либан

Израелската армија соопшти дека погодила „терористичка ќелија“ во јужен Либан, а либанскиот Хезболах ги обнови нападите врз Израел. Две лица...