Контакт

концерти

„Моја бесмртна љубов“ – нова концертна сезона на Филхармонијата

Објавено пред

Новата концертна сезона (2019-2020) на Филхармонијата е со наслов „Моја бесмртна љубов“. Oд Филхармонијата најавуваат сезона богата со  фантастичен избор на солисти и диригенти, како и софистицирана и деликатно избрана програма која ќе го презентира диверизитетот на класичната музика преку разни естетики и стилови.

„Насловот алудира на писмата што Лудвиг ван Бетовен ги адресирал на својата мистериозна бесмртна љубов, кои и денеска се пример за деликатно и емотивно обраќање кон љубената. Со оваа посвета на Бетовен, која нема да биде одбележана само со насловот на сезоната, туку и преку изведба на негови дела, Филхармонија се вклучува во одбележувањето на 200-годишнината од раѓањето на овој германски композитор, која ќе се прославува насекаде во светот во 2020 година“, истакна Виктор Илиески, директор на Филхармонијата.

И Филхармонијата прославува значаен јубилеј – 75 години од формирањето.

„По повод овој значаен јубилеј нашата институција подготви роденденски концерт кој ќе се одржи на 21 ноември. На роденденскиот концерт ќе присуствуваат министрите што ќе учествуваат на самитот на земјите од Централна и Југосточна Европа и Кина – 16+1, кој тогаш ќе се одржува во Скопје. Тоа е голема чест и привилегија за нас како институција бидејќи овој концерт ќе претставува и презентација и промоција на нашата музичка традиција во пошироки рамки“, истакна Илиески.

Сезоната на Филхармонијата се отвора на 26 септември со концерт на кој ќе биде изведена музичката поема „Така зборуваше Заратустра“, антологиско дело на Рихард Штраус. Како солист ќе настапи врвниот руски пијанист Александар Мелников, чија изведба, како што оценуваат критичарите, речиси секогаш е проткаена со акутен, предизвикувачки и речиси саркастичен хумор.

„Со оркестарот ќе диригира Антони Вит, еден од највлијателните полски диригенти, добитник на наградата „Херберт вон Карајан“ во 1971 година. Вит му бил и асистент на Карајан на Велигденскиот фестивал во Салцбург, а неговата богата интернационална кариера вклучува настапи со најзначајните оркестри во Европа, Америка и Далечниот Исток“, истакна Илиески.

На прес-конференцијата зборуваше и продуцентката Роза Нолчева, која истакна дека и во новата сезона публиката ќе има можност да слуша солисти што настапуваат со водечките оркестари во Европа и Америка.

„Навистина е тешко секоја година да се прави исчекор во конципирањето на програмата кога стандардите се поставени високо, а ние се обидуваме да поставуваме високи параметри кога станува збор за секоја нова концертна сезона“, рече Нолчева.

Ана Кондратенко, концерт-мајстор во оркестарот на Филхармонијата, ја истакна програмата која паралаелно ќе се реализира на Камерната сцена.

„Исто така, во Камерната сала ќе продолжат да се одржуваат рецитали на странски, но и на нашите солисти, главно од оркестарот на Филхармонијата на кои оваа сцена им е матичен подиум на кој може активно да концертираат во разни формации и состави“, истакна Кондратенко.

Владимир Костов потенцира дека за него како концерт-мајстор и музичар во оркестарот е важно тоа што програмата е деликатно конципирана со настапи на врвни солисти и диригенти.

 

концерти

Зографска-Беличанец: Купивме локација во Охрид за да бидеме поблиску до Охридско лето

Објавено пред

Музичката програма на годинешното 59. издание на Охридско лето беше заокружена вчеравечер со авторски концерт на великанот на македонската класична музика, композиторот Томислав Зографски, со што и фестивалот се вклучи во одбележувањето на големиот јубилеј, 85 години од неговото раѓање.

На подиумот во црквата „Света Софија“, каде што во текот на изминатите 40 фестивалски вечери се одржа најголемиот дел од концертите на класична музика, синоќа настапија македонските уметници – флејтистката Билјана Камчева, кларинетистот Ристо Ѓоревски, Марјан Милошевски на фагот, пијанистите Марија Ѓошевска, Елена Атанасовска-Илиевска, Марија Вршкова и Даница Стојанова, гудачкиот квартет „Зографски“, како и баритонот Горан Начевски.

Извонредната македонска пијанистка Даница Стојанова ја изведе една од најголемите и најизведувани композиции на Томислав Зографски – „Суита за соло пијано“, што ја има на својот репертоар и кога настапува на концерти во странство.

„Ние, македонските уметници, синоќа ги изведовме капиталните дела на Зографски, кои, секако, ги имаме изведувано и надвор од границите на нашата држава. Како што можеше да се чуе од публиката и аплаузите, имавме прекрасен концерт и пријатна атмосфера. Јас лично ја изведов ‘Суитата за соло пијано’ од Зографски, која како дело е едно од најизведуваните и најслатки негови композиции, но е доста комплексна. Се разбира, голема е одговорноста да се настапува на ваков тип концерти каде што немате свој целовечерен момент, туку само неколку минути за да покажете сè што умеете. Се надевам дека ние го покажавме она што го чувствуваме за музиката на Зографски и јас сум особено среќна што ми се укажа таа можност“, вели пијанистката Стојанова.

Даница Стојанова денес е една од најреномираните професорки по пијано и камерна музика во средното училиште ДМБУЦ „Илија Николовски-Луј“, каде што постигнува високи резултати со своите ученици на државната и меѓународната сцена.

„Македонското творештво е застапено на сите мои концерти. Тоа стана моја програмска традиција. Имаме прекрасно македонско класично творештво и морам да кажам дека во текот на последните 10 години настапувам во Европа и Азија и имам фантастичен приод на македонските автори. Се разбира, тоа им го пренесувам и на моите ученици“, додава Стојанова.

Помеѓу публиката, која синоќа го проследи концертот со дела од Томислав Зографски, беа и сопругата на композиторот, Панда Зографска-Беличанец, како и нивните ќерки.

„Ние како семејство и фондација решивме целата оваа година да го одбележуваме јубилејот, 85 години од раѓањето на Зографски, затоа што ова е висок јубилеј и сметавме дека со повеќе настани во текот на целата година ќе биде поинтересно и за публиката. Многу сум задоволна од концертот на Охридско лето затоа што тој уште како многу млад беше вклучен во фестивалот“, вели Зографска-Беличанец.

Сопругата на Зографски со години е дел од публиката на фестивалот Охридско лето, но се присети и на фестивалските изданија кога заедно со композиторот доаѓале во Охрид токму за фестивалот.

„Зографски е врзан за Охридско лето уште од најраниот творечки период, уште од 1965 година, кога на петгодишниот јубилеј на фестивалот, заедно со маестро Ловро Маточиќ, ја изведе неговата ‘Фантазија Корале’. Во оваа пригода ќе откријам нешто што досега никогаш не сум го обелоденила. И локацијата што ја купивме во 1967 година во Охрид ја избравме за да се биде на Охридско лето. Зографски имаше намера и пијанино да донесе тука, но, за жал, не дочека. Но, најважно е да се слави неговата музика. Секогаш велам дека е најважно да се изведуваат и Зографски и македонската музика, а времето ќе си ја оценува вредноста. Меѓутоа, мора да се слуша. Јас им сугерирам и на нашите уметници што одат во странство, редовно да ставааат домашно дело на репертоарот. Како публиката надвор поинаку ќе чуе за нашата музика. Во нашата музика има нешто специфично што им е ново на странците“, додава Панда Зографска-Беличанец.

Зографски е еден од основоположниците на македонската композиторска школа и автор на повеќе од 150 дела. Томислав Зографски претставува значајна алка во создавањето на современиот македонски композиторски израз не само поради неговиот личен опус туку и поради влијанието што го имал во создавањето нови млади композитори преку неговата педагошка дејност на Факултетот за музичка уметност, каде што бил декан и продекан.
Неговите дела се изведувани во САД, Русија, Јужна Америка, Мексико, Австралија, Нов Зеланд, Шведска, Грција, Шпанија, Франција, Литванија, Грузија,Украина, Велика Британија, Италија, како и во поранешна Југославија.

Прикажи повеќе...

концерти

„Охридско лето“ утре одбележува 85 години од раѓањето на композиторот Зографски

Објавено пред

Во рамките на фестивалот „Охридско лето“ утре во црквата „Света Софија “ со почеток во 21 часот ќе се одржи концерт посветен на јубилејот, 85 години од раѓањето на композиторот Томислав Зографски.

На авторската вечер посветена на творештвото на Томислав Зогравфски учество ќе земат реномираните македонски уметници: пијанистите Марија Ѓошевска, Елена Атанасовска-Илиевска, Марија Вршкова и Даница Стојанова, Марјан Милошевски на фагот, Ристо Ѓоревски на кларинет, флејтистката Билјана Камчева и Гудачкиот квартет „Зографски“.

Зографски е еден од основоположниците на македонската композиторска школа и автор на повеќе од 150 дела. Томислав Зографски претставува значајна алка во создавањето на современиот македонски композиторски израз, не само поради неговиот личен опус, туку и поради влијанието кое го имал во создавањето на нови млади композитори преку неговата педагошка дејност на Факултетот за музичка уметност каде бил декан и продекан.

Неговите дела се изведувани во САД, Русија, Јужна Америка, Мексико, Австралија,Нов Зеланд, Шведска, Грција, Шпанија, Франција, Литванија, Грузија,Украина, Велика Британија, Италија и во сите центри на поранешна Југославија.

Добитник е на две награди за животно дело, како и на голем број значајни награди за композиции и за филмска музика. Неговите дела се издадени на носачи на звук, а музикологот Марко Коловски е автор на монографија посветена на ликот и делото на Томислав Зографски. Дел од неговото творештво се наоѓа во библиотеките на престижни музички образовни институции во Полска, Германија, Казакстан, Русија, Швајцарија, Србија и Кина.

Прикажи повеќе...

концерти

Младиот пијанист Величков се претстави на „Охридско лето“

Објавено пред

Mладиот и талентиран пијанист Димчо Величков од Бугарија кој со пијаното другарува уште од шестгодишна возраст синоќа се претстави на фестивалот „Охридско лето“ музицирајќи под сводовите на црквата „Света Софија“.
Лауреатот, победникот на многу натпревари за млади пијанисти, вечерта ја започна со Прелудиум. Опус 3 бр.1 од Сергеј Рахмањинов, а ги изведуваше и делата за пијано од синоќешната програма.

„На фестивалскиот репертоар се претставив со композиции од Сергеј Рахмањинов,со Етидитите на Александар Скрјабин, како и со композиции од Модест Мусоргски. Исто така, свирев и дела од двајца бугарски композитори, Красимир Кјуркчијски и Александар Владигеров. Со пијаното сум од мојата шестгодишна возраст и се надевам дека публиката беше задоволна од она што јас го научив во изминатите години“, рече младиот уметник Величков.

Димчо Величков е роден во 1987 година во Стара Загора, Бугарија во семејство на музичари. Започнува да свири пијано на шестгодишна возраст, а само една година подоцна започнува да учи во класата на неговиот татко во музичкото училиште во родниот град. На девет години ја добива наградата „Млади надежи “ на IV Интернационален натпревар „Музиката и земјата“ во Софија.

Во 2002 година, Величков настапува во салата „Бугарија“, а една година подоцна е солист со оркестарот на Државната опера во Стара Загора. Во 2005 година ги започнува студиите на Универзитетот за музика и уметности во Виена во класата на проф. Франц Цетл, а дипломира во 2011 година во класата на проф. Маркус Праусе. Концертно настапува во Бугарија, Полска, Кореја, Русија и Словачка. Во 2013 година на покана на бугарската амбасада и Културниот центар на Бугарија во Москва настапува на прославата на бугарската култура во главниот град на Русија.

Димчо Величков настапува солистички, но и како дел од различни камерни состави соработувајќи со Клара Шуман-флејта, Улјана Левит-сопран, Фулвио Бертосо и Ина Петкова-виолончело, Маико Еномото-виолина, Михо Јамамура-пијано.

Веќе трета година тој е ангажиран како професор по пијано на Конзерваториумот „Франц Шуберт“ и на приватната музичка школа „Шмид и Цетлман“во Виена.

„Студентите се малку помлади од мене и многу добро се согласуваме. Јас го давам максимумот од себе да им го предадам целото мое знаење и вештини, и се надевам дека успевам во тоа“ појаснува Величков.

Извонредниот уметник првпат настапува на„Охридско лето“ и како што вели, голема е честа да се настапува на еден ваков фестивал којшто ги носи најголемите уметнички имиња од светот на класичната музика.

Прикажи повеќе...

Најново

Македонија8 часа

(Видео) Русковска: Не би барала притвор за Јанева без доволно докази

Обвинителката Вилма Русковска по одлуката на судот да ѝ одреди 30-дневен притвор на Катица Јанева, вели дека нејзината колешка претхдно...

Македонија9 часа

(Видео) Триесет дена притвор за Катица Јанева

Од вечерва шефицата на СЈО, Катица Јанева, е во истражниот затвор „Скопје” во Шуто Оризари. Судија на претходна постапка ѝ...

Регион9 часа

Закани за бомби испратени до редакции и аеродроми во Бугарија

Бугарската полиција почна да истражува неколку закани за бомби испратени преку е-пошта до медиумски куќи во Софија и до најголемите...

Македонија11 час

Павлески: Јанева е жртва на случајот „Рекет“

Адвокатот Стеван Павлески кој ја застапува шефицата на СЈО, Катица Јанева, за случајот „Рекет“ вели дека таа е жртва на...

Македонија12 часа

(Видео) Влада: Одговорност мора да има за сите инволвирани во случајот „Рекет“.

Од Владата соопштија дека отворениот случај „Рекет“, во кој сега осомничена е и првата специјалната обвинителка Катица Јанева, потврдува дека...

Македонија12 часа

Катица Јанева донесена во Кривичен суд на распит

Специјалната јавна обвинителка Катица Јанева попладнево откако беше уапсена, однесена во специјалното јавно обвинителство и во нејзиниот дом, спроведена е...

Македонија12 часа

Заврши претресот во куќата на Јанева, со полиција однесена на распит во суд

По два часа заврши вториот претрес во куќата каде што живее шефицата на СЈО, Катица Јанева. Таа по претресот во...

Македонија15 часа

Обвинителството бара притвор за Јанева, стекнала имотна корист од 298.000 денари

Јавното обвинителство бара притвор за специјалната јавна обвинителка Катица Јанева по проширувањето на истрагата за случајот „Рекет“ и попладнево беше...

Македонија15 часа

Во присуство на Јанева се врши претрес во СЈО

По приведувањето на специјалната јавна обвинителка, Катица Јанева, од нејзиниот дом во скопската населба Козле, таа е донесена во просториите...

Топ18 часа

Скопјанец загина при пад на кран кај зградата на ФФМ, оштетени се и две возила

Скопјанец на возраст од 56-години загинал при работен зафат на зградата на ФФМ во попладневните часови на 20 август. Како...

Регион19 часа

Опозицијата во Албанија го обвини Рама дека украл милијарда евра

Лидерот на албанската опозиција, Љуљзим Баша, во нова видеопорака на социјалната мрежа „Фејсбук“ го обвини албанскиот премиер, Еди Рама, за...

Свет20 часа

Преродба на големата осумка, Трамп и Макрон ја поканија Русија на Г7

Американскиот претседател, Доналд Трамп, го одобри предлогот на Емануел Макрон да ја покани Русија на самитот Г7 во САД в...

Македонија20 часа

Сончево и топло време со температури до 38 степени

Времето денеска ќе биде сончево и топло. Ќе дува слаб до умерен ветер претежно од североисточен правец. Минималната температура ќе...

Регион21 час

Помпео ѝ се закани на Атина со санкции поради иранскиот танкер

САД ќе преземат сѐ што е можно за да спречат иранскиот танкер да достави нафта во Сирија, изјави американскиот државен...

Македонија21 час

На Богородица и Табановце се чека до 30 минути

Интензитетот на сообраќај на патните правци надвор од градските средини е зголемен, информираат од Автомотосојузот на Македонија. На граничните премини...

Hitech1 ден

„Фејсбук“ ќе престане да ве следи на интернет, но ќе мора да го побарате тоа

Социјалната мрежа „Фејсбук“ објави дека ќе ја промени својата досегашна политика и ќе им овозможи на корисниците да ги гледаат...

Македонија2 дена

(Видео) Јанева по распитот за „Рекет“: Сведок сум и не чувствувам вина

Катица Јанева, по распитот кај обвинителката Вилма Русковска, рече дека таа засега е сведок во случајот „Рекет”. Таа најави дека...

Македонија2 дена

ОЈО отфрли иницијатива на антикорупциската за вработување судски соработник, застарело делото

Надлежен јавен обвинител од Основното јавно обвинителство Скопје донесе решение за отфрлање на иницијативата за кривично гонење поднесена од Државната...

Македонија2 дена

Спасени две лица што заталкале на Шар Шланина

Полициски службеници спасија двајца браќа на Шар Планина што заталкале упатувајќи се со мотоцикли кон Титов Врв по што планирале...

Македонија2 дена

Почнува трансформацијата на ординациите по општа медицина во ординации по семејна медицина

Специјалистите по семејна медицина од денеска може да почнат постапка за трансформација на своите ординации по општа медицина во ординации...

Досие