Контакт

концерти

Олафур Арналдс со албумот на 21 век во „Сава центар“ во Белград

Објавено пред

На 20 ноември во белградскиот „Сава центар“ концерт ќе одржи маестралниот исландски музичар Олафур Арналдс, кој ќе го промовира еден од најдобрите албуми на 21 век, Re:member.

Во текот на последните петнаесетина години 33-годишниот пијанист, мултинструменталист и композитор Олафур Арналдс константно се откриваше и себе и музиката, која го инспирира и провоцира. Музата го водеше на потполно поинакви страни: од улога на тапанар во хардкор-бенд и свирење на Шопен со Алис Сара От преку соработката со многуте локални (исландски) уметници во рамките на Mercury Classics проектот (Island Songs) и компонирањето музика за култната ТВ-серија Broadcurch, до соработката со Јанус Расмусен на нивната визија на електронска/техно/клупска музика низ Kiasmos.

Во меѓувреме, правеше музика и за балет и за филм. Ги складира сите тие искуства, технички напредуваше, го ширеше кругот на уметници што ги инспирираат и се подготвуваше за конечно излегување од капислата. Арналдс на Re:member, кој е официјално негов четврти (соло) студиски албум, сите тие сурови искуства на свирење разни жанрови ги пушти да се преплетуваат и комбинираат без филтрирање, а во исто време влезе во сржта на креативниот процес во кој уметникот во текот на креацијата целосно изгледува од маѓепсаниот круг на туѓите и сопствените очекувања и навики.

Светските медиуми албумот Re:member го опишаа како запознавање на несекојдните агли на мистичниот Исланд, од каде што потекнува овој фантастичен композитор, музичар и продуцент.

Една од работите што овој Исланѓанин го прават посебен е дека токму во време на најдлабоката креаторска блокада изуми нов инструмент. Софтверот „Стратус“, кој Арналдс го креира, му помага со помош на само еден клавир да контролира уште два, кои го следат и баш според овој принцип настана албумот Re:member.

Овој албум го води слушателот низ разни расположенија и чувства, низ разни музички пејзажи. Секое парче на овие дела е можно да се чуе одделно – композицијата, придружно звучни елементи и поп-призвуци кои се пробиваат и цветаат низ песната. Секоја нумера со својот почеток нагласува дека re:member продолжува да тече, не се заморува и не му дозволува на слушателот да се умори бидејќи секојпат носи нешто ново и целосно неочекувано.

„Ова е албум со кој излегувам од своите рамки“, објаснува Арналдс. „Ги користам суровите влијанија од разните жанрови и не сакам ниеден начин да ги филтрирам. Албумот заоѓа во длабочините на креативниот процес и прикажува како поединецот може да манипулира со ситуацијата и да излезе од
навиките и очекуваното“.

Сепак, низ 12-те композиции на албумот Олафур не се исклучува, туку го повикува слушателот да му се придружи и да биде дел од неговиот креативен процес. Ваквите мотиви се видливи и на неговите настапи кога се труди целата публика да ја вклучи во самата изведба. „Сакам мојата музика да ја инспирира креативната заедница“, истакнува тој.

Светот изненадно минатата година го напушти единствениот Јохан Јохансон, но за оној суптилен дел на емоциите кои само музиката може да ги предизвика и да ги извлече во прв план, тука се и натаму алхемичарите Нилс Фрам, Макс Рихтер, Олафур Арналдс и други, кои сè уште се откриваат себеси и значењето што музиката го има во ова време на отуѓеност и површност.

Концертот на Олафур Арналдс не е само музички настан на годината на Балканот, ова е момент во просторот и времето кој може да инспирира на разни големи работи на генерации луѓе што сè уште не се сиурни во својот талент и своите чувства. Овој концерт се слуша со широко отворено срце.

Никола Бурагев

концерти

Концерт со ирскиот пијанист Бери Даглас во Филхармонијата

Објавено пред

„Љубов за Клара“ е наслов на концертот на оркестарот на Филхармонијата, кој ќе се одржи в четврток, 12 декември, во 20 часот. Солист е фантастичниот ирски пијанист Бери Даглас, кој ќе го изведе романтичниот Концерт за пијано и оркестар оп. 54 од Роберт Шуман. На програмата се и Шпанско капричо оп. 34 од Николај Римски – Корсаков и Италијанско капричо оп. 45 од Петар Илич Чајковски. Диригент е Емил Табаков од Бугарија.

Бери Даглас е ирски пијанист, кој својата богата меѓународна кариера ја почнува во 1986 година кога го добива „Златниот медал“ на интернационалниот натпревар за пијано „Чајковски“ во Русија. Важи за оригинален пијанист со препознатлива лирика во изразот и автентичен пијанистички сензибилитет. Критичарите го нарекуваат титан на пијаното.

Даглас како солист настапува со врвни светски оркестри, а во последните неколку како уметнички директор на Камерата Ирска имаше имаше турнеи во Аргентина, Бразил, Австралија, Полска, Русија, САД, Британија, Италија, Јапонија… Освен со светските оркестри, Даглас настапува и како камерен музичар – свирел во „Ројал Алберт хол“, „Вигмор хол“, „Барбикан“… Ексклузивен уметник е на издавачката куќа „Чандос“ за која неодамна сними шест албуми со сите соло-дела за пијано од Јоханес Брамс.

Бери Даглас ќе го изведе емотивниот концерт за пијано и оркестар од Роберт Шуман, посветен на неговата жена и најголема љубов – Клара Шуман. Во 1837 година, три години пред да се земат, Шуман ѝ напишал писмо на Клара, во кое ги сумирал своите идеји за големо музичко дело за пијано (Концертот за пијано и оркестар оп. 54). „Тоа ќе биде компромис меѓу симфонија, концерт и голема соната“, напишал Шуман. Амбицијата на млад композитор е очигледна во ова дело, но ќе поминат дури 8 години додека не биде премиерно изведено ова дело. Концертот каков што го познаваме, во кој се чувствува среќа и романтичност од почетокот до крајот, премиерно е изведен во 1846 година. Го извела Клара Шуман.

На програмата е и „Шпанско капричо“ од Николај Римски – Корсаков, фантастична оркестарска композиција, која изобилува со разни музички бои, мелодиски дизајн и фигуративни матрици, кои се менуваат во секој инструмент.
Ќе прозвучи и „Италијанското капричо“ од П. И. Чајковски – инспирирано од патувањето на композиторот во Рим. Додека бил во Рим, ѝ пишал на својата пријателка Надежда фон Мек дека речиси ги финишира скиците за италијанската фантазија. Музички ова дело ја отсликува Италија онака како што ја видел Чајковски.
Маестро Емил Табаков од Бугарија, кој ќе го води концертот в четврток, е еден од најзначајните диригенти на овие простори. Образованието го завршува на Бугарската државна академија студирајќи контрабас на гудачкиот оддел, паралелно студира и дипломира на одделот за диригирање, а во 1978 година дипломира и на одделот на композиција. Една година пред тоа Табаков ја освојува првата награда на натпреварот за млади диригенти „Николај Малко“ во Копенхаген.

Покрај оркестрите во неговата родна Бугарија, како гостин диригент настапува со оркестри во Германија, Англија, Шведска, Полска, Франција, Италија, Русија, Шпанија, Романија, Австрија, Швајцарија, Данска, САД, Австралија, Канада, Јапонија, Јужна Кореја, Сингапур, Тајван, Израел, Холандија… Маестро Табаков диригира и оперски спектакли, а на неговиот репертоар се наоѓаат многубројни симфониски оперски дела, од класичните, романтичните и од современите композитори. Досега реализирал повеќе од 250 симфониски и оперски записи за голем број музички куќи во Бугарија, Германија, Холандија, САД, а од нив се издвојуваат комплетните снимки на сите симфонии од Густав Малер (колекција од 15 цедеа), комплетни циклуси симфонии од Александар Скрјабин и од Јоханес Брамс, сите концерти за пијано и оркестар од Лудвиг ван Бетовен.

Прикажи повеќе...

концерти

Концерт „Класиката го среќава Џезот“ на Квартет тромбони во Музеј „Борис Христов“ во Софија

Објавено пред

Во Музејот „Борис Христов“ во Софија, денеска со почеток од 18:30 часот, ќе се одржи концертот „Класиката го среќава џезот“ на Квартет тромбони од Северна Македонија. Концертот е во организација на Културно-информативниот центар на Република Северна Македонија во Софија, дел е од Годишната програма на нашиот КИЦ во Софија и е подржан од Министерството за култура на РСМ.

Квартетот Тромбони на Македонската Филхармонија е формиран 2016 година. Во него членуваат Димче Белчовски, Бранко Илиевски и Никола Ристевски на тромбон и Александар Ниниќ на туба. Нивната долгогодишна соработка во Македонската филхармонија е преточена во камерен состав кој има за цел концертна промоција и унапредување на музичко сценската дејност низ државата и надвор од неа.

Во 2017 година квартетот одржа три концерти во Берово,Кавадарци и Битола со репертоар од класичен карактер, на кој се најдоа познати дела, адаптирани за квартет тромбони од Р. Вагнер, А. Рубинштајн и други, но и композиции напишани конкретно за ваков вид состав. Во наредната, 2018 година настапуваат во малата сала на новиот објект на Македонската филхармонија во Скопје, овој пат со сосема различен репертоар. Концертот беше насловен „Класиката го среќава Џезот“, а на програмата беа најпознатите џез композиции, аранжирани за ваков состав. Следат два концерти во Њујорк, во Македонскиот културен центар и на Брас фестивалот кој се оддржа за прв пат 2018 година.

Прикажи повеќе...

концерти

Пијанистот Дино Имери најавува „Зимска бајка“ во пресрет на празниците

Објавено пред

На 10 декември во камерната сала на Филхармонија, нашиот пијанист Дино Имери ќе одржи концерт со наслов „Зимска Бајка“.

Концертот е всушност збогатување на празничната атмосфера и одлична можност за подигнување на новогодишното расположение, информираат од организаторот „Баги комуникации“.

Концертот симболично ќе започне со делото „Декември“ од Петар Илич Чајковски, а ќе продолжи со фрагменти од „Оревокршачка“. Потоа настапот ќе продолжи со делото на Сергеј Рахмањинов „Прелудиум во g-moll“, Франц Лист – „Унгарска Рапсодија бр.2“, Јохан Штраус помладиот со неговата „ТричТрач Полка“ и „Ла Валс“ на Морис Равел.

„Искрено и длабоко верувам дека генијалната музика на големите автори кои ќе бидат дел од програмата ќе ги стопли срцата на сите присутни и барем за миг заедно ќе ја пронајдеме магијата и мистеријата на зимата. Со радост и нетрпение ја очекувам средбата со мојата домашна публика, непосредно пред моите настапи во неколку европски престолнини“, вели Дино Имери.

Тој важи за еден од најреномираните македонски пијанисти. Настапувал со огромен успех со Стразбуршка Филхармонија, Софиска Филхармонија, Македонска Филхармонија, Симфониски и Камерен Оркестар на ФМУ, Македонска Опера и Балет, Камерен Оркестар на Музичка Младина на Македонија. Рецитално настапувал на престижни сцени низ цела Европа меѓу кои и „Ватрослав Лисински“ – Загреб, Палата „Естерхази“ и „Лист-Центрум“ во Австрија, „Пијано Плаж Фестивал“ во Франција, Фестивал Охридско Лето, Скопско Лето, Интерфест – Битола и др.

Концертот е со почеток во 20 часот а влезниците можат да се набават преку продажната мрежа на „Купи Карти За Се“, „Југотон“ како и онлајн.

Прикажи повеќе...

Најново

Македонија58 минути

По 33 години постоење, згасна охридскиот атлетски маратон

По 33 години постоење, згасна охридскиот атлетски маратон. Ова го потврди досегашниот организатор Пецо Неданов, кој на „Фејсбук“ објави дека...

Свет1 час

Разбиена мрежа на педофили, снимале силување бебиња, уапсени 33 лица во 11 земји

Заедничката акција на полициските сили во дури 11 држави доведе до апсење 33 лица осомничени за малтретирање деца, прикажување, добивање...

Македонија1 час

Речиси половина милион жители во нашата држава немаат постојан пристап до храна

Честопати Северна Македонија е ставена на листата со рекордери во загуби на храна и отпад од храна, а истовремено се...

Свет3 часа

Шведска лекарка ја врати Нобеловата награда за мир како протест поради Хандке

Шведската лекарка и писателка Кристина Доктаре, која ја доби Нобеловата награда за мир во 1988 година како членка на мировните...

Свет3 часа

(Видео) Најмалку шест лица загинаа во пукање во Њу Џерси

Најмалку шест лица, меѓу кои и еден полицаец и двајца осомничени вооружени лица, загинаа во повеќечасовно пукање кај гробиштата и...

Регион4 часа

Шестмина мигранти починаа од студ на грчко-турската граница

Шестмина мигранти починаа од студ на грчко-турската граница. Тие се пронајдени во регионот Еврос, на грчко-турската граница, во периодот од...

Македонија16 часа

Владата даде рок до петок – на увид ги бара сите информации за зачувувањето на статусот на УНЕСКО

Владата ја разгледа и усвои Информацијата за степенот на реализација на препораките на Реактивната мисија на УНЕСКО од 2017 година,...

Македонија16 часа

Предлог-законот за висока раководна служба оди во Собрание

На предлог на Министерството за информатичко општество и администрација, Владата го утврди текстот на предлог – законот за висока раководна...

Свет18 часа

Се подготвува масовен каталонски протест во пресрет на дербито Барселона – Реал Мадрид

Каталонската платформа „Демократско цунами“ ги повика заговорниците за независност на Каталонија за масовни протести по осум дена пред стадионот „Камп...

Регион19 часа

Хрватските возачки дозволи во иднина ќе важат и во САД, Канада, Аргентина …

Парламентарците денеска го поздравија пристапувањето на Хрватска во Конвенцијата за патен сообраќај, односно Женевската конвенција, со која ќе се овозможи...

Македонија22 часа

Благајничката на Камчеви: Со обезбедување дојдов во менувачницата, а парите ги претворив во евра

По паузата во Кривичниот суд во Скопје, продожи судењето за предметот „Рекет“, сведочеше благајничката на семејството Камчеви, Мирјана Бошковска. Таа...

Македонија23 часа

„Екосвест“: ТЕЦ „Битола“ ги надминува дозволените вредности за емисии на токсични супстанции

Државите од Западен Балкан ги надминуваат граничните вредности за емисии во воздухот од термоелектраните на јаглен договорени со Енергетската заедница...

Македонија1 ден

Руте: Албанија не е подготвена, а Северна Македонија е поблиску до почнување преговори со ЕУ

Холандија не се спротивставува на проширувањето на ЕУ, рече премиерот на Холандија, Марк Руте, кој верува дека Албанија во моментот...

Македонија1 ден

Камчева: Боки 13 беше како специјален јавен обвинител, тој знаеше сè

Во продолжението на судењето за случајот „Рекет“, сопругата на Орце Камчев, Ана Камчева, рече дека 350 илјади евра за рекет...

Македонија1 ден

(Видео) Сведок во „Еразмус“: Шуклев бараше секс или пари од студентки за преодна оценка

Ексвработениот во бифето на Економскиот факултет, Дејан Трајковиќ, кој е сведок во случајот „Еразмус“, во судницата рече дека професорот Бобек...

Македонија1 ден

(Видео) Заев и Шекеринска: Овој носач на авиони веќе е дел од нашата одбрана

Претседателот на Владата, Зоран Заев, и министерката за одбрана, Радмила Шекеринска, оценија дека сме дел од најмоќната воена и политичка...

Македонија1 ден

(Видео) Камчева: Во стан во Капиштец ми бараа милиони евра за сопругот

Сопругата на бизнисменот Орце Камчев, Ана Камчева, го почна сведочењето за случајот „Рекет“. Камчева рече дека на 9 ноември 2018...

Свет1 ден

Ардерн: Има прашања што мора да бидат одговорени, размерите на трагедијата се катастрофални

Премиерката на Нов Зеланд, Џакинда Ардерн, истакна дека има прашања што мора да бидат поставени и одговорени по ерупцијата на...

Свет1 ден

Военото воздухопловство на Чиле потврди дека авионот се урнал, во тек е потрага

Военото воздухопловство на Чиле соопшти денеска дека воениот авион, кој претходно синоќа исчезна од радарот, се урнал. Воздухопловството се огласи...

Свет1 ден

Пукање во болница во Чешка, најмалку шестмина убиени

Шест луѓе се убиени во пукање во болница во Чешка, објави Би-би-си. Нападот се случил утрово околу 7 часот. Полицијата...

Досие