Контакт

Книги

Погледнете ја листата на најпродавани книги за 2020 година од издавачката куќа „Арс Ламина“

Објавено пред

Книгата „Е, баш ме заболе“ од Марк Менсон и популарниот серијал „Хари Потер“ од Џ. К. Роулинг се најпродавани изданија за 2020 година на издавачката куќа „Арс Ламина“ во категориите дела за возрасни, односно книги за деца и младите читатели.

Додека, на листата на стручна литература на првата позиција се најде „Атлас на човечката анатомија“ од Френк Х. Нетер, а станува збор за дело кое содржи светски познати, извонредно јасни прикази на човечкото тело со клиничка перспектива.

На листата на најчитани книги за минатата година за возрасните читатели, веднаш зад „Е, баш ме заболе“ од Менсон, која е и интернационален бестселер, се најде „Сè е зае*бано“ од истиот автор во која тој не нè замајува со глупости од типот дека треба постојано да бидеме „позитивни“ за да станеме подобри и посреќни луѓе. На третата позиција е „Тито, мојот претпоследен херој“ на Зоран Спасов-Ѕоф во која Тито на својата смртна постела раскажува за сите негови тајни, дилеми, покајанија и љубови, а тоа не го зборува на својот биограф Владимир Дедиер, туку на еден млад лекар од Македонија. Меѓу најпродаваните дела е и „Тошо Малерот: Монологија“ од Васко Тодоров каде што се наоѓаат монолозите на неговото алтер-его Тошо Малерот. Книгата „Зошто јас?“ на Мартин Јованоски во која авторот зборува за својата борба со анксиозноста и паничните напади е на петтото место на најпродавани книги. Додека на следната позиција е „Зен – уметноста на едноставното живеење“ во која преку јасни и практични лекции што се учат лесно – по една на ден во текот на сто дена – познатиот будистички свештеник Шунмио Масуно евоцира мудрост стара со векови за да покаже како да ја применуваме суштината на зен-будизмот во модерното живеење. Делото „Исповеди“ од Колин Хувер, кое годинава „Арс Ламина“ го објави во ново издание и со нова корица, е книга на најпродаваната авторка на „Њујорк тајмс“, која во овој роман раскажува за ризикување сè поради љубов – и за пронаоѓање на своето срце некаде помеѓу вистината и лагите. Автобиографијата на поранешната прва дама Мишел Обама „Becoming: Мојата приказна“ е на осмото место на најпродавани книги за возрасни од „Арс Ламина“, а воедно беше и на листата на најбарани дела и минатата година. Следна е „Астрофизика за луѓе кои немаат време“ од човекот кој го реизмисли познатиот серијал „Космос“, Нил Деграс Тајсон, а на десетто место е „Мала книга на Хиге“ каде се зборува за тоа како да се ужива во малите работи во животот.

На листата изданија за деца и млади, веднаш зад серијалот „Хари Потер“ на Џ.К. Роулинг се наоѓа „Збунети години“ од авторот Велко Неделковски, во која илустрациите се на Здравко Гиров.

Ова е роман во кој две момчиња кои се различни во поглед на социјалниот статус, изгледот и карактерот, ќе се обидат да освојат едно девојче со плетенки и црвени образи. „Пајажината на Шарлот“ од Елвин Брукс Вајт, која воедно со години наназад е и една од омилените детски лектири е на третото место. Симпатичната приказна „Хотел за кучиња“ од Лоис Данкан исто така е една од најсаканите лектири за основно образование е на четвртата позиција, а веднаш потоа е „Другарска азбука“ од Снежана Петрова-Џамбазова, сликовница што упатува во светот на буквите, на пишувањето и на запознавањето со кирилското писмо. Во неа, на забавен и шаренолик начин, преку римувани строфи, децата дознаваат повеќе за другарството, за заемните игри, понекогаш и за работните задачи на момчињата и девојчињата, чии имиња почнуваат со иста буква. Новите изданија од серијалот „Исидора Мун“ од Хариет Мункастер говорат за девојчето која е половина вампир, половина самовила, но е целосно уникатна. Картонската сликовница „Волшебна ноќ во шумата“ од Билјана Црвенковска е на седмото место на најпродавани книги за деца, а веднаш зад неа е „Мојата прва книга со зборови“ од истата авторка која е наменета за најмалите дечиња, за преку неа да ги научат првите поими и да се запознаат со светот околу нив. Меѓу 10 најпродавани дела за деца и за млади е и „Кифличката Мирна“ од Оливера Ќорвезировска, а и серијалот сликовници „Авантурите на Дина и Додо“, братче и сестриче кои сакаат авантури.

Во категоријата стручна литература, најпродавано дело е „Атлас на човечката анатомија“ од Френк Х. Нетер, а на второто место е „Реторика“ од д-р Јован Андоновски во која фокусот е на подобрување на вештината на говорниците што се обидуваат да информираат, убедат или да мотивираат определена публика во специфични ситуации. „Дидактика на јазичното подрачје“ од проф. д-р Јасмина Делчева – Диздаревиќ е на третата позиција на најпродавани стручни книги. Ова издание не е само учебник наменет за идните педагози и наставници туку и дело за секој што сака да ги открие основните принципи на наставата по мајчин јазик. Меѓу најпродаваните дела од стручната литература е „Изградување на изговорот, говорот и јазикот кај децата и возрасните“ од Владо Димовски и Јордан Јорданоски. Станува збор за практичен прирачник наменет за стручните работници во институциите што се занимаваат со артикулативно-говорна и јазична проблематика, за дефектолошките и филолошките образовни институции, за родителите чии деца имаат артикулативно-говорни тешкотии, за стручните работници од предучилишните воспитно-образовни установи, за работници што настапуваат професионално преку масовните медиуми, како и за секој љубопитен за оваа област. На петтото место на најпродавани книги е „Да се почне одново“ од театрологот и универзитетски професор Драган Клаиќ, а ова дело се занимава со прашањето „Како театарските куќи, трупи, простори, фестивали, студии, како и инфраструктурата која ги поддржува, може да се одржат во конкуренција со комерцијалната забава?“. Преводот на ова исклучително важна книга во сферата на театарот е на пензионираната професорка на Факултетот за драмски уметности, Јелена Лужина. На листата на 10 најпродавани дела во категоријата „стручна литература“ е и „Прагматика: јазик и комуникација“ од авторките Марија Кусевска и Елени Бужаровска. Книгата е насочена кон релативно нова научна дисциплина што го проучува јазикот од гледна точка на неговите корисници и го продлабочува разбирањето на природата на комуникацијата и ја подига свесноста за начините на користење на јазикот. На седмото место е „Најстар стил на македонско народно пеење“ од проф. д-р Ѓорѓи Ѓоргиев, опсежна студија на најстариот слој на македонската вокална традиција, преку музички примери, собирани со децении и забележувани во нивната најизворна форма. На следната позиција е „Преглед на класични автомобили“ од Мајкл Горман во која се навлегува длабоко во светот на најценетите автомобили на светот. На деветто место на најпродавани книги од категоријата стручна литература е „Вежбање со отпор за посебни популации“ од Ан Свонк и Патрик Хагерман во која се посочени програми за вежбање за луѓе кои сакаат да ја подобрат општата здравствена состојба без разлика на годините. Додека на крајот од листата на најпродавани книги во категоријата „стручна литература“ е „Македонија и Балканот: либерален поглед на национализмот и идентитетите“ од Благој Цонев. Ова дело претставува плод на шестгодишно истражување за влијанието на национализмот, идентитетите и културата во односите помеѓу балканските држави.

Сите книги може да се најдат во книжарниците „Литература.мк“ или да се нарачаат онлајн на www.literatura.mk



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги

Четири нови книги од култниот автор Милан Кундера во издание на „Арс Ламина“

Објавено пред

Книгите на Милан Кундера говорат за луѓето, за нивните мисли, чувства и намери, а неодамна на македонски јазик излегоа четири негови дела „Шега“, „Животот е на друго место“, „Проштален валцер“ и „Смешни љубови“. Како Чех кој, пак, според пасошот не е со таа националност, веќе со децении наназад живее во Франција. Чехословачка во 1978 година му го има одземено државјанството и на тој начин го има „протерано“ еден од своите најпознати писатели во егзил. Живее повлечено и никогаш не сонувал за враќање во татковината. Чесите долго време мораа да чекаат на неговото враќање, и тоа книжевно, па дури во деведесеттите години, неговите подоцнежни романи се преведени и на чешки јазик. „Шега“, „Животот е на друго место“, „Проштален валцер“ и „Смешни љубови“ се издадени од „Арс Либрис“, дел од „Арс Ламина – публикации“ и може да се најдат во сите книжарници „Литература.мк“ или да се нарачаат онлајн на www.literatura.mk.

„Шега“

„Шега“ е првиот роман на Милан Кундера, напишан на чешки јазик и објавен во 1967 година. Дејството се протега од крајот на Втората светска војна до настаните пред Прашката пролет кон крајот на шеесеттите години од XX век во тогашна Чехословачка. Роман за нарушената љубов и одмаздата, за разочарувањата од некогашните идеали и, како резултат на тоа, неретко гротескната верба во постигнување на мали, лични победи, за нераскинливата заемна проникливост на шегата со нејзината неминовна повеќезначност – и неретко опачина… „Шега“ се вбројува во стоте книги на векот според „Монд“.

„Животот е на друго место“

Романот „Животот е на друго место“ е напишан и издаден оригинално на чешки јазик во 1969 година, а во 1973, непосредно по неговото објавување на француски јазик, ја добива наградата „Медичи“ (Prix Médicis Etranger).

„Со Дон Кихот и со Госпоѓа Бовари, Животот е на друго место е можеби најстрогото дело што некогаш било напишано против поезијата. Поезијата како привилегирана територија на потврдата, на занесот и на ’автентичноста‘. Поезијата како последното прибежиште на Бога…“, се вели во поговорот од Франсоа Рикар.

„Проштален валцер“

Во едно бањско лекувалиште со застарен изглед, осум личности се фаќаат на еден валцер што се забрзува: една симпатична медицинска сестра, еден гинеколог фантазер, еден богат Американец (понекогаш светец понекогаш Дон Жуан), еден познат трубач, еден стар осуденик, жртва на чистки, кој е на прагот да ја напушти својата земја… Овој роман е еден „сон на летната ноќ“, еден „црн водвиљ“.

Најтешките прашања во оваа книга се поставени со таква леснотија поради која разбираме дека модерниот свет нè лишил од правото на трагичното.

„Смешни љубови“

„Смешни љубови“ е збирка раскази напишани во периодот од 1960 до 1968 година, кога е и објавена, но набргу потоа, по руската инвазија на Чехословачка истата година, е забранета. Главна тема на расказите, како што луцидно навестува и насловот, е љубовта, при што акцентот само навидум е ставен на нејзиниот физички аспект, додека под површината на односите се наѕираат смешните недоразбирања и комичните ситуации во кои се вплеткуваат протагонистите – неретко во мрежата што самите ја сплетуваат за другиот, за партнерот во играта…

Прикажи повеќе...

Книги

Лидија Димковска на фестивал во Цирих посветен на литературата од Југоисточна Европа

Објавено пред

Од 26 до 28 февруари Домот на литературата во Цирих, Швајцарија, го организира книжевниот фестивал „Денови на литературата од Југоисточна Европа“ на кој покрај Драго Јанчар, Лана Басташиќ, Драган Великиќ, Луљета Лешенаку, Дамир Овчина, Ивана Сајко и други, ќе настапи и македонската писателка Лидија Димковска.

„Литературхаус“ од Цирих веќе шеста година е домаќин на фестивал посветен на литературата на некој регион или земја, а оваа година фокусот е ставен на Југоисточна Европа.

Фестивалот ќе се одржи онлајн, а вклучува читања, панел-дискусии и разговори меѓу избраните автори и нивните преведувачи и модератори. Разговорот со Димковска ќе го води Александер Зицмен, кој е и преведувач на нејзината поезија и проза на германски јазик, а извадоци на германски ќе чита Клаудија Јан.

Прикажи повеќе...

Книги

„Арс ламина“ објави шест бестселери од Агата Кристи на македонски јазик, а набргу се очекува и цела едиција од дванаесет изданија

Објавено пред

Таа е креатор на едни од најпознатите ликови во крими-литературата, Херкул Поаро, и госпоѓицата Џејн Марпл. Воедно, таа е и најпродавана авторка на сите времиња со повеќе од 70 крими-книги и збирки раскази, драми и шест новели, што ги има пишувано под псевдоним и се во жанрот романса.

Сето ова е само дел од богатата биографија на популарната авторка Агата Кристи, чии дела имаат инспирирано многубројни други писатели, како и автори на серии и филмови.

Издавачката куќа „Арс ламина“ неодамна ги објави на македонски јазик нејзините култни изданија: „Мистериозниот случај во Стајлс“, „Убиството на Роџер Акројд“, „Лорд Еџвер е мртов“, „Убиство во ‘Ориент експрес’“, „Смрт на Нил“ и „Зло под сонцето“. Набргу овие книги ќе може да се купат и како комплет во посебно дизајнирана кутија, а посебните изданија се веќе достапни во книжарниците на „Литература.мк“.

Оваа едиција ќе биде надополнета со уште шест книги од Агата Кристи, кои се во фаза на изработка: „По погребот“, „Завеса“, „Мртво тело во библиотеката“, „Во 16.50 часот од станицата Падингтон“, „Десет мали црнци“ и „Златната топка и други раскази“, кои исто така ќе може да се купат како комплет во специјално дизајнирана кутија.

„Мистериозниот случај на Стајлс“ е објавен во 1920 година и е првиот роман во кој се сретнува ликот на Херкул Поаро. Дејството се одвива во Англија за време на Првата светска војна на имотот „Стајлс корт“, каде што живеат повеќе членови од семејството на Емили Инглторп. Таа го има наследено имотот од својот прв сопруг, покојниот господин Кавендиш. Едно утро Емили ја наоѓаат мртва со голема веројатност дека била отруена, што само по себе веднаш станува мистерија.

Со романот „Убиството на Роџер Акројд“, кој излегол во 1926 година, Агата Кристи стекнува голема популарност и поширока читателска публика. Кога вдовицата госпоѓа Ферарс си го одзема животот, а богатиот индустријалец Роџер Акројд следниот ден го наоѓаат убиен во својата работна соба, во малото англиско село Кингс Абот се јавуваат уште повеќе озборувања од вообичаеното. Се слуша дека госпоѓата Ферарс си го отрула сопругот годината претходно, па дека била во љубовна врска со Акројд, а се зборува и дека била уценувана затоа што некој дознал за делото што го сторила. Но, која е причината зад убиството на Акројд? Овој случај е целосна мистерија за локалната полиција, но, за среќа, тука е прочуениот детектив Херкул Поаро.

„Лорд Еџвер е мртов“ претставува една од најинтересните криминалистички сложувалки на Агата Кристи со уште погенијален расплет. Случајот со смртта на ексцентричниот лорд Еџвер е еден од најнеобичните што прочуениот белгиски детектив Херкул Поаро мора да го реши. Сопругата на лордот, убавата американска актерка Џејн Вилкинсон, со која тој е во период на разделба, е забележана како влегува во неговата работна соба непосредно пред тој да биде пронајден мртов. Но, дали е можно таа да го убила сопругот кога истовремено била присутна и на вечера со пријателите?

Едно од најпознатите дела на Кристи е „Убиство во ‘Ориент еркспрес’“, кое има добиено многу филмувани верзии, меѓу кои последната е достапна на Ејч-би-о, а познатиот актер Кенет Брана го толкува ликот на Поаро. Романот е објавен во 1934 година, а Кристи го посветила на својот втор сопруг, Макс Едгар Лусиен Малован. Многу е веројатно дека приказната, која е делумно инспирирана и од вистинити настани, ја има создадено додека престојувала на археолошките ископини во местото Арпачија, Ирак. „Убиство во ‘Ориент експрес’“ се смета за најпознатото дело на Кристи.

Романот „Смрт на Нил“ е објавен во 1937 година и во истиот миг станува бестселер. Се работи за роман со Херкул Поаро што ја обработува темата на љубовниот триаголник, како и љубомората и предавството, па така станува и еден од најомилените на публиката. Ова дело на Агата Кристи било адаптирано за театарската сцена, а исто така има и неколку филмувани верзии, како и адаптација за радиодрама на каналот „Би-би-си 4“.

„Зло под сонцето“ е роман за кој Агата Кристи добива високи книжевни критики, доживува и неколку екранизации и адаптација за радиодрама, а во поново време и адаптација како видеоигра. Делото ги содржи сите ноти на писателското мајсторство на авторката. Тоа изобилува со духовити дијалози и ја следи нејзината специјалност за создавање сложена приказна што всушност на крајот изгледа едноставна.

Сите 6 романи на Агата Кристи се достапни во книжарниците на „Литература.мк“ или да се нарачаат онлајн на www.literatura.mk.

Прикажи повеќе...

Најново

Македонија10 часа

Потврдени 582 нови случаја на коронавирус во Македонија, починаа 13 лица

Министерството за здравство информира дека во последните 24 часа се направени 2.972 тестирања, а регистрирани се 582 нови случаи на...

Македонија11 час

(Видео) Заев за случајот со Мијалков: Испратена е порака дека системот функционира

Испратена е пораката дека системот функционира. Треба да знаат граѓаните дека сме на добар пат во јакнењето на правниот систем,...

Македонија12 часа

Тројца кумановци формирале терористичка група по примерот на Исламската држава

Тројца кумановци се обвинети за тероризам и формирање ќелија по примерот на познатата терористичка организација Исламска држава. Во терористичката група...

Македонија17 часа

Денеска и утре состаноци на мешовитата комисија со Бугарија, ќе се разговара за Гоце Делчев

Учебниците за седмо одделение и прашањето за ликот и делото на Гоце Делчев се очекува да бидат ставени „на маса“...

Македонија17 часа

Почната постапката за набавка на 100.000 дози од руската вакцина

Министерот за здравство Венко Филипче изјави дека вчера Владата го овластила да потпише договор за набавка на руската вакцина. „Станува...

Македонија18 часа

Со британскиот вид се заразени 70 проценти од тестираните во „Жан Митрев“

Британскиот вид на коронавирусот е присутен во 70 отсто од случаите, покажале испитувањата на Клиничката болница „Жан Митрев’, кои денеска...

Македонија18 часа

Захариева: Нема да подлегнеме на притисок за Северна Македонија, ЕУ не е Југославија

Бугарија нема да подлегне на притисок за интеграциите на Северна Македонија, изјави за БТВ вицепремиерката и министерка за надворешни работи,...

Европа18 часа

ЕУ е поделена околу сертификатот за вакцинација

Европските лидери денес ќе одржат состанок со цел да се договорат за сертификатите за граѓаните на Европската Унија кои биле...

Регион19 часа

Бугарија ја критикувa „Астразенека“ за доцнењето со вакцините: „Ни ја зедовте надежта“

Бугарскиот министер за здравство, Костадин Ангелов, ја критикуваше „Астразенека“ за неуспехот да ја испочитува договорената испорака на вакцини. Бугарија исто...

Европа1 ден

Истражување: Британскиот сој на вирусот 64 отсто ги зголемува шансите заразените да завршат во болница

Луѓето инфицирани со позаразната варијанта на коронавирусот, која првпат беше откриена во Велика Британија, имаат поголем ризик од хоспитализација, покажа...

Македонија2 дена

13 починати и 725 нови случаи на Ковид-19

Министерството за здравство информира дека во последните 24 часа се направени 3.342 тестирања, а регистрирани се 725 нови случаи на...

Македонија2 дена

Филипче: Немам информации дали Мијалков се тестирал и дали пријавил самоизолација

Министерот за здравство, Венко Филипче, нема информации за тоа дали поранешниот шеф на тајната полиција Сашо Мијалков се тестирал за...

Топ2 дена

(Видео) Вработени во фабрика за канабис во Кочанско ја продавале дрогата нелегално

Тројца вработени во фабриката за канабис за медицински цели во кочанското село Уларци одгледувале марихуана за продажба на нелегалниот пазар....

Свет2 дена

Вакцината на „Синофарм“ е 72,51 процент ефикасна против коронавирусот

Подружницата на „Синофарм“ при Институтот за биолошки производи во Вухан денес објави дека нејзината вакцина против Ковид-19 покажала дека во...

Македонија2 дена

Свадбите остануваат забранети

За помош на угостителите може да се разговара, но олабавувањето на мерките и дозвола за организирање свадби, како што бараат,...

Македонија2 дена

Борел: Не се преправаме дека ве сакаме, ќе почнеме преговори со Скопје и Тирана

Европскиот министер за надворешни работи Жозеп Борел изјави дека Европската Унија не се преправа дека го сака Западен Балкан во...

Свет2 дена

СЗО: Три нови видови коронавирус се шират низ светот од минатата година

Според податоците на СЗО, низ светот се шират три нови видови коронавирусот од минатата година. Од СЗО информираат дека новиот...

Македонија2 дена

СДСМ: Институциите покажаа капацитет за обезбедување на правдата

Христијан Мицкоски, бранителот на криминалот и потрчко на Никола Груевски и Сашо Мијалков, вчера доживеа нов пораз откако институциите покажаа...

Македонија2 дена

Денеска ќе пристигне втората пратка вакцини од Србија

Денеска треба да пристигне втората пратка од вакцините на „Фајзер“, што ќе ја достави Србија. Министерот за здравство, Венко Филипче,...

Свет2 дена

(Видео) Тајгер Вудс се бори за живот по тешка сообраќајна несреќа во Лос Анџелес

Најдобриот голфер Тајгер Вудс се бори за живот по тешка сообраќајна несреќа што се случи денеска во близина на Лос...

Досие