Контакт

Актуелно

Поетот Славе Ѓорѓо Димоски прв добитник на наградата „Антево перо“

Објавено пред

Жири-комисијата за доделување на наградата „Антево перо“, во состав Венко Андоновски (претседател), Кристина Николовска, Митко Гогов, Атина Цветаноска и Жорж Поповски (членови), на својот состанок одржан на 6 септември веќе констатира дека од севкупната поетска пристигната продукција, три поетски наслови особено се издвојуваат во најтесниот избор со својот квалитет: „Читање на времето“ на Михајло Свидерски, „Кумова слама“ на Славе Ѓ. Димоски и „Соголен јазик“ на Марина Мијаковска.

На својот заклучен состанок комисијата одлучи наградата „Антево перо“, во чест на великанот на македонската поезија Анте Поповски, за 2018 година да му се додели на Славе Ѓорѓо Димоски за необјавената стихозбирка „Кумова слама“. Со тоа Славе Ѓорѓо Димоски станува прв добитник на оваа новоутврдената награда.

Комисијата во име на естетиката и почит кон највисоките поетски вредности на современата македонска поезија, а заради стимулирање на најдобрите пријавени автори на конкурсот, реши годинава по исклучок (кој може натаму да стане и правило) да ги прогласи Михаил Свидерски и Марина Мијаковска за поети придружници на наградениот поет и да ги повика како почесни гости на манифестацијата за што ќе им биде врачено и соодветно признание, симболички поврзано со ликот и поетското дело на Анте Поповски.

Стихозбирката „Кумова слама“ на Славе Ѓорѓо Димоски се издвои од сите пристигнати ракописи како најзрело поетско писмо во дослух и со поезијата на Анте Поповски, но и со највисоките достигнувања на современата европска и светска поезија. На ист начин стихозбирките на Михаил Свидерски и Марина Мијаковска се издвоија по однос на целата пристигната поетска продукција на конкурсот како целосно јасна најава на автори чија поетска магистрала во македонската поезија е веќе темелно трасирана и целосно профилирана како индивидуална и препознатлива.

– Стихозбирката „Кумова слама“ на Славе Ѓорѓо Димоски претставува сјајно дело на македонската поезија. Во оваа стихозбирка на еден современ поетски начин се тематизира не само онтолосот на поезијата, не само нејзината смисла, туку и нејзиното родно место во јазичното битие на онаа мрежа знаци што се пресекуваат на едно место, а кое го викаме поет. Уште повеќе, во оваа стихозбирка се тематизираат и смислата и богатството на севкупната македонска поетска традициј, во која името на Анте Поповски е темелен и жив кардиограм, врвна изохипса без која поетската мапа на Македонија не би била планинска мапа, односно мапа на тешко достижни врвови. Димоски во „Кумова слама“ покажува дека врвното начело на поезијата е да молчи додека пее; да поставува прашања наместо да дава одговори; да овозможи да ја слушнеме тишината како најсовршена хармонија додека го слушаме срцебиењето на стихот. Евидентно е дека со сите овие поетски особености оваа поезија навистина се однесува како поетски изотоп на поезијата на Анте Поповски како нејзино продолжение (иако со поинаков поетски рефлекс и субјективитет), како нејзин фрактал и како нејзино продолжено светлинско траење, како што и Кумовата слама е само навидум посебен дел од континуумот наречен вселена или светлина. Дел од вечноста, ако вечноста воопшто може да има делови, пишува во одлуката.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Актуелно

Во Скопје отворена изложба на свечена црногорска облека од 19 и 20 век

Објавено пред

Во присуство на многубројни гости, меѓу кои и претседателот на Собранието, Талат Џафери, и премиерот Заев, министерот за култура, Асаф Адеми, и неговиот црногорски колега Александар Богдановиќ, вчера во Музејот на македонската борба свечено беше отворена изложбата „Европската мода на црногорскиот двор – рефлексии“.

Како што информираат од надлежното министерство, на оваа ексклузивна изложба е изложена свечена облека од колекцијата на Народниот музеј на Црна Гора, карактеристична за црногорскиот двор во 19 и во 20 век, а поставката се реализира со поддршка од Министерствата за култура на двете земји, како и со поддршка од црногорската амбасада во Скопје.

Министерот Адеми во своето обраќање истакна дека изложбата е убав пример за успешна културна соработка меѓу две пријателски земји, која на непосреден начин ги унапредува и ги збогатува културните врски во областа на уметноста, историјата и музеологијата.

„Верувам дека оваа изложба ќе биде и голема провокација за научната и за стручната јавност кај нас, кои преку студиозниот пристап на изложените експонати ќе имаат можност да дадат ново толкување на веќе познати историски настани и ликови од минатото, со што ќе предизвикаат голем интерес кај музејските посетители во земјава“, кажа Адеми.

Министерот за култура на Црна Гора, Александар Богдановиќ, пред присутните посочи дека изложбата ќе овозможи увид во еден помалку познат сегмент од црногорската традиција и култура.

„Сигурен сум дека оваа изложба претставува чекор напред во културното поврзување на нашите две држави, од чие потврдено пријателство произлегоа многубројни примери на партнерство и соработка. Од таа причина, мило ми е што во Скопје претставуваме поставка која по многу нешта е единствена, чиј концепт е фокусиран на оние содржини од нашето минато на кои е посветувано помало внимание во историографските и уметничките осврти на црногорското наследство“, истакна црногорскиот министер за култура.

За изложбата зборуваше и Анастазија Мирановиќ, директорка на Народниот музеј на Црна Гора, која се осврна на конкретните аспекти од конципирањето на оваа изложба, како и за можностите за нови проекти и соработка меѓу музеите во двете земји.

Прикажи повеќе...

Актуелно

Арета Френклин постхумно наградена со Пулицерова награда

Објавено пред

Пулицеровите награди за најголем придонес во новинарството и уметноста вчера беа доделени на Универзитетот Колумбија во Њујорк, а меѓу лауреатите се новинските агенции „Асоишиејтед прес“ и „Ројтерс“, како и новинари од весниците „Њујорк тајмс“ и „Лос Анџелес тајмс“. Неодамна починатата соул-легенда Арета Френклин постхумно доби специјална награда за неизбришлив петдецениски придонес во американската музика и култура.

„Вашингтон пост“ е награден за истражувачките текстови за поранешниот адвокат на американскиот претседател Доналд Трамп, Мајкл Коен, кој наводно подмитувал, односно им давал пари за да замолчат на жените кои тврдеа дека имале афера со Трамп пред да биде избран за претседател.

South Florida Sun Sentinel (Фото: ЕПА)

„Њујорк тајмс“ освои награда за текстовите за семејното богатство на Трамп и аферата со обидите да го заобиколат законот за наследство со цел да избегнат даноци.

Три Пулицерови награди беа доделени за известување за проблемите со контролата за користење оружје, вклучувајќи ја и наградата за „Саут Флорида Сан Сентинел“ за известувањето за пукањето во средното училиште во Паркланд што се случи лани во февруари, а во кое беа убиени 17 студенти и вработени.

Пулицерова награда добија и тројца репортери од „Лос Анџелес тајмс“ за истражувачките текстови за Џорџ Тиндал, гинеколог кој беше обвинет за сексуална злоупотреба на стотици студенти на Универзитетот во Јужна Калифорнија.

Сите наградени добија по 15.000 долари.

Прикажи повеќе...

Актуелно

Динамичната драма „Ноќ на боговите“ на сцената во МНТ

Објавено пред

„Ноќ на боговите“ е динамична драма по текст на Миро Гавран, која се однесува на љубовта, пријателството и владеењето, полна е со неочекувани пресврти, кои на театарската публика ѝ го задржуваат здивот, информираат од МНТ.

Во изминатите 25 години таа имала дури 19 театарски премиери во светот, од Сараево, Марибор, Подгорица и Мостар, до Вашингтон, Мелбурн, Софија, Прага.

Претставата е во режија на Марко Манојловиќ, а на големата сцена во МНТ ќе биде одиграна на 10 мај со почеток во 20 часот. Во оваа трагикомедија со елементи на фарса или како што обично велат актерите – животна претстава, играат: Војин Ќетковиќ во улогата на Луј XIV, Дејан Луткиќ во улогата на дворскиот шут и Небојша Илиќ во улогата на познатиот драмски писател Молиер.

Германската издавачка куќа Anton Hiersemann Struttgard во последните педесет години секоја трета година објавува избор на најдобри светски драматичари, а во 2007 година на листата се и трите драмски текста од авторот Миро Гавран – „Креонтовата Антигона“, „Љубовите на Џорџ Вашингтон“ и „Ноќ на боговите“.

Миро Гавран за оваа претстава вели: „Во оваа необична фарса полна со неочекувани фабулативни пресврти се дава изобилство на материјал за изградување уверливи улоги. Кога пишувам нов драмски текст, секогаш имам желба и актерите и публиката да уживаат кога претставата ќе заврши. Се надевам дека тоа ќе се случи и со оваа изведба“.

„Ноќ на боговите“ гостува во Скопје благодарение на желбата на Ќетковиќ, Луткиќ и Илиќ да ги оживеат „карактерите што се архетипски, но и денес ги пронаоѓаме во секојдневниот живот“.

Луткиќ за претставата вели: „Таа нè спои. Сите тројца почувствувавме возбуда, прво како читатели на драмата, а подоцна се јави и потреба да се обидеме како уметници да ја пренесеме таа возбуда до публиката. Поделбата произлезе од желба да играме ликови какви што не сме играле досега. Да излеземе од нашата удобна зона и да ѝ се претставиме на публиката во ново светло“.

Билетите се пуштени во продажба онлајн преку веб-страницата на МНТ и на билетарницата во МНТ, a oнлајн-билетите може да се купат исклучиво во партер по цена од 600 ден.

(ПР-текст)

Прикажи повеќе...

Најново

Македонија33 минути

Северна Македонија или Македонија? Караџовски и Адеми расправаa како да ја пишува државата на извештајот

Членовите на Судскиот совет го изгласаа годишниот извештај за работата за 2018 година, но претходно претседателот Зоран Караџовски и членот...

Топ59 минути

Мицкоски: Не е до чистката, туку проблемот е до тој што треба да исчисти

По најавите на премиерот Зоран Заев дека власта ја примила пораката од граѓаните и дека ќе следуваат кадровски промени, лидерот...

Топ1 час

Поднесено обвинение против родителите чии деца загинаа во пожар во Велес

Против мајката и таткото, чии деца во јуни минатата година загинаа во пожар во куќа во Велес, е поднесено обвинение...

Македонија2 часа

(Видео) Таткото на Саздовски: Родителите да кажат каде е третиот осомничен, кој е во бегство

Ни една мајка не треба да го закопа својот син, казната е толкава колку што е предвидено во законот. Не...

Македонија3 часа

(Видео) По 19 години затвор за убијците на Никола Саздовски

Кривичниот суд во Скопје им одреди по 19 години затвор на Бесим Беља и Скендер Демири, кои на 29 јуни...

Свет3 часа

Евакуирана Сиднејската опера поради истекување гас

Стотици луѓе се евакуирани денес од Сиднејската опера и околината поради истекување гас, а раководството на куќата објави дека настапите...

Регион4 часа

Убиецот на бугарската телевизиска новинарка осуден на 30 години затвор

Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова. Телото...

Свет4 часа

(Видео) Базен на врвот на висококатница се излеа за време на земјотресот во Манила

Филипините вчера ги погоди силен земјотрес со интензитет од 6,3 степени според Рихтер поради што се тресеа многу згради, а...

Свет5 часа

Најмалку 11 жртви и 24 исчезнати во земјотресот во Филипини

Најмалку 11 лица загинаа, 24 исчезнати, а повеќе од 80 се повредени во земјотрес со јачина од 6,1 степен, кој...

Топ15 часа

(Видео) Дац му подари метла на Заев, премиерот возврати – чистка ќе има

Актерот Драган Спасов Дац на вечерашната трибина на СДСМ во Карпош му подари метла на премиерот Зоран Заев, порачувајќи му...

Европа18 часа

Курц ја осуди песната во која мигранти се споредуваат со стаорци

Aвстрискиот канцелар, Себастијан Курц, побара од помалиот партнер во владејачката коалиција, десничарската Партија на слободата на Австрија, да се дистанцира...

Избори 201919 часа

(Видео) Поништено гласањето на избирачко место во Ѓорче Петров, имало вишок гласачки ливчиња во кутијата

Три гласачки ливчиња повеќе во кутијата од бројот на гласачи нотира Државната изборна комисија во едно избирачко место во општина...

Свет20 часа

Кои се жртвите во Шри Ланка: Деца, познати готвачи, келнери, политичари…

Во терористичките напади во Шри Ланка загинаа најмалку 290 луѓе, а повеќе од 500 се повредени. Меѓу нив, повеќето луѓе...

Избори 201921 час

ОБСЕ: Изборите беа добро спроведени, но потребна е реформа на изборното законодавство

Во првиот круг на претседателските избори гласачите беа во можност да се информираат пред да го направат својот избор помеѓу...

Македонија23 часа

(Видео) Николоски го наклеветил Вице Заев, но нема да му плати 30 илјади денари отштета

Судијката од Основниот суд Скопје 2, Кети Германова, заедно со двајца судии поротници, донесе пресуда со која утврди дека потпретседателот...

Избори 201923 часа

(Видео) Јанушев: Со постигнатите резултати ВМРО-ДПМНЕ би освоила 53 пратенички мандати, а СДСМ – 41

Вчера се потврди дека кај граѓаните има апатија поради криминалот, корупцијата и сиромаштијата, порача генералниот секретар на ВМРО-ДПМНЕ, Игор Јанушев,...

Избори 20191 ден

(Видео) Пендаровски: Не сум изненаден од резултатот, ја разбрав пораката на граѓаните

Претседтелскиот кандидат Стево Пендаровски вели дека не е изненаден од резултатите од гласањето и дека ја разбрал пораката на граѓаните....

Избори 20191 ден

Река: Нема да тргуваме со гласовите

Од изборниот штаб на претседателскиот кандидат Блерим Река, по вчерашните повикувања и на двајцата кандидати, Силјановска и Пендаровски, кои се...

Свет1 ден

Локална исламистичка група одговорна за нападите во Шри Ланка

Владата на Шри Ланка објави дека зад оргнизираните напади на цркви и хотели на Велигден стои екстремистичката група Нешенел Товид...

Топ1 ден

Убиени татко и неговиот осумгодишен син во Слупчане

Татко и неговиот осумгодишен син се пронајдени мртви во автомобил во близина на кумановското село Слупчане. Според информациите од кумановското...

Досие