Контакт

Култура

Почнува вториот дел на „КРИК 05“ – фестивал за критичка култура

Објавено пред

Од утре, 15 септември, до 18 септември во Музејот на современата уметност во Скопје, ќе се одржи вториот дел на „КРИК 05“ – фестивал за критичка култура во организација на „Контрапункт“. Темата на фестивалот е „Конечноста и кршливото општество – социјализам, слобода и секуларност“, инспирирана од книгата на Мартин Хеглунд „Овој живот – секуларна вера и духовна слобода“.

На 15 септември, со почеток од 19.30 часот, ќе се одржи предавање на Елизабета Шелева во разговор со Мања Величковска – „Тропи на ранливоста (потеклото како долг или бегство од биографија)

Истата вечер од 21 часот џез-составот „Кадабајас“ ќе одржи концерт.

Наредниот ден, 16 септември, од 19.30 часот во МСУ ќе се одржи „Политичкото естетско: релационост, ранливост и антагонизам“ – предавање на Славчо Димитров во разговор со Артан Садику. Во истиот термин на 17 септември ќе има дијалог на Артан Садику и Станимир Панајотов од Бугарија со наслов „Смртта и сексуалноста“.

На финалниот ден, 18 септември, од 19.30 часот, ќе биде премиерно прикажан краткиот филм на Иван Блажев – All time is all time, по што ќе се одржи „Пролегомена за една комунитативна ангажираност“ – предавање на Небојша Вилиќ, проследено со излагања и разговор со Натали Р. Павлеска и Јованка Попова.

Годинашното петто издание својата програма ја почна во јуни (во јунската програма гости беа Франко Берарди Бифо, Џули Реше, Светлана Слапшак, Томислав Медак и Алфредо Саад Фиљо) и ќе се одвива до декември.

Тимот на КРИК истакнува дека се фокусира на три главни, прилично деликатни области од нашето современо политичко и идеолошко опкружување, кои се клучни одредници за историјата на филозофската и политичката мисла: слободата, секуларизмот и социјализмот.

„КРИК оваа година ќе се обиде да отвори и конфронтира различни епистемиолошки перспективи, прашања и полемики поврзани со воспоставувањето на овој (гол) живот кој постои во рамки на загрозените, изопачените, неправедните, и угнетувачките општества, кои почиваат врз новите капиталистички наративи кои ја проголтуваат и уништуваат идејата за емпатични, солидарни заедници. Каков вид на политички, социо-културен и економски поредок би бил идеален/оправдувачки за нас како битија кои се соочуваат и не можат да ја прифатат сопствената смртност? Каков начин на живот треба да живееме и што треба да направиме колективно/заеднички за да се овозможи коренита промена во идејата за заедниците? Како можеме да ги преиспитаме и повторно да ги земеме предвид концептите за слобода и еднаквост? Какви движења можеме да поттикнеме, кои ќе го конфронтираат досегашниот концепт на заедници и ќе понудат праведни општествени концепти и практики?“, соопштува тимот на КРИК.

Култура

Уметникот Зоран Попоски на фестивал во Хонг Конг

Објавено пред

Видеопроект од македонскиот дигитален уметник Зоран Попоски ќе бидe прикажан на меѓународниот интермедијален уметнички фестивал „Кросинг бордер“ во Хонг Конг, во периодот 1-20 октомври 2020 година.

На фестивалот годинава учествуваат над 30 уметници активни во сферата на видеоарт, дигиталната анимација и перформанс арт од Кина, Јужна Кореја, Британија, Австрија, Полска, Германија итн.

Видеоартот на Попоски, со наслов „Градот сам“, ја истражува просторната онтологија и постхуманата дејствителност во периодот на антропоценот од перспектива на постхумана естетика.

Зоран Попоски магистрирал уметност во нови медиуми во Линц и Њујорк, а докторирал студии на културата во Скопје. Има реализирано над 80 меѓународни изложби и е добитник на повеќе меѓународни награди за уметност.

Прикажи повеќе...

Култура

Затворање на филмскиот фестивал за млади „Џифони Македонија“

Објавено пред

Шест дена богати со многу филмови, разговори, уметност и креативност оставија зад себе 300 учесници на 8. филмски фестивал на млади „Џифони Македонија“. Охрабрени млади да зборуваат на разни теми, инспирирани од интересните теми што ги третираа филмовите од светска продукција, беа гости во семејството на „Џифони Македонија“.

Дел од она што сработија учесниците од 13 земји во изминатите денови, ќе биде прикажано на церемонијата на затворањето, вечерва, во 19 часот, во летното кино „Мирно лето“ во Кинотеката. Најактивните учесници на фестивалот ќе добијат награди од пријателите на фестивалот, а главната награда ќе биде патување за најдобрите учесници на „Џифони Италија“ во 2021 година. „Џифонците“, кои го сочинуваат жирито на фестивалот, гласаа за најдобар игран филм во три категории, за најдобар краток филм во две категории, како и за анимиран филм и за најдобар краток филм од млади автори – ученици или студенти.

Најголемиот дел од програмата наменета за младите учесници се одвиваше онлајн, а во вечерните часови беа организирани пет филмски проекции во живо. Официјалната филмска програмата наменета на учесниците вклучуваше 12 долгометражни играни филма, кои се натпреваруваа во три категории, според возраста на младите учесници – членови на жирито: јуниори (од 6 до 9 одделение), кадети (1 и 2 година средно) и сениори (3 и 4 година средно).

На фестивалот учествуваа ученици од 11 до 19 години, кои се дружеа со помош на новата младинска дигитална платформа youth.mk, на која беа поставени сите фестивалски содржини. Создавањето на новата младинска дигитална платформа беше овозможено со поддршка на Мисијата на ОБСЕ во Скопје. Платформата овозможи фестивалот, со сите негови разновидни и интерактивни активности, да се одржи онлајн, а по завршувањето на фестивалот, платформата ќе им биде наменета на младите љубители на филмската уметност и ќе биде место каде што ќе се објавуваат аудиовизулени креации на младите македонски и странски автори. Оваа идеја произлегува од сознанието дека многубројни сегашни и поранешни учесници на „Џифони Македонија“ активно работат на создавање аудиовизуелни содржини: анимирани и кратки филмови, долгометражни филмови, па дури и серии. Целта на „Џифони Македонија“ е да им понуди место каде што ќе може сите тие содржини да ги споделуваат со своите врсници и со пошироката публика.

На фестивалот учествуваа 50 странски учесници кои програмата ја следеа од своите домови. Некои од нив – петнаесеттемина учесници од Италија – ја следеа програмата од киносала во нивниот град Џифони. Тие беа вклучени во програмата „Виртуелна гостопримливост“ и секој гостин од странство имаше по еден свој домаќин меѓу македонските учесници.

Во петте дена беа организирани осум креативни работилници, како и една еднодневна за готвење.

На „џифонците“ им се обрати и Клаудио Губитози, основач и извршен директор на фестивалот „Џифони Италија“, кој годинава одбележува 50 години од основањето.

На последниот ден од програмата мастер-класови одржаа јутјуберот Стефонатор и режисерката Ана Андовска, која го претстави својот филм „Малечка“. Стефонатор го позајми гласот на главниот лик во данскиот филм „Хакер“. Филмот, за чија синхронизација се погрижи „Катевеј“, беше прикажан синоќа, а од 1 октомври ќе биде во редовна кинодистрибуција. Андонова ја третира темата на малолетни бракови и предизвика голем интерес за дискусија кај учесниците на фестивалот.

Мастер-класови одржаа и: Леон Ристов, Сергеј Сарчевски и Мартин Чичовски.

Фестивалот „Џифони Македонија“ е поддржан од Агенцијата за филм и Министерството за култура, Град Скопје, партнерот од Италија – „Џифони експириенс“, Министерството за култура и туризам на Италија, Министерството за надворешни работи на Италија, Амбасадата на Италија во Македонија, а посебна благодарност до Мисијата на ОБСЕ во Скопје, со чија поддршка е керирана дигиталната младинска платформа YOUTH.MK.
Фестивалот е помогнат и од Институтот „Јунус Емре“, Францускиот институт, Кинотеката на С. Македонија, Младинскиот културен центар, а го помогнаа и спонзорите: „Пакомак“, „Фиат“, „Витаминка“, „Дивела“, ресторан „Џино“.

Медиумски поддржувачи на фестивалот се: МТВ, „Сител“, Радио МОФ, „Слободен печат“, „Медиум“, Visitskopje.mk, „Екран“, „Куларт“, „Медиум“, „ТВ21“, „Јавност“.

Прикажи повеќе...

Култура

Филм за Леонард Коен и блок македонски филмови за затворање на „Скопје синема сити“

Објавено пред

На 2 и 3 октомври ќе се организира вториот филмски викенд во рамките на 6. издание на Филмскиот фестивал за музички документарни филмови „Скопје синема сити“. Како и првиот викенд, така и овој ќе биде организиран во дворот на Кинотеката.

На 2 октомври, со почеток од 19 часот, ќе бидат прикажани 4 краткометражни македонски филма, од кои три се анимираните филмови на режисерот Жарко Иванов зад чија музика е потпишан Оливер Јосифовски од бендот „Љубојна“: „Кружниот пат на Марето“, „Кружниот пат на сенката“ и „Кружниот пат на монахот“. Премиерно ќе биде прикажан филмот „Гребнатини на душата“ во продукција на „Види вака“. Во филмот се претставува брачна двојка од Холандија, која ја поседува најбогатата колекција на македонска музика на светот.

Тие посветуваат поголемо внимание на сочувување и собирање на македонското музичко наследство од институциите во државава. Проекциите на овие филмови се бесплатни.

Веднаш потоа, од 20 часот, следува филмот „Модулации: Кино за увото“, кој е всушност историја на електронската музика, од почетоците на авангардните композитори, па сѐ до појавата на современите електронски форми и жанрови, како техно, drum’n’bass, хаус, амбиент.

„Скопје синема сити“ се затвора на 3 октомври со филмот „Мериен и Леонард: Зборови за љубовта“ за Леонард Коен и неговата муза Мериен Илен, која била инспирација за многу од неговите песни. Филмот ја прикажува нивната бурна врска и животни патишта од почетокот на островот Хидра сѐ до нејзиниот крај.

Исто така, во рамките на фестивалот на 2 октомври, со почеток од 18 часот, ќе се одржи промоција на книгата на Елизабета Баковска – „Во главата слушам песна“, во издание на „Или-или“.

Фестивалот е организиран во согласност со здравствените протоколи.

Билетите за проекциите ќе може исклучиво да се набават на касата на Кинотеката.

Фестивалот е во организација на здружението „Номад-арт Скопје“, а визуелните решенија се дело на Дијана Димитриевска. Фестивалот е помогнат од Агенцијата за филм на РСМ и е организиран во соработка со Кинотеката на С. Македонија.

Прикажи повеќе...

Најново

Македонија43 минути

Регистрирани 194 новозаразени, починаа 2 лица

Во последните 24 часа се направени 1.697 тестирања, а регистрирани се 194 нови случаи на Ковид-19, и тоа во: Скопје...

Регион3 часа

Грчките свештеници загрижени за барањето до Вартоломеј за автокефалност на македонската црква

Грчките црковни кругови ги коментираа барањата на македонските власти до вселенскиот патријарх Вартоломеј за автокефалноста на македонската црква. Задната врата...

Македонија3 часа

Сојузот на средношколците најави бојкот во ноември ако не се дозволи комбинирана настава

Сојузот на средношколците најави бојкот на наставата од ноември доколу во октомври остане стабилна епидемиолошката состојба, а институциите не дозволат...

Македонија4 часа

Милошоски: Пратеничката група на ВМРО-ДПМНЕ ќе гласа против одлуките за вонредна состојба

Заврши координацијата на пратеничката група на коалицијата „За обнова на Македонија“ по што пратеникот на ВМРО-ДПМНЕ, Антонијо Милошоски, информира дека...

Регион4 часа

Албанија го одложи почетокот на училишната година

Албанија го одложи почетокот на училишната година за ноември откога бројот на заразени од коронавирусот во еден ден се зголеми на...

Топ5 часа

Приведена дилерка на кокаин во Тетово

Полицијата приведе 45-годишна жена од Теотово осомничена за продажба на кокаин. Според информациите од МВР, таа ја криела и ја...

Свет5 часа

Гејтс потпиша договор со 16 фармацевтски компании: го зголемуваме производството на вакцини со невидена брзина

Фондацијата на Бил и Мелинда Гејтс потпиша договор со 16 фармацевтски компании за да соработуваат во производството на вакцина против...

Македонија6 часа

Потрошени 6,7 милиони евра за итни набавки за заштита од Ковид-19, најмногу потрошило МВР

За итни набавки за заштита од коронавирусот, во првите шест месеци од кризата биле потрошени 6,7 милиони евра, покажува извештајот...

Македонија7 часа

Филипче на средба со медицинските сестри кои дадоа отказ од Инфективна – се обидел да ги убеди да останат

Министерот за здравство, Венко Филипче, утрово се сретнал со трите медицински сестри од Инфективната клиника кои дадоа отказ. Според објавата...

Свет8 часа

(Видео) Хаотична прва дебата меѓу Трамп и Бајден

Американскиот претседател Доналд Трамп и неговиот противкандидат, поранешниот потпретседател и сенатор Џо Бајден, синоќа ја имаа првата од трите дебати...

Свет8 часа

Премиерот на Ерменија: За конфликтот во Нагорно-Карабах нема воено решение

Премиерот на Ерменија, Никол Пашињан изјави дека за конфликтот во Нагорно-Карабах нема воено решение. Пашињан за телевизијата Русија 1 рекол...

Свет22 часа

Кремљ: Путин планира да се вакцинира со руската вакцина против коронавирус

Рускиот претседател, Владимир Путин, планира да се вакцинира со руската вакцина против коронавирус, рече неговиот портпарол. „Путин планира да се...

Македонија23 часа

Алаѓозовски и Поповски именувани за национални координатори во Владата

Владата на денешната седница ги именува поранешниот министер за култура Роберт Алаѓозовски и поранешниот министер без ресор задолжен за комуникации,...

Македонија23 часа

Игротеките почнуваат со работа

Владата на денешната седница го усвои протоколот за работа на игротеките. „Владата го усвои протоколот за работа на игротеките во...

Македонија23 часа

Владата одобри целоднeвна настава во училиштата

По препорака на Комисијата за заразни болести, Владата на денешната седница одобри целодневна настава во училиштата. „Одобрена е организацијата на...

Македонија1 ден

(Видео) Потпишан етичкиот кодекс, функционерите се обврзаа на транспарентно и одговорно работење

На седница на Владата денеска беше потпишан кодексот за етичко однесување на носителите на јавни функции. По тој повод, заменик-претседателот...

Свет1 ден

(Видео) Војската на Нагорно-Карабах соборила два азербејџански хеликоптера

Војската на Нагорно-Карабах собори два азербејџански хеликоптера користејќи ракети „земја-воздух“ – „игла“, објави прес-секретарот за ерменското Министерство за одбрана, Шушан...

Македонија1 ден

Осум починати и 112 новозаболени од Ковид-19 во земјата

Министерството за здравство информира дека во последните 24 часа се направени 1.372 тестирања, а регистрирани се 112 нови случаи на...

Македонија1 ден

(Видео) Фетаи ќе бара затворски казни за сите обвинети во „Насилство во Центар“

Обвинителката Фатиме Фетаи ќе бара затворска казна за Миле Јанакиески и другите обвинети со жалба во апелација откако Кривичниот суд...

Македонија1 ден

Царовска: Место да ја бојкотираат онлајн-наставата, родителите, градоначалниците и директорите да седнат и да се договорат

Бојкот на онлајн-наставата нема да им донесе ништо добро на децата, рече денес министерката за образование и наука, Мила Царовска....

Досие