Контакт

Култура

Прв фестивал на современата уметност истовремено во Македонија и во Германија

Објавено пред

Во организација на онлајн списанието „Словокулт: литература“ и „Арт-еквилибрум“, од 24 до 30 август ќе се одржи меѓународен фестивал на современата уметност, текст и поезија, кој првпат ќе биде во двете земји, и тоа паралелно во Македонија и во Германија. Настанот вклучува групна изложба и поезија, кратка проза, текстуални фрагменти, читање и изведби на тема „Вистината во современата уметност и литература во време на лажни вести“.

Фестивалот ќе им оддаде чест на мртвите поети со читање избрани песни од Бошко Бозаџиевски во Гевгелија и во Берлин и од Игор Исаковски во Скопје и во Берлин.

На неколку локации во Гевгелија од 24 до 26 август ќе бидат изведени поетски мултимедијален перформанс, повеќејазичен книжевен настан и групна изложба.

Во Скопје во галеријата „Акантус“ ќе биде отворена изложба на 29 август во 18 часот, а во градината на галеријата од 20 часот ќе се одржи повеќејазичен книжевен настан и поетски мултимедијален перформанс.

Настаните во Берлин, каде што ќе гостуваат уметници и од Македонија и од други земји, ќе се одржуваат од 9 до 11 септември.

Во Македонија ќе биде претставен и најновиот број на „Словокулт“, кој ќе излезе од печат во август.

Главната уредничка на „Словокулт“, Елизабета Линднер-Костадиновска, поетеса, мултимедијална уметница, писателка, литературна преведувачка, првпат ќе ги прикаже своите мултимедијални перформанси во Македонија на македонски, кои досега се изведени само во Берлин на германски.

Во низата настани од Македонија ќе учествуваат поетите Д.А. Лори и Александар Кирковски, Исток Улчар и Марија Грубор.

Ќе бидат прочитани стихови и од Томас Антонич, поет, писател, публицист, доктор по книжевност и биограф на Волфганг Бауер, професор на Школата за поезија во Виена, музичар, перформер, од Илија Ѓуровиќ, поет, писател, драматург, уредник и коосновач на издавачката куќа „Жута корњача“ од Подгорица, Црна Гора, Краус Зиген, поет, есеист, прозаист, перформер, доцент по креативно пишување.

Од странство ќе учествуваат уметниците Силвија Лоренц, скулпторка, ликовна уметница, перформерката Јамес Дин (Александар Јестровиќ, Берлин/Белград), ликовен уметник, перформер, а од Македонија Дијана Томиќ-Радевска.

На изложбата ќе бидат застапени слики од берлинските уметници Катрин Салентин, Јамес Дин, Силвија Лоренц, Елизабета Линднер Костадиновска, Цетелман и од Македонија: Дијана Томиќ-Радевска, Ѓорѓе Јовановиќ, Касиопеја Наумоска, Владимир Лукаш, Дороти Пачкова, Кристијан Крстески, Моника Мотеска, Миро Масин и Тони Шулајковски.

Фестивалот ќе има и придружна програма во „Ла Кања“, која на 28 август ќе вклучува концерт на Лин, кантавторка од Њујорк-Париз, и на 30 август забава за затворање на фестивалот.

концерти

(Видео) Пионерот на хип-хопот Grandmaster Flash за првпат во Скопје

Објавено пред

На 26 февруари, во ноќниот клуб „Станица 26“, со почеток во 21 часот за првпат пред македонската публика со двочасовен сет ќе настапи хип-хоп пионерот Grandmaster Flash. Двочасовниот диџеј-настап во Скопје е дел од неговата голема турнеја Hip-Hop: People, Places and Things. Она што ќе го видиме во Скопје е своевиден музички времеплов и час по едукација за сè она што значи хип-хоп од 70-тите години па до денес. Настапот е во организација на „3 Гонга“ во соработка со SureShotz Entertainment. Како локална поддршка ќе настапат Shorty P & Irie Scratch.

„За нас Grandmaster Flash претставува клучна фигура во полето на хип-хоп музиката. Тој е еден од најзаслужните за револуцијата и популаризацијата на овој музички правец. Како диџеј, ‘алатките’ што тој ги креираше се од исклучителна важност за сите генерации по него кои се занимаваат со оваа работа“, велат Shorty P & Irie Scratch.

Grandmaster Flash од неодамна е добитник на Polar Music Prize наградата за 2019 година. Оваа музичка награда се смета за еквивалент на Нобеловата награда, и се доделува во Шведска. Во претходните години оваа награда ја имаат добиено Боб Дилан, Пол Макартни, Џони Мичел, Стинг, Пети Смит, Чак Бери, Кронос Квартет, Бјорк, Енио Мориконе, Пинк Флојд… На доделувањето беше најавен како еден од главните „виновници“ за креирањето на хип-хоп звукот.

Прикажи повеќе...

концерти

15 музичари од регионот со заедничка музика ќе настапат во МКЦ

Објавено пред

15 музичари од Македонија, Косово, Албанија, Србија и од Хрватска својата заедничка музика ќе ја претстават пред македонската публика во МКЦ.

OneBeat Balkans е програма за културна размена и за соработка на 15 музичари од регионот, односно од Албанија, Хрватска, Косово, Македонија и од Србија, како и од САД. Музичарите соработуваат создавајќи музика, а истовремено се вклучени во мултидисциплинарни активности, организираат јавни работилници, а преку уметноста сакаат да го променат општеството на подобро, на пример, да охрабрат подобар економски развој во овој регион. Оваа 24-дневна програма вклучува 14-дневен престој на планините Ругова во Косово, проследена со 10-дневна турнеја во Тирана (Албанија), Приштина (Косово), Скопје (Македонија), Нови Сад (Србија) и Загреб (Хрватска).

Веќе сите 15 музичари се наоѓаат во резиденцијата на OneBeat во Пеја, што е првата фаза од програмата. За време на овој период учесниците ги споделуваат своите размислувања за културата преку музичките ноти. Овие ноти на музиката ќе патуваат во сите земји од регионот – Албанија, Косово, Македонија, Србија и Хрватска.

OneBeat доаѓа во Скопје на 17 февруари 2019 во Младинскиот културен центар со почеток од 20 часот. Во киното „Фросина“ заедно со музичарите на OneBeat ќе настапи и Вера Милошевска-Јосифовска.

OneBeat е иницијатива на Стејт департментот на САД, Канцеларијата за едукација и култура, во продукција на Bang on a Can’s Found Sound Nation и Balkan Art Zone, а се остварува во партнерство со амбасадите на САД во Албанија, Косово, Македонија и во Србија.

Прикажи повеќе...

Култура

Петрунија со две престижни награди на Берлинале

Објавено пред

На денешната церемонија за доделување награди од независни жири комисии во рамки на Берлинскиот меѓународен филмски фестивал, беше соопштено дека престижната награда од жири комисијата “Ecumenical” ја добива нашиот „Господ постои, името ѝ е Петрунија“ на Теона Стругар Митевска.

Нашиот филм дополнително се закити и со уште една фантастична награда специфична за берлинскиот фестивал; наградата “Guild Film Prize”.

„Презадоволни сме од досега постигнатиот успех со овие две престижни награди, а задоволството е уште поголемо кога ја гледаме публиката како реагира на приказната за Петрунија во текот на овие фестивалски денови. Независно од исходот на главното доделување на Златната мечка, овие две награди, како и овациите, аплаузите и одличните рецензии од врвните филмски критичари, за нас се најголемото признание и сведоштво дека навистина успеавме да направиме филм кој испраќа силна порака“, изјави режисерката Теона Стругар Митевска.

Инаку, “Ecumenical Award” е независна филмска награда која се доделува на филмови на големи меѓународни филмски фестивали уште од 1973 година, како Кан, Берлин, Локарно, Монтреал и Карлови Вари, а целта на наградата е да се оддаде почит на уметничките дела што сведочат за моќта на филмот во откривањето на мистериозните длабочини на човекот.

Во Берлин оваа награда се доделува од 1992 г., а “Ecumenical” жири комисијата ја претставуваат меѓународните филмски организации на протестантските и католичките цркви, “INTERFILM” и “SIGNIS”. Сочинета е од 6-члена жири комисија, а главната награда се доделува на филм од главната конкуренција на Берлинале за режисери кои успеале да ги претстават дејствијата или човечките искуства кои се во согласност со Евангелијата или да ги поттикнат гледачите на духовни, човекови или општествени вредности.

Низ историјата, почнувајќи од 1974 во Кан, бројни реномирани и звучни филмски имиња се имаат закитено со наградата на “Ecumenical” жири комисијата, меѓу кои и Андреи Траковски, Вим Вендерс, Кристоф Кишловски, Мајкл Винтерботом, Браќата Тавијани, Михаел Ханеке и многу други, а оваа 2019 година престижната награда оди во рацете на Теона Стругар Митевска, за „Господ постои, името ѝ е Петрунија“.

Наградата “Guild Film Prize”, пак, ја доделува тричлена жири комисија, чии членови се управители на арт кина, а се исто така членови на Асоцијацијата на германската уметничка кинематографија “AG Kino – Gilde e.V.”. Оваа Асоцијација денес брои повеќе од 300 независни филмски арт кино сали ширум Германија. Истата е поддржана од повеќе од 40 дистрибутери, здруженија и компании, а Асоцијацијата е дел и од европската кино мрежа “CICAE”.

Жири комисијата на “Guild Film Prize” наградата ја доделува исто така на филмови од главната компетиција на Берлинале и е огромна препорака за гледачите и дистрибутерите, што ќе помогне за уште подобра дистрибуција на филмот кој наиде на неверојатен прием кај фестивалската публика.

Инаку гала церемонијата за доделување на главните награди на 69-тото издание на Берлинале се одржува вечерва со почеток од 19 часот, на што претходи церемонијата на црвениот тепих, а пак околу 20.30 часот се одржува и последната прес-конференција на која ќе се соопштат добитниците на „мечките“ во повеќе категории.

Прикажи повеќе...

Најново

Македонија26 минути

(Видео) Илија Димовски не дојде на судење – бил во Брисел на состанок на НАТО

Пратеникот Илија Димовски не беше присутен на денешното рочиште за предметот „Талир“. Тој на 13 февруари со писмен поднесок го...

Свет2 часа

Шест загинати и тројца повредени во престрелка во Мексико Сити

Шест лица загинаа, а тројца други се повредени во вооружена престрелка на криминална банда во предградието Изтапалапа во Мексико Сити,...

Македонија2 часа

Заев и Ахмети ги почнуваат разговорите за консензуален претседателски кандидат

Лидерите на СДСМ и на ДУИ, Зоран Заев и Али Ахмети, денеска во Клубот на пратениците треба да одржат средба...

Свет2 часа

Влошена здравствената состојба на Сергеј Скрипал

Здравјето на поранешниот руски полковник на ГРУ Сергеј Скрипал, кој во март минатата година во Лондон беше затруен во обид...

Свет3 часа

ОБСЕ побара од Киев да ѝ дозволи на Русија да ги следи изборите

Претседателот на ОБСЕ, словачкиот министер за надворешни работи, Мирослав Лајчак, му посочи на својот украински колега Павло Климкин дека одбивањето...

Свет4 часа

Голем шумски пожар ја зафати ,,мртвата зона” во Чернобил

Голем пожар избувна во чернобилската Зона на исклученост, местото на најлошата нуклеарна катастрофа во историјата на човештвото, на околу 20 километри од...

Свет4 часа

Европа не ги сака назад своите граѓани борци на ИД како што бара Трамп

Трамп побара од европските земји да ги вратат дома и судски да ги гонат џихадистите заробени во Сирија, но барањето...

Македонија13 часа

Заев и коалиционите партнери се договорија да настапат со заеднички кандидат за претседател

Владејачката СДСМ и коалиционите партнери на вечерашната средба постигнале согласност за заеднички кандидат за претседател. Како што соопшти партијата, ваквата...

Македонија16 часа

Седат ја пронајде девојката којашто ја извлекол од автобусот: ,,Никогаш нема да заборавам како ме молеше да ѝ помогнам”

Седата успеа да ја најде патничката на која ѝ помогнал да преживее под автобусот кој се преврте кај Ласкарци. Само...

Македонија19 часа

Реакции по навредите кон Силјановска: Срамно е да сатанизирате личност по возраст и пол

По серијата навреди на социјалните мрежи кон професорката по уставно право и претседателски кандидат на ВМРО-ДПМНЕ, Гордана Силјановска Давкова, невладини...

Македонија22 часа

Неколкумина повредени кај Ласкарци се во критична состојба, една пациентка е на операција

Во Градската општа болница „8-ми Септември“ од повредените од тешката автобуска несреќа на автопатот Скопје-Тетово, во моментов се лекуваат 18...

Свет1 ден

Од Пентагон уште не знаат колку пари ќе му дадат на Трамп за изградба на ѕидот

Вршителот на должноста министер за одбрана на САД, Патрик Шенахан, синоќа изјави дека се уште не утврдил колку пари ќе...

Македонија1 ден

Заев за наградата „Евалд Фон Клајст“: Со Ципрас поставивме основа за тоа како треба да работат идните генерации

На свечена церемонија, во присуство на дел од највисоките гости на годинешната Минхенска конференција за безбедност, на премиерите на Северна...

Свет1 ден

Аргентина: Последно испраќање на починатиот фудбалер Емилијано Сала

Семејството, пријателите, навивачите и поранешните соиграчи се простија од фудбалерот Емилијано Сала (28) во неговиот роден град во Аргентина, четири...

Македонија2 дена

Силјановска е претседателски кандидат на ВМРО-ДПМНЕ: Македонија многу ми даде, сега е ред јас да вратам

Гордана Силјановска и официјално е избрана за претседателски кандидат на ВМРО-ДПМНЕ од страна на делегатите на партијата на денешната конвенција...

Македонија2 дена

Мицкоски: Да се обединиме и да му дадеме црвен картон на Заев

Лидерот на ВМРО-ДПМНЕ, Христијан Мицкоски на конвенцијата во Струга, на која партијата избира кандидат за претседател, повика на обединување на...

Свет2 дена

(Видео) Работник кој добил отказ застрела петмина колеги во Чикаго

Пет лица се убиени и пет полицајци се повредени во предградието на Чикаго, кога 45-годишн маж пукал во индустриско складиште...

Македонија2 дена

Притвор за 11 членови на криминална група, разработиле шема за шверц на мигранти од Грција кон Србија

Единаесет членови на криминална група кои што разработиле шема за шверц на мигранти од Грција, преку земјава, кон Србија, завршија...

Македонија2 дена

Почина уште еден повреден во несреќата кај Ласкарци, бројот на жртви се искачи на 15

Изутринава почина уште еден од повредените во тешката сообраќајна несреќа која што се случи на патот Скопје – Тетово, со...

Свет2 дена

Трамп прогласи вонредна состојба

Претседателот Доналд Трамп прогласи национална вонредна состојба на границата Мексико, во обид да обезбеди повеќе пари за ѕидот кој планира...

Досие