Контакт

Култура

Премиера на претставата „Неизговорени гласови”

Објавено пред

В петок во 20 часот на Факултетот за драмски уметности во Скопје премиерно ќе се изведе претставата „Неизговорени гласови” – копродукција помеѓу Србија, БиХ и Македонија. Влезот е бесплатен.

Премиерна изведба на претставата која како партнери во меѓународниот проект „Неизговорени гласови” заеднички ја подготвија Театарска младина на Македонија, ЦЕКОМ театарот од Зрењанин – Србија, ДИС – Театарот од Бања Лука и Мостарскиот театар на младите од Босна и Херцеговина. Во проектот беше реализирано истражување во рамките на кое беа изработени интервјуа со конкретни прашања што се однесуваат на предрасудите на младите луѓе поврзани со ставовите на припадниците на другите народи од опкружувањето во кое живеат. Од добиениот материјал е подготвена театарска претстава во која како учесници и уметнички соработници учествуваат претставници на сите четири театарски организации. Идејата е на овој начин преку соочување на различни вистини да се придонесе за подобро разбирање на младите од различни делови на Западен Балкан и да се воспостави слободна и отворена комуникација помеѓу младите луѓе од различни етнички групи, поттикнувајќи ја нивната креативност и развивајќи естетски критериуми. Презентирањето на различни болни, тешки и трауматични лични приказни со уметнички средства има за цел да придонесе во соочувањето со минатото на широк круг  граѓани во регионот за подобра меѓусебна комуникација, разбирање и соработка. Во претставата има и многу сатира, хумор и радост, исто така.

По изведбата на претставата ќе има и краток разговор за нејзината содржина и темите што ги третира. Проектот „Неизговорени гласови“ е финансиран од страна на RYCO – Регионалната канцеларија за соработка помеѓу младите. RYCO е независен функционален механизам што е основан од учесниците на Западен Балкан 6 (WB 6): Албанија, Босна и Херцеговина, Косово*, Црна Гора, Македонија и Србија, со цел промовирање на духот на помирување и соработка помеѓу младите во регионот преку програми за младинска размена.

Uncategorized

Филмот „Балкајмак“ ја отвора неделата на турски филмови во Скопје

Објавено пред

Со проекцијата на филмот „Балкајмак“, кој е снимен во Македонија, вечерва во новиот комплекс на Меѓународниот балкански универзитет во Скопје, во 19 часот ќе биде отворена неделата на турски филм. По проекцијата, публиката ќе може да дебатира со дел од екипата на филмот. „Балкајмак“ ќе биде прикажан и следниот ден во киното „Милениум“ во 18 часот.

Во рамките на Неделата на турски филмови ќе бидат прикажани шест играни и два документарни филма. На проекциите ќе присуствуваат режисерите и актерите на самите филмови, а ќе биде организирана и кинематографска работилница на Турција – Северна Македонија, на која ќе се сретнат најзначајните имиња од областа на филмот на двете земји како можност за продлабочување на меѓусебната соработката оваа дејност.

Кинематографската работилница на Турција – Северна Македонија ќе се одржи утре и ќе учествуваат претставници од министерствата за култура на двете земји и познати имиња на филмската дејност од Турција и Северна Македонија.

Неделата на турски филм се организира со поддршка на Генералниот директоријат за кинематографија при Министерство за култура и туризам на Република Турција.

Филмската програмата ќе се одржува во киното „Милениум“ и комплексот на Меѓународниот балкански универзитет – Скопје, а во неколку термини ќе бидат прикажани играните филмови од најновата турска продукција „Каос“ (режисер-продуцент: Семир Асланјурек), „Ајдеде – патување кон месечината“ (режисер: Абдурахман Онер; продуцент: Арзу Шенсес Онер) „Хуркуш – херојот на небото“ (режисер: Кудрет Сабанџи), „Халеф“ (режисер: Мурат Дузгуноглу) и „Сите блаженства се возможни“ (продуцент: Зулфиќар Курум). По секоја проекција, публиката ќе има можност да дебатираат со самите режисери во врска со филмовите.

Двата документгарни филма се „Ѓобеклитепе “ на Огуз Макал и „Тамбурица“ на Сали Салији, исто така со можност за дебата по филмовите со гледачите и авторите.

Неделата на турски филмови свечено ќе биде затворена на 26 април со концертот на „Балканскиот симфониски оркестар на Универзитетот ‘Тракија’ од Турција“, кој ќе се одржи во комплексот на Меѓународниот балкански универзитет во Скопје.

Прикажи повеќе...

Култура

„На отворено“ – нова премиера на малата сцена во НУ Театар „Комедија“

Објавено пред

„На отворено“ е најновата премиера во НУ Театар „Комедија“, во режија на Андреј Цветановски, која ќе биде реализирана на малата сцена во овој театар. Оваа претстава е работена според драмскиот текст на Мрожек, „На отворено море“.

„’На отворено’ е едночинка која зборува за гладот во секоја смисла на зборот. За борбата за моќ и за начините да дојдеш до неа, како и за тоа каков ќе излезеш како човек од таа борба. Еден шекспирски заплет, гледан низ комична призма. Горка комедија за време на која смеата ти застанува во грло“, изјави режисерот Цветановски.

„Годинава ова ни е прва премиера од планираните пет премиери. Ме радува фактот што ова е втора претстава што ќе се игра на малата сцена на Театар ‘Комедија’ и што публиката покажува особен интерес за овој тип претстави. Сè е подготвено за премиера и особено сум благодарен за максималната посветеност во работата на сите фактори на ова дело. Паралелно подготвуваме уште една нова претстава на големата сцена, која ќе има премиера во мај“, изјави директорот Сашо Ристовски.

Во новата премиера „На отворено“ играат: Атанас Атанасовски, Тино Костадиновски, Сергеј Димовски и Тони Денковски.

Сценограф е Сергеј Светозарев, костимограф е Ивана Каранфиловска-Угуровска, драматург Дарко Јан Спасов, а музиката ја направи Димитар Андоновски.

Претпремиерата е на 24 април (среда), а премиерата на 25 април (четврток) со почеток во 20 часот. Првата реприза е закажана на 6 мај.

Прикажи повеќе...

концерти

Концерт на Трио Џентлмен во КИЦ во Софија

Објавено пред

Денес во КИЦ на РСМ во Софија со почеток од 18:30 часот, ќе се оддржи концерт на Трио Џентлмен. На концертот ,,За Дамата” на Трио Џентлмен ќе бидат изведени македониски композиции, евергрини, македосни народни песни и италијански канцони, аранжирани за триото. Композициите ќе бидат изведени во придружба на гитара.

Трио Џентлмен е составено од тројца професионални оперски пеачи: Дејан Стоев – тенор, Кристијан Антовски – баритон и Јане Дунимаглоски – тенор. По урнекот на светските поп-класични состави се трудат тој жанр на пеење за прв пат да го презентираат пред својата публика.

На нивниот репертоар, освен класичните композиции, се наоѓаат и најголемите светски поп хитови изведени во поп-класичен манир, наполитански канцони, шпански песни, руски романси и секако македонското творештво. За ова кратко време колку постојат (околу четири години) имаат настапувано низ целата земја (Скопје, Охрид, Струга, Битола, Радовиш, Виница, Штип, Пробиштип и др.) со свои целовечерни концерт како и дел од големи манифестации во нашата држава, а и надвор од неа.

Различни ги прави тоа што прават спој на операта, оперското пеење со различни жанрови како поп, латино, џез, рок композиции и сето тоа во еден нов и специфичен звук, тризвук итрепетиран од тројца оперски пеачи.

Прикажи повеќе...

Најново

Македонија8 часа

(Видео) ИВЗ: Судот не одлучува кој ќе биде реис, ако е така нека кажат и кој да биде поглавар на МПЦ

Судот не е тој што одлучува кој ќе биде реис, ако е така нека кажат и кој да биде поглавар...

Свет11 час

В четврток прва средба меѓу Путин и Ким на рускиот Далечен Исток

Севернокорејскиот лидер, Ким Џонг-ун, в четврток ќе се состане со рускиот претседател, Владимир Путин, на рускиот Далечен Исток, објави советникот...

Свет14 часа

(Видео) Камерите снимија терорист кој влегува во црквата непосредно пред масакрот

Медиумите на Шри Ланка објавија снимка од надзорните камери снимена непосредно пред еден од нападите. Како што известува „Гардијан“, се...

Македонија15 часа

Северна Македонија или Македонија? Караџовски и Адеми расправаa како да ја пишува државата на извештајот

Членовите на Судскиот совет го изгласаа годишниот извештај за работата за 2018 година, но претходно претседателот Зоран Караџовски и членот...

Топ15 часа

Мицкоски: Не е до чистката, туку проблемот е до тој што треба да исчисти

По најавите на премиерот Зоран Заев дека власта ја примила пораката од граѓаните и дека ќе следуваат кадровски промени, лидерот...

Топ16 часа

Поднесено обвинение против родителите чии деца загинаа во пожар во Велес

Против мајката и таткото, чии деца во јуни минатата година загинаа во пожар во куќа во Велес, е поднесено обвинение...

Македонија17 часа

(Видео) Таткото на Саздовски: Родителите да кажат каде е третиот осомничен, кој е во бегство

Ни една мајка не треба да го закопа својот син, казната е толкава колку што е предвидено во законот. Не...

Македонија17 часа

(Видео) По 19 години затвор за убијците на Никола Саздовски

Кривичниот суд во Скопје им одреди по 19 години затвор на Бесим Беља и Скендер Демири, кои на 29 јуни...

Свет18 часа

Евакуирана Сиднејската опера поради истекување гас

Стотици луѓе се евакуирани денес од Сиднејската опера и околината поради истекување гас, а раководството на куќата објави дека настапите...

Регион18 часа

Убиецот на бугарската телевизиска новинарка осуден на 30 години затвор

Бугарскиот суд го осуди Северин Красимиров на 30 години затвор за силување и убиство на телевизиската новинарка Викторија Маринова. Телото...

Свет18 часа

(Видео) Базен на врвот на висококатница се излеа за време на земјотресот во Манила

Филипините вчера ги погоди силен земјотрес со интензитет од 6,3 степени според Рихтер поради што се тресеа многу згради, а...

Свет19 часа

Најмалку 11 жртви и 24 исчезнати во земјотресот во Филипини

Најмалку 11 лица загинаа, 24 исчезнати, а повеќе од 80 се повредени во земјотрес со јачина од 6,1 степен, кој...

Топ1 ден

(Видео) Дац му подари метла на Заев, премиерот возврати – чистка ќе има

Актерот Драган Спасов Дац на вечерашната трибина на СДСМ во Карпош му подари метла на премиерот Зоран Заев, порачувајќи му...

Европа1 ден

Курц ја осуди песната во која мигранти се споредуваат со стаорци

Aвстрискиот канцелар, Себастијан Курц, побара од помалиот партнер во владејачката коалиција, десничарската Партија на слободата на Австрија, да се дистанцира...

Избори 20191 ден

(Видео) Поништено гласањето на избирачко место во Ѓорче Петров, имало вишок гласачки ливчиња во кутијата

Три гласачки ливчиња повеќе во кутијата од бројот на гласачи нотира Државната изборна комисија во едно избирачко место во општина...

Свет1 ден

Кои се жртвите во Шри Ланка: Деца, познати готвачи, келнери, политичари…

Во терористичките напади во Шри Ланка загинаа најмалку 290 луѓе, а повеќе од 500 се повредени. Меѓу нив, повеќето луѓе...

Избори 20191 ден

ОБСЕ: Изборите беа добро спроведени, но потребна е реформа на изборното законодавство

Во првиот круг на претседателските избори гласачите беа во можност да се информираат пред да го направат својот избор помеѓу...

Македонија2 дена

(Видео) Николоски го наклеветил Вице Заев, но нема да му плати 30 илјади денари отштета

Судијката од Основниот суд Скопје 2, Кети Германова, заедно со двајца судии поротници, донесе пресуда со која утврди дека потпретседателот...

Избори 20192 дена

(Видео) Јанушев: Со постигнатите резултати ВМРО-ДПМНЕ би освоила 53 пратенички мандати, а СДСМ – 41

Вчера се потврди дека кај граѓаните има апатија поради криминалот, корупцијата и сиромаштијата, порача генералниот секретар на ВМРО-ДПМНЕ, Игор Јанушев,...

Избори 20192 дена

(Видео) Пендаровски: Не сум изненаден од резултатот, ја разбрав пораката на граѓаните

Претседтелскиот кандидат Стево Пендаровски вели дека не е изненаден од резултатите од гласањето и дека ја разбрал пораката на граѓаните....

Досие