Контакт

концерти

Рок-легендите „Ван Гог“, Игор Џамбазов и Фиц (Студени нозе) на третото издание на фестивалот Skopje Unplugged

Објавено пред

Фестивалот на акустична музика, во организација на ЈУ „Универзална сала“ и Град Скопје, Skopje Unplugged, го подготвува своето трето издание, кое ќе се одржи в петок, (25 јуни), на кровот на паркингот во „Сити мол“, со почеток во 18:30 часот.

dobivaj vesti na viber

Skopje Unplugged е единствениот фестивал кој третира исклучиво акустична музичка изведба.

Оваа година на фестивалот ќе настапат милениците на македонската публика, регионалните рок-легенди „Ван Гог“. Уште позанимливо е дека бендот за првпат ќе се претстави во акустично издание, по незаборавниот настап во Белградска арена, кој се одржа по повод 30-годишнината од нивното постоење.

Публиката ќе има можност да ужива и во настапот на неповторливиот шоумен и еден од најактивните домашни музичари Игор Џамбазов придружуван од Гуру Харе бенд, а ќе можат и заедно со Фиц да ги испеат безвременските хитови на „Студени нозе“.

Поради почитување на протоколите препорачани од Владата и надлежните институции, влезниците ќе бидат во строго ограничен број, со единствена цел – запазување на сите мерки на претпазливост. Билетите може да се купат на билетарницата во МКЦ, или електронски, со промотивна цена од само 500 денари.

концерти

Концерт во НОБ – „Вечер со Благој Нацоски: првите 20 години“

Објавено пред

На 4 февруари 2023, со почеток во 20 часот, во Националната опера и балет ќе се одржи концерт на нашиот тенор Благој Нацоски со наслов „Вечер со Благој Нацоски: првите 20 години“.

dobivaj vesti na viber

Гости на концертот се Наде Талевска, сопран, и Васко Здравков, баритон. Пијано придружба Јанинка Невчева, а режисер на концертот е Дејан Прошев.

Водител: Огнен Јанески.

На програмата ќе бидат изведени арии од композиторите: Џузепе Џордани, Жил Масне, Џоакино Росини, Џузепе Верди, Франческо Чилеа, Џакомо Пучини и др.

Прикажи повеќе...

концерти

Концерт на Филхармонијата со виолинистот Александар Иванов

Објавено пред

Овој четврток, со почеток во 20 часот, оркестарот на Македонската филхармонија ќе го одржи концертот со наслов „Лезет“, на кој како солист ќе настапи младиот македонски виолинист Александар Иванов. На програмата се „Психофонија“, од македонскиот композитор Ристо Аврамовски, со чија изведба ќе се одбележат 80 години од раѓањето на авторот, Концертот за виолина и оркестар во Дe-дур, оп. 35 од Ерих Волфганг Корнголд и „Гогољ суита“ од Алфред Шнитке. Диригент е маестро Борјан Цанев.

dobivaj vesti na viber

Творечкиот опус на македонскиот композитор Ристо Аврамовски (1943 – 2007) е исклучително богат и опфаќа над 150 дела од речиси сите жанрови на класичната музика – од најмалите форми до најкрупните – симфонии, ораториуми, кантати, опери. Од експериментална радиофонија до применета музика пишувана за театар, телевизија и филм.

Најголем дел од неговото музичко творештво е инспирирано од македонското поднебје, од нашиот духовен простор. Токму такви се неговите дела „Психофонија 1“ и „Психофонија 2“, напишани во 1972 и 1974 година. Во овие композиции тој својата инспирација ја црпи од богатата ризница на македонското духовно поднебје и од македонскиот фолклор, но ги реактивира и третира на сосема поинаков начин и тие добиваат нов лик и експресија.

Советско-германски композитор, кој создава сериозна, мрачна музика, што се карактеризира со нагли спротивставувања на радикално поинакви, честопати контрадикторни стилови. Тоа е големиот Алфред Шнитке, основач на т.н. музички полистилизам. Шнитке бил вистински мајстор на драмата. Неговата музика има звучна тензија, драма, конфликт… Токму затоа воопшто не чуди фактот што токму тој бил избран да напише музика за театарска изведба на дела од рускиот писател Николај Гогољ, а крајниот производ од оваа инспирација е фантастичната „Гогољ суита“, ремек-дело на модернизмот.

Ерих Волфганг Корнголд (1897 – 1957) е австриско-американски композитор и диригент. Израснал како музички талент во Виена, инспирирајќи се од музиката на композитори како Густав Малер и Рихард Штраус. Во 1930 година започнува да пишува музика за филмови во Холивуд, а во 1938 година се сели во САД. За време на војната главно пишува музика за филм, а неговиот татко, познатиот музички критичар Џулиус Корнголд, никогаш не се помирил со тоа – сметал дека пишувањето музика за филм е губење време. Иако за Корнголд пишувањето филмска музика било сериозна работа, и самиот тој се плашел дека неговата музика ќе биде заборавена заедно со филмовите за кои била напишана. Концертот за виолина и оркестар во себе инкорпорира неколку главни теми од повеќе филмови, и на тој начин Корнголд успеал да им даде живот и надвор од филмското платно. Концертот, секако не е крпеница од филмски теми – Корнголд ги преработил мелодиите и им дал целосна симфониска структура.

Добитникот на македонското признание „Виртуози – Најдобар музички изведувач во 2013 година“, диригентот Борјан Цанев, се смета за еден од најпрефинетите музичари во Македонија. Од 1999 година е постојан диригент на Македонската филхармонија и на чело на овој оркестар постигнува забележителни резултати во својата земја и во странство. Дипломира на Факултетот за музичка уметност во Скопје, а магистрира на Државната музичка академија во Софија. Веднаш потоа, Цанев специјализира диригирање на Кралскиот музички колеџ во Лондон, каде што работи со реномираните диригенти сер Сајмон Ратл, Даниеле Гати и Јанош Фурст, а ќе биде поканет да му биде асистент-диригент на сер Колин Дејвис на Кралската оперска школа. Добитник е на наградата „Аугуст Манс“ за најдобар диригент, токму на Кралскиот музички колеџ, за потоа да диригира со Лондонскиот симфониски оркестар, како дел од мајсторскиот клас на сер Колин Дејвис. Во наредните години маестро Цанев остварува многубројни концерти со Македонската филхармонија, како и со нејзиниот Камерен оркестар, во Македонија и во странство (Рим, Париз, Истанбул, Прага, Нови Сад, Загреб, Њујорк, турнеи во Полска и во Казахстан). Од 2002 година до денес е професор на Факултетот за музичка уметност во Скопје. Неговото успешно деби со Софиската филхармонија во 2004 година, му носи постојани ангажмани со овој виден оркестар, а во 2006 година е назначен и за негов постојан гостин-диригент. Во 2005 година Цанев дебитира во Македонската опера и балет, каде што следната година ја поставува премиерата на „Волшебната флејта“ од Моцарт. Покрај гореспоменатите, Цанев диригирал и со Црногорскиот симфониски оркестар, Филхармонијата на Арад, Симфонискиот оркестар „Вагнер“ од Токио, Симфонискиот оркестар на Војводина, „Синфониета“ од Софија, Хрватскиот камерен оркестар, Задарскиот камерен оркестар, Камерниот оркестар на Музичка младина на Македонија, со ансамблот за современа музика „Алеа“ и др. Настапувал со светски реномирани солисти, меѓу кои: Иво Погорелиќ, Јоханес Мозер, Готје Капусон, Сергеј Накарјаков, Иља Гринголц, Даниел Милер-Шот, Сајака Шоџи, Симон Трпчески, Штефан Дор, Џозеф Алези, Дејвид Герет, Стефан Миленковиќ, Алексеј Огринчук, Акико Суванаи, Роман Симовиќ, Зи Зи, Стјепан Хаузер, Евгени Божанов, Криштоф Барати, Моника Лесковар, Тине Тинг Хелсет, Антал Залаи, Емануел Сејсон, Питер Лукаш-Граф, Бранимир Слокар, Ана Дурловски, Благој Нацоски и многу други. Диригирал на сите реномирани фестивали во Македонија, како и на многу фестивали во странство вклучувајќи ги: Жорж Енеску, Котор арт, Загрепски летни вечери, Варненско лето, НОМУС, Светот на музиката – Загреб и др. Борјан Цанев како диригент се појавува во САД, Англија, Јапонија, Италија, Франција, Чешка, Полска, Хрватска, Србија, Бугарија, Црна Гора, Турција, Романија, Босна и Херцеговина, Казахстан, а има направено снимки за Македонската радио-телевизија, за Бугарското национално радио, како и за „F.A.M.E’S“ Македонија. Во 2010 година, Сојузот на композиторите на Македонија му ја додели наградата „Георги Божиков“, за најдобра изведба на дело од македонски композитор. Во 2015 година ја предводи Македонската филхармонија на првото гостување на оркестарот во САД, вклучувајќи два концерта во Њујорк, во „Карнеги хол“ и во Музичкиот центар „Кауфман“.

Најмладиот добитник на наградата „Виртуози“, Александар Иванов ги спојува експресивната музикалност и техничката експертиза со разновиден репертоар, водени од уметничката љубопитност. Неговата вистинска страст лежи во експресивните можности на доцните романтични композитори. Тој е ученик на познатата школа Џулијард, под менторство на Лори Смуклер. Александар Иванов е добитник на Меморијалната стипендија „Теплицки“, стипендијата „М. и Е. Коен“ и стипендијата „Хариет и Дејвид Колвин“. Бил солист со Македонската филхармонија, Дунавскиот симфониски оркестар, со радиооркестарот Класик ФМ. Својата страст за музиката ја негува со еминентни диригенти како што се: Густаво Дудамел, Марин Алсоп, Борјан Цанев, Манфред Хонек, Веско Пантелеев-Ешкенази, Џошуа Герсен. Александар е постојано присутен на музичката сцена во Македонија, но и надвор од неа. Летото 2022 година во Аспен, тој беше прикажан во серијалот Стринг Шоукејс, концерт организиран од познатиот виолински педагог Роберт Липсет. Често може да се види на сцените на Џулијард, каде што активно настапува како камерен музичар, како и во оркестарски настапи во салата „Алис Тали“. Во 2022 година, Александар стана соработник на Глук на Џулијард. Со ансамблот Artivisam, тој прави опширни програми за информирање на заедницата и настапи во Њујорк. Снимаше и за WRTI Radio (90,1 FM), Филаделфија, САД. Во 2018 година, на отворањето на фестивалот „Денови на македонската музика“ Александар изведе новонарачан концерт за виолина од неговиот брат Филип Иванов. Следните концерти во пролетта вклучуваат повеќе изведби на камерна музика во Њујорк, како и настапи со дел од Студентскиот гудачки квартет при Џулијард на „Денови на македонската музика“. Тој свири на виолина направена од Гаетано Антоањаци, која му е позајмена од школата Џулијард.

Прикажи повеќе...

концерти

Концерт на оркестарот на Филхармонија со врвната саксофонистка Фатејева

Објавено пред

На 20 јануари, со почеток во 20 часот, ќе се одржи концертот со наслов „Ава“, на кој како солистка ќе настапи една од најдобрите саксофонистки во класичната музика – Асја Фатејева од Крим/Германија.

dobivaj vesti na viber

На програмата се дела од Дебиси, Шостакович, а првпат ќе прозвучи и Концертот за саксофон и оркестар од авангардниот холандски композитор Јакоб Тер Велдхаус.

Диригент е маестро Конрад ван Алфен од Холандија.

Следете го нервот што пулсира!

Билетите се достапни и може да се резервираат на тел: 02/3238 182 или да се купат на билетарницата на Филхармонијата.

 

Прикажи повеќе...

Најново

Свет1 час

(Видео) САД го собори кинескиот шпионски балон

Американската војска го собори кинескиот шпионски балон кој леташе над Атлантскиот Океан, пренесува „Фокс њуз“. Овој балон леташе над територијата...

Регион2 часа

Бугарско МНР: РСМ со денешните постапки им задава сериозен удар на билатералните односи

Неприфатливо е однесувањето на властите во Република Македонија кон бугарските граѓани на денешниот 4 февруари, тие сериозно го нарушија процесот...

Македонија4 часа

Тројцата Бугари меѓу кои и пратеник се изведени пред судија, можат да добијат и забрана за влез во Македонија

Тројцата Бугари кои навредуваа полицајци на граничниот премин „Деве Баир“ се изведени пред судија на претходна постапка, во судот во...

Македонија5 часа

(Видео) Ѓорѓиев: Делчев го чкртнал Уставот на организацијата каде пишувале Бугари, тој е Македонец

На денешната трибина насловена „Гоце е Македонија“ во рамките на одбележувањето на 120 години од Илинденското востание и 130 години...

Регион6 часа

Џамбаски: Омразата продолжува да расте на секој можен начин

Европратеникот Ангел Џамбаски ги обвини македонските гранични власти дека со часови не ги пуштале бугарски државјани и намерно биле спречени...

Регион8 часа

(Видео) Бугарски портали: Македонските полицајци го тепаа бугарскиот пратеник Георгиев

На граничниот премин меѓу Бугарија и Северна Македонија – Гуешево-Деве баир македонските полицајци му се заканувале и го тепале пратеникот...

Македонија8 часа

(Видео) Бугарите положија цвеќе кај Делчев: Ќе ви подариме агрегатори за да не ви паѓа граничниот систем, очекува сите да бидат пуштени во Македонија

Вицепремиерот за јавен ред и безбедност и министер за внатрешни работи Иван Демерџиев положи венец со цвеќе на гробот на...

Регион8 часа

Борисов: Гоце Делчев е симбол на заедничката историја и ги поврзува народите на РСМ и Бугарија

Гоце Делчев е симбол на заедничката историја и ги поврзува народите на Бугарија и РС Македонија. Ова го напиша Бојко...

Македонија8 часа

Приведени тројца Бугари по пцостите кон македонската полиција

Околу 12.45 часот на Граничниот премин Деве Баир дошло до нарушување на јавниот ред и мир од страна на Г.З...

Македонија11 часа

(Видео) Бугари со пцости до македонските полицајци – тензично на границата Деве Баир

Дел од граѓаните од Бугарија кои се уште се заглавени на граничниот премин Деве Баир со пцости кон македонските полицајци...

Македонија11 часа

(Видео) Мицкоски до бугарските новинари: Вашите политичари стануваат естрадни циркузанти и нѐ вратија во среден век

Претседателот на ВМРО-ДПМНЕ Христијан Мицкоски посочи дека не гледа проблем Бугари да дојдат и да го слават Гоце Делчев, но...

Македонија13 часа

(Видео) Засилени полициски контроли на возила со бугарски таблици на патарината кај Куманово

Полицијата врши контрола на секое возило со бугарски таблици на патарината кај Куманово во очекување на поголема група од 150...

Македонија13 часа

(ВИДЕО) Владата им кажува на новинарите како да работат, караници пред платото на Свети Спас

Владата одредува каде снимателите ќе снимаат за време на чествувањето на годишнината од раѓањето на Гоце Делчев. На новинарите, пак,...

Македонија14 часа

(Видео) Надлетува хеликоптер, стотици полицајци, барикади и проверки пред Свети Спас за чествувањето на Гоце Делчев

Стотици полицајци, неколку точки за преглед и проверка, претреси на чанти. Вака изгледа влезот во црквата Свети Спас утрово. Пристапот...

Македонија23 часа

Власт и опозиција, Бугари и Македонци – дел ќе стигнат до гробот на Делчев, други ќе останат на улица

Под строги протоколи и со акредитации ќе тече прославата за 151 година од раѓањето на македонскиот револуционер Гоце Делчев. Македонски,...

Македонија1 ден

Лидерот на Левица во Кукуш: Нема родендени со премолчени места на раѓање

„Во пресрет на 4-ти февруари, денот на раѓањето на Таткото на македонската нација – Гоце Делчев, официјална делегација на Левица,...

Македонија1 ден

Ноќна стража кај гробот на Гоце Делчев, граѓани со знамиња, столици и транспаренти ќе останат до сабајле

Со македонски знамиња, знамето со сонцето од Вергина и транспаренти, група граѓани се собра на улицата „Самоилова“ која води кон...

Македонија1 ден

Пациент со цистична фиброза: Состојбата на пациентите им се влошува, до кога ќе го мерат во цена мојот живот?

Пациентите со цистична фиброза кои ја чекаат државата да им го набави скапиот лек, утре излегуваат на протест, во 12...

Македонија1 ден

МВР направи план кого ќе пушти на граница: на секој што пријавил делегација, ќе му биде дозволено да оддаде почит

Министерството за внатрешни работи при одлучувањето кому ќе му биде дозволен влез во државата за да оддаде почит на гробот...

Македонија1 ден

(Видео) Сведок на Рашковски: Од Кабинетот на Зеќири даваа насоки како да се одговори на барања за документи

Зорица Стојановиќ, вработена во Владата, сведочеше во случајот „Софтвери“, каде што обвинет е Драги Рашковски. Таа работела како помошник-раководител на...