Контакт

Актуелно

Романската поетеса Ана Бландијана добитничка на „Златен венец“ за 2019 година

Објавено пред

Добитник на „Златен венец“ за 2019 година, главната награда на „Струшките вечери на поезијата“, е романската поетеса Ана Бландијана. Одлуката ја соопштија Управниот одбор и Дирекцијата на фестивалот „Струшки вечери на поезијата“ (СВП) на денешната Свечена седница, која се одржа во Македонската академија на науките и уметностите (МАНУ).

Наградата на годинашната лауреатка ќе ѝ биде врачена на поетското читање „Мостови“, една од централните манифестации на годинашното издание на фестивалот, кое ќе се одржи од 21 до 28 август.

„Една од најценетите современи европски авторки, Ана Бландијана (псевдоним зад кој се крие името на Отилија Валерија Коман), е припадничка и претставник на поетската генерација од 60-тите години, која е заслужна за афирмацијата на модернизмот во романската литература и поезија. Поезијата на Бландијана не флертува со помодното и површно допадливото пишување, таа е критички настроена и суштински загрижена поради губитокот и отсуството на слобода во современо-историската бездна, сред која е стаписано човештвото… Како што сведочат книжевно-критичките реакции и одгласи ширум Европа – творештво на Ана Бландијана претставува значен придонес во збогатувањето на изразните потенцијали на современата литература, како и витален поттик за ревитализација на нејзината благородна мисија во едно сурово време, какво што е нашето“, образложувајќи ја одлуката, нагласи проф. д-р Елизабета Шелева, претседател на Управниот одбор на „Струшките вечери на поезијата“, еден од најреномирани и најстарите поетски фестивали во светот.

Местото кое Ана Бландијана (родена во Темишвар, Романија, во 1942 година) го зафаќа во книжевниот живот на Романија може да се спореди со она на Ана Ахматова во Русија или Вацлав Хавел во Чешка. Таа е високопризнаена фигура во романската книжевност и има напишано 17 стихозбирки, две книги фантастична проза, девет книги есеи и еден роман. Нејзиното дело е преведено на 25 јазици и претставено во 80 книги поезија и проза.

Бландијана дебитираше во шеесеттите години. Таа припаѓа на генерацијата романски неомодернисти, беше истакнат противник на режимот на Чаушеску, а нејзините храбри и искрени песни, како и храбриот став во одбраната на етичките вредности, ја претворија во легендарна фигура во романската литература.

 

Бландијана е почесен доктор на науки на четири романски универзитети: Универзитетот Де Вест, Темишвар (2014), Универзитетот Клуж (март 2015), Универзитетот на Галац (2016), Универзитетот „1 Декември 1918″ Алба Јулија (2018).

Според лауреатката, „Златен венец“ на СВП е поважен од која било друга награда и веста за признанието кај неа предизвикало горечка возбуда, бидејќи нејзиното креативно созревање е обележено токму од овој фестивал во земјата на која, како што вели, чекорел Орфеј.

„Навистина не знам како да ја изразам возбудата што ја почувствував кога ја добив прекрасната вест дека ќе ми го доделите ‘Златниот венец’ во Струга. За да разберете што чувствував, треба да знаете дека за мене, како романски поет, овој легендарен венец е поважен од која било друга европска награда. И тоа не само затоа што е една од најстарите книжевни награди во светот, туку затоа што пораснав и станав поет под речиси митската аура на поетскиот фестивал крај Струшкиот мост и во Орхидската катедрала и крунисувањето на Никита Станеску беше магичен момент на мојата генерација. Во светот во кој војните, револуциите и промената на историјата и географијата оставија малку простор за поезијата, наградата ‘Златен венец’ опстои шест децении на преминот меѓу два века и со помош на лирата и лаврите се спротивстави на сите видови оружја и со љубовни зборови се спротивставува на сите видови омраза. Веќе педесет и осум години големите светски поети што ги избравте благодарно доаѓаа во оваа земја, по која чекореше Орфеј, осветлени со верата дека убавината ќе го спаси светот и дека нивното присуство може да го втисне во духот на Европа обликот на Струшкиот венец“, порачува годинашната добитничка на „Златен венец“ на Струшките вечери на поезијата во своето поздравно обраќање.

Актуелно

Тони Зен со нов албум „Од изворот на изборот“

Објавено пред

Познатиот хип-хоп артист Тони Зен го издаде својот шести по ред соло-албум со наслов „Од изворот на изборот“. Албумот е независно издаден со поддршка на СТ Продукција како дистрибуција и изработка на ЦД и обвивка.

„Сниман е во студиото ‘Knobs Keys ‘n Stuff’ заедно со Бојан Филиповски ‘Gloomie’, додека миксот и мастерингот го изработи Мите Димовски во Тралала студио. Албумот има 8 песни, сите јас ги напишав, а музиката ја создававме заедно со Кирил Бабамов (гитара) и Ратко Даутовски (перкусии), потоа се приклучија и останатите музичари со своите инструменти и мелодиски линии, бас-гитара свири Мартин Јосифовски, саксофон и флејта – Борислав Веселинов, клавијатури – Борче Кузмановски и Бојан Филиповски, Александар Пешевски Сале – усна хармоника и пратечки вокали – Весна Малинова Бабамова и Бојан Филиповски“, вели Тони Петковски.

Албумот е акустичен, мирен и сниман во 432Hz, со цел да се задржи природната фреквенција. Сите песни се инспирирани од неговите лични искуства во изминативе пет години.

„Музиката на албумот е посветена на вистината, љубовта, просветлението, повеќето текстови се напишани како последица од духовните практики и искуства, стекнати во Институтот за хармоничен развој на човекот. Спознавањето КОЈ СУМ ЈАС, средбите со мајсторот, сјаењето и созревањето низ духовната патека, се апсолутната инспирација за создавањето на овој албум. Целта ми е сите да спознаат КОИ се и да преземат одговорност за сопственото постоење. Насловот ‘Од изворот на изборот’ е стекнување свесност, за тоа дека ЈАС СУМ, односно секој е одговорен за сопствените искуства, одлуки и избори во животот. Чистината на душата е изворот, а изборот е дејствување од чистината“, објаснува Петковски.

Албумот е отпечатен во 1.000 копии и ќе го има во продажба од 23 мај.

Прикажи повеќе...

Актуелно

Фестивал за обнова на Домот на културата во Ченто

Објавено пред

Еднодневен културно-едукативен фестивал ќе се одржи в недела, 19 мај, со почеток во 10.30 часот, во населбата Ченто, со цел да направи иницијатива за обнова на напуштенот Дом на културата во оваа населба.

Населбата Ченто порано имаше прекрасен дом на културата што го посетуваа илјадници луѓе во трекот на годините. На површина од 2.800 квадратниметри, бина од 85 м2 и сала со 328 седишта, овој простор беше како културно срце на населбата. На огромна штета на илјадници граѓани на Скопје веќе 25 години Домот на културата е мрачно, руинирано, неупотребливо место.

„По примерот на многу европски метрополи, на Скопје и на другите градови во Македонија потребна им е стратегија за решавање на сложениот проблем со руинираните објекти, во чии просторни капацитети може да се направи соодветна интервенција и да се оспособат за нова функционална програма според потребите на граѓаните“, велат од здружението „Културно ехо“, кое е организатор на настанот.

Локацијата е паркот „Методија Андонов-Ченто“, кој се наоѓа помеѓу булеварите Ченто и Маџари. До местото може да се стигне со автобусите 23, 45 и 65. Доколку не ви е позната оваа област, предлагаме да ја видите точната локација ОВДЕ.

ПРОГРАМА:

од 10.30 до 12.30 – Екоакција за расчистување на внатрешноста на руинираниот Дом на културата „11 Октомври“ во Ченто и симболично метење на театарската сцена.

13 часот – парк „Методија Адонов-Ченто“
ПАНЕЛ-ДИСКУСИЈА:
Како од напуштен објект до мултифункционален и самоодржлив културно-едукативен простор надвор од центарот на градот?
(учесниците ќе бидат објавени набргу)

МУЗИЧКА ПРОГРАМА – парк „Методија Адонов-Ченто“
15 ч – Drums & Percussion Дамјан Грујо
16 ч – Man In a Suit – Куманово
17.30 ч – DJ-сет на Ненад Стефановски од Foolish Green – Скопје

Во склоп на музичката програма ќе се одржи работилница за перкусија за сите заинтересирани.

Настанот е бесплатен и е поддржан од Град Скопје и Општина Гази Баба.

Прикажи повеќе...

Актуелно

(Видео) Горан Стефановски седнат на клупа во Дебар Маало ќе ги чека сите намерници на муабет

Објавено пред

Дебар Маало денес го славеше животот на писателот и драматург Горан Стефановски. Актери, драматурзи, режисери и по некој политичар заедно со семејството и многубројни дебармаалци преку извадоци од интервјуата на Горан Стефановски, извадоци од неговите драми и документирани парчиња од неговиот живот го прославија неговиот 67 – ми роденден. Почитувачите на ликот и делото на Стефановски не ги предомисли ниту дождот па на бината во близина на Општина Центар застануваа со чадори за да го кажат она што го чувствуваат по големата загуба на Стефановски.

„Денес 27 април, роденденот на Горан Стефановски, безвременски уметник кој ни остави големо наследство на сите, го обележуваме како ден на културата на Општина Центар, настан со кој ќе го прославиме неговиот живот. Роденденот ќе го обележиме со садење дрво во негова чест, за да му дадеме живот и ќе го најавиме спомен обележјето кое ќе биде поставено тука. Ова е еден настан кој ќе влезе во програмата за култура и Општина Центар ќе го има како ден во кој ќе го чествуваме Горан Стефановски“, рече Јана Белчева-Андреевска, претседателка на Советот на Општина Центар.

Спомен бистата што ќе биде поставена во паркчето покрај јаворот засаден за Горан Стефановски

Заедно со семејствата Блечева –Андреевска рече дека ќе организираат поставување спомен обележје – клупа на која во природна големина ќе има биста на Горан Стефановски, за секој што сака да дојде и да си направи муабет со него.

„Тој седи со скрстени нозе, со книга во раката и гледа кон оној што ќе седне до него на клупата. Тој сакаше многу приказни да слуша, сакаше од сите да слуша приказни. Идејата е кој сака, ако му е нешто на памет, да дојде и да си разговара со него“, рече Игор, синот на Горан Стефановски.

Бистата се надеваат дека ќе се лее во Англија и за неа допрва треба да обезбедат пари.

Актерот Благоја Чоревски смета дека паркчето спроти гостилницата „Наџак“ каде што се планира да биде поставена клупата, е вистинското место затоа што токму овој дел од градот е местото на Горан Стефановски.

„Моето семејство, Чоревски, со семејството Стефановски се знаат од ’45 година. Од првиот момент кога доаѓаат како основоположници на Македонскиот народен театар, играа Тихомир, чичко Мирко, татко му на Горан и татко ми во првата претстава ‘Платон кречет’. Од тогаш беа неразделни се до нивната смрт. Горан е роден во Битола, јас сум постар од него, јас сум ’47 година а тој е ’52. Јас му бев батко, а потоа тој ми стана мене батко зашто стана еден од најпознатите писатели, а јас ја имав таа среќа да бидам до него и да играм во сите негови претстави. Загубата е ненадоместлива. Се радувам ако се постави бистата, затоа што ова беше негово место“, рече актерот Чоревски.

Игор, синот на Горан Стефановски на јаворот засаден во чест на неговиот татко, му даде име Горан и ги повика сите да наздрават за новиот живот.

„Сигурен сум дека не знаеше дека неговата смрт толку длабоко ќе се осети кај толку многу луѓе. Можевте да бидете на многу други места на овој продолжен викенд, ви благодарам што одбравте да бидете овде. Дрвото засадено за татко ми само што си го започна животот. Еден живот згасна, друг почнува. Нека се вика Горан, или Горанчо додека порасне. Нека пушти длабоки корења и нека биде среќно овде“, рече Стефановски и ги повика присутните со  поздравот „Здраво Горане“ во еден глас да му посакаат добредојде на дрвото засадено во срцето на Дебар Маало, во паркчето спроти гостилницата „Наџак“ во Скопје.

Игор, синот на Горан Стефановски, со чадор на бината ја заштити Синоличка Трпкова од дождот

Музиката на настанот беше плејлиста која што ја направил Горан Стефановски за гостување на ОФФ нет. На можноста да пушта музика и да направи своја плејлиста, Стефановски опишал дека се радувал како мало дете. На видео бим се менуваа интервјуата и разговорите со Стефановски, а дел од актерите во живо читаа извадоци од делата на писателот што ги играле.

Прикажи повеќе...

Најново

Спорт5 часа

Ѓоковиќ за 6 месеци заработи 5,2 милиони долари!

Српскиот тенисер Новак Ѓоковиќ со пласманот во финалето на Мастерсот во Рим дополнително ја зголеми заработката за изминатите 6 месеци....

Македонија7 часа

Протест против изградбата на Али-пашината џамија: Во Охрид се случува атак врз достоинството и чувствата на охриѓани

Жителите на Охрид предводени од граѓанското здружение „Совест“ излегоа на мирен протест пред општината каде го изразија својот револт од,...

Македонија7 часа

„Анима мунди“: Здружение формирано пред 2 месеца ќе биде во раководните структури во ЈП „Лајка“

Иако градоначалниокот на Скопје, Петре Шилегов, ветуваше дека во новото јавно претпријатие „Лајка“ за третман на бездомните животни ќе бидат...

Македонија8 часа

ВМРО-ДПМНЕ бара расправа за адвокатските услуги на власта

ВМРО-ДПМНЕ  поднело иницијатива до собраниската комисија за финансирање и буџет за надзорна расправа за склучените договори за консултантски, адвокатски и...

Македонија8 часа

Отворена постапка за неовластено снимање на разговорот на Павле Богоевски

Скопската полиција  достави известување до Oсновното јавно обвинителство Скопје кон кое е приложен записник за примена кривична пријава со кој...

Македонија9 часа

Директорката на Детската клиника поднесе оставка

Директорката на ЈЗУ „Универзитетска клиника за детски болести“, Катарина Ставриќ, од лични причини поднела оставка од функцијата за време на...

Топ9 часа

Едно лице загина во сообраќајната несреќа на патот Кичево – Охрид

Едно лице го загуби животот во тешката сообраќајна несреќа што се случи попладнево на магистралниот пат Кичево – Охрид. Како...

Македонија12 часа

(Видео) Заев и Хан на Виенскиот економски форум: Политичката стабилност отвора можности за нови инвестиции во земјата

Премиерот Зоран Заев, денеска, во Виена имаше свое воведно обраќање на отворањето на Виенскиот економски форум, Виенски економски разговори –...

Македонија13 часа

(Видео) Во јуни ќе се одржи првата Парада на гордоста во Скопје

Првата Парада на гордоста за правата на ЛГБТ-заедницата во земјата ќе се одржи на 29 јуни, информираа од организационот одбор...

Македонија14 часа

Горан Трајковски даде оставка од директорската функција

Директорот на Дирекцијата за заштита на личните податоци, Горан Трајковски, во петокот доставил барање до Собранието за престанок на функцијата...

Европа14 часа

Шведски обвинител бара апсење на Асанж

Шведски обвинител, кој води истрага во врска со обвинението за наводно силување против основачот на „Викиликс“, Џулијан Асанж, денеска поднесе...

Регион15 часа

(Видео) Силно невреме ја погоди Србија, паѓаше град со големина на лешник

Во многу градови во Србија, вчера, во попладневните часови, почна да паѓа силен дожд, а потоа и град со големина...

Hitech15 часа

Гугл и ја укина лиценцата на компанијата Хјуавеи

Американскиот Гугл и ја суспендираше лиценцата на компанијата Хјуавеи (Huawei), што значи дека кинескиот производител на мобилни телефони ќе остане...

Свет16 часа

Трамп се закани дека ќе го уништи Иран

Претседателот на САД, Доналд Трамп, издаде остро предупредување до Иран со закана дека ќе биде уништен доколку бидат нападнати американските...

Европа1 ден

Предвремени избори во Австрија на почетокот од септември

Австрискиот претседател, Александар ван дер Белен, денеска, по разговорите со австрискиот канцелар Себастијан Курц, се заложи за одржување на предвремени...

Македонија1 ден

Пендаровски до Тамара: Оставивте трајна вредност, песна посветена на секоја жена

Тамара Тодевска со својот настап на Евровизија и песната „Proud“ („Горда“) го освои осмото место, што е највисокиот пласман за...

Економија1 ден

За вградување на сончеви колектори и нови ПВЦ прозорци обезбеден буџет од 30 милиони денари

Деновиве беа објавени јавните огласи за надоместување на дел од трошоците за купени и вградени сончеви термални колекторски системи во...

Топ2 дена

Загина 61-годишник од Босилово кој со автомобил се забил во дрво

На магистралниот пат Струмица – Граничен премин „Ново Село“, помеѓу селата Дабиле и Босилово во утринските часови на 18 мај...

Македонија2 дена

(Видео) Заев во Србија на отворањето на Коридор 10: Се радуваме на успешните потфати на сите наши соседи

Премиерот, Зоран Заев, на покана на српскиот претседател, Александар Вучиќ присуствуваше на свеченото отворање на новото автопатско решение од 26...

Естрада2 дена

Тамара го освои осмото место на „Евровизја“, нејзината изведба ни го носи највисокиот пласман досега

Македонија и нашата претставничка Тамара Тодевска за првпат годинава од речиси сите земји добија поени на изборот за песна на...

Досие