Контакт

Култура

Светиклиментова награда за професорката и пијанистка Снежана Анастасова-Чадиковска

Објавено пред

„Како НУ „Охридско лето“ сме посебно горди што пијанистката и професорка Снежана Анастасова-Чадиковска денеска ја прими највисоката награда за врвни достигнувања во областа на културата и уметноста, државната награда „Св. Климент Охридски“. Севкупноста на професионално-музичката дејност на Снежана Анастасова -Чадиковска е длабоко вткаена во Фестивалот. Со јасна цел и фокус за националниот интерес во повеќедецениското постоење на „Охридско лето“, таа е еден од клучните носители на неговото документирање, програмскиот развој и меѓународната афирмација“, изјави директорката на НУ Охридско лето, Наташа Поповиќ.

Оваа награда, како што рече Поповиќ, е доказ дека сме на вистинскиот пат да продолжиме да ја создаваме убавината на уметноста, тука на фестивалската сцена на „Охридско лето“.

„Државната награда „Св.Климент Охридски“ за 2021 година е признание за нејзините напори меѓународниот фестивал, „Охридско лето“ да биде сцената на уметничките дострели, обележје на културниот идентитет на најдоброто творештво на меѓународно ниво“, смета директорката на „Охридско лето“.

Поповиќ вели дека пријавата што ја достави НУ „Охридско лето“ до Одборот за доделување на државната награда„Св. Климент Охридски“ го содржи трајното сведоштво во монографските записи за фестивалот на Снежана Анастасова-Чадиковска која низ изминативе 61 година е автор на петте монографии за „Охридско лето“ во 1980, 1990, 1995, 2000 и во 2010 година.

„ Вредностите доколку не се запишат и не се зачуваат лесно бледнеат. За среќа целокупната вредност е содржана во монографиите чиј автор е Снежана Анастасова-Чадиковска. Најзините пишани траги нè прават горди што сме дел од успешната приказна наречена „Охридско лето“. Интенцијата на Снежана Анастасова-Чадиковска како автор да создаде дело насочено кон збогатувањето и разнообразноста на сознанијата за фестивалот „Охридско лето“, за неговиот почеток, развој и културолошко значење, е од непроценливо значење за фестивалот „Охридско лето“ , вели Поповиќ.

Со долгогодишното делување и творење Снежана Анастасова-Чадиковска свој значаен придонес дава и како селектор на музичката програма на Охридско лето. Како истакнат академски музичар, пијанист, педагог и музички публицист зад себе има богата музичка дејност и на сцената на „Охридско лето“. Оценета е како одличен селектор на фестивалската програма. Нејзиниот живот е сврзан со Охрид и фестивалот зашто таа е една од ретките која присуствувала на првиот концерт на „Охридско лето“ во катедралната црква „Света Софија“ во далечната 1961 година, уште кога имала само 11 години.

„ Сметам дека наградата „Свети Климент Охридски“ е најголемо признание кое може да го добие творец од областа на уметноста,културата и образованието и соодветно на тоа, сум многу радосна. Морам да кажам дека сум извонредно благодарна на фестивалот „Охридско лето“ кој ја покрена иницијативата токму јас да ја добијам оваа награда. Овој фестивал обединува повеќе мои дејности, концертната дејност, публицистичката, па на некој начин и педагошката дејност, семинарите. Навистина голема доверба, голем респект и големо пријателство кон мене. Се надевам дека истата таа „судбина“ ќе му се враќа на фестивалот и на неговата директорка Наташа Поповиќ, изјави по примањето на Светиклиментовата награда Анастасова-Чадиковска.

На свеченоста по повод доделувањето на државната награда „Свети Климент Охридски“ присуствуваа, претседателот на Република Северна Македонија, Стево Пендаровски кој е и покровител на фестивалот „Охридско лето“, претседателот на Собранието, Таљат Џафери и министерката за култура, Ирена Стефоска.

Култура

Бисера Костадиновска-Стојчевска ја презеде функцијата министерка за култура

Објавено пред

Досегашната министерка за култура Ирена Стефоска во Министерството за култура ѝ ја предаде функцијата на новоизбраната министерка Бисера Костадиновска-Стојчевска.

Стефоска ѝ посака срдечно добредојде во Министерството и многу успех во мандатот. Таа истакна дека во ресорот се почнати повеќе процеси и проекти што се од системско значење за уредување на културата, а кои поради сложеноста се одвиваат во повеќе фази, кои бараат континуитет. Некои од нив се во сферата на заштитата на културното наследство, инвестициите, нормативата, евроинтеграциите, УНЕСКО, како и функционалната анализа во самото Министерство за култура. Стефоска им се заблагодари за довербата и соработката на својот тим и на сите вработени во Министерството, како и на културните работници и на уметниците.

Костадиновска-Стојчевска се заблагодари на убавите желби и рече дека позицијата министерка за култура на Република Северна Македонија ја презема со голема чест и одговорност.

„Подготвена сум за предизвиците и за соочување со проблемите, но и за убавината и прогресот што културата ги носи како силен обединувачки елемент во секое општество. Искрено верувам дека сите заедно ќе оствариме нови цели и успеси со трајни вредности“, рече министерката Костадиновска-Стојчевска.

Прикажи повеќе...

Книги

Објавени три книги од серијалот за генијалниот детектив Шерлок Холмс од Артур Конан Дојл

Објавено пред

Три значајни книги од книжевниот серијал за генијалниот детектив Шерлок Холмс од Артур Конан Дојл излегоа од печат на македонски јазик, во издание на „Арс Либрис“, дел од „Арс Ламина – публикации“. Станува збор за: „Студија во скарлетна боја“, „Авантурите на Шерлок Холмс“ и „Баскервилскиот пес“, кои веќе се достапни во сите книжарници на „Литература.мк“ и онлајн преку www.literatura.mk.

Артур Конан Дојл (22 мај 1859 година, Единбург, Шкотска – 7 јули 1930, Минстид, Англија) е шкотски писател најпознат по детективските приказни за Шерлок Холмс, што се сметани за најголема иновација на полето на криминалистичката научна фантастика. Тој е автор на историски дела, романи со научна фантастика, драми, поетски дела и реалистични дела.

Од 1876 до 1881 година, додека студирал медицина на Универзитетот во Единбург, почнал со пишување раскази. Првиот расказ го објавил на 20-годишна возраст во весникот „Чемберс Единбург журналс“. Работел како лекар на брод што се движел до западна Африка. Во 1882 година отворил мала амбуланта со неговиот партнер и пријател Џорџ Бад, но соработката се покажала неуспешна и набрзо се прекинала. Затоа, Конан Дојл решил сам да отвори мала клиника во Саутси. Додека работел во својата не толку успешна работа, тој повторно почнал со пишување раскази. Негово прво позначајно дело било „Студија во скарлетна боја“, каде што по првпат се појавува ликот на Шерлок Холмс.

Конан Дојл ја напишал приказната за Холмс кога имал 27 години, и тоа само за три недели. Како инспирација за создавање на ликот на Шерлок му послужил неговиот професор од факултет, Џозеф Бел, кој можел само со еден поглед да им ја дијагностицира болеста на пациентите. Подоцна, кога Радјард Киплинг му честитал на Дојл за успехот на неговиот јунак, го прашал дали се работи за неговиот стар пријател доктор Џо? Големо влијание во креирање на ликот на детективот има и фиктивниот детектив Август Дупин, кој се појавува во две новели на Едгар Алан По. Ракописот „Студија во скарлетна боја“ бил одбиен од многу издавачи, додека на крајот не го прифатила една мала издавачка куќа, која дотогаш објавувала книги за кулинарство и домаќинство. Тиражот не поминал добро, а набрзо паднал и во заборав. Артур Конан Дојл напишал 56 кратки приказни, а објавил шест книги за Шерлок Холмс. Денес важи за ден од најпознатите книжевни ликови, со неколку стотици филмски и театарски изведби.

Во продолжение е содржината на првите три книги од овој серијал:

„Студија во скарлетна боја“

Романот „Студија во скарлетна боја“, објавен во 1887 година, го обележува првото појавување на детективот Шерлок Холмс и неговиот помошник д-р Џон Вотсон. „Студија во скарлетна боја“ е првата во низата авантури на легендарниот двоец од улицата „Бејкер“, бр. 221Б.

Во една куќа во јужен Лондон лежи мртов човек: на неговото тело нема знаци на насилство, но неговото лице покажува ужас, омраза и грчевита борба за живот. На ѕидот е напишан само еден збор и напишан е со крв. Полицијата е збунета, а само еден човек во Лондон може да им помогне. Никој не би претпоставил што сè се крие зад оваа мистерија – никој, освен, сè разбира, детективот-аматер, Шерлок Холмс.

Книгата е достапна за онлајн нарачка.

„Авантурите на Шерлок Холмс“

Книгата „Авантурите на Шерлок Холмс“, објавена во 1892 година, е првата збирка раскази за ненадминливиот лондонски детектив и неговиот помошник д-р Вотсон. Оваа збирка содржи некои од најпознатите раскази на Артур Конан Дојл, меѓу кои се вбројуваат „Скандал во Бохемија“, „Сојузот на црвенокосите“ и „Лентата со точки“.

Кралот на Бохемија е уценет од својата претходна љубовница; свршеникот на една млада дама ненадејно исчезнува на денот на венчавката; црвенокос господин се наоѓа во крајно бизарна ситуација што не може да ја разбере; млада девојка е загрижена за својот живот откако сестра ѝ мистериозно умира. Само еден човек има одговор на сите овие мистерии, а тоа е секако Шерлок Холмс.

Книгата е достапна за онлајн нарачка.

„Баскервилскиот пес“

Романот „Баскервилскиот пес“, првпат објавен во продолженија во 1901 година, е третиот роман за лондонскиот детектив-аматер и неговиот помошник. Заради злокобната атмосфера, таинствениот пејзаж и грозоморноста на злосторството, овој хорор-детективски роман е едно од највпечатливите достигнувања на Артур Конан Дојл и траен миленик на публиката сè до денес.

Сер Чарлс Баскервил е мртов; смртта е ненадејна, а околностите мистериозни. Жителите на Дартмур се истовремено шокирани и многу исплашени. Дали за смртта на сер Чарлс е виновен ѓаволскиот пес кој го прогонува семејството Баскервил со генерации? Истовремено се повикани новиот наследник на имотот и двоецот Холмс и д-р Вотсон. Доделена им е двојна задача: да го решат случајот и да го зачуваат животот на новиот наследник на Домот на Баскервилови, бидејќи песот – ако навистина постои – сè уште е на слобода.

Книгата е достапна за онлајн нарачка.

(ПР-текст)

Прикажи повеќе...

Култура

Богојављенски собир на светската хуманистичко-интелектуална елита на онлајн конференција во Охрид

Објавено пред

В среда, во Охрид, спроти  денот – верски христијански православен празник Водици – Богојављение, со почеток од 13:оо часот, ќе се одржи Интернационална онлајн конференција: „Цивилизација на љубовта и носталгија за соединување”, како дел од Охридската школа за хуманизам – од средниот век до денес во Европа и светот, организирана од Светската академија на хуманизмот.

Истовремено, и церемонијата на прогласување на професор Далимир Хајко (Словачка) за добитник на Светската награда за хуманизам за 2022 година.

Собирот ќе почне со специјален музички перформанс: „Химна на Свети Климент Охридски“, во изведба на профeсорите од Меѓународниот универзитет Европа Прима, Љупчо Коскаров и Дарко Мариновски. Во слава на Охрид – градот на УНЕСКО, познат како „словенски Ерусалим“ или „Балканска Венеција“, славејќи ја славата на Лихнидос (древното име на градот) – градот на светлината, насекаде низ светот.

Темата на Конференцијата: „Цивилизација на љубовта и носталгија за соединување”, произлегува од примарната мисија на Охридската академија на хуманизмот, да ја продолжи визијата на Свети Климент и Свети Наум, основачи на првиот универзитет во овој дел на Европа, кој во исто време беше и првата школа на хуманизмот, основана во 9 век.

Тие беа ученици на светите браќа, апостолите Св. Кирил и Св. Методиј, кои, во 1980 година, папата Јован Павле Втори го прогласи за патрони на Европа, за нивното духовно убедување, како цивилизација на љубовта и носталгија за соединување.

На почетокот на Конференцијата, свои обраќања ќе имаат амбасадорот Јордан Плевнеш и словачкиот амбасадор во Македонија, Хенрик Маркус, додека традиционалната награда – статуетка на Св. Климент во резба, ќе ја врачи градоначалникот на Охрид, Кирил Пецаков.

Прифатен говор на наградата на Светската академија на хунаизмот,озаглавен како „Парадоксите на хуманизмот”, ќе одржи професор Далимир Хајко. Тој испрати претходно Послание во кое, меѓу другото, пишува:

„Хуманизмот е парадокс во самата своја суштина. Во име на хуманизмот, насилно се менуваат цивилизациските предлошки на земјите; во име на хуманизмот, се напаѓаат религиите – бидејќи не им одговараат на идеите на напаѓачот. Но, истовремено, тој го враќа човекот кон себеси. Тој е апстрактна филозофска проекција, тој е антрополошка константна. Хуманизмот е толку едноставен колку што е и мистериозен. Нема ништо поедноставно од „љубовта кон човештвото“ и ништо посложено од љубовта кон одреден човек – дел од ова човештво – често изгубена, предадена и напуштена од сите”.

Меѓу годинешните учесници, познати имиња од светот на културата, литературата, политиката, хуманизмот, е и Жан-Патрик Конерад, професор по физика на Империјал колеџот во Лондон, кој е и претседател на Европската академија на науките, уметностите и книжевноста (ЕАСАЛ), добитник на Светската награда за хуманизам 2018 година.

Потоа, академик Љупчо Коцарев , претседател на МАНУ, Романо Проди, поранешен претседател на Европската комисија и премиер на Италија, добитник на Светската награда за хуманизам за 2019 година, Рикардо Брици, професор на Универзитетот во Болоња, Мартина Павликова, проректор на Универзитетот Константин Филозоф во Нитра, Словачка, проф. Роман Кралик, од Универзитет за пријателство со народите во Русија (RUDN) од Москва, Теруко Јамазаки, поет и новинар од Токио.

Свои обраќања ќе имаат: Фроса Пејоска, професорка во INALCO, Париз, Фредерик Фапани фон Лотринген, CNRJ, Париз, Седрик Уанекпоне, добитник на наградата за млад хуманист за 2019 година, од Централноафриканската Република, Фабрис Д’Алмеида, од Универзитет Пантеон Асас II, Париз, почесен доктор на ИУ Европа Прима, Вида Огњеновиќ, од Белград, добитник на Светската награда на хуманизмот.

Досега, организаторот – Светската академија на хуманизмот, манифестацијата ја одржуваше од своето традиционално место, Куќата на Уранија (МАНУ) во Охрид.

Годинава, поради ковид-пандемијата и заштитните протоколи, ќе се одржи преку интернет, со над 30 учесници кои ќе имаат свои излагања во траење од 5 до 10 минути.

Наградата на Светската академија на хуманизмот се доделува по 16-ти пат, колку што трае манифестацијата. Лани, на 15-годишнината, беше одлучено, а годинава ќе се изврши промоција на спомен-обележјето, кое на летен Св.Климент ќе биде поставено кај месноста Долна Порта – влезот во старото градско јадро. Идејата и нацртот се на еден од досегашните добитници на Светската награда на хуманизмот, Светлин Русев, од Бугарија, додека делото, изработено од прилепски мермер, е уметнички обликувано од Жарко Башевски.

Прикажи повеќе...

Најново

Македонија48 минути

(Видео) Потребно е враќање на довербата меѓу двете влади, порача Пендаровски на средбата со бугарскиот премиер

Потребно е враќање на довербата меѓу двете влади, со цел засилување на добрососедските односи и политичкиот дијалог за почувствителните прашања....

Македонија1 час

Горан Милевски без одлука во ЛДП се предложил за министер

Претседателот на ЛДП, Горан Милевски, самиот, без согласност и партиска одлука, се предложил за министер во Владата, што покрена иницијатива...

Македонија1 час

Рот: Бугарија да го признае македонското малцинство, како што Македонија го признава бугарското

Германски пратеник во Бундестагот и поранешен министер на Германија за Европа, Михаел Рот, ја поздрави денешната посета на Македонија на...

Регион3 часа

(Видео) Несреќа во Бугарија: автобус со патници од Косово излета од патот, повредени 29 луѓе, меѓу кои има и деца

Во сообраќајна несреќа во Бугарија повредени се 29 патници од Косово, од кои шест деца, кога автобусот во кој се...

Македонија4 часа

Гаврил Бубевски избран за нов претседател на скопското Јавно обвинителство

Некогашниот специјален јавен обвинител, Гаврил Бубевски, стана шеф на скопското Јавно обвинителство, а неговиот колега од СЈО, Стевчо Донев, е...

Македонија5 часа

Бугарија го прифати краткото име Северна Македонија, кое претходно го оспоруваше

Бугарија прифатила да го користи краткото име Северна Македонија, кое претходно го оспоруваше. Премиерот Димитар Ковачевски вели дека ова е...

Европа6 часа

Европскиот парламент доби нов претседател

Европскиот парламент доби нов претседател. Роберта Мецола е избрана за наследник на Дејвид Сасоли за претседател на Европскиот парламент освојувајќи...

Македонија8 часа

Со сертификат за вакцинација или прележана болест Македонците ќе може да влезат во Бугарија

Од 20 јануари македонските државјани ќе може да влезат во Бугарија. По интензивната комуникација меѓу министерствата за надворешни работи на...

Свет9 часа

Тонга по ерупцијата и цунамито – поплавени острови, земјата и дрвјата покриени со пепел

Првите фотографии по ерупцијата на вулканот кај Тонга и цунамито што ги погоди островите во тој архипелаг ги прикажуваат земјата...

Македонија10 часа

(Видео) Зголемениот водостој на кејот на реката Вардар ги вознемири жителите на Аеродром

По телефонска дојава од страна на граѓани на 195, а и до директорот на ЦУК, Стојанче Ангелов, дека во општина...

Македонија18 часа

Второто полугодие за основното и средното образование се одлага за 1 февруари

Владата на Република Северна Македонија на денешната втора, редовна седница, којашто се одржа преку видео конференциска врска, донесе одлука почетокот...

Македонија22 часа

Владата на првата седница ги именува замениците на Ковачевски

Владата на Република Северна Македонија денеска ја одржа својата прва конститутивна седница, со која претседаваше премиерот Димитар Ковачевски. На седницата...

Македонија1 ден

766 нови случаи на Ковид-19 и 15 починати лица

Министерството за здравство информира, согласно податоците од Институтот за јавно здравје, дека во последните 24 часа направени се 3.748 тестови,...

Македонија1 ден

Маричиќ: Не е на Северна Македонија да кажува каде и какво малцинство има во регионот

Новиот вицепремиер за евроинтеграции, Бојан Маричиќ, изјави дека не е на Северна Македонија да кажува каде какво малцинство има во...

Македонија1 ден

Ковачевски: Задоволен сум од перформансите на министрите од ДУИ

Премиерот Димитар Ковачевски е задоволен од министрите што ДУИ ги има во Владата. Бидејќи во редовите на оваа партија немаше...

Македонија1 ден

Бугарската позиција е јасна, очекувам заедно да работиме на нов дијалог, порача Петков во честитката до Ковачевски

Бугарскиот премиер Кирил Петков му го честиташе изборот на својот македонски колега Димитар Ковачевски наведувајќи дека позицијата на Бугарија за македонската...

Економија1 ден

Поскапуваат бензините и дизелот

Малопродажните цени на бензините „евросупер БС-95“ и „евросупер БС-98“ се зголемуваат 1,00 денар/литар, а малопродажните цени на „евродизелот“ (Д-Е V)...

Свет1 ден

Десетте најбогати луѓе во светот си го удвоија богатството за време на пандемијата, а 160 милиони западнаа во сиромаштија

Богатството на 10-те најбогати луѓе во светот се удвои од почетокот на пандемијата, се наведува во извештајот објавен денеска од...

Спорт1 ден

Само вакцинираните ќе може да настапат на „Ролан Гарос“

Професионалните спортисти ќе мора да бидат вакцинирани против коронавирусот доколку сакаат да учествуваат на спортските натпревари во Франција. Ова се...

Македонија1 ден

(Видео) Ковачевски ги презеде функцијата и кабинетот од досегашниот премиер Зоран Заев

Новоизбраниот претседател на Владата, Димитар Ковачевски, денеска ги презеде функцијата и кабинетот од досегашниот премиер Зоран Заев. Премиерот во заминување,...

Досие