Контакт

Изложби

Скулпторот Жарко Башески ќе изложува во миланскиот Palazzo Reale

Објавено пред

Македонскиот скулптор Жарко Башески ќе претстави две свои дела на интернационалната концептуална изложба која ќе се одржи во Кралската палата во Милано под насловот “Corpus Domini: Dal corpo glorioso alle rovine dell’anima“, со потпис на реномираната италијанска кураторка, Франческа Алфано Миљети.

Изложбата, која за публиката ќе се отвори на 27 октомври оваа година, а ќе трае до 22 јануари 2022, е во организација на Кралската палата и Општина Милано, со поддршка од издавачката куќа Marsilio Arte и Tenderstories.

Башески, инаку познат по делата изработени во хиперреалистичен манир кои се дел од најеминентните интернационални изложби, на Corpus Domini ќе се претстави со скулптурите „Вон…“ и „Автопортрет 1“, заедно со 33 други меѓународно признаени уметници и вистински икони на современата уметност како Јозеф Бојс, Кристијан Болтански, Антони Гормли, Џон де Андреа, Јаел Бартана, Роберт Лонго, АЕС+Ф и други.

На 1.000 квадратни метри изложбен простор, вкупно 111 дела меѓу кои инсталации, скулптури, цртежи, слики, видеоинсталации и фотографии за првпат ќе бидат изложени концептуално, за колективно да ги откријат мноштвото начини на што се претставува човечкото суштество, или според самата Миљети, да го илустрираат патот од глорифицираното телото, до урнатините на душата.

Поставката ќе раскаже приказна преку анализа на појавата на нови форми на претставување во современиот свет, фокусирајќи се на историскиот премин на живото тело, протагонист во т.н. Body Art до одново осмисленото тело на хиперреализмот, за променливите естетски канони на репрезентација и за моќното евоцирање на поединецот преку трагите кои тој ги остава зад себе. Приказна наменета да се одрази на кризата на сетилното искуство предизвикана од појавата на културата која нуди совршени тела, модифицирани тела, тела кои се одново измислени, сосема различно замислени и ре-произведени, а со тоа и во суштина лажни.

Според организаторот, изложбата Corpus Domini: Dal corpo glorioso alle rovine dell’anima е резултат на заедничката работа на уметниците, музеите, фондациите, архивите, галериите и колекционерите од Италија и од други земји, со цел да понудат преиспитување на концептот на човештвото по шокот и пресвртот предизвикан од Ковид-19.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Изложби

„Трансценденција“ – изложба на скулптури на Слободан Милошески

Објавено пред

Утре од 20 часот во Културно-нформативниот центар во Скопје ќе биде отворена изложбата „Трансценденција“ од авторот Слободан Милошески. Изложбата е составена од 15 скулпторски дела од галериски формат, создадени со примена на техника на заварување на метал. Скопската публика изложбата ќе може да ја посети до 30 ноември.

„Низ призмата на оваа изложба на скулпторот Слободан Милошески скопската публика има можност уште еднаш да види иновативна скулптура која се карактеризира со две особини: начинот на кој се користи материјалот (во овој случај станува збор за метал) и концептот на артикулирање идеи кои се од доменот на духовното.

Општопознато е дека металните скулптури се појавуваат во најстариот период на човечката цивилизација (статуетки, фигурини, тотеми) и тие имаат свој развој до монументалните споменици на современиот свет. Во сите овие фази металот има свои технологии на обработка – од целосно соголување на површината (поради елиминација на сите производи од корозија), преку користење абразивни техники, како што се пескарење или минирање со микромонисти, па сè до хемиско соголување и електрохемиска редукција. Ваквите процедури, во својата завршница, произведуваат патина или полирана површина, секоја со свои специфичности и намени. Патините се ценети поради естетската убавина и му даваат автентичност на предметот. Поради тоа, класичните скулптури од историјата на уметност се обработени според оваа процедура.

Од друга страна, за авторот Слободан Милошески, кој е претставник на постмодерниот дискурс во скулптурата, поголема атрактивност предизвикува скулптурата што може да се полира, скулптурата со нагласена текстура или, пак, нивната комбинација. Во контекст на севкупната инфраструктура на креација на уметничкото дело, тој спроведува третман што резултира со преобликување на металот или со неповратно додавање, како што се лемењето или заварувањето, за да ги обезбеди и профилира скршените сегменти на скулптурата, кои патем ги третира со голема претпазливост и внимание. Во крајна инстанца, тоа значи одржување стабилитет на скулптурата и доловување на саканите визуелни ефекти кои, исто така, се важен сегмент во творештвото на авторот Милошески. Според тоа, овие визуелни ефекти првенствено се врзуваат со имплементирањето на минималистичкиот концепт кој доминира во последните фази на авторот, со евидентна порака дека овој приод овозможува проширување на апстрактните идеи во свој сопствен реалитет, а не да биде миметичка претстава на реалноста. Клучните елементи на уметничкото дело, просторот и волуменот, ја наоѓаат својата рамнотежа и динамика во постојаната игра на наизменични тенки, едноставни форми, лансирани во вселената со сета тежина на тешко моделираниот метал. Трансформацијата на металот во уметничко дело, преку магијата на заварувањето, со најдобра примена на конструктивните вештини, во металните скулптури на Слободан Милошески ја бара идејата за трансценденција, за отворање кон друга димензија, кон свет во кој уметникот е господар.

Обликувањето на скулптурите претставени на оваа изложба се чини дека е направено на едноставен начин и со леснотија, додека, од друга страна, е видлив капацитетот на авторот да ги примени своите специфични вештини во создавањето на хармонично комбинирани површини направени од метални елементи и конструкции. Тие во својата завршница продуцираат уметнички дела кои ѝ даваат значење на идејата за пречекорување на границите на искуството, за когнитивното во полето на металната уметност, а на тој начин го отвораат и патот за самиот чин на автосознание“ – вели историчарот на уметност проф. д-р Џемил Бектовиќ во својата критика по повод оваа изложба.

Слободан Молошески е роден во Охрид во 1977 година. Тој дипломира на Факултетот за физичка култура во Скопје во 2001 година. Во 2009 година дипломира на Факултетот за ликовни уметности во Скопје на вајарски оддел, а магистрира на истиот факултет во 2011 година. Во 2018 година докторира на Национална уметничка академија во Софија, Р Бугарија, на катедра Скулптура.

До сега има реализирано 26 самостојни изложби , а учествувал на повеќе од 80 групни изложби во земјава и странство. Добитник е на 15 награди и признанија, од кои најзначајни се наградата за скулптура „Јордан Грабул“ доделена од Друштво на ликовни уметници на Македонија во 2012 и 2015 година, наградата за скулптура мал формат „Димо Тодоровски“ доделена од ДЛУМ во 2014 год., Награда за скулптура доделена од ДЛУМ во 2020 год. и нагадата за современа скулптура „Боро Митриќески“ доделена во 2021 год.

Во неговата биографија се забележливи реализираните скулптури во јавен простор меѓу кои: Скулптури на Живо Чинко, Ристо Шишков, Кузман Шапкарев, Јоаким Крчоски, Спомен-облежјето на Првото заседание на АСНОМ, скулптура на Муза наменета за фасада на објектот „Стар театар“, скулптури наменети за фасадата на објектот на МНР, како и скулптура поставена на Интернационалниот балкански универзитет во Скопје.

Авторот Милошески е член на ДЛУМ од 2009 година, а во моментот работи како вонреден професор на Ликовната академија при Универзитетот „Гоце Делчев“ во Штип.

Прикажи повеќе...

Изложби

Ретроспективна изложба на Дороти Пачкова во Куманово

Објавено пред

Денеска, со почеток во 14 часот, во изложбениот салон на НУ Центар за култура „Трајко Прокопиев“ – Куманово, ќе биде отворена ретроспективната изложба на Дороти Пачкова – Retroactive retrospektive. Изложбата содржи триесеттина акрилици, слики, фотографии, документи од сите творечки фази на авторката Пачкова, а целиот проект е подржан од страна на Министерството за култура. Поставката ќе биде достапна за посетителите до 9 ноември.

Проектот Retroactive – retrospective – ретроспективна изложба на Дороти Пачкова подразбира едно сублимирано резиме на досегашната творечка активност на оваа авторка на полето на визуелните уметности. Притоа, ќе го користиме хронолошки документарно-илустративниот приод сметајќи дека така најдиректно ќе ја претставиме оваа артистка. Се разбира дека просторот што го имаме на располагање не дозволува комплетно и сеопфатно во детали претставување на Пачкова, туку само истакнување на најзначајните јавни настапи и нивна кратка анализа. Иако се работи за млада авторка, зачудува фактот дека во нејзиното портфолио среќаваме многу активности и јавни настапи во повеќе мултимедијални области од сферата на уметноста и општествениот живот, невладиното граѓанско организирање и дејствување, како и актуализирање проблеми од областа на социјалниот сегмент. Секако, нашиот фокус ќе биде насочен кон активностите поврзани со визуелните уметности и реализираните проекти на Дороти Пачкова, кои оставиле трага во реалниот и дигиталниот простор.

Дороти Пачкова е родена 1985 година во Скопје, Македонија. По завршување на средното уметничко училиште во Скопје, дипломирала на Факултетот за ликовни уметности во Скопје, на Катедрата по сликарство, во класата на проф. Жанета Вангели. Магистрира на Институтот за општествени и хуманистички науки во Скопје, насока родови студии, под менторство на Катерина Колозова и коменторство на Бранимир Јовановиќ.

Прикажи повеќе...

Изложби

„Ѕиркачот“ – изложба на Стефан Божиновски вечерва во МКЦ

Објавено пред

Вечерва, со почеток од 20 часот, во МКЦ (Галерија 2, горно фоаје), ќе се отвори „Ѕиркачот“ – изложба на Стефан Божиновски.

Отворањето ќе биде проследено со краток перформанс.

„И чувствуваш како некој да е тука, и те гледа.

Не го гледаш, но те гледа. Будно те следи, и… чека.

Како сведок. Нем сведок на туѓо постоење“.

Живееме во општество во кое сите ние, на еден или друг начин, сме цел на постојано набљудување. Нашето постоење е нераскинливо сврзано со потребата за анализа, првично поттикната и во одредена мера испровоцирана од природната потреба за љубопитност и желбата што подетаљно да се истражи и спознае светот во кој егзистираме, да се разоткрие превезот на конфузија и загадочност постојано диктирани од страна на аналитичката страна од нашиот разум.

Опседнатоста со туѓото, онаа отровна љубопитност, која ја потиснуваме, а која е способна да нѐ контролира однатре и да демне низ кревките и непредвидливи лавиринти на нашето постоење, поттикнува низа постапки за кои честопати и не може да се пронајде соодветно оправдување. Во денешното општество љубопитноста и силната желба да се навлезе и да се дознае нешто повеќе за другиот е сосема нормализирана појава, дополнително поттикната од социјалните медиуми. Љубопитност да се види одредена содржина, содржина што може да се избере лично според желбата што ја има поединецот побудувајќи ја скопофилијата во својот нарцисоиден аспект, а и кои уште повеќе влијаеја врз деперсонализирање на идентитетот и индивидуалитетот на поединецот, кој продолжува да демне сместен во кревката фрагилност и несигурност на сопственото постоење. Да погледнеме, да ѕирнеме, да го прокоментираме животот на другиот.

– Ангела Витановска

Стефан Божиновски е роден 1999 година во Битола, Р. Македонија. Моментно е студент на додипломски студии на Катедрата за графика (со модул сценографија) на Факултетот за ликовни уметности во Скопје. Покрај матичната работа во областа на графиката, тој работи и во областите сликарство, фотографија, филм и театар. Во текот на студиите има учествувано на повеќе изложби, како изложбата на студентска графика „Драгутин Аврамовски – Гуте“ (најдобра студентска графика за академската 2020/2021), изложбата „Љубов во време на корона 2020“ (со фотографија) и изложбата „Одбиенале 2021“. Од јули 2017 до август 2018 година е дел од првата генерација на „Докуникулци“, школата за документарен филм на „Македокс“. Во неговото портфолио има и еден краток филм, „Тука сум“ (2021) (сценарист и режисер). Во текот на 2020 година работи како дел од тимовите на повеќе научнокултурни студентски проекти во соработка со студенти од повеќе факултети при УКИМ.

Прикажи повеќе...

Најново

Македонија12 минути

Имаме мнозинство и очекуваме дополнително да се зголеми, рече Османи

Има мнозинство во парламентот кое очекуваме дополнително да се зголеми, изјави министерот за надворешни работи, Бујар Османи одговарајќи на новинарски...

Свет35 минути

Светската медицинска асоцијација: Можеби вакцината против Ковид ќе треба да се дава секоја година

Дополнителна доза од вакцината против коронавирусот веројатно ќе биде потребна секоја година, смета претседателот на Светската медицинска асоцијација, Франк Улрих...

Македонија40 минути

Кои се луѓето кои го следат секој мој потег, прашува Аријанит Хоџа по објавената фотографија од средбата со Муса Џафери

Министерот во оставка од Движењето Беса, Аријанит Хоџа ја искоментира фотографијата што се појави на социјалните мрежи, а на која...

Македонија1 час

Сопственикот на „Беса Транс“: Овие тестови се од Алах

Сопственикот на автопревозникот „Беса Транс“, Беким Хаџиу, преку социјалната мрежа „Фејзбук“ се огласи во врска со автобуската несреќа во која...

Свет3 часа

ГАВИ: Омикрон видот се појави поради неправедната распределба на вакцините во светот

Меѓународната асоцијација за промоција на правична вакцинација во светот, ГАВИ, оцени дека појавата на новиот сој на коронавирусот-омикрон укажува на...

Македонија20 часа

Почна постапката за кандидирање за претседател на СДСМ, изборите на 12 декември

Централниот одбор на СДСМ на синоќешната седница донесе одлука за започнување на процесот за организирање внатрепартиски непосредни избори за претседател,...

Македонија21 час

ДУИ смета дека оставката на Заев од премиерката позиција треба да почека

Првиот вицепремиер Артан Груби, денеска изјави дека ДУИ верува оти оставката на премиерот Зоран Заев од функцијата прв човек на...

Македонија23 часа

Двајцата пациенти од автобуската несреќа се хоспитализирани на Пластична хирургија во Скопје

Пациентка на 17 годишна возраст и пациент на 49 годишна возраст, повредени во сообраќајната несреќа што се случи на автопатот...

Македонија1 ден

Филипче предлага матичните лекари да бидат парично наградени ако 70 отсто од нивните пациенти се вакцинирани

Министерот за здравство Венко Филипче вели дека во последниве неколку дена се разгледуваат мерки за невакцинираните лица кои нема да...

Македонија1 ден

Бугарското обвинителството ги презеде материјалите од Македонија за истрагата за автобуската несреќа

Македонското државното јавно обвинителство денеска ги предаде на бугарското обвинителство материјалите поврзани со истрагата и со идентификацијата на жртвите во...

Македонија1 ден

Османи: Со Бугарија сме најблиски соседи, блиски пријатели и можеме да си помагаме и во добро и во лошо

„Бугарските институции постапија професионално и им обезбедија мир на семејствата на жртвите, бидејќи имаше премногу шпекулации, што дополнително ги оптоваруваше...

Свет1 ден

Можеме да ги приспособиме вакцините кон новата варијанта за околу 100 дена, велат од „Фајзер“

Производителите на вакцини изразија уверување дека ќе можат брзо да ги приспособат своите вакцини доколку се прошири варијантата Омикрон. Новиот...

Свет1 ден

Автобус се заби во куќа во Мексико, најмалку 19 загинати

Најмалку 19 лица загинаа, а 32 се повредени во автобуска несреќа што вчера се случи во Мексико, кога автобус се...

Македонија1 ден

Двајца од повредените во несреќата се отпуштени од болницата „Пирогов“

Двајца повредени во сообраќајката на автопатот „Струма“ се отпуштени од болницата во „Пирогов“. Отпуштените се во добра и стабилна состојба,...

Македонија1 ден

ВМРО-ДПМНЕ: Кој дал наредба автобусите на „Беса-транс“ да поминуваат граница над 100 пати без дозвола?

„Оставки и Спасовски и Бочварски, Беса транс возеле без дозволи, минувале граници и контроли, системот работел за мафијата. Скоро 140...

Македонија2 дена

Прифатена оставката на Заев, на 12 декември ќе се бира нов претседател на партијата

На 12 декември, недела, ќе се одржат внатрепартиски избори во СДСМ, откако Централниот одбор на партијата вечерва ја констатирал оставката...

Регион2 дена

(Видео) Пукање во автобус со калашников во Косово, убиени возачот и двајца ученици

Во автобус вечерва е пукано од калашников кај селото Глоѓане кај Дечани, во Косово, а според последните информации загинале четири...

Македонија2 дена

Алтернатива ќе преговара за влез во Владата

Алтернатива одлучи претседателот Африм Гаши да преговара со премиерот Зоран Заев или идниот мандатар за влез во Влада. Според нив,...

Топ2 дена

Скопјанец повикан во полициска станица поради говор на омраза за автобуската несреќа

Скопјанец бил повикан во полициска станица на информативен разговор поради говор на омраза за автобуската несреќа во која загинаа 45...

Популарно2 дена

Македонија ќе игра против Италија во полуфиналето на плејофот за Светското првенство во Катар

Фудбалската репрезентација на Македонија ги доби ривалите за баражот за пласман на Светското првенство во Катар. Денешната ждрепка во Цирих...

Досие