Контакт

Култура

Со полна пареа течат подготовките за 39. издание на ИФФК „Браќа Манаки“

Објавено пред

Од 22 до 29 септември во Битола ќе се одржи 39. издание на Интернационалниот фестивал на филмска камера „Браќа Манаки“.

Подготовките за фестивалот, како што соопштуваат организаторите, течат со полна пареа и веќе влегуваат во својата завршница.

И на овој фестивал публиката може да очекува исклучително квалитетна филмска програма и големи имиња на светската кинематографија, кои ќе бидат гости во Битола, додаваат оттаму.

Годинава зголемен е бројот на програми во вкупен број од 14 и проширен е кругот на селектори што ги обликуваат програмите – со Гена Теодосиевска, годинава во изборот на документарната програма соработуваше и Марија Џиџева, режисерите Даријан Пејовски и Марија Апчевска се селектори на кратките филмови кои се натпреваруваат за „Малата златна камера 300“, како и филмскиот критичар Слаѓан Пенев, кој ги селектира филмовите во програмата „Перспективи на европскиот филм“.

Новина е програмата „Филмски класици – Полноќен јавач“, додаваат организаторите. Оваа програма вклучува филмови од светската филмска антологија за кои помладата генерација има можеби само слушнато или прочитано.

Селектор на програмата е италијанскиот режисер кој живее во Битола, Микеле де Анџелис, а која за публиката ќе понуди четири филма од хорор-жанрот во полноќните фестивалски часови.

„Во главната програма, пак, се вклучени најновите филмски продукции на големите мајстори на филмската фотографија, што ги фасцинираа публиката и критиката, во селекција на Благоја Куновски – Доре. Оваа година особен акцент и фокус ќе биде ставен и на студентската програма што ја промовиравме последниве две години. Студентите веќе не служат само како декор на фестивалот, тие се активни учесници и имаат свое место во фестивалската програма. Годинава ќе имаме студенти од 15 филмски академии, најмногу досега од почетокот на основањето на фестивалот, а тие доаѓаат со свои филмови по чии проекции ќе има дискусии и разговори. За студентите подготвуваме и средби со филмските автори кои со нив ќе ги споделат своите искуства. Оваа програма, на која инсистирав по моето назначување за уметнички директор пред две години, ја координира и ја развива Ѓорѓи Пулевски“, вели Гена Теодосиевска, директорка на Фестивалот.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Изложби

Изложба Level 50 на Тони и Емил Шулајковски

Објавено пред

Во галеријата „Акантус“ во Скопје, на 22 февруари (петок), со почеток во 20:00 часот ќе биде отворена изложбата на слики Level 50 на ликовните уметници Тони и Емил Шулајковски.

По деветнаесет години, браќата близнаци повторно заедно ѝ се претставуваат на скопската публика со отворање на изложба, прославувајќи го својот педесетти роденден. Проектот содржи педесет слики, по дваесет и пет од секого.

Предговорот за каталогот на изложбата го напиша Дијана Томиќ-Радевска, ликовна уметница и куратор во галеријата „Акантус“.

За љубителите на ликовната уметност изложбата ќе биде отворена до 20 март годинава, секој ден, освен понеделник.

Прикажи повеќе...

Книги

Промоција на третата збирка раскази на Златко Ѓелески

Објавено пред

Новата збирка раскази на авторот Златко Ѓелески „Понор“ ќе биде промовирана на 21 февруари (четврток) во џебното кино во Младинскиот културен центар во Скопје, со почеток во 19 часот.

Книгата е издадена од страна на издавачката куќа „Бегемот“. „Понор“ е збирка раскази во која се обелоденува еден нов картографски поим во книжевниот свет на авторот Златко Ѓелески. Понор е името на главниот град во кој се испреплетени животите на ликовите кои ги уживаат неговите погодности, плаќајќи ги по цена на животот.

Станува збор за збирка од дваесет и три фантастични раскази ситуирани во главниот град Понор, каде што се пресретнуваат и одминуваат ликовите – некои намерно, некои случајно. Во него се запознаваме со протагонистите пред да се соочат со тешки одлуки, кои засекогаш ќе им ги променат животите.

Понор е жив организам што се прехранува со судбините на ликовите, кои трагаат по сопствената среќа на погрешна адреса. Градот се создава од истекувањето на негативностите, како што е премолчената злоба против која не се реагирало. Во дел од расказите се тестираат границите на книжевните форми, постмодернистички се експериментира со структурата, приложувајќи еден негатив на градот во кој се одвиваат очудувачки настани. Понор не е видлив со голо око, напротив, тој е таен град кој се крие на опачината на реалноста, до кого читателите може да дојдат со помош на нивната имагинација. Во збирката, читателот е патник низ крвотокот на Понор, кој се запознава со мали ликови способни за големи нешта, кои во решавачките мигови на животот одлучуваат да го продадат својот спокој за инстантен успех, со краток рок на употреба. Понор е негатив на Скопје кое никогаш не постоело, град од некое друго вчера и денешно утре, до кое не смее да дојде.

„Понор е збирка раскази во кои авторот Ѓелески продолжува, со уште порадикална потреба, да ги истражува и да ги поместува креативните потенцијали на современиот, урбан и нему лично омилен – хорор-жанр, како и предизвиците на т.н. поетика на стравот, втемелена врз сознанијата дека стравот е основната и најискрена од човековите емоции“ – пишува за делото Елизабета Шелева, која ќе биде промотор на делото.

Златко Ѓелески е дипломиран филолог на општа и компаративна книжевност, филмски критичар  и радиоводител. Првата книга на писателот е збирката раскази „Морбидизам“ објавена во 2013 година, а втората книга „Колекционерот на смрт“ е издадена во 2015 година. Во подготовка се неговите наредни дела.

На провоцијата ќе говорат Андреј Јованчевски од „Бегемот“, промоторката професорката Елизабета Шелева и самиот автор.

Прикажи повеќе...

Култура

Филмска ревија „Златна рамка“ со 25 нови македонски филма во кино „Фросина“

Објавено пред

Дваесет и пет македонски филма реализирани минатата година со поддршка на Агенцијата за филм ќе бидат прикажани од 22 до 24 февруари во кино „Фросина“ на ревијата „Златна рамка“ која ја организира Друштвото на филмските работници на Македонија – ДФРМ. На ревијата под мото „Влези во наш филм“ ќе бидат прикажани два долгометражни филма („Година на мајмунот“ на Владимир Блажевски и „Враќање“ на Кастриот Абдили), седум документарни и 16 кратки филмови.

Проекциите се бесплатни, а проекциите почнуваат во  17 часот со документарни филмови. Кратките ќе бидат прикажувани од 19 часот во првите два дена и од 20 часот третиот ден, а двата долгометражни се од 21 часот – „Враќање“ на 22 февруари и „Година на мајмунот“ на 24 февруари.

Покрај филмови, во сите три дена од 11:30 часот ќе има и работна програма која в петок вклучува свеченото Собрание на ДФРМ, а Друштвото в сабота од 21 часот ќе додели и три почесни награди – за филмски автор, актер и за филмски работник.

В сабота од 11:30 во фојаето на „Фросина“ дескот на Медија – потпрограма на „Креативна Европа“ на ЕУ ќе организира презентација за начинот на аплицирање кај филмските фондови наменета за продуценти и филмски професионалци, а в недела во истиот термин и место ќе биде организирана тркалезна маса за филмската критика, насловена „Нема успешна кинематографија без филмска критика“. Тркалезната маса е отворена за сите оние кои сакаат да пишуваат филмски критики или во каква и да е друга пишана форма да дадат свое мислење за извесно филмско дело.

„Сметаме дека една кинематографија не може да биде комплетна ако нема силна филмска критика. Затоа сметаме дека треба да се создаде нов бран на филмски критичари кои за време на ‘Златна рамка’ ќе можат да ги погледнат филмовите од својата кинематографија и да напишат некоја критика, осврт или рецензија. На тркалезната маса ќе се зборува за важноста на критиката, особено за видувањата кон домашната кинематографија. Ги повикуваме сите оние што сакаат да присуствуваат да се пријават на нашата страница“, вели уметничкиот координатор на ревијата и организатор на тркалезната маса Ана Василевска.

 

Прикажи повеќе...

Најново

Македонија2 минути

Русковска: Амнестираните и тоа како знаат дека се виновни, со законот не уценија сите на како граѓани на оваа држава

Обвинтиелката Вилма Русковска на денешното рочиште за „крвавиот четврток“, на критиките од бранителите во завршните зборови за обвинението и амнестија,...

Македонија41 минута

Котевски: Јанакиески е вратен во затворот, Ристовски не бил испратен во болница

По лекарските прегледи во болницата „8 Септември”, Миле Јанакиески е вратен во истражниот затвор „Скопје“ во Шуто Оризари. По инцидентот,...

Македонија2 часа

Нинџа: Комуникациите на 27 април со Спире Ристовски, Мијалков, Атанасовски и Бошковски мистериозно исчезнаа

Обвинетиот соработник на УБК за крвавиот четврток, Александар Василевски – Нинџа, на денешното рочиште во своите завршни зборови рече дека...

Македонија2 часа

Мицкоски по посетата на Јанакиески: Не ме пуштија да го видам, го чуваат 50-ина полицајци

Претседателот на ВМРО-ДПМНЕ, Христијан Мицкоски, пред болницата „8 Септември“, каде што е хоспитслизиран ексминистерот Миле Јанакиески, рече дека денешниот ден...

Македонија2 часа

Силјановска: Не можев да се пријавам на конкурс на СДСМ бидејќи не се согласувам со овие политики

Две недели по распишувањето на претседателските избори, а во исчекување на кандидатот со кој ќе влезе во изборна трка владејачкото...

Македонија3 часа

Годинава речиси секој ден исчезнува по еден човек

Пронајденото мртво тело на 35-годишниот Горан Атанасовски од Скопје, кој вчера беше пријавен за исчезнат, ја вознемири јавноста. Коментарите во...

Македонија4 часа

(Видео) Заев: Не верувам дека роднините на функционерите се вработени незаконски

Премиерот Зоран Заев, по завршувањето на средбата со претседателот на Беса, Биљал Касами, одговарајќи на новинарско прашање за новите скандали...

Македонија4 часа

Комисијата утре ќе расправа за имунитетот на Вељаноски

За утре е закажана седницата на Комисијата за деловнички и мандатно-имунитетни прашања, на која теба да се разгледа барањето за...

Македонија5 часа

(Видео) Заев: Изјавата на Мицкоски е забегана работа, ќе се консултирам дали да го тужам

Премиерот Заев најави дека ќе разговара со својот адвокатски тим дали да поведе тужба против Мицкоски во однос на вчерашната...

Топ5 часа

Исчезнатиот Атанасовски пронајден мртов

Денеска околу 13 часот е пронајдено безживотно машко тело во Нерези, на патот кон вила „Веранда“, потврдуваат од МВР. Неофицијално,...

Македонија5 часа

Касами: Сакаме кандидат кој нема за едни да биде мајка, а за други маќеа

По средбата со Зоран Заев, лидерот на Беса, Биљал Касами, изјави дека за нив како партија пред изборите во игра...

Крвав четврток6 часа

Кољо: Политичарите нè изманипулираа со „тиранската платформа“

Обвинетиот Никола Митревски Кољо на денешното рочиште за крвавиот четврток во своите завршни зборови истакна дека жали за случувањата во...

Македонија7 часа

(Видео) Градоначалникот на Пехчево го пријавил во полиција грозоморното убивање кучиња

По поморот на кучиња во Пехчево, а откако комуналните служби со багери ги собираа и фрлаа додека сè уште се...

Топ7 часа

Пинг-понг со барањето за одземање на имунитетот на Вељаноски

Собранискиот спикер Талат Џафери го вратил во кривичниот суд барањето за одземање на имунитетот на пратеникот Трајко Вељаноски кое претпладнево...

Топ8 часа

Барањето за одземање на имунитетот на Вељаноски стигна кај Џафери

Барањето за одземање на имунитетот на пратеникот Трајко Вељаноски од кривичниот суд стигнало до претседателот на Собранието, Талат Џафери, потврдуваат...

Крвав четврток9 часа

(Видео) Русковска: Груевски ја ставил во функција партијата за крвавиот четврток

На прес-конференција за јавноста во Јавното обвинителство беа изнесени информации за истрагата за организаторите на насилствата од 27 април 2017...

Македонија9 часа

(Видео) Јовески за несреќата кај Ласкарци: Возачот на автобусот добива закани, засега не е утврдена одговорност

Обвинителството сè уште нема податоци дали и кој ја има одговорноста за сообраќајната несреќа кај Ласкарци каде што загинаа 15...

Крвав четврток9 часа

Груевски на „Фејсбук“: Прородлжува политичкиот прогон против мене и против многумина од ВМРО-ДПМНЕ

Експремиерот Никола Груевски се огласи на „Фејсбук“ за вчерашните приведувања на поранешни функционери од ВМРО-ДПМНЕ, како дел од истрагата на...

Македонија10 часа

(Видео) Манчевски бара оставки од сите роднини на функционери од опозицијата

Министерот за информатичко општество и администрација, Дамјан Манчевски,  побара да се повлечат од работните места сите роднини на функционери, не...

Македонија11 час

Пратениците ќе расправаат за интерпелацијата за Спасовски

Собранието треба да се ја продолжи 86. седница на која на дневен ред е интерпелацијата на министерот за внатрешни работи,...

Досие