Контакт

Култура

Струмица е град на културата за оваа година

Објавено пред

Општина Струмица оваа година ќе биде организатор на манифестацијата „Град на културата“, одлучи комисијата по распишаниот конкурс на Министерството за култура.

На конкурсот биле пријавени општините Струмица, Тетово, Кавадарци, Велес и Дебар.

По разгледувањето на петте пристигнати апликации, во согласност со приоритетите, критериумите и мерилата содржани во конкурсот, стручната комисија, составена од вработени во Министерството за култура, оцени дека сите пријави имаат солидно конципирана програмска содржина и внимателно дефиниран буџет и предложи со богатата и разновидна програма и со буџетот проектиран со висок процент на самофинансирање Струмица да биде општинaта што оваа година ќе биде организатор на оваа значајна манифестација.

По тој повод, денеска, министерката за култура Ирена Стефоска, заедно со градоначалникот на општина Струмица, Коста Јаневски, потпишаа договор за финансирање на манифестацијата „Град на културата“.

„Општина Струмица во доставената апликација нуди квалитетна и богата културна програма со содржини од сите дејности на културата. Сите настани што ќе бидат дел од оваа манифестација се внимателно конципирани да го задоволат вкусот на сите посетители од сите возрасти. Граѓаните на Струмица и сите љубители на културата и уметноста ќе може да проследат многубројни активности од разни жанрови и со разновидна естетика, проекти преку кои се негува и традиционалното, но и современото творештво, а предвидено е учество на релевантни домашни и странски уметници. Општина Струмица ќе стави во функција многубројни инфраструктурни и човечки капацитети со што ќе овозможи богата културна содржина во текот на целата година“, посочуваат од Министерството за култура.

Од таму појаснуваат дека како особено важен сегмент во изборот на Општина Струмица е посочен и фактот што од вкупниот предвиден буџет за реализација на програмата во висина од 15 милиони и 150 илјади денари, од Министерството за култура е побарано само 2 милион и деветстотини и седумдесет илјади денари, што претставува 19,6 проценти од вкупно предвидениот буџет. Со тоа, од страна на Општина Струмица ќе бидат покриени преостанатите финаниски средства во висина од 80,4 проценти, со што во споредба со преостанатите поднесени пријави Општина Струмица ќе учествува со најголем процент со сопствени финаниски средства за реализација на програмата, велат од оваа институција.

Во изработката на апликацијата биле вклучени сите установи од областа на културата во Струмица: Завод и музеј Струмица, Центарот за култура „Антон Панов“, библиотеката „Благоја Јанков – Мучето“, во координација со Општината.

Министерката Стефоска посочи дека да се биде носител на манифестацијата „Град на културата“ е навистина голема привилегија, но и одговорност. Таа изрази задоволство што сите пристигнати апликации покажале сериозна посветеност во изработката на програмите, но и одговорност и реални процени во буџетските барања за финсирање на проектите. Посака успешна реализација на сите зацртани активности со што годинава драстично ќе биде зголемена културната понуда во Струмица. Беше посочено дека планираните активности од програмата ќе се реализираат во согласност со донесените одлуки за мерки за спречување внесување и ширење Ковид-19, во кои се содржани протоколите за работа на установите од областа на културата и другите правни и физички лица од областа на културата.

Манифестацијата „Град на културата“, иницирана од Министерството за култура, прифатена и поддржана од општините во државата, почна да се реализира во 2004 година и од тогаш континуирано општините учествуваат во културниот натпревар на идеи преточен со презентација на многубројни јавни настани.

Култура

Седмиот филм на Милчо Манчевски ќе биде црна комедија со наслов „Кајмак“

Објавено пред

Екипа од Македонија, Данска, Холандија, Хрватска, Бугарија, Англија, Италија и од Србија почнува со работа на новиот филм на Милчо Манчевски, „Кајмак“.

„’Кајмак’ е црна комедија (или среќна трагедија) за две семејства, кои се пристојни на почетокот, а среќни на крајот на филмот. Филмот е безмилосна критика на лицемерството и на малограѓанштината“, вели Манчевски.

По сценарио и режија на Милчо Манчевски, во филмот играат: Камка Тоциновски, Сара Климоска, Александар Микиќ, Ана Стојановска, Симона Спировска, Петар Мирчевски, Филип Трајковиќ, Сашка Димитровска, Лазе Манасковски, Јасмина Василева, Дејан Лилиќ, Елена Кузманов, Крсте Роџевски, Ана Димитрова, Никола Ристески, Ангела Димитрова, Соња Михајлова, Александра Пешевска, Ѓорѓи Јолевски, Љиљана Богојевиќ, Сара Станиќ и други.

Филмот е европска копродукција, поддржан од Агенцијата за филм на Северна Македонија, како и од филмските фондови на Данска, Холандија, Хрватска и на Бугарија. Македонската радио-телевизија е копродуцент.

Екипата особено се гордее што во оваа најтешка пандемиска година во светот токму овој филм доби поддршка и од европскиот фонд „Еуримаж“, што е несомнено огромна потврда за вредноста на проектот.

Според финансиската конструкција на филмот, Македонија учествува со 48 проценти, а 52 отсто од средствата доаѓаат од странство.

На прашањето како во период на пандемија проектот „Кајмак“ успеа да мобилизира голема европска екипа за филмот, македонскиот продуцент на филмот Јане Ќортошев рече:

„Сѐ е можно кога работиш на убав проект и со пријатели. А ‘Кајмак’ има навистина многу пријатели – во цела Европа, а и дома. Собрани заедно зад убав проект, ништо не може да нѐ запре“.

Ова му е 7-ми филм по ред на Манчевски, кој досега има работено и во Америка и во Македонија, а на прашањето за тоа како се чувствува пред самото снимање на „Кајмак“ на денешната конференција за печат, режисерот Манчевски рече:

„’Кајмак’ е безобразна комедија за две семејства, кои се пристојни на почетокот, а среќни на крајот. Се радувам како летен ден затоа што по сета напорна работа, сега почнуваме да правиме убава уметност, ама уште повеќе затоа што работиме со талентирани професионалци, кои се и добри луѓе. Животот е прекраток за да работиш со лоши луѓе“.

Дански копродуцент на „Кајмак“ е Мета Луис Фолдагер Соренсен, продуцентка на филмовите „Антихрист“ и „Меланхолија“ на Ларс фон Трир, како и на данскиот кандидат за „Оскар“ – „Кралската афера“ и на „Сопругата“ со Глен Клоуз.
Холандски копродуценти се Изабела Депевег и Елс Вандерворст, која важи за една од најискусните холандски продуценти, со култни филмови како „Мандерлеј“, „Догвил“ и „Танчар во мракот“ на Ларс фон Трир и It’s All About Love на Томас Винтерберг. Хрватски копродуцент е Синиша Јуричиќ, а бугарски Иван Дојков. Извршен продуцент е Јан Прајор од британската „Скала продакшнс“.

Македонски продуцент на филмот е „Банана филм“. Продуцира Јане Ќортошев.

Продукциски дизајнер е Дејвид Манс од Англија, директор на фотографија е Данецот Улрик Боел Бенцен, кастинг-директор Милка Анчевска, а костимограф Жаклина Крстевска.

Филмот ќе се снима исклучиво на локации во Скопје.

Манчевски реши да го задржи оригиналниот збор, па англискиот наслов е Kaymak. Партнерите на филмот го доживуваат како интересен, нов збор што го научиле, како мистерија во насловот, слично на Е.Т. или „Кагемуша“, на пример.

Главни партнери на филмот се „Алкалоид“, НЛБ банка и „Виза“ и партнерите на филмот „Окта“, „Тиквеш“, „Витаминка“ и „Лимак“.

Последниот филм на Манчевски, „Врба“, ја доживеа премиерата на Римскиот филмски фестивал, а потоа беше прикажан на уште 30 меѓународни фестивали и освои пет награди („Рејнденс“, „Синеквест“, „Валенсија“ итн), Европската филмска академија го вброи во потесниот избор на филмови за награда во 2020, а „Врба“ беше и македонски кандидат за „Оскар“. Филмот собори рекорди на гледаност во Македонија, а од неодамна е продаден за дистрибуција во САД, каде што набргу ќе има и ДВД-издание. Тој се прикажува и на „Синемакс“ и на Ејч-би-о.

Прикажи повеќе...

Култура

Изложба „Монодрамите и дуо-драмите на МНТ“

Објавено пред

Во Македонскиот народен театар е отворена изложба „Монодрамите и дуо-драмите на МНТ“.

Присуството и силата на актерот, сите негови умеења и вештини, посветеност и сигурност се неизоставен дел и носечки елемент на она што ја прави монодрамата и/или дуо-драмата.

На репертоарот на МНТ во текот на годините, почнувајќи од 1974 и „Дневникот на лудиот“ со Владимир Светиев, па сѐ до последните „Последната лента на Крап“ на Ѓорѓи Јолевски и „Само глас“ со Звездана Ангеловска и Никола Ристановски, реализирани се 20-ина монодрами и дуо драми, кои се центарот на истоимената изложба поставена во фоајето на театарот.

Преку фотографиите, костимите и плакатите во „Монодрамите и дуо-драмите на МНТ“ забележливи се два аспекта.

Од една страна, тоа се монодрамите, каде што е видлива посветеноста на актерот, кој кога е сам на сцената, се развива, менува, остварува и/или зацврстува, и од друга, тоа се дуо-драмите, каде што се видливи комуникацијата и врската што ги создаваат двајца актери, кои на сцената зависат еден од друг, и атмосферата кога при интерпретацијата на ликовите се надополнуваат еден со друг. Изложбата го прикажува актерот кој е сам на сцената или со уште еден актер, борбите што ги водат сами со себе или со другиот, како и впечатокот што го оставаат кај гледачот. Тоа се секоја емоција, мимика, гестикулација и движење.

Изложбата е отворена за публиката што присуствува на тековните претстави на репертоарот на МНТ и онлајн, на страницата на МНТ (www.mnt.mk) и на фејсбук-страницата на театарот.

Прикажи повеќе...

Култура

Стефоска и Гир ја најавија новата програма „Креативна Европа 2021 – 2027 година“

Објавено пред

Со тркалезна маса на тема „Креативна Европа – Перспективите на Западен Балкан“, денеска заврши тридневниот циклус на јавни настани на Министерството за култура и канцеларијата на „Креативна Европа – Култура“ – „Креативна Европа – Дома“, посветени на поддржаните проекти во периодот 2014-2020 година, како и нивната рефлексија на национално и на регионално ниво.

Министерката за култура, Ирена Стефоска, и амбасадорот на Европската Унија во нашата држава, Дејвид Гир, на денешната тркалезна маса посветена на предизвиците и рефлексијата на програмата „Креативна Европа – Култура на ЕУ“, во своите обраќања се осврнаа на резултатите од претходниот програмски циклус, а го најавија и почетокот на новата програма „Креативна Европа 2021 – 2027 година“, која на крајот од минатиот месец беше усвоена од страна на Европскиот парламент.

Стефоска, истакнувајќи ги досегашните резултати на нашата држава, потврди дека Министерството за култура веќе изрази интерес за учество во новата програма, како и подготвеност за потпишување грант-договор со Европската комисија.

„Во текот на овој циклус поддржани се 79 проекти на невладини организации, издавачки куќи, национални и локални установи од областа на културата, а поддршката на ЕУ за овие македонски организации изнесува 4,5 милиони евра. Издвачкиот сектор во нашата држава уште еднаш ги потврди исклучителната посветеност и успехот во рамките на оваа програма на европско ниво, а Министрството за култура, секако, продолжува со кофинансирање на поддржаните проекти“, рече Стефоска.

Таа додаде дека како координативно тело за спроведување на програмата на национално ниво, Министерството, и во иднина ќе продолжи преку конкретни мерки да одговори на предизвиците базирани на досегашните искуства од спроведувањето на програмата на национално и на локално ниво, а сѐ со цел олеснување на пристапот во новата програма до што поголем број корисници од културните и креативните сектори.

Амбасадорот на Европската Унија во нашата држава, Дејвид Гир, на тркалезната маса истакна дека културниот и креативниот сектор секогаш играле главна улога во животот на Европа и ги ширеле европските вредности. Тој истакна дека културниот и креативниот сектор претствуваат 4,2 проценти од европскиот вкупен БДП и 3,8 проценти од работната сила во ЕУ и се меѓу најдинамичните сектори во Европа. Повикувајќи се на информации од Евростат, Гир рече дека во културата и во креативниот сектор се вработени 8,7 милиони луѓе во ЕУ.

„Програмата ‘Креативна Европа’ на некој начин е консолидирана форма на поддршката на ЕУ за овие индустрии. Во периодот од 2014 до 2020 преку оваа програма се доделени над 13.000 гранта, а ги искористиле 41 земја. Кофинансирани се речиси 16.500 културни проекти за соработка во Европа“, рече Гир.

Прикажи повеќе...

Најново

Македонија35 минути

(Видео) Заев: Направен е голем исчекор во македонско-бугарскиот пријателски дијалог

Премиерот Зоран Заев денеска одржа прес-конференција на завршницата од Самитот на ЕУ за Западен Балкан во Виена, каде присуствуваше на...

Македонија1 час

Во Македонија 19 нови случаи на коронавирус, починаа две лица

Во последните 24 часа во Македонија се регистрирани 19 нови случаи на Ковид 19, оздравени се 14 пациенти, а две...

Регион5 часа

Црногорски министер сменет од функцијата, одбил да го нарече злосторството во Сребреница геноцид

Министерот за правда на Црна Гора, Владимир Лепосавиќ, е сменет од функцијата затоа што одби да го нарече злосторството во...

Спорт6 часа

Дерби на денот – Битката за Британија, Хрватска мора да ја победи Чешка

Денес на програмата на Европското првенство ќе се одиграат три натпревар. Во, Д-групата ќе биде комплетирано второто коло и ќе...

Македонија6 часа

Кривична пријава за едно лице кое се заканувало на новинари на „Фејсбук“, ЗНМ очекува судска разрешница

МВР поднесе кривична пријава против едно лице од тетовско Теарце за кривично дело загрозување на сигурноста против новинари, соопшти Здружението...

Регион6 часа

Во Србија целосно вакцинирани 40 проценти од населението

Во Србија досега се дадени вкупно 5.058.165 дози вакцини против коронавирус. Првата доза ја примиле 2.673.634 лица, а 2.384.531 граѓани...

Спорт8 часа

Ангеловски и Пандев ги прекршиле ковид-протоколите

Селекторот и капитенот на фудбалската репрезентација на Македонија, Игор Ангеловски и Горан Пандев, по вечерашниот натпревар на ЕУРО 2020, против...

Спорт18 часа

Холанѓаните ја „решија“ Австрија и ја потврдија елиминацијата на Македонија

Холандија се пласираше во осминафиналето на ЕУРО 2020 по 2:0 победата над Австрија, резултат кој дефинитивно ги заврши и теоретските...

Регион19 часа

Курц: Западен Балкан да се врати високо на агендата на ЕУ

Во организација на австриската влада утре во Виена ќе се одржи конференција за Западен Балкан. Домаќинот на состанокот, австрискиот канцелар...

Европа19 часа

(Видео) Тепачка во украинскиот парламент, пратеник изјавил дека опозиционерите треба да бидат застрелани

За време на разгледувањето на измените и дополнувањата на предлог законот за реформа на Националниот совет за телевизиски и радио...

Македонија24 часа

Пендаровски-Борел: Се очекува исчекор за пристапните преговори со ЕУ

Претседателот Стево Пендаровски, во рамки на работната посета на Република Турција, денеска оствари средба со потпретседателот на Европската Комисија и...

Македонија24 часа

Заев се сретна со Радев: Имаме обврска да градиме пријателството меѓу нашите братски народи

Претседателот на Владата на Република Северна Македонија Зоран Заев, заедно со заменик-претседателот во Владата задолжен за европски прашања Никола Димитров...

Македонија1 ден

Десет нови случаи на Ковид-19, нема починати

Во последните 24 часа се направени 3.529 тестирања, а регистрирани се 10 нови случаи на Ковид-19, и тоа од: Скопје,...

Македонија1 ден

Наместо пресуда, повторно судење на Мијалков за „Тортура“

Поранешниот директор на УБК, Сашо Мијалков, и шестемина поранешни припадници на полициската единица „Алфа“, денеска требаше да ја слушнат пресудата...

Македонија1 ден

Бројката на хоспитализирани поради Ковид-19 падна на 90 лица

Вкупно 90 лица сомнителни и потврдени на Ковид-19 се лекуваат на инфективните одделенија, и тоа 26 во Скопје и 64...

Топ1 ден

Двајца браќа истепале полицајци во Струга

Двајца браќа со тупаници и шлаканици нападнале полицајци во Струга.  Поради опасност од бегство, судот им определи притвор на напаѓачите....

Македонија1 ден

(Видео) Запленети над 2.000 стебла марихуана во Виена во заедничка акција на македонската и австриската полиција

Во заедничка акција на македонската и австриската полиција запленети се над 2.000 стебла марихуана во околината на Виена, а приведени...

Македонија1 ден

(Видео) Борисов на средбата со Заев: Убеден сум дека Радев ќе ви каже дека ништо не може да се направи

Поранешниот премиер на Бугарија и актуелен претседател на партијата ГЕРБ, Бојко Борисов, на средбата со премиерот, Зоран Заев, рече дека...

Спорт1 ден

Ангеловски: Наша цел е пласман во втората фаза

Македонија е подготвена за најважниот натпревар на ЕП. Македонија, од 15 чадот ќе игра против Украина. Ова е дуел на...

Македонија1 ден

(Видео) Заев од Софија: Решението е околу нас, мора да го најдеме

Два пријателски и братски народа секогаш мора да разговараат и да бараат решение, изјави премиерот Зоран Заев на почетокот на...

Досие