Контакт

Актуелно

Тајни писма потврдија дека славниот руски композитор бил хомосексуалец

Објавено пред

Нежни и страсни зборови кои ги опишуваат скриените чувства на Петар Илич Чајковски се забележани во писмата кои долго време биле чувани од очите на јавноста. Писмата кои неодамна првпат беа објавени во Англија, а некои од нив и првпат воопшто објавени во јавност, откриваат детали за интимниот живот на славниот композитор кои руските цензори вешто ги криеле.

Во едно од писмата, Чајковски пишувал за млад слуга во кој, како што пишувал, бил вљубен како никогаш дотогаш. „Господе, какво ангелско суштество. Толку чезнеам за тоа да бидам негов роб, негова играчка, негова сопственост“, пишува во писмата.

Марина Косталевски, коавторка на новата книга со писма на Чајковски и професорка по руски јазик на колеџот Бард во Њујорк, наведува дека содржината на писмата овојпат е пренесена во целост.

„Додека хомосексуалноста на Чајковски веќе долго време е прифатена на Запад, во Русија и понатаму е предмет на дебати. Руското издание на новите писма, и покрај богатството од нови информации, сепак, остава простор за сомнеж за сексуалноста на славниот композитор“, вели Косталевски.

Чајковски во друго писмо пишува за средбата со „момчето со заслепувачка убавина“.

„По заедничката прошетка му понудив пари, но одби. Го прави тоа поради љубовта кон уметноста и обожава мажи со брада“, напишал Чајковски.

Косталевски наведува дека овој пасус досега никогаш не бил вклучен во ниту едно издание од објавените писма на композиторот, пренесува „Гардијан“.

Писмата денес се наоѓаат во архивата на музејот за Чајковски во Клин, град кој се наоѓа североисточно од Москва, каде што композиторот живеел од 1892 година до неговата смрт следната година кога починал од колера, на 53-годишна возраст.

Меѓу цензурираните писма е и писмо кое Чајковски му го напишал на својот брат за време на престојот во Италија.

„Околу 9 часот почувствував потреба да излезам и да прошетам. Група момчиња, знаеш какви, претпоставуваа што барам и не сакаа да ме остават на мир. Мамката која ја користеа да ја фатат жртвата, односно мене, беше едно прекрасно младо суштество. Морав да пружам жесток отпор со оглед на тоа што мамката беше одлична. Не знам дали сакаа да ме уценуваат или само сакаа да земат пари од мене, но не се дадов“, напишал Чајковски.

Тој оставил повеќе од 5.000 писма, а новото издание наречено „The Tchaikovsky Papers: Unlocking the Family Archive“ содржи пасуси кои ги цензурирал неговиот брат и биограф Модес Илич, како и други руски биографи.

Писмата ја откриваат и скромната и срамежлива природа на Чајковски. „Поминаа многу години пред да сфатам дека сум, дури и како композитор, едноставно талентирана личност, а не вонсериски феномен“, напишал Чајковски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Актуелно

Адеми на амбасадорот Сера му предложи директна соработка меѓу филхармониите на Македонија и Шпанија

Објавено пред

Министерот за култура, Асаф Адеми, оствари работна средба со шпанскиот амбасадор во земјата, Емилио Лорецо Сера.

Како што информираат од Министерството, Адеми нагласил дека културната соработка меѓу Македонија и Шпанија е на солидно ниво, со континуирано претставување на македонската и шпанската култура во двете земји, при што ја истакнал и важноста од нејзино продлабочување преку поголема размена на експерти, уметници и проекти.

Министерот предложил воспоставување директна соработка меѓу филхармониите на двете земји, што би резултирало со реализација на заеднички проекти и гостувања на оркестрите и диригентите. Исто така, тој му предложил на амбасадорот Сера и воспоставување директна соработка меѓу Музејот на современата уметност од Скопје со некој од музеите во Шпанија кои ја третираат современата уметност, како: Музејот на современата уметност од Барселона, Музејот за современата уметност „Естебан Висенте“ од Сеговија, Институот за модерни уметности во Валенсија, „MACA-музејот за современа уметност“ во Аликанте.

Амбасадорот ја истакнал поддршката на Шпанија за европската интеграција на Република Македонија.

Тој исто така ја пренел и заинтересираноста на Министерството за култура на Шпанија за воспоставување интензивни културни врски, кои би резултирале со поголема соработка меѓу установите од областа на културата, реализација на проекти и размена на уметници, а сѐ со цел поголема промоција на шпанската и македонската култура во двете земји.

Прикажи повеќе...

Актуелно

Владата донесе одлука за основање на гостиварски театар

Објавено пред

Владата донесе одлука за основање на нова национална установа „Гостиварски театар“. Одлуката е донесена имајќи го предвид мислењето на Министерството за финансии, како и оправданоста за основање нова национална установа. Средствата за основање на установата, по основа на нови вработувања и други трошоци, ќе се обезбедат од буџетот на Република Македонија за 2018 и за 2019 година во вкупен износ од 10.225.000 денари.

„Со основањето на оваа институција во Гостивар ќе се задоволи повеќедецениската потреба за професионално остварување на театарската уметност и презентација на богатото театарско творештво во овој град. Истовремено, ќе биде овозможен и рамномерен културен развој на ова подрачје, а ќе се отвори и можност за вработување на едуцирани и професионални кадри од областа на драмската уметност, како и збогатување на културната понуда во Гостивар“, велат од Министерството за култура.

Досега драмските активности се реализираа преку посебно драмско студио во рамките на Центарот за култура Гостивар, но и преку ммногу други независни драмски проекти како од страна на организации од Гостивар така и со гостувања од други градови од Република Македонија, па и од странство. Од Министерството наведуваат дека и покрај евидентните напори на Центарот за култура да ги задоволи потребите од разновидни културни активности на многубројното население, сепак драмската дејност, како една од најстарите и најважни форми на културата, е најзапоставена.

Седиштето на театарот ќе биде во Центарот за култура, односно сценскиот простор ќе биде заеднички, додека во самиот објект постојат услови за административно постоење на двете институции (посебни канцеларии, гримиорни, гардероби и слично).  Средствата за програмски активности на установата ќе се обезбедат од буџетот на РМ во постапка пропишана со Законот за културата.

Прикажи повеќе...

Актуелно

Fennesz + Lillevan ќе го отворат јубилејното десетто издание на Desonanz

Објавено пред

Фестивалот за електронска музика, визуелни уметности и нови медиуми Desonanz годинава го прославува своето јубилејно десетто издание. Фестивалот ќе се одржи од 31 октомври до 3 ноември на повеќе локации во Скопје.

Инициран и организиран во 2009 година од Гете-институт од Скопје, Desonanz станува синомим за презентирање на најновите музички достигнувања во електронската музика, cutting edge-мултимедијални настани, визуелни уметности и нови медиуми.

Програмата на Desonanz започнува со гала концерт и свеченото отворање в среда, 31 октомври, во Македонската филхармонија со настапот во живо на Fennesz + Lillevan present Mahler Remixed. Две имиња на современата музика чии звуци и видеоколажи долги години се извор на восхит и инспирација за генерации на електронски музичари, амбиенталисти, класични композитори и видеоуметници. Овој перформанс е ретка глетка на концертните сцени и досега е изведен на само неколку локации, меѓу кои се RadioKulturhaus во Виена, Карнеги Хол во Њујорк и Borusan Music House во Истанбул. Со него, двајцата музичари даваат свој поглед на делото на композиторот Густав Малер.

Fennesz е композитор, гитарист и еден од великаните на модерната класична музика, чест соработник на Дејвид Силвијан, Ричи Сакамото, Џим О’Рурк и секако проектот Fennesz + Lillevan, еден од најимпресивните мултимедијални проекти на денешницата и често дел од програмата на престижните светски фестивали од рангот на Transmediale, Unsound, Ars Electronica и сл.

Lillevan е германски ликовен и видеоуметник, пионер на модерната видеоуметност и нејзината соодветна примена во музички контекст. Неговиот мек и органски стил на видеопродукција со бројни аналогни артефакти е уникатен и нашироко препознатлив и имитиран во светот на денешната електронска музика.

Освен Mahler Remixed на Fennesz и Lillevan на отворањето на Desonanz 2018, публиката ќе има можност да ги слушне и види и: Cummi Flu & Raz Ohara; Кокан Димушевски со концертот за пијано и виола насловен Private Music; видеоинсталациите Polymath и 10 години Desonanz, двете на 0 Kolor; и презентацијата Dwr: record playing is the acknowledgment of multitudes of miniature earthquakes.

(Н.Б.)

Останатиот дел од програмата на фестивалот е следна:

1 ноември | Отворено графичко студио | Работилница и презентација

– Pure Data со Jean Francois Castel Branco.
– Презентација и џем-сесија со учесниците на работилницата

2 ноември | Клупска вечер – 10 години Killekill Berlin

– Eomac
– Furfriend (Live)
– DJ Flush
– Rikaloski
– Видеоинсталација Polymat

3 ноември | концерт – A Night at the Museum

– Sim Hutchins (Live AV)
– Niskogradba (Live AV)

клупска вечер – Festival Closing Party

– Secret Guests + Desonanz DJs

Прикажи повеќе...

Најново

Свет5 часа

(Видео) Девојка се разнесе пред полициски пункт во Чеченија

Девојка се разнесе со експлозив пред полициски пункт во главниот град на Чеченија, Грозни. Никој друг не е убиен, ниту...

Бегството на Груевски7 часа

Бугарски „Фокус“: Груевски ја напуштил Унгарија

Според сè уште непотврдена информација, поранешниот македонски премиер Никола Груевски веќе ја напуштил Унгарија, објави бугарската агенција „Фокус“ повикувајќи се на изјава...

Македонија8 часа

(Видео) Револтирана студентка: Доста се криете зад Фејсбук, излезете и кажете дека сакате чист воздух

Доста се криете зад лажни Фејсбук профили и седите по кафулиња, излезете и кажете дека саакате чист воздух , порача...

Македонија9 часа

СЈО: Јанакиески и Божиновски се во притвор поради сознанијата дека планираат бегство

На поранешниот министер за транспорт и врски, Миле Јанакиески, и поранешниот генерален секретар на Владата, Кирил Божиновски, им е определен...

Македонија9 часа

Клиника за гинекологија: Намален бројот на починати предвреме родени бебиња

Според податоците на Универзитетската клиника за гинекологија и акушертво, годинава е забележан намален процент на смртност на предвреме родените новороденчиња....

Македонија10 часа

(Видео) Протест против загадувањето: Власта повеќе троши за свои ќефови отколку за животната средина

Патиме сите од загадениот воздух, а најмногу децата и повозрасните, 30 години нè трујат, некој профитира од тоа, порачаа учесниците...

Interview/Debate12 часа

(ИНТЕРВЈУ) Унгарски новинар: Се кладам дека Орбан е замешан во бегството, Груевски ќе заврши во Москва

Питер Ерделај е уредник и новинар во еден од ретките унгарски медиуми кои се независни и надвор од контрола од...

Вести12 часа

(Видео) Околу 1.000 исчезнати и 71 загинат во најсмртоносните пожари во Калифорнија

Повеќе од 1 000 луѓе се пријавени како исчезнати во пожарите во Калифорнија во кои загина најмалку 71 лице, објави...

Вести13 часа

„Вашингтон пост“: ЦИА заклучи – принцот го наредил убиството на Кашоги

ЦИА заклучи дека саудискиот принц Мохамед бин Салман го наредил убиството на саудискиот новинар Џамал Кашоги во Истанбул, објави „Вашингтон...

Бегството на Груевски1 ден

Приватниот авион на Орбан одлетал за Белград, еден ден откако Груевски објави дека побарал азил

(Фото: Илустрација „Bombardier Global 6000“) Луксузниот приватен авион што го користи унгарската владејачка и бизнис-елита, меѓу кои и премиерот Виктор...

Македонија1 ден

Канческа-Милевска за протестот пред нејзината куќа: Почитувам изразување став, но не на овој начин

Пратеничката Елизабета Канческа-Милевска им се извини на нејзините соседи, роднини и пријатели за синоќешниот протест пред нејзината куќа во населба...

Македонија1 ден

Кабинетот на Иванов бара одговор од МВР: Врз основа на што УБК ги следи активностите на претседателот

Од Кабинетот на претседателот Ѓорге Иванов реагираат на јавно објавеното решение за притвор на поранешниот генерален секретар на Владата, Кирил...

Јоханес Хан Јоханес Хан
Македонија1 ден

Хан: Македонија напредува во владеење на правото, сите членки на ЕУ треба да ја поддржат

Еврокомесарот за проширување, Јоханес Хан, на „Твитер“ порача дека владеењето на правото е еден од основните критериуми за влез во...

Бегството на Груевски1 ден

(Видеоинтервју) Есмеров: ЕУ и САД нема да се мешаат во внатрешните работи на Унгарија

Поранешниот амбасадор на Македонија во Унгарија, Игор Есмеров, во интервју за „Макфакс“ тврди дека се крајно симптоматични тврдењата на премиерот...

Бегството на Груевски1 ден

Унгарската влада: Ниту унгарската држава ниту унгарските власти не помогнаа Груевски да ја напушти Македонија

Унгарската влада соопшти дека во бегството на експремиерот Никола Груевски од Македонија не помагала ниту унгарската држава ниту унгарските власти,...

Македонија1 ден

На Груевски за „Шлаканиците во Центар“ ќе му се суди во отсуство

Основиот суд Скопје 1 – Скопје, по барање на специјалното јавно обвинителство, денеска одлучи на обвинетиот Никола Груевски, кој моментно...

Свет1 ден

(Видео) Постапокалиптички сцени од пожарите во Калифорнија

Според последниот биланс на жртви од пожарите во Калифорнија, досега загинале 63 лица, а 630 се водат за исчезнати. Видеата...

Бегството на Груевски1 ден

Заев потврди: Груевски бил пренесен со унгарско дипломатско возило

Премиерот Зоран Заев ги потврди информациите што стигаа до медиумите од албанската и црногорската полиција за бегството на Никола Груевски...

Бегството на Груевски1 ден

Заев: Груевски да каже дали доброволно заминал или бил киднапиран

Дали Никола Груевски доброволно ја напуштил Македонија или бил киднапиран?! Очекувам и Груевски и Унгарија да дадат одговори на овие...

Бегството на Груевски1 ден

Унгарската влада за Груевски: Доколку се побара екстрадиција, ќе се следи правната процедура

Унгарската влада вели дека експремиерот на Македонија, Никола Груевски, кој е осуден на две години затвор, побарал азил поради закани...

Досие