Контакт

Книги

Уредничка од легендарниот „Зуркамп“ и основачот на „Далки архив прес“ гости на „Про-За Балкан“

Објавено пред

Јаника Ритер, уредничка во еден од најпознатите светски издавачи – германскиот „Зуркамп“, Џон О’Брајан, основач на најважната издавачка куќа од САД со фокус на преведувачката литература од Европа и Балканот, и Назлиџан Катабаш, литературна агентка од престижната турска агенција „Калем“, се гостите на програмата „Скопје фелоушип“, дел од 6. интернационален литературен фестивал „Про-За Балкан“, што ќе се одржи од 27 до 29 мај во Скопје.

За македонските медиуми Џон О’Брајан, кој беше гостин на фестивалот и пред две години, ги откри амбициозните планови во однос на промоцијата на нашата литература на американскиот пазар.

„Далки архив прес“ планира повеќегодишна едиција на македонската литература и издавање по пет книги годишно, што ќе вклучи проширена маркетинг-програма, а и ќе ги доведе писателите во САД и Ирска. Нашите очекувања се дека оваа едиција ќе придонесе писателите да бидат издадени и во други држави, најавува Џон О’Брајан, основач на најважната издавачка куќа од САД со фокус на преведувачката литература од Европа и Балканот.

Според директорот на фестивалот, Дејан Трајкоски, чест е што во Скопје доаѓа Ритер, дел од еден од најважните издавачи во Европа.


„Зуркамп“ е еден од најпосакуваните светски издавачи. Тоа е врвна референција за секој квалитетен автор, рамна на германскиот „Ханзер Ферлаг“ или францускиот „Галимар“. Чест ни е што Ритер ја прифати поканата бидејќи токму таа во „Зуркамп“ повеќе години работи во одделот за источноeвропска литература како помошник-уредник фокусирајќи се на литературата од Балканот. Со тоа ја продолжуваме нашата намера да не развиваме литературен туризам, туку да ги донесеме вистинските луѓе во Скопје, оние што на саемите во Франкфурт или во Лондон се недостижни. Се надеваме дека гостите ќе придонесат за промоција на нашата литература“, вели Трајкоски.

Назлиџан Кабаташ, пак, доаѓа од литературната агенција „Калем“ од Турција. Големината и важноста на оваа агенција во 2017 година ја потврди и Саемот на книгата во Лондон наградувајќи ја сопственичката Нермин Молаоглу со наградата за најдобар литературен агент.

Гостите од „Скопје фелоушип“ за време на фестивалот ќе се сретнат со членови на Македонската асоцијација на издавачите и со повеќемина писатели.

Програмата „Скопје фелоушип“ е посветенa на странските издавачи, директори и програмски менаџери на фестивали, литературни агенти и скаути. Фестивалот меѓу првите во регионот воспостави програма посветена на овој профил на гости и продолжува со несмален интензитет.
Целта на програмата е да ги запознае важните имиња од светот на издаваштвото со македонската книжевна сцена, од што, се надеваме, ќе произлезат нови преводи, гостување на писатели од Македонија во странство, промоција на нашата литература, вмрежување на писателите и културните работници од сферата на издаваштвото и книжевноста со колегите од Европа и светот.
Во почетокот на наредната недела фестивалот ќе го најави и добитникот на наградата „Прозарт“, како и сите гости на фестивалот годинава.
„Про-За Балкан“ и оваа година е во организација на „Икона“ и ќе има ист број гости и несмалена програма. Поддржан е од Министерството за култура со 200.000 денари, од „Традуки“, Делегацијата на ЕУ, амбасадите на Словенија и на Хрватска и од Словенечката агенција за книга.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Книги

Современа македонска поезија од Раде Силјан

Објавено пред

Во издание на „Матица македонска“ од Скопје, излезе од печат антологија на современата македонска поезија од Раде Силјан, соопштуваат од „Матица“.

На страниците од оваа книга застапени се песни од дваесет и осум автори, кои создавале во изминатите осумдесет години. Во предговорот насловен како „Традиција, современост и континуитет“, Силјан опширно говори за развојните текови на македонската поезија, почнувајќи од делото на основоположникот на модерната македонска поезија, Кочо Рацин, па сè до претставниците на генерацијата на седумдесеттите години на минатиот век.

На крајот од антологијата, велат од „Матица“, Силјан објавува и комплетни биобиблиогравски белешки за застапените автори.

Прикажи повеќе...

Книги

Годинешниот Саем на книгата во Франкфурт соодветствува со бурните времиња

Објавено пред

„Треба да разговараме“. Со овие зборови Саемот на книгата во Франкфурт тргнува во своето најполитичко издание во изминатите неколку години. Во центарот на вниманието ќе биде сè од движењето #MeToo и слободата на говорот до животот во Трамповата Америка.

Минатогодишното издание на најголемиот саем на книгата во светот заврши со метеж и извици „Нацистите надвор“, предизвикани од присуството на екстремен десничарски германски издавач и контроверзни говорници.

Иако тоа беше издавачката куќа „Антаиос“, позната по своите противиселенички и антисемитски публикации, организаторите велат дека нивниот саем е против секоја цензура.

Затоа, овој саем ќе почне со силен проевропски сигнал – воведниот говор на високата претставничка на ЕУ, Федерика Могерини, во вторникот вечерта.

Саемот ќе биде отворен за јавноста в среда кога претседателот на Германија, Франк-Валтер Штајнмаер, ќе учествува на дебатата за тоа како да се борат против популизмот во бурни времиња.

ОН и „Амнести интернешнл“ во рамките на Саемот ќе организираат манифестација по повод 70-годишнината од Декларацијата за човекови права.

Слободата на изразување во Путиновата Русија и Ердогановата Турција и загриженоста во врска со владеењето на правото и слободата на говорот во Полска исто така ќе бидат панел-тема во Франкфурт.

Ќе се зборува и за движењето #MeToo, една година по поттикнувањето да се открива сексуалната злоупотреба на жените, истакнатите американски автори Мег Волицер и Пол Бити ќе се осврнат на феминистичките и расните прашања во времето на Доналд Трамп.

Прикажи повеќе...

Книги

Книга со избрани песни од македонскиот поет Јовица Тасевски–Етернијан е објавена во Србија

Објавено пред

Книга со избрани песни од македонскиот поет Јовица Тасевски–Етернијан, насловена „Пат кон благоста“ (Пут ка благости), деновиве беше објавена во Србија. Изборот на песните од Етернијан и преводот на српски јазик го направи поетот, критичар и преведувач Ненад Трајковиќ, јазично-стилската редакција е на познатиот српски поет Обрен Ристиќ, а книгата ја издаде Уметничката академија „Исток“ во едицијата „Мостови“.

Во поговорот, м-р Мирослав Радовановиќ истакнува дека Јовица Тасевски–Етернијан со својот блескав возлет кон небото и светлината ги разрешува и ги отфрла недоумиците, несигурните вредности, парадоксите, го доведува во прашање целокупниот систем на уверувања и знаења, исто така тој негира сè што носи обележја на воспоставени конвенции, лажна стабилност и самоуверена рационалност, при што во неговата поезија создава поубав свет на посигурни вредности. Според Радовановиќ, Етернијан е бунтовник против мочуришната и каллива стварност, творец на чудесни светови. За неговата поезија е карактеристичен естетскиот мистицизам во кој исчезнуваат приземните нешта, а на нивно место блескаат контурите на илуминираните внатрешни пејзажи. Со зборовите и со нивната тежина поетот ги надминува границите на стварноста, воспоставувајќи нова рамнотежа на духовниот и светлосниот принцип, односно јазикот формулира една нова стварност, логика и визија при што се раѓа невидена и дотогаш непозната реалност. Јовица Тасевски–Етернијан во песните од кои е составена книгата „Пат кон благоста“ ја величи убавината која е негова поетска определба и ги отвора просторите на бескрајот и слободата, ги надминува границите на времето, при што за овој поет таа е метафизички поим што го пробива патот кон апсолутот и неговата светлосна димензија, заклучува во поговорот м-р Мирослав Радовановиќ.

Јовица Тасевски–Етернијан е афирмиран македонски поет, книжевен критичар и есеист. Автор е на шест поетски и две критичко-есеистички книги. Го има добиено интернационалното поетско признание „Восхитувачки поет“ што се доделува во Индија за исклучителен придонес во современата поезија. Неговата поезија е преведена на дваесетина јазици и објавена е во списанија и антологии во околу триесет држави. Уредник е на списанието за литература, култура и уметност „Стремеж“. Уредник-консултант е на индиската книжевна ревија „Инчентин версис“. Член е на Издавачкиот совет на референтното научно списание „Сајбер литература“ и на Советодавниот одбор на „Меѓународното списание за истражувања и хуманистички студии“ (International Journal of Research and Humanities Studies). Бил стручен советник за македонска поезија во завршениот меѓународен поетски проект „Други гласови“ – антологија на светската поезија вклучена во референтната листа (World Poetry Directory) на УНЕСКО.

Прикажи повеќе...

Најново

Свет2 часа

Лондон, Париз и Берлин порачаа: Ријад да ги докаже тврдењата за смртта на Кашоги

Саудиска Арабија мора да приложи докази за нејзиното објаснување, во врска со убиството на новинарот Џамал Кашоги, порачаа Велика Британија,...

Македонија5 часа

Исклучената од ВМРО-ДПМНЕ, Исмајлоска-Старова: Не се каам што гласав за уставни измени

Експратеничката од ВМРО-ДПМНЕ, Нола Исмајлоска-Старова, за „Макфакс“ вели дека не се кае што гласала за отпочнување на процесот за уставни...

Македонија7 часа

(Видео) Заев: Верувам дека заеднички изготвените амандмани ќе нѐ обединат во иднина

Премиерот Зоран Заев денеска од Валандово изрази уверување дека во рамките на 15-те дена за изготвување на нацрт-амандамните ќе се...

Регион8 часа

Додека Договорот од Преспа не дојде во нашиот Парламент ние остануваме во Владата, порача Каменос

Грчкиот министер за одбрана и коалицискиот партнер на Алексис Ципрас, Панос Каменос, лидерот на Независни Грци, денеска од Солун, каде...

Македонија10 часа

(Видео) Шекеринска: Македонија со оваа одлука станува фактор на стабилност во регионот

Пратениците презедоа одговорност и испишаа нова шанса во историјата на Македонија, сакам да им честитам на сите за заедничкиот напредок...

Македонија11 час

Русија останува на својот став, ве признавме под името Република Македонија

Русија ја призна Република Македонија под нејзиното уставно име пред повеќе од 26 години и својот став не го менува,...

Свет12 часа

(Видео) САД бара повеќе информации од Ријад, но не сака да биде запрена продажбата на оружје

Претседателот на САД, Доналд Трамп изјави дека не е задоволен од саудиските власти за смртта на новинарот Џемал Кашоги, но...

Македонија13 часа

Бавна правда: 650 судења се одложени за 1,5 година поради отсуство на обвинител

За една и пол година (2017 до јуни 2018 година) во скопскиот кривичен суд биле одложени 672 судења, од кои...

Македонија13 часа

Звиздиќ со честитка до Заев: Сакам вашата одлука да ја зајакне европската перспектива на целиот Западен Балкан

Претседавачот на Советот на министри на Босна и Херцеговина, Денис Звиздиќ испрати честитка до македонскиот премиер Зоран Заев за изгласувањето...

Македонија1 ден

Стејт департмент: Ова е историска шанса за Македонија и регионот

Стејт департментот ја поздрави одлуката на Собранието, со која Македонија треба да ги започне уставните измени и имплементација на Спогодбата...

Македонија1 ден

Кривична пријава за говор на омраза и загрозување на сигурноста на пратеници во Собранието

Секторот за компјутерски криминал и дигитална форензика при Министерството за внатрешни работи до Основно јавно обвинителство Скопје поднесе известување за...

Македонија1 ден

„Катимерини“: Наскоро нов конфликт во грчката Влада поради Македонија

Само три дена по оставката на министерот за надворешни работи Никос Коѕијас и предупредувањето на премиерот, Алексис Ципрас дека нема...

Македонија1 ден

(Видео) Ципрас: Гласањето во Собранието отвора пат за договор меѓу Грција и Македонија

Грчкиот премиер Алексис Ципрас изјави дека усвојувањето на предлогот за уставни измени од страна на македонскиот Парламент отвора пат за...

Македонија1 ден

Коѕијас: Среќен сум за одлуката на Скопје, тврдењата за тајни фондови се одвратни

Грчкиот министер за надворешни работи, Никос Коѕијас, кој пред неколку дена поднесе оставка од функцијата изјави дека е среќен поради...

Македонија1 ден

Нимиц со порака до политичките лидери: Работете заедно за финализирање на договорот

Метју Нимиц, македонско-грчкиот посредник во спорот за името ја поздрави одлуката на парламентот да продолжи со промена на Уставот кон...

Македонија1 ден

Тачи: Македонија направи голем чекор кон зајакнување на мирот во регионот

Македонија е чекор поблиску до ЕУ и НАТО, откако беа обезбедени потребните гласови за измена на Уставот, отворајќи го патот...

Македонија2 дена

ВМРО-ДПМНЕ: Достоинството на Македонија беше ставено на тезга како пиперки и домати

Тоа што се случи вчера вечер во Собранието беше срам каков што светот не видел, оценува ВМРО-ДПМНЕ преку соопштение. Опозицијата...

Македонија2 дена

Димитров на „Фејсбук“: Далеку сме од тоа каде сакаме да бидеме, ама го знаеме патот

Далеку сме од тоа каде сакаме да бидеме. Ама го знаеме патот, напиша министерот за надворешни работи, Никола Димитров на...

Македонија2 дена

Столтенберг на „Твитер“: Лидерите да ги завршат процедурите за Македонија да влезе во НАТО

Генералниот секретар на НАТО, Јенс Столтенберг, преку социјалната мрежа „Твитер“ го поздрави изгласувањето на одлуката за пристапување кон уставните измени...

Македонија2 дена

(Видео) Мицкоски ги исклучи од партијата пратениците од ВМРО-ДПМНЕ што гласаа за уставните измени

ВМРО-ДПМНЕ ги исклучи пратениците од своите редови што вечерва гласаа за уставните измени – Елизабета Канческа-Милевска, Емилија Александрова, Нола Исмајловска,...

Досие